Patakaran ng 'Pinas sa WPS, dapat suriin

ni Angela Fernando - Trainee @News | March 24, 2024

Nagpahayag si Dr. Renato de Castro, security analyst at propesor sa Department of International Studies of De La Salle University, na posibleng tamang panahon na para suriin ang kasalukuyang patakaran ng bansa, lalo pa't nanggigipit muli ang mga Chinese Coast Guards (CCG) at maritime militia sa West Philippine Sea.

Saad ni De Castro, "Pinakikita natin sa mundo at sa ating mga alyado na we are trying to moderate our behavior. Ayaw natin mag provoke pero yun nga ang implikasyon ng ating polisiya– we don’t want to further intensify the situation despite the fact na lagi tayong sinisisi ng China."

Dagdag ni De Castro, dapat maghanda ang Pilipinas para sa mga plano ng pagpapalawak ng teritoryo ng China.

Hindi binabalewala ng security analyst ang pagsasakatuparan ng kalabang bansa sa kanilang mga plano.

Ayon sa kanya, hindi dapag magpakakampante ang 'Pinas.

Samantala, ipinaalam din niya sa kanyang mensahe na magkakaroon ng pagpupulong sa Lunes kasama si National Security Adviser Eduardo Ano at ang Cluster E upang talakayin kung dapat bang baguhin ng bansa ang kanilang taktika o itutuloy ang dating procedure.

P358 Milyon pekeng sigarilyo, tiklo sa Cavite raid

ni Chit Luna @Brand Zone | March 24, 2024

Mahigit sa 3.12 milyong pakete ng mga pekeng sigarilyo na nagkakahalaga ng P358 milyon, kasama ang walong ( 8 ) makina sa paggawa at pagpapakete ng sigarilyo sa isinagawang raid ng Bureau of Internal Revenue (BIR) at ang National Bureau of Investigation (NBI) sa mga ilegal na pabrika at bodega sa Dasmarinas City at Indang, Cavite nitong nakaarang araw.

“Bahagi ito ng direksyon ni BIR Comm. Romeo Lumagui Jr. na paigtingin pa ang kampanya laban sa illegal na sigarilyo, para mapunuan ang bilyong piso na nawawala sa kaban ng bayan dahil sa ilegal na gawaing ito. Bukod sa nagdudulot ito ng higit na panganib sa kalusugan ng taong bayan, napakalaki din ng negatibong epekto nito sa ekonomiya ng bansa,” sabi ni Regional Director Eric Diesto, BIR Director for CABAMIRO.

Ayon kay Jesus Manapat, NBI-Intellectual Property Rights Division (IPRD) Chief, “This concerted effort aims to thwart illegal operations by organized crime syndicates, especially those involving foreign nationals, and to protect our people from the harmful effects of illegal cigarettes. By putting a stop to the selling and manufacturing of illegal cigarettes, we are also hoping to help bolster economic activities, employment and to provide our local farmers better opportunities.”

Pinangunahan ni Atty. Jason Torres, hepe ng BIR Regional Investigation Division-CABAMIRO, at NBI-IPRD Ex O John Ignacio, ang operasyon bilang bahagi ng pinaigting na kampanya ng pamahalaan laban sa patuloy na paglaganap ng ilegal na mga sigarilyo, na nauwi sa taunang pagkawala ng hanggang P100 bilyon sa kita mula sa buwis ayon sa BIR.

Kinumpiska ng mga team ang 1.6 milyong pakete ng mga ilegal na sigarilyo na nagkakahalaga ng P184.7 milyon mula sa bodega sa Dasmarinas at karagdagang 1.1 milyong pakete na nagkakahalaga ng P126.6 milyon mula sa pabrika sa Indang.

Kinumpiska rin nila ang dalawang linya ng mga makina sa paggawa at pagpapakete ng sigarilyo mula sa dalawang lokasyon.

Samantalang ang isa pang pasilidad sa Dasmarinas ay nahulihan din ng 408,000 pakete na nagkakahalaga ng P46.76 milyon, kasama ang katulad na setup ng mga makina.

Ang bawat linya ng makina ay maaaring magprodyus ng hanggang 175 pakete bawat minuto o hanggang sa 43.7 milyong pakete kada taon, na pwedeng humahantong sa halagang P2.7 bilyon na nawalang kita mula sa buwis kung magpapatuloy ang ilegal na produksyon.

Ang mga nakumpiskang brand ng sigarilyo, kabilang ang Carnival, HP, Troy, Cannon, Victor Agila, New Orleans, Two Moon, at Fort, ay hindi rehistrado sa BIR at walang mga selyo ng buwis o mga mandatoryong babala sa kalusugan ng Department of Health.

Nagsasagawa ang mga awtoridad ng masusing imbestigasyon matapos 12 Chinese nationals ang iniulat na sangkot sa operasyon, at ang mga pasilidad ay napatunayang inuupahan lamang.

Binigyang-diin ni Direktor Diesto ang commitment ng gobyerno na labanan ang ilegal na kalakal ng tabako at ang operasyong ito ay isa lamang sa maraming pagsisikap ng BIR at mga ahensya ng gobyerno upang tuparin ang mandato ng Pangulo na labanan ang mga kriminal.

Bulkan sa Iceland, sumabog

ni Eli San Miguel - Trainee @News | March 17, 2024

Sumabog ang isang bulkan sa Iceland noong Sabado para sa ika-apat na pagkakataon mula noong Disyembre, ayon sa meteorological office ng bansa.

Nagsimula ang pagsabog ng bulkan sa 2023 GMT at inaasahang mga 2.9 kilometro ang haba ng bitak, halos parehong sukat ng huling pagsabog noong Pebrero, ayon sa pahayag ng Icelandic Meteorological Office (IMO).

Nasa pagitan ng Hagafell at Stora-Skogfell ang lugar ng pagsabog, parehong lugar ng nakaraang insidente noong Pebrero 8, ayon sa pahayag ng IMO.

Tila mabilis na umaagos ang lava patungo sa kalapit na bayan ng Grindavik, kung saan bumalik ang ilan sa halos 4,000 residente matapos ang mga naunang pagsabog.

Iniulat naman ng pampublikong tagapaghatid ng balita na RUV na inililikas na ang mga tao sa bayan.