Pagkabuhay ni Hesus, simbolo ng pagpapakatatag, hindi dapat patinag

ni Nympha Miano-Ang - @Life and Style | April 05, 2021

Namatay si Hesus noong Araw ng Biyernes, dala lahat ng ating mga kasalanan. Pagdako ng Sabado, inilibing na Niya ang ating mga kasalanan kasama Niya sa Kanyang puntod, hindi man lang pinaghukay ng maganda o maayos na paglilibingan.

Pagkaraan ay isinaad sa atin ng Bibliya na nagtungo si Hesus sa Hades. Marami ang naghihintay sa Kanya roon.

Marahil ay sinabi sa kanila ni Hesus na, “Huwag kayong mag-aalala hindi pa huli ang lahat.” Pinalaya Niya ang mga agam-agam habang hawak Niya sa kanyang kamay ang “susi ng kamatayan.” Alam Niya sa kanyang isipan na, “HINDI AKO MANANATILING PATAY.”

Pagdako ng Kinalingguhan ay bumangon Siya mula sa Kanyang libingan. NABUHAY. Hindi naapektuhan ng kamatayan si Hesus. Baligtad ang nangyari, nilunok lang niya si Kamatayan. “Saan, ang kamatayan ay ang inyong tagumpay? Saan, ang kamatayan ang siyang kakagat sa inyo?”

Oo, sa pananampalataya sa kanya, ang mga bagay ay hindi dapat na manatiling patay sa ating puso magpakailanman. Sa pamamagitan ng pananampalataya sa Kanya, kayang bihagin ni Hesus ang ating puso sa kanyang buhay. Diyan ay kung paano niya paikutin ang mundo sa pamamagitan ng kanyang buhay: iisang tibok ng puso sa isang pagkakataon. Ang mga bagay sa mundong ito ay hindi dapat na manatiling patay magpakailanman.

Kaya naman binigyang konklusyon ni Pablo ang bahagi na ito sa pagkabuhay sa pagsasabing “Manatiling matatag, walang kahit anong bagay na magpapatinag sa iyo. Palagiang bigyan ng pagkakataon ang sarili na lumapit sa Panginoon, dahil alam mo na kapag iyong ibinigay sa Panginoon ang iyong mga paghihirap at sakripisyo ay pagagaanin niya ito.”

Aniya, na dahil ang “anumang pagpapakasakit” na ating nararanasan ay gagaan kapag isinapuso natin ang Panginoon. At kapag lumakad tayo sa kautusan ng Panginoon ay mamamatay lahat ng paghihirap ng ating loob at isipan.

Isang gawain kumbaga ng pagpapalit mo mula sa mortalidad hanggang sa pinakaimposibleng nagagawa ng isang immortal, iyan dapat ang magsimula sa iyo at maging sa iba pang tao.

Kaya gigising tayo ngayong umaga ng Lunes: lahat ng bagay ay ayos na, wala nang problema. May kinakaharap man na pandemya ng COVID-19, salamat at ligtas ka pa rin. Babangon tayo sa Martes ng umaga, kung may sasalubong man na problema, masasakit na salitang ating matatanggap, nakapipikon na mga pananalita ng ibang tao, wala man tayong pera, huwag mong isipin iyan. Ilibing mo kaagad sa limot.

Ang mga bagay ay hindi dapat na manatiling patay. Subukan mo lang gawin ang mga iyan.

Pigurahin mo, “Ang ating immortal na Diyos ay binalot ang ating katawang lupa ng kanyang mga palad na para tayong mga bagong silang na sanggol, kaya bakit hindi natin balutin ang ating espiritwal ng imortalidad o iyong may magagawa tayong mga imposible?

Ilibing natin ang ating mga damdamin at sarili sa Kanya, tulad ng kanyang ginawa. “Buksan mo iyong puso, pakiramdaman ito at iiyak mo at ihandog ito sa kanya, iyan ang kahulugan na mailagay mo ang iyong pananampalataya kay Hesus.

Kukunin Niya ang iyong puso at aangkinin niya ito. Sa ibang salita, lulunukin niya ang kamatayan, ibig sabihin nito ay ililigtas ka Niya. Nasa loob na ito ng kanyang katawan, muli mong mararamdaman ang bagong tibok ng iyong puso, sa oras na ito, matatag at malakas, iyan ang ibig sabihin na may bago ka nang buhay sa harapan niya. Ang mangyayari, isa ka nang bagong silang na sanggol na may bagong araw na naghihintay sa iyo, ang buong bagong buhay ay nag-aabang sa iyo. Sapagkat nasa puso ka na niya.

Mainit, mapagmahal, nagbibigay ng kaginhawahan: Ang kanyang balat ang magsisilbing kumot mo. Nakahimlay ka sa Kanya. At saka mo mapag-iisip na, “Malakas na ako para harapin ang susunod na mga araw, hindi ako patay. Mga bagay na hindi mananatiling patay. Kaya kong mabuhay.” Iyan ang kapangyarihan ng pagkabuhay.

Iyan mga kaibigan, ang tinatawag na Resurrection Power o kapangyariahn ng muling pagkabuhay.

Naway’ ang ating panalangin lagi ay: Panginoon, simulan mo at kumpletuhin ang resurrection work sa puso ko. Ayokong manatiling patay kahit kailan.”

Pagninilay: Magkaroon ng oras na magnilay bunga ng mga pagkadismaya at kalungkutan na naghahari sa iyong puso.

Magkaroon ng oras, na isiping may pag-asa pa sa susunod na mga araw dahil sa buhay na muli ang aking puso dahil sa Nabuhay na Tagapagligtas.

Ang panghuli, magdasal sa kanya, idalangin sa Kanya na punuin ang iyong puso ng kanyang buhay at manampalataya na gagawin niya ito kapag ikaw ay nanampalataya.

7 huling wika ng panginoong Hesu-Kristo

ni Nympha Miano-Ang - @Life and Style | March 31, 2021

Napakahalaga ng mga salita o huling salita ng isang taong malapit nang pumanaw. Kadalasan, nagbibigay ito ng paalala at mga ipinagbibilin na pinaglalaanan natin ng panahon para ito ay gawin.

Ilang libong taon na ang nakararaan, bago mamatay ang ating Panginoong Hesu-Kristo sa krus ng kalbaryo na naging dahilan ng katubusan ng lahat ng ating mga kasalanan, nag-iwan Siya ng mga salitang patuloy nating inaalaala.

Ang pitong huling wika ng Panginoong Hesu-Kristo ang nagbibigay sa atin ng kalakasan sa mga hamon sa buhay at sandigan sa ating patuloy na lakbayin dito sa lupa.

1. “Ama, patawarin mo sila; sapagka’t hindi nila nalalaman ang kanilang ginagawa.” Unang katagang nabanggit ng Panginoong Hesus sa panahong nakapako na Siya sa krus. May himig ito ng pagpapatawad sa kabila ng mga kamaliang ginawa sa Kanya, inihingi Niya na patawarin ng Diyos Ama ang mga kasalanan ng tao, hindi lamang noon kundi maging ang kasalukuyan at panghinaharap na kasalanan ng lahat ng tao.

2. “Katotohanang sinasabi ko sa iyo, ngayon din ay isasama kita sa Paraiso.” Ang ikalawang winika ng Panginoong Hesus ay may himig ng kaligtasan. Sa panahong tinanggap ng isang tao na siya ay naging makasalanan kasabay ng paghingi ng kapatawaran ay pangako Niyang may katiyakan ng buhay sa kalangitan sa pagtawid natin sa kabilang buhay.

3. “Babae, narito, ang iyong anak! Narito, ang iyong ina!” Ang ikatlong salitang namutawi sa bibig ng Panginoong Hesus ay himig ng relasyon o ugnayan. Ang pagmamalasakit Niya sa Kanyang ina na at inihabilin ito sa Kanyang alagad. Sa panahong malapit sa Siyang pumanaw ay pagbibigay Niya ng tungkulin sa maiiwan upang alagaan ang inang Kanyang minamahal.

4. “Dios ko, Dios ko, bakit mo ako pinabayaan?” Ang ikaapat na katagang nasambit ng Panginoong Hesus ay himig ng labis na paghihirap at pagdurusa. Sa panahong nakabitin ang Kanyang katawan sa krus na puno ng mga latay, sugat at bugbog na hindi na makikilala bilang tao ang tanging nausal ay humingi ng awa sa Diyos Ama subalit tila hindi pinakinggan.

5. “Nauuhaw ako.” Ang ikalimang winika ng Panginoong Hesus, katulad ng ikaapat na sa matinding sakit na Kanyang naramdaman ay humingi ng maiinom upang matugunan ng kahit kaunti man lamang ang hirap na nararanasan.

6. “Naganap na.” Ang ikaanim na salitang nausal ng Panginoong Hesus ay himig ng pagtatagumpay. Ang pagdating Niya sa sangkatauhan at pagkamatay sa krus ay pagpapatunay na nagawa, naganap at natapos na Niya ang nag-iisang misyon ang iligtas ang sangkatauhan.

7. “Ama, sa mga kamay mo ay ipinagtatagubilin ko ang aking espiritu.” Ang huli at ikapitong kataga ng Panginoong Hesus ay himig ng pagtitiwala sa Diyos Ama. Ibinibigay Niya ang Kanyang espiritu sa panahong malalagutan na Siya ng hininga at ipinaubaya na Niya ang lahat sa Ama.

Ang pagkamatay ng Panginoong Hesus at kabuuan ng Kanyang pitong huling salita ay kahulugan ng malalim at labis na pag-ibig Niya sa atin. Ito ang magpapaalala sa lahat na sa anumang hamon ng ating buhay laging may patuloy na magmamahal sa atin, ‘yan ang Panginoong Hesu-Kristo.

Iba't ibang paraan para 'di mawalan ng pag-asa habang naka-lockdown

ni Nympha Miano-Ang - @Life and Style | March 30, 2021

Buwan din ng Marso noong 2020 nang ideklara ng pamahalaan ang enhanced community quarantine o ECQ sa buong bansa. Naulit ito at nagsimula kahapon at magtatagal hanggang sa Abril 4, dahil sa may halos 9,000 na ang apektado ng peligrosong coronavirus. Upang hindi na umabot pa sa lampas 10,000 ang maapektuhan dahil puno na naman ang mga ospital, ngayong panahon ng Kuwaresma ay extended ang social distancing at stay-at-home orders sa NCR, Laguna, Cavite, Laguna at Bulacan.

Marami na naman ang work-from-home. Sarado ang ibang establisimyento at tanging mga tindahan ng pagkain, supermarket, groceries, palengke at botika ang bukas. Ibig sabihin nito ay iwasan nating maglalabas at dahil bawal lumabas at makisalamuha upang hindi mahawahan o madapuan ng COVID-19 virus ay heto ang ilang simpleng tips ng Rice University ni Emily Elia para mas maging motibado sa panahon ng lockdown.

1. MAGTAKDA NG SIMPLENG GAWAIN. Totoong mahirap isipin na hindi ito normal na panahon para sa ating lahat at feeling mo ay hindi ka produktibo. Pero tanggapin na hindi biro ang pandemya. Kaya isipin na lang ang mga araw-araw na gagawin para mas maging productive . Maliit na gawain lang ang haharapin at wala kang big goals. Simulan sa data cleaning ng mga gamit hanggang sa susunod na pag-ikot sa buong bahay. Mag-short list ng susunod na gagawin sa tahanan at sa loob ng bakuran.

2. MAGING BUSY SA GAWAING BAHAY AT PAGRERELAKS. Balik-bahay na naman at tipong hindi mo ugali ang magpirmi, maglinis at kumalikot ng iba pang dapat na kumpunihin. Nakasanayan mo kasi noon ang netflix tuwing uuwi pagkagaling trabaho. Huwag ka muna mag-panic kung ano ang gagawin, magrelaks ka muna at iiskedyul ang mga gagawin para mas healthy ang work-life balance at home. Kung dati 9 to 5 ang iskedyul sa opisina at lunchbreak lang ang pahinga. Pagkauwi, kakain at matutulog. Pero para sa mga nasanay na sa work-from-home nagagaanan na sila sa sitwasyon.Kung mas productive ka sa umaga, gigising ka ng ganyang oras at saka mo harapin ang gawain kasunod ang pagrerelaks. Iiskedyul ang Lunes-Biyernes na parang regular work week.

3. GAWIN ANG VIRTUAL PLATFORM SOCIAL DISTANCE STYLE. Kung nasanay kang makasalamuha ang katrabaho sa opisina, planta o laboratoryo. Nakaka-motivate naman talaga ang magtrabaho kasama ang iba. Sa bahay ang hirap mag-isa sa desk. Salamat naman at may mga platforms nang zoom o facetime, makakatrabaho mo ang mga kaopisina at kaibigan virtually. Subukan ang study, seminar o conference via zoom. May pomodoro technique kung saan ang mga apps ay gagamitin ng isang grupo ng mga estudyante at may in-charge sa pomodoro timer. Habang tumatakbo ang timer, may study session at makaraan ang timer ay may breaks na makapagkukuwentuhan kayo virtually.

4. IISKEDYUL ANG VIRTUAL GET-TOGETHERS SA MGA KAIBIGAN. Pinakamahirap na aspeto ang social distancing ngayong pandemic para sa lahat. Nakakalungkot na hindi sila maka-face to face. Pero di naman tuluyang goodbye ka na sa social life kapag may social distancing. Iiskedyul ang get-togethers ng mga kaibigan at voila! magkakausap na kayo! Ang pangakong petsa at oras ay tutuparin sa zoom happy hours puwedeng sa Miyerkules o Sabado ng gabi.

5. PRAYORIDAD ANG MENTAL HEALTH. Ang manatiling motibado ay imposible kung puno ng agam-agam ang isipan. Walang teknik na uubra kung lagi kang stress. Ang pag-iingat sa sarili ang magpapatatag sa kalusugan ng isipan. Mag-ehersisyo tuwing umaga, mag-jumping rope o mag-online zumba o yoga class. Kumain ng masustansiya sa tamang oras at huwag magpupuyat. Manatili sa normal na 8 oras ang tulog sa gabi. Sikaping mapasaya ka sa panonood ng TV at social media. HUWAG MAGBABAD SA PAKIKINIG SA PANDEMIC NEWS. LIMITAHAN ANG PAGBABASA NG MGA MAY KAUGNAYAN SA PANDEMYA, KUNG ILAN ANG NAMATAY AT MGA KRITIKAL SA OSPITAL etc. Manatiling mas may alam sa tamang balita at hindi sa fake news. Iwasan din ang mga balitang mas nakakadagdag sa iyong pag-aalala para hindi ka nenerbiyusin.

6. MAGING OKEY LANG KUNG HINDI KA PRODUCTIVE O WALA KANG GINAGAWA. Wala ka nang ibang araw para makapagpokus sa sarili. Walang ni isang tao ngayon ang normal ang buhay. Kung noon stressed dahil may deadline bukas, kung sino at ano ang email mo bago matulog. Ang dami-dami mong ginagawa! Pero ngayon mas okey di ba kung maraming nabawas sa trabaho. Ngayong lockdown, lahat ay natututo nang mag-adjust ng mga gagawin sa bahay at malayo sa mga kaibigan at pamilya. Ito ang panahon na sarili mo naman ang aalagaan mo. Huwag kang mag-alala, lahat ng bagay may katapusan, lilipas din ang pandemya na ito. Ika nga, staying motivated can help refocus our attention away from these stressful changes and towards a more hopeful future.