P23M shabu sa mga CCTV, naharang sa NAIA

ni Gina Pleñago @News | February 20, 2026

Photo: Ang mga umano'y shabu na inilagay sa loob ng lalagyan ng idineklarang CCTV kits  sa OBC warehouse sa NAIA Complex Pasay City. (via Gina Pleñago)

Muling nakasamsam ang Bureau of Customs-Ninoy Aquino International Airport (BOC-NAIA), sa koordinasyon ng Philippine Drug Enforcement Agency (PDEA) ng ilegal na droga mula sa dalawang abandonadong package sa OBC Warehouse, NAIA Complex, Pasay City.

Ang mga package na parehong idineklarang CCTV kits, ay isinailalim sa beripikasyon at masusing sinuri kung saan nadiskubre na naglalaman ng hinihinalang shabu na may halagang aabot sa P22,997,600.

Ayon sa Customs, ang unang package ay nagmula sa Malawi, Africa, na naglalaman ng 2,370 gramo ng shabu na may tinatayang halaga na P16,116,000.

Habang ang ikalawang package ay nagmula naman sa Johannesburg, South Africa, na naglalaman ng 1,012 gramo ng umano'y shabu na may halaga na P6,881,600.

Ang mga ilegal na droga ay pormal na itinurn-over sa PDEA para sa kaukulang kustodiya, pagtatapon, at karagdagang imbestigasyon.

Binigyang-diin ni NAIA BOC District Collector Atty. Maria Yasmin O. Mapa, na mas pinalalakas ang pagbabantay sa mga paliparan at warehouse, katuwang ang iba pang law enforcement agencies upang mapigilan ang drug smuggling networks sa mga paliparan sa bansa.

NAIA 3, nasunog, 19 sasakyan nadamay

ni Angela Fernando - Trainee @News | April 22, 2024

Naapula na ng MIAA Rescue and Firefighting Division ang apoy na sumiklab ng 1:57 ng hapon ang sumiklab na apoy sa NAIA Terminal 3.

Tinutukoy naman sa kasalukuyan ang sakop ng pinsala at ang sanhi ng sunog sa nasabing lugar, ayon sa MIAA.

Ayon sa imbestigasyon, mabilis na kumalat ang apoy dahil sa hangin at tuyong mga damo sa paligid ng parking area.

Samantala, hindi naman bababa sa 19 sasakyan sa parking area ng NAIA 3 nitong Lunes ang nadamay sa sunog.

3 sasakyan, nadamay.. NAIA 3 parking lot, hinagisan ng bomba

ni BRT @News | September 24, 2023

Isang molotov cocktail ang sumabog sa labas ng NAIA Terminal 3, kahapon ng umaga.

Batay sa imbestigasyon, wala namang naitalang nasaktan o nasugatan sa pagsabog.

Gayunman, may tatlong sasakyan ang nagkaroon ng marka ng sunog at gasgas.

Kaugnay nito, ilang sibilyan ang nakakita sa umano'y paghagis ng molotov bagama't, hindi pa malinaw kung sino ang may kagagawan ng pagpapasabog.