Kay Kathryn nali-link pero… MAYOR MARK, SI SANYA ANG KASAMA NG 3 BESES

ni Nitz Miralles @Bida | November 24, 2025

Photo: FB Regine Velasquez-Alcasid

Nagrereklamo ang mga fans ni Kathryn Bernardo na patuloy na inili-link ang aktres kay Lucena Mayor Mark Alcala. 

Kahit walang makitang ebidensiya, walang maipakitang photo o video na magkasama ang dalawa, paniwala pa rin ang mga netizens na sina Kathryn at Mayor Mark na.

Bakit daw si Sanya Lopez, hindi nali-link kay Mayor Mark gayung 3 times na silang nakitang magkasama? Bakit hindi si Sanya ang gawan ng isyu sa mayor?

Napanood namin ang isang video nina Sanya at Mayor Mark, pero there was nothing romantic sa video, nag-usap at nagtawanan lang ang dalawa. 

Sa isang event yata ‘yun dahil maraming tao sa kanilang paligid.

Anyway, speaking of Sanya, tampok sila ni Elijah Canlas sa Berbalang episode ng KMJS’ Gabi ng Lagim: The Movie. 

Sa direction ni Dodo Dayao, produced ito ng GMA Pictures at GMA Public Affairs.

Ang dalawa pang episodes ay ang Pocong na bida si Miguel Tanfelix at ang Sanib na bida si Jillian Ward. 

Ang Berbalang daw is for the woke, ang Pocong is for the breadwinners at ang Sanib is for the GenZs.

---

Misis, matapang daw…

MARIEL, LAST LOVE NA RAW NI ROBIN

Birthday ni Robin Padilla kahapon, pero sabi nito, November 30 siya nagse-celebrate ng birthday. 

Ganunpaman, binati pa rin siya ng asawang si Mariel Rodriguez sa birthday niya kahapon. May pa-surprise rin si Mariel at ang kanilang mga anak sa kanya habang nasa loob siya ng banyo. 

May cake at balloon ang mag-iina ng senador.

Sabi ni Mariel, “Happy birthday to my husband, my hero, my protector, my biggest blessing. A truly honest, humble, and loving man who is always ready to sacrifice for others. A patriot

with the sweetest heart.

“Thank you for growing with me, for understanding me, and for always leading with kindness. I love you @robinhoodpadilla.”

Si Mariel ang last love ni Robin. Ito ang sinabi niya nang ipa-describe ang mga naging leading ladies at ex-partners.

“Matapang si Mariel. Iba ang generation nila. Confrontational, ‘di s’ya martir. 

 Inglesera ‘yun at hindi napapagod magsalita,” dagdag ni Robin.

Nasa Viva Entertainment office si Robin noong November 21, for the contract signing ng collab niya at ng kanyang RCP International Film Productions sa Viva Films. 

He is set to make five films at unang maire-release ang Bad Boy 3 (BB3). 

Tapos na ang movie na 11 years in the making at nasa post-production na lang.

Si Robin ang tumututok sa movie na ang description niya ay puro barilan. 

Sa Thailand gagawin ang post-prod dahil gusto ni Boss Vic del Rosario na mala-Hollywood ang datingan ng comeback movie ni Robin.

Sina Boss Vic at Vincent del Rosario ang naunang bumati ng happy birthday kay Robin. 

For his birthday greetings, sabi ni Boss Vic, “I’m proud of you. Ang payo ko lang sa ‘yo, ‘wag kang gagawa ng hindi maganda. I’m happy he’s back, matagal na s’yang hinihintay ng tao.”

Ayon naman kay Robin, “Heto na ang best birthday gift sa akin. Wala na akong pinangarap kundi makabalik sa Viva Office at nangyari na nga.”

Ikinatuwa rin ni Robin Padilla na makita ang mga kaibigang reporters na kung tawagin niya ay ‘ka-batch’ o ‘ka-liga’.

Ang request niya that time ay walang usapan at tanong tungkol sa pulitika, na sinunod ng press.

---

HINDI pa yata alam ng mga fans ni Kathryn Bernardo na ang pangalan ng karakter ni Kaila Estrada sa Shake, Rattle & Roll: Evil Origins (SRR:EO) ay ‘DJ Katherine’. 

Siguradong may reaction ang mga fans ni Kathryn at iisipin nilang ginamit ang pangalan ng ex-GF ni Daniel Padilla para pag-usapan at sumikat si Kaila.

DJ yata ang role ni Kaila sa 2025 episode na tampok siya sa nasabing entry ng Regal Entertainment sa 2025 Metro Manila Film Festival (MMFF) kaya may DJ bago ang name niya. 

Of course, alam natin na DJ ang tawag kay Daniel Padilla na nali-link kay Kaila ngayon. ‘Kaaliw ang nakaisip na DJ Katherine ang ipangalan sa karakter ni Kaila Estrada. 

May reaction ang mga fans at pagsisimulan ito ng ingay at away. In fairness, may recall agad at hindi magagalit ang mga fans ni Daniel Padilla at matutuwa pa nga ang mga KaiNiel (Kaila at Daniel) shippers.

Slater Young, damay sa pagsira sa mga bundok… REGINE, GALIT NA GALIT, SINISISI ANG MGA KORUP SA PAGBAHA SA CEBU

ni Nitz Miralles @Bida | November 9, 2025

Photo: FB Regine Velasquez-Alcasid

Galit na galit si Regine Velasquez sa nangyari sa Cebu at ipinost pa nito ang TikTok (TT) video kung saan inisa-isa ang mga rason sa matinding pagbaha sa Cebu dala ng Bagyong Tino.

Number one reason na binanggit ay ang ipinatayong Monterrazas de Cebu, isang project ni Slater Young, na nasisisi sa matinding pagbaha.

Sey ni Regine (as is), “ANONG GINAWA N’YO SA CEBU! Hindi bumabaha sa Cebu, anong ginawa n’yo! Sinira n’yo ang kabundukan na s’yang proteksyon natin sa bagyo at pagbaha! ANONG GINAWA N’YO! HINDI BUMABAHA SA CEBU! Sinira n’yo ang napakagandang Cebu natin.

“BAKIT PINAHINTULUTANG HUKAYIN ANG MGA BUNDOK? SINO ANG NAGBIGAY NG PERMISO PARA SIRAIN ANG BIGAY SA ATIN NG DIYOS? PURO KAYO LAGAY, I’M SURE HINDI ITO DUMAAN SA MATINDING PAGSISIYASAT KUNG DAPAT BANG SIRAIN ANG KABUNDUKAN. 

“Naiintindihan ko kailangan natin ang mga minerals na ito pero hindi n’yo man lang inisip ang consequences nito! ‘YAN DIN ANG GINAGAWA N’YO SA SIERRA MADRE NA HUMAHARANG AT NAGLILIGTAS SA ATIN TUWING MAY MALAKAS NA BAGYO! TRABAHO N’YONG PROTEKTAHAN ANG ATING KALIKASAN. NAKAKAPANLUMO NA DAHIL PERO SINIRA NYO ANG ATING BANSA. HABANG KAYO AY NAGPAPASASA, ANG MGA KABABAYAN NATIN AY NAGDURUSA. HINDI NYO LANG SINISIRA ANG KALIKASAN, PINAPATAY NYO KAMI! LORD, please help us. We pray for our kababayan in Cebu.”

Nag-comment si Ogie Alcasid sa shout-out at pagko-callout ni Regine at sabi nito, “Nakakagalit. Nakakalungkot.”

Hindi lang sina Regine at Ogie ang nagagalit, lahat ng Pilipino ay ito ang nadarama (maliban sa mga corrupt). 

Sana nga ay marinig ang panawagan ng mga gaya ni Asia’s Songbird. 

Sana ay may magandang resulta ang galit ng mga Pilipino.

---

Never daw magso-sorry…

HEART, WALANG PAKI SA MGA NAKIKIALAM SA BUHAY NIYA

ANG caption ni Heart Evangelista, “Everything I know about love, grace, and

resilience, I learned from her. I love you, Mom.”

Kasama ni Heart sa photo ang mom niya, na totoo namang fashionista at siya ang original na fashionista. 

May mga comments na, “Mother is mothering,” “Mother is indeed a real HOME,” at

“Your best friend, your safe place and your guiding light.”

May nag-comment na may gustong ipasampal sa mom ni Heart, pero hindi gagawin ng mom nito ang basta-basta manampal kahit hindi maganda ang ini-report sa anak.

Mukhang nasa biyahe si Heart at ang mom niya, pang-abroad kasi ang mga suot nila, o baka old photo lang ang ginamit niya para magkasama sila sa post niya.

May ipinost din si Heart na quotation mula sa binabasa niyang libro, “Live life on your terms and never apologize for it.” 

Tanong ng mga netizens, sino raw ang pinatatamaan ni Heart Evangelista sa post na ito? Sa mga comments, ramdam na marami ang mga bashers niya pero mas marami pa rin ang nagmamahal sa kanya at naghihintay sa muli niyang pagiging active.

---

Ayaw daw maging showbiz ang relasyon nila…

VINCENT, ‘DI FEEL SUMAMA KAY BEA SA MGA PARTY

MAY paayuda na uli si Bea Alonzo at ang boyfriend niyang si Vincent Co. 

Si Dr. Aivee Teo ang nag-post ng photo ng couple, kaya nagpasalamat ang mga supporters nina Bea at Vincent.

Parang sinundo ni Vincent si Bea mula sa pagdalo sa 70th birthday ni Charo Santos, kasabay ng 50th showbiz anniversary celebration nito. Hindi kasama ni Bea si Vincent dahil naka-t-shirt at may suot itong cap. Sinundo na lang niya ang GF after the celebration, at nakita ng mga fans na sweet ang gesture nito.

Hindi raw maepal si Vincent at hindi showbiz. Ilang showbiz events na ang dinaluhan ni Bea na puwede siyang sumama, ayaw lang nito, ayaw niyang maging showbiz ang relasyon nilang dalawa.

May konting reklamo lang ang mga fans nina Bea at Vincent, ang iksi ng video. Gusto sana nilang makita kung si Vincent ang nagda-drive ng car o kung may driver. 

Kung si Vincent ang nag-drive para sunduin si Bea, ibang klase raw ito, he is the one para sa aktres, at wish ng mga fans, sila na ang endgame.

Bagong GF, close na sa mga utol… KAILA AT DANIEL, MAGKASAMA SA BORACAY

ni Nitz Miralles @Bida | November 5, 2025

Photo: FB Kaila Estrada

Masaya ang KaiNiel fans nina Kaila Estrada at Daniel Padilla sa sunud-sunod na ‘ayuda’ o post na nagpapakilig sa kanila. 

After ng Halloween party, magkasama uli ang dalawa na nagbabakasyon ngayon sa Boracay. Kahit wala pang lumalabas na larawan na magkasama sila, sapat na sa mga fans na malamang ay magkasama sila.

Ayon sa kuwento ng staff ng Caticlan Airport, naunang dumating si Daniel at matapos ang dalawang oras, dumating naman si Kaila kasama ang kapatid ng aktor na si Magui. Isa pa ito sa ikinatutuwa ng mga fans dahil mukhang close ang aktres sa mga kapatid ni Daniel.

Ang wish ng KaiNiel fans, magtuluy-tuloy ang magandang relasyon ng dalawa. Pakiusap nila, isapubliko na nila ang kanilang relasyon para 100% na silang masaya. 

Tuluy-tuloy na raw ito hanggang Pasko, Bagong Taon, at hanggang Valentine’s Day sa 2026.

May mga fans si Daniel na nagpapasalamat kay Kaila dahil sa pagdating nito sa buhay ng aktor. Hindi na raw ito nag-iisa at hindi na malungkot, may nagpapasaya at nagmamahal na sa kanya.

May kontrabida namang nag-comment na hindi puwedeng magkatuluyan sina Daniel at Kaila dahil pareho silang Estrada. Ito ay dahil sa ina ng aktor na si Karla Estrada, na agad namang sinagot ng fan ni Daniel.

Ang tatay ni Kaila na si John Estrada ang tunay na ‘Estrada’ dahil si Karla, ang tunay na apelyido ay Ford at pang-showbiz lang ang paggamit ng ibang apelyido.

---

Kampo ni Will, suspek…

DUSTIN, PINAGBABANTAANG PAPATAYIN DAHIL KAY BIANCA

MAY reaksiyon ang mga fans ni Dustin Yu sa pagkondena ni Will Ashley sa mga bashers na walang tigil sa pamba-bash at pagpapadala ng online hate messages sa kanya at sa mga kasamang housemates sa Pinoy Big Brother (PBB). 

Kahit walang binanggit na partikular na pangalan si Will sa kanyang pag-call out, nag-react ang mga fans ni Dustin. Lumalabas daw na galing sa mga fans nito ang death threats na ipinukol kay Will.

Mas masahol daw ang pamba-bash kay Dustin ng mga fans ni Will at nakatanggap din ng death threats. May nabasa kaming post mula sa isang nagpakilalang fan ni Will na nagsabing kapag nakita nila si Dustin, bubugbugin nila dahil inagaw daw si Bianca. Kikidnapin din daw nila ang aktres.

May nagbanta pa na kaya raw nilang ipapatay si Dustin para sina Will at Bianca ang maging magka-love team at magkatuluyan. 

May nag-post din na sana, mamatay na lahat ng pamilya ni Dustin at sinundan pa ng “Isang bala lang daw si Dustin.”

Grabe ang mga fans ng dalawang kampo, pagrabehan ng bashing at ang tatapang. Tama ang isang comment na kapag may nasampulan ng demanda, iiyak ang mga matatapang na ‘yan. 

Sana raw, agad pumasa ang Emman Atienza Bill na inihain ni Senator JV Ejercito para matigil na ang online hate and harassment.

Pinanawagan din ng mga fans sa Sparkle GMA Artist Center na gumawa ng hakbang para matigil ang online fan war ng mga fans nina Will Ashley at Dustin Yu dahil pati pamilya ng dalawa, nadadamay na.

---

Bagong suitor, baka ‘di raw sila kayang buhayin…

CLAUDINE: PERA, ‘DI MAGIGING ISYU SA AMIN NI MILANO

MAY reels video post si Claudine Barretto kay Milano Sanchez na nagko-coach ng pickleball at ang caption ni Claudine ay “Hey, Coach Milano,” with matching red heart emoji na kinilig ang mga fans.

Ang isa pang ikinatuwa ng mga fans ay ang comment ng anak ni Milano na, “Go, Dad!” at ang sagot ni Claudine na, “Hi, Tyra,” na may kasamang red heart emoji.

Hindi ipinakita kung sino ang tinuturuan ni Milano na maglaro ng pickleball, malamang si Claudine. Kaya huwag na tayong magulat kung isang araw ay may hawak na ring pickleball paddle ang aktres at naglalaro na rin siya nito. 

Mas maganda pa kung silang dalawa ang maglalaro, mas sweet daw, sabi ng mga fans ni Claudine.

Kung marami ang kinikilig sa nagsisimulang relasyon nina Claudine at Milano, may ayaw naman kay Milano para sa aktres. Hindi naman sinabi kung bakit, basta nag-comment lang ang netizen ng ‘‘‘Wag na ‘yan Clau.”

May nag-comment din na kinukuwestiyon ang financial status ni Milano. Ano raw ang business nito aside from being a coach? May apat na anak daw si Claudine at malaking responsibilidad ito, at may mga anak din si Milano.

Sumagot si Claudine ng “Thank you for your concern, but money will never be an issue.”

Magalang ang sagot ni Claudine sa nag-comment, pero ang mga fans nito ang nag-react. Judgemental at pakialamera raw si ate girl at pati ‘yun ay pinakikialaman. 

Bakit daw hindi na lang maging masaya para kay Claudine Barretto? She deserves to be happy, at kung si Milano Sanchez ang magpapasaya sa kanya, bakit may mga nakikialam?