Anti-Dynasty ‘pag naging batas, “Kamag-anak Inc.” magpapatayan sa eleksyon

ni Pablo Hernandez @Prangkahan | December 13, 2025

KAPAG BATAS NA ANG ANTI-POLITICAL DYNASTY, MALAMANG MAG-AAWAY ANG MGA KAMAG-ANAK INC., PARA KUNG SINO’NG MATIRANG MATIBAY SA KANILA, 'YUN ANG KAKANDIDATO SA ELEKSYON – Sakaling maisabatas ang anti-political dynasty at isa lang sa bawat angkan ang puwedeng kumandidato, malamang dahil sa pagiging sakim sa kapangyarihan ng mga "Kamag-anak Inc." sa pulitika na nasanay nang may puwesto sa pamahalaan ay posibleng mag-aaway-away, na maaaring humantong pa sa patayan para ‘ika nga, ‘yung matitirang matibay, siya ang kakandidato sa tatakbuhan niyang posisyon, boom!

XXX

IBINULGAR NI GABRIELA REP. SARAH ELAGO, TINAPYAS NA P255B FLOOD CONTROL PROJECTS NG DPWH, INILIPAT SA IBANG AHENSYA PARA MAGING PORK BARREL PA RIN NG MGA KURAKOT NA SEN. AT CONG. – Ibinulgar ni Gabriela partylist Rep. Sarah Elago na ang tinapyas na P255 billion flood control projects ng Department of Public Works and Highways (DPWH) para sa year 2026, ay inilipat lang ng Kamara at Senado sa iba't ibang ahensya ng pamahalaan, na ang budget na ito ay maaari pa rin daw kunin ng mga senador at kongresista para gawin nilang mga pork barrel projects.

Kung totoo ang ibinulgar na ito ni Cong. Elago, isa lang ibig sabihin n’yan, nakaugalian na talaga ng mga kurakot na sen. at cong. na magka-kickback sa pork barrel projects, buset!

XXX

PORKE NAG-TOP SA SURVEY SI VP SARA, MAY LUMUTANG NA “RAMIL MADRIAGA” NA ANG MISYON AY SIRAAN DAW SIYA SA PUBLIKO – Matapos isapubliko ng WR Numero Research na si Vice President Sara Duterte ang nag-top sa mga posibleng presidentiables sa 2028 election, may lumutang umano na nagngangalang Ramil Madriaga, may kasong kidnapping at preso sa Bureau of Jail Management and Penology (BJMP), na kesyo siya raw ang dating bagman ni VP Sara sa Philippine Offshore Gaming Operators (POGO) at illegal drugs syndicates.

Malamang, itong Ramil Madriaga na ito ay "pakawala" ng sinumang nagnanais na kumandidatong presidente sa 2028, na ang misyon ay siraan at atakehin si VP Sara sa pagbabakasakali na sa mga susunod na survey, bumaba ang rating ng bise presidente, boom!

XXX

MULA 1.96M JOBLESS PINOY NOONG OCT. 2025, PUMALO NA NGAYON SA P2.54M ANG MGA WALANG TRABAHO SA ‘PINAS – Inanunsyo ng Philippine Statistics Authority (PSA) na mula sa dating 1.96 million jobless Pinoy noong Oktubre 2025, pumalo na ngayon sa 2.54 million ang walang hanapbuhay sa ‘Pinas.

Bad news ‘yan, kasi indikasyon ‘yan na dahil sila ay jobless, malungkot ang kanilang magiging Pasko, tsk!

---

IMBES IPA-STOP NINA MAYOR BIAZON AT COL. DOMINGO ANG RAKET NA STL-CON-JUETENG SA MUNTINLUPA CITY, NADAGDAGAN PA RAW NG RAKET NA 'LOTTENG' – Dahil dedma lang daw sina Muntinlupa City Mayor Ruffy Biazon at Muntinlupa City chief of police, Col. Robert Domingo sa Small Town Lottery (STL)-con jueteng nina "Touche" at "Jojo" ang ginawa ng umano’y dalawang ilegalistang ito ay dinagdagan pa raw nila ang kanilang raket–ngayon nag-o-operate na rin daw sila ng "lotteng" sa lungsod.

Hay naku! Imbes na ipa-stop nina Mayor Biazon at Col. Domingo ang raket na STL-con jueteng, nadagdagan pa raw ng raket na "lotteng," boom!

Kung umaksyon lang noon si ex-Ombudsman Martires, noon pa nakulong sina Co, Gardiola at Yap

ni Pablo Hernandez @Prangkahan | December 12, 2025

SANA NOON PA NAKULONG SINA PARTYLIST REPS. ZALDY CO, EDWIN GARDIOLA AT ERIC YAP – Sinabi ni Task Force Kasanag convenor John Chiong na walang ibang dapat sisihin sa paglala ng korupsiyon sa Department of Public Works and Highways (DPWH) kundi si dating Ombudsman Samuel Martires. Ayon kay Chiong, noong Hunyo 2022 ay hiniling nila kay Ombudsman Martires na imbestigahan sina Ako Bicol partylist Rep. Elizaldy Co, CWS partylist Rep. Edwin Gardiola, noo’y ACT-CIS partylist Rep. Eric Yap, at ilang DPWH officials dahil sa umano’y anomalya sa proyekto nilang P50 bilyong landslide slope protection system sa Cordillera Administrative Region (CAR), na sinimulan pa noong 2018.

Ngunit, ayon kay Chiong, wala raw ginawang aksyon ang Office of the Ombudsman. Ani niya, kung inaksyunan lang noon ng Ombudsman ang reklamo ng Task Force Kasanag, at kung noon pa nakasuhan sina Rep. Zaldy Co, Edwin Gardiola, at Eric Yap, sana noon pa nakulong ang tatlong kongresistang ito at hindi sana lumaganap sa buong bansa ang scam sa flood control projects, period!

XXX

FICTITIOUS ANG 'TINDIG KALIKASAN' NA GUMAGAWA RAW  NG MGA FAKE NEWS AT NANINIRA KINA GOV. FERNANDO AT VG CASTRO KASI ANG GRUPONG ITO, WALANG NAGPAPAKILALANG MGA CONVENOR – Ang Task Force Kasanag ay may mga convenors, kabilang si John Chiong. Ngunit ang grupong naninira raw kina Bulacan Gov. Daniel Fernando at Vice Gov. Alex Castro na “Tindig Kalikasan” ay walang malinaw na ipinakilalang mga convenor, na nagpapahiwatig na walang opisyal na miyembro ang organisasyong ito.

Wala umanong nagpapakilalang mga convenor ang “Tindig Kalikasan,” at ang tanging ginagawa raw nila ay paulit-ulit na mag-post sa social media ng mga paninira laban kina Gov. Fernando at VG Castro. Alam nilang fake news ang kanilang mga atake at alam din nilang kapag nagpakilala o nakilala sila, maaari silang kasuhan sa ilalim ng cybercrime laws.

Kabilang sa mga fake news na ibinabato ng fictitious group na ito ang pagpapasangkot kina Gov. Fernando at VG Castro sa flood control scandal, gayung malinaw naman sa isinagawang imbestigasyon ng Senado, Kamara, Department of Justice (DOJ), at Independent Commission for Infrastructure (ICI) na ang mga opisyal na sangkot ay mula sa national government, tulad ng mga senador, kongresista, at DPWH. Isa pang paninira ay ang pahayag na umano’y walang bidding sa Bulacan Flood Control and River Restoration Program at basta na lang ibinigay ang proyekto sa TCSC Corporation. Sa katotohanan, wala ngang bidding na naganap dahil wala ring inilabas na pondo ang Bulacan local government, sapagkat ito ay isang PPP o Public-Private Partnership.

Kaya malinaw na ang nasa likod ng fictitious group na “Tindig Kalikasan” ay mga kalaban sa pulitika nina Gov. Fernando at VG Castro. Halos katatapos lang ng nakaraang eleksyon, at bagamat malayo pa ang May 2028 election, masigasig na silang naninira, period!

XXX

KANSELADO NA ANG PASAPORTE NI ZALDY CO KAYA MALAPIT NA SIYANG BITBITIN NG INTERPOL PABALIK NG ‘PINAS – Mismong ang Department of Foreign Affairs (DFA) na ang nag-anunsiyo na kanselado na ang pasaporte ni Zaldy Co.

Dahil d’yan, asahan nang isa sa mga darating na araw, bibitbitin na ng Interpol si Zaldy Co pabalik ng ‘Pinas, abangan!

XXX

LAGANAP NA NAMAN SA SOCIAL MEDIA ANG MGA ILLEGAL ONLINE SABONG – Ipinagbabawal na sa bansa ang mga illegal online gambling, pero sa social media ay laganap na naman ang mga illegal online sabong.

Dapat aksyunan agad ito ng Cybercrime Investigation and Coordinating Council (CICC) para makilala at makasuhan ang mga nagpapalaganap na naman ng online sabong sa social media, boom!

Mag-asawang Discaya, ‘di nakonsensya sa pagnakaw sa kaban ng bayan, ‘malinis na konsensya’? Fake news!

ni Pablo Hernandez @Prangkahan | December 11, 2025

MAG-ASAWANG DISCAYA, WALANG KONSENSYA DAHIL BILYON-BILYONG PERA ANG IN-SCAM NILA SA KABAN NG BAYAN, KAYA FAKE NEWS ANG SINABI NI ATTY. SAMANIEGO NA MALINIS DAW ANG KONSENSYA NI SARAH DISCAYA – Sabi ni Atty. Cornelio Samaniego, abogado ng mag-asawang Curlee at Sarah Discaya, malinis daw ang konsensya ng mag-asawang ito at patunay daw na kahit wala pang warrant of arrest sa kasong malversation of public funds at graft patungkol sa flood control projects scam na isinampa ng Ombudsman kay Mrs. Discaya, nagpasya na itong sumuko sa National Bureau of Investigation (NBI).

Sa imbestigasyon ng Senate Blue Ribbon Committee noong Setyembre 18, ipinakita ni Senate President Pro Tempore Ping Lacson ang data na mula year 2016 hanggang 2025 ay umabot sa P207 billion ang nakopong kontrata sa Department of Public Works and Highways (DPWH) ng mga construction firms ng mag-asawang Discaya, at halos lahat ng kanilang mga flood control projects ay ghost, substandard at unfinished projects. Pagpapatunay ito na wala silang konsensya, kaya 'yung sinabi ni Atty. Samaniego na malinis daw ang konsensya ni Sarah Discaya sa mga kasong kinakaharap, fake news 'yun, boom!

XXX

BUWAGIN NA ANG ICI KASI WALA ITONG 'PALABRA DE HONOR' – Walang "palabra de honor" ang mga taga-Independent Commission for Infrastructure (ICI) kasi ang sabi nila noon sa mga susunod nilang hearing ay isasapubliko na nila ito sa pamamagitan ng live streaming. Pero, napako ang pangako nilang ito dahil ipinagpatuloy nila ang imbestigasyon sa pamamagitan ng closed-door hearing.

Ika nga, ang sinuman na walang isang salita ay hindi dapat pagkatiwalaan, at dahil walang "palabra de honor" ang ICI at kuwestiyonable ang isinasagawa nilang closed-door hearing. Ang dapat sa komisyon na ito ay buwagin na ni Pangulong Bongbong Marcos Jr. (PBBM) at ipaubaya na lang sa Senado, Kamara, Department of Justice (DOJ) at Ombudsman ang imbestigasyon sa mga sangkot sa flood control scandal, period!

XXX

MGA KURAKOT NA SENADOR, EX-SENATORS AT MGA SUSPECTED KILLERS-KIDNAPPERS NA GRUPO NI ATONG ANG TILA SAMA-SAMANG MAGPA-PASKO SA CITY JAIL – Sa isyung flood control scandal, magkasunod na sinabi nina PBBM at Ombudsman Boying Remulla na bago mag-Pasko ay may mga senador at dating senador na sangkot sa flood control projects scam ang makukulong. Sa isyu naman ng missing sabungeros, inanunsyo ng DOJ na may basehan daw para sampahan nila ng mga kasong kidnapping with homicide at kidnapping with serious illegal detention ang grupo ni gambling tycoon Charlie "Atong" Ang.

Tila yata hindi lang mga kurakot na senador, ex-senators ang magpa-Pasko sa city jail, kundi pati ang mga suspected killers-kidnappers na grupo ni Atong Ang, abangan! 

XXX

IPINAGBAWAL NI MAYOR VICO ANG ADVERTISEMENTS NG MGA PASUGALAN SA PASIG CITY, PERO MGA RAKET NA STL-CON JUETENG AT LOTTENG SA LUNGSOD, TULOY PA RIN ANG OPERASYON – Good news! Para hindi raw malulong sa sugal ang kanyang mga kababayan, ipinagbawal ni Mayor Vico Sotto ang paglalagay sa mga billboards ng mga advertisements ng iba't ibang uri ng sugal sa Pasig City.

Bad news! Tuloy pa rin ang raket nina alyas "Kits" at "Egay" na mga sugal-lupa na Small Town Lottery (STL)-con jueteng at "lotteng" sa Pasig City.

Para maging makatotohanan ang kampanya ni Mayor Vico laban sa sugal, sana ipa-stop na rin niya ang mga raket na STL-con jueteng at "lotteng" sa Pasig City, period!