Nakatakda ang malawakang kilos-protesta, pero AFP tapat pa rin daw sa Konstitusyon

ni Ka Ambo @Bistado | November 16, 2025

Aktuwal nang ‘naghahalo ang balat sa tinalupan’.

Sa English, ‘yan mismo ang blood bath.

-----$$$--

HANGO ang talinghagang ito sa royal rumble ng mga talisain sa isang kulungan — nagsasabong-sabong ang mga manok — hanggang sa isa lang ang matira.

Sa isang kuwento sa Brgy. Longos sa Bigaa, Bulacan, sinasabing nagising isang gabi si Tata Ige dahil sa hindi magkamayaw na putak at sabong ng mga manok sa likuran ng kanyang bahay-kubo.

-----$$$---

Nagsabong-sabong pala ang lahat ng kanyang alagang talisain — at kinabukasan nang magliwanag -- iisa ang natirang buhay pero marami ring sugat.

Ang kulungan na ginawang gradas ay napuno ng mga nagkalat na balahibong manok na humalo-halo sa mga tigpas na balat o skin ng kanyang mga patay nang talisain na naliligo nang dugo.

Bulong niya habang naglilinis ng kulungan: “Naghalo ang balat sa tinalupan”.

----$$$--

MATATANDAANG ibinabala ni VP Sara ang blood bath nang magkahiwalay sila ng landas ni PBBM.

Kasunod nito, inimbestigahan ng Kongreso ang kanyang confidential fund at isinampa ang impeachment case.

-----$$$--

Mistulang “madugo” ang mga kasunod na pangyayari dahil inaresto ang kanyang ama at iniregalo sa ICC sa The Hague.

Sopresang sinibak naman si dating Senate President Chiz Escudero na inakusahang tumanggap ng campaign fund sa isang kaibigang kontraktor.

----$$$--

HABANG umaandar ang mga araw, inakusahan na ng pandarambong ang ilang senador, kongresista at mga dating pulitiko kasama ang mga DPWH officials, COA at maging ang executive secretary kaugnay ng multi-bilyong pisong flood control projects.

Napuwersang magbitiw si Rep. Martin Romualdez bilang Speaker at Zaldy Co na congressman, bago binuo ang ICI sa isang executive order ni PBBM.

----$$$-

PERO ngayon, biglang idinawit na mismo ni Co si PBBM, na agad itong idinepensa umano ni Senate Blue Ribbon Committee chairman Sen. Panfilo Lacson imbes na magpahayag ng ‘neutral’.

Kaliwa’t kanan na ang palitan ng akusasyon ng magkabilang-panig.

----$$$--

Nakatakda ang malawakang kilos-protesta sa susunod na mga araw.

Pero, agad nang naglabas ng opisyal na pahayag ang AFP na mananatili silang tapat sa Konstitusyon.

-----$$$--

SA totoo lang, maging sina ex-AFP Fidel Ramos, ex-DND Secretary Juan Ponce Enrile ay naunang nagpahayag ng pagiging tapat kay dating Pangulong Ferdinand Marcos Sr. pero binali rin nila ang pahayag.

Iyan din ang matatag na pahayag ni ex-AFP Chief Angelo Reyes pero ‘trinaydor’ din niya ang kanyang Commander-in-Chief na si Pareng Erap Estrada.

Nang lumaon, nag-suicide at nagbaril sa sarili -- si Reyes!

Aktuwal na madugo.

---$$$--

SA aktuwal, matagal na ang talamak na corruption across all department sa gobyerno kahit wala pa si PBBM.

Ang nararanasan naman ngayon ni PBBM ay normal na nararanasan ng isang “lider o pangulo” na malapit nang matapos ang termino.

Unti-unti nang lalayo ang mga hunyango para kumapit at lumipat naman sa naaamoy nilang susunod na uupo sa Malacanang.

Walang personal d’yan, teknikal na pagtaya ‘yan.

----$$$--

DAPAT kaawaan si PBBM, dahil masasaksihan natin kung paano siya iiwanan ng kanyang mga “tinulungan” — dahil pahina nang pahina ang kanyang poder — habang lumalapit ang 2028.

Maikukumpirma natin ngayon kung isang mahinang lider ba o strong si PBBM.

----$$$--

TOTOO bang weak lider si PBBM? Ere ang panukat o barometro.

Una, mapapatunayang mali si Digong sa pagsasabing “weak leader” si PBBM — bagkus ay malinaw na strong leader siya -- kapag nairaos ng mister ni First Lady Liza Araneta Marcos ang termino hanggang 2028.

Ikalawa, maikukumpirma na “weak leader” si PBBM kapag hindi natapos ang kanyang termino — magbitiw, magkudeta o biglang magkasakit at mawala sa Malacanang bago mag-2028.

Sa ngayon, wala pang makakapagsabi kung isang weak o strong leader ang anak ni FEM, Sr.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Karapatan ng mga minero na magretiro sa edad 50

ni Atty. Persida Rueda-Acosta @Magtanong Kay Attorney | November 16, 2025

Kinikilala ng Estado ang kahinaan ng mga minero dahil sa pagkakaroon ng hindi mabilang na mapaminsalang elemento sa kanilang propesyon na humahantong sa mas malubhang problema sa kalusugan, lalo na habang tumatanda ang mga indibidwal na ito, at kung paanong mas mapanganib ang mga pangyayari kumpara sa ordinaryong manggagawang malayo sa mga minahan. Nang dahil sa pagkilalang ito, ipinasa ang Republic Act (R.A.) No. 10757 na pinamagatang “An Act Reducing the Retirement Age of Surface Mine Workers From Sixty (60) to Fifty (50) years, Amending for the Purpose Article 302 of Presidential Decree No. 442, as amended, Otherwise Known as the “Labor Code of the Philippines”.

Sa pamamagitan nito ay idineklara ang patakaran ng Estado na pahusayin ang kapakanan ng mga manggagawa sa minahan, kapwa sa ibabaw at sa ilalim ng lupa, sa pamamagitan ng naaangkop na pagsasaayos ng kanilang edad ng pagreretiro.

Sa batas na ito ay pinababa ang edad na maaaring magretiro ang ating mga minero. Nakasaad sa Section 2 ng naturang batas ang mga sumusunod:

SECTION 2. Article 302 of Presidential Decree No. 442, as amended, otherwise known as the “Labor Code of the Philippines”, is hereby amended to read as follows:

“Article 302. Retirement. – Any employee may be retired upon reaching the retirement age established in the collective bargaining agreement or other applicable employment contract. xxx

“An underground or surface mining employee upon reaching the age of fifty (50) years or more, but not beyond sixty (60) years which is hereby declared the compulsory retirement age for both underground and surface mine workers, who has served at least five (5) years as underground or surface mine worker may retire and shall be entitled to all the retirement benefits provided for in this Article.

“For purposes of this Act, surface mine workers shall only include mill plant workers, electrical, mechanical and tailings pond personnel x x x.

Malinaw na nakasaad sa itaas na ang isang minero na nagtatrabaho sa ibabaw man o ilalim ng lupa, na nakapagtrabaho ng limang taon, ay maaaring magretiro kung kanyang nanaisin sa edad na singkwenta o 50-anyos. Ang kasama rito bilang minero sa ibabaw ng lupa ay iyong mga nasa klasipikasyon bilang mill plant workers, electrical, mechanical and tailing ponds personnel. 

Ang kuwalipikadong minero na magreretiro ay makatatanggap ng mga benepisyong nakasaad sa Article 302 ng Labor Code of the Philippines, katulad ng mga sumusunod:    

“Sa kaso ng pagreretiro, ang empleyado ay may karapatan na makatanggap ng mga benepisyo sa pagreretiro na maaaring nakuha niya sa ilalim ng mga umiiral na batas at anumang collective bargaining agreement at iba pang mga kasunduan: Sa kondisyon, na ang mga benepisyo sa pagreretiro ng isang empleyado sa ilalim ng anumang collective bargaining at iba pang mga kasunduan ay hindi dapat mas mababa kaysa sa ibinigay dito.”

“Kung walang plano sa pagreretiro o kasunduan na nagkakaloob ng mga benepisyo sa pagreretiro ng mga empleyado sa establisimyento, ang isang empleyado sa pag-abot ng edad na 60 taon o higit pa, ngunit hindi lalampas sa 65 taon na sa pamamagitan nito ay idineklara ang sapilitang edad ng pagreretiro, na nakapaglingkod nang hindi bababa sa limang taon sa nasabing establisimyento, ay maaaring magretiro at dapat na karapat-dapat na mabayaran ng hindi bababa sa isang buwan (1/2) buwang suweldo, para sa bawat taon ng serbisyo.”

“Maliban kung ang mga partido ay nagtadhana ng mas malawak na lakip sa matatanggap, ang terminong ‘isang kalahating (1/2) na buwang suweldo ay mangangahulugan ng 15 araw kasama ang isang-ikalabindalawang (1/12) ng 13th month pay at ang katumbas ng cash na hindi hihigit sa limang araw ng service incentive leave.”

Video na pasabog ni Zaldy Co na P100B ‘insertion’ ni PBBM, natabunan ang P142.7B ‘insertion’ ni Sen. Chiz

ni Pablo Hernandez @Prangkahan | November 16, 2025

P100B PUWEDENG SA NEP ILAGAY NI PBBM KAYA PASABOG NI EX-REP. ZALDY CO NA P100B ‘INSERTION’ NG PRESIDENTE SA BICAM, SABLAY! -- Isa si good governance advocate, economist Cielo Magno sa mga kilalang anti-Marcos Jr., at isa siya sa nananawagan ng "resign all" (Pres. Bongbong Marcos, Vice Pres. Sara Duterte-Carpio, mga senator and congressmen). Isa siya sa mga Pilipinong galit na galit sa nabulgar na flood control projects scam, isa rin siya sa mga nagpu-post sa social media patungkol sa mga politician, Dept. of Public Works and Highways (DPWH) officials, Commission on Audit (COA) officials at mga kontraktor na sangkot sa pang-i-scam sa pera ng bayan, pero sa kabila ng ganito niyang paninindigan ay kabilang din siya sa hindi naniniwala sa pinasabog na video ni former Cong. Zaldy Co na inutusan daw siya ni PBBM sa pamamagitan nina former Speaker Martin Romualdez at Budget Sec. Amenah Pangandaman na mag-insert ng P100 billion sa Bicam.

Ito kasi ang bahagi ng isa sa mga post sa social media ni Cielo Magno... “Parang sobrang tanga naman ni BBM na hinintay pa ang Bicam para mag-insert ng P100B eh puwede na n’ya isaksak 'yun sa NEP (National Expenditure Program),” na ang post niyang (Cielo Magno) ito ay sinegundahan ni Sen. Ping Lacson na nagsabing, “Hindi naman sa ipinagtatanggol ko ang President, pero bakit n’ya ipapalagay ang P100B sa Bicam gayong kaya naman niya iyong ipalagay sa NEP.

May punto sina Cielo Magno at Sen. Lacson, kaya ‘yung pasabog ni Zaldy Co, masasabing sablay, boom!

XXX

HINDI LANG SI REP. ROMUALDEZ ANG ‘PASOK’ SA GROSS NEGLIGENCE KUNDI PATI SI PBBM -- Sa totoo lang, may pananagutan naman talaga sina PBBM at Rep. Martin Romualdez sa isyu ng flood control scandal dahil ang Presidente ang lumagda sa 2025 General Appropriations Act (GAA) na may ‘insertions’ na sangkatutak na flood control projects, at sa parte naman ni Romualdez ay siya ang pumili kay Zaldy Co na maging head ng House Committee on Appropriations.

Kaya iyong sinabi ni Ombudsman Boying Remulla na “pasok” si Romualdez sa kasong “gross negligence,” hindi lang siya (Romualdez) ang dapat masampahan ng ganyang kaso, kundi pati si PBBM, period!

XXX

HINDI MAN AMININ MALAMANG HAPPY SI SEN. ESCUDERO DAHIL ANG MAS MALAKING P142.7 ‘INSERTION’ NIYA NATABUNAN SA PASABOG NI ZALDY CO NA P100B ‘INSERTION’ NI PBBM -- Hindi man aminin ay malamang tuwang-tuwa si Sen. Chiz Escudero sa pasabog ng kapwa niya Bicolano na si ex-Rep. Zaldy Co laban kina PBBM at Romualdez.

Mainit kasing pinag-uusapan ngayon ng publiko ang pasabog ni Zaldy Co na P100B “insertion” ni PBBM sa Bicam, na ‘ika nga, nakalimutan na ng mamamayan ang pinasabog noon nina Sen. Tito Sotto at Sen. Lacson na mas malaking P142.7B na insertion ng former Senate president sa 2025 Bicam, boom!

XXX

VIDEO NG PASABOG NI ZALDY CO NA P100B ‘INSERTION’ NI PBBM SA BICAM, NATABUNAN ANG PASABOG NI EX-DPWH USEC. BERNARDO SA SENATE BLUE RIBBON COMMITTEE -- Hindi lang si Sen. Escudero ang masasabing happy sa pasabog ni Zaldy Co, kundi pati ang mga senador, former senators, kongresista at DPWH officials na isinabit ni former DPWH Usec. Roberto Bernardo sa flood control projects.

Natabunan kasi ng video ng pasabog ni Zaldy Co ang pasabog ni ex-DPWH Usec. Bernardo sa Senate Blue Ribbon Committee, period!