Naiinis daw ‘pag ayaw makinig ng labs… AJ, TODO-KILIG ‘PAG NAGSO-SORRY SA KANYA SI ALJUR

ni Mercy Lejarde @Talkies | May 14, 2026

Photo: IG _ajravss

Ibinulgar ng aktres na si AJ Raval sa programang Fast Talk with Boy Abunda (FTWBA) na nag-aaway din sila ng partner niyang si Aljur Abrenica.

Sa panayam ay napag-usapan nina Boy at AJ ang tungkol sa mga bagay na gusto ng aktres na ginagawa sa kanya ni Aljur.

Tanong ni Boy, “Gusto mong ginagawa sa ‘yo ni Aljur?”

Sey ni AJ, “‘Pag nagso-sorry s’ya.”

Dagdag na tanong ni Boy, “Gusto mong ginagawa kay Aljur naman?”

Sey ni AJ, “Ipinagluluto s’ya.”

Tanong ni Boy, “Maiinis ka kay Aljur kapag?”

Sey ni AJ, “‘Pag ayaw n’yang makinig."

Tanong uli ni Boy, “Kinikilig ka kay Aljur tuwing?”

Sagot ni AJ, “‘Pag nagso-sorry s’ya.”

Hirit na tanong ni Boy, “Paano kayo mag-away?”

Sey ni AJ, “Minsan, umabot na rin kami sa sigawan. Madalang na madalang, Tito Boy.

“Kagabi, nag-away kami pero bulungan lang. Kasi po parang tungkol po ‘yun sa may kausap ako kagabi about sa money na parang scam, ganu’n.

“Eh, plano ko nang ibigay lahat ng pera ko. Eh, sinabi n’ya sa akin na ‘wag daw, eh, nagpaplano ako mag-isa.

“‘Yun, pinag-awayan namin pero sandaling-sandali lang. Tapos, kinausap n’ya ‘yung tao. Kinausap n’ya ‘yung tao na ano, ‘yun, kumalma na, ‘wag ko raw ibigay.’”

Saad naman ni Boy, “Oo. Dapat you have to be very careful. Ang dami-daming scammers.”

Oo nga naman. Muntik na palang mabiktima si AJ kung hindi lang napigilan ni Aljur.

‘Di ba naman, madlang people?

---

BF, binati sa b-day…

AIKO KAY ONEMIG: I LOVE YOU ENDLESSLY 

“Happy Birthday, my honey. I love you endlessly,” ang mensaheng punumpuno ng pagmamahal ng aktres na si Aiko Melendez para sa kaarawan ng kanyang boyfriend na si Onemig Bondoc.

Saad pa ni Aiko sa post niya, “Happy Birthday to my Honey, @uno_111.

“Today is all about celebrating you, your kind heart, your love, your patience, and the happiness you bring into my life every single day. Thank you for making me feel loved, protected, and appreciated in ways words can never fully explain.

“Through all the laughter, kulitan, late-night talks, and beautiful memories we continue to create together, I thank God for having you in my life. You deserve nothing but genuine happiness, good health, success, and all the love your heart can hold.

“May this new chapter bring more blessings, more dreams fulfilled, and more beautiful moments for us to cherish together. Always remember that no matter what happens, I will always be here cheering for you and loving you.

“Happy Birthday, my honey. I love you endlessly.’”

Nagdiwang ng kaarawan si Onemig Bondoc noong Mayo 12.

Happy birthday!

Babaeng Dolphy… P2.41 B, TOTAL GROSS NG LAHAT NG MOVIES NI AI AI

ni Mercy Lejarde @Talkies | May 13, 2026

Photo: IG _msaiaidelasalas

Nakaramdam ng hiya si Ai Ai delas Alas nang sabihin ng aktres-TV host na si Toni Gonzaga na ang counterpart niya bilang Comedy Queen ay walang iba kundi ang Comedy King na si Dolphy (RIP). 

Kamakailan lang ay nag-guest si Ai Ai sa YouTube (YT) channel ni Toni Gonzaga na Toni Talks (TT).

Sa panayam ay napag-usapan ang tungkol sa bonggang kinita ng mga pelikula ni Ai Ai na umabot sa P2.41 billion gross ang lahat ng pinagsama-samang pelikula ng aktres.

Tanong ni Toni, “Nag-start ka as talent and to this day, si Ate Ai Ai pa rin ang may record ng highest-grossing film ng isang comedy actress in Philippine cinema with P2.41 billion gross of all your movies combined?”

Sey ni Ai Ai, “Yes. Thank you, Lord.”

Dagdag na tanong ni Toni, “Actually, ‘pag inisip mo, ikaw ang comedy queen. Ang counterpart mo na si Dolphy, ah, comedy king, ‘di ba?”

Sey ni Ai Ai, “Nakakahiya pero siguro, thank you, anak. Thank you, sister. Nakakatuwa ‘yun. Sabi ko, ‘Si Toni, naging anak ko ‘yan pero from the very start, tawag na n’ya talaga sa akin, ‘Ate.’”

Samantala, ang pelikula kung saan nagkasama sina Ai Ai Delas Alas at Toni Gonzaga at gumanap na anak ni Ai Ai si Toni ay sa Ang Tanging Pamilya: A Marry-Go-Round! (ATPAMGR) noong 2009.

Saad ni Toni na tipong hindi makapaniwala na senior na si Ai Ai, “Oo, parang ‘di kasi. Parang laging tingin ko sa ‘yo ay ate…”

Sey ni Ai Ai na may kasamang magandang ngiti, “Talaga? Bata?”

Saad ni Toni, “Oo. Kaya nga nu’ng nakita ko, ha? Senior na si Ate Ai Ai?”

Sey ni Ai Ai, “Oo, senior na ako. Kaya nga ‘yung iba, parang, ‘Ah, nag-HYROX ka? Ilang taon ka na ba?’ Secret.”

Well, in fairness kay Ai Ai ay mukha naman talaga siyang bata at kahit ang wankatitat (katawan) ay sexy pa rin.

Samantala, sa social media post ni Ai Ai ay nagbahagi siya ng matinding paalala kung ano ang dapat gawin ng isang babaeng nasawi at nawalan ng pag-asa sa buhay.

Sey ni Ai Ai, “Maraming nagagawa ang determinasyon at paniniwala. Mindset is the key. Laban lang sa mga babaeng nasawi at nawalan ng pag-asa sa buhay. Bangon mga sis, mga ate, mga nanay. Let’s go!

“Akala ko dati, pang-chill na lang ang cardio pero heto ako, sumasabak sa HYROX at buhay pa naman.

“Sobrang thankful kay God sa lakas, courage, at pagkakataong ma-push ko pa ang sarili ko. Maraming salamat sa partner ko at sa mga coaches na naniwala, sumuporta, at binigyan ako ng chance na patunayan sa sarili ko na kaya ko pala. Totoong age is just a number. Sa mga nanay na nawalan ng pag-asa diyan, bangon, mga mamamama. Kaya n’yo ‘to. Happy Mother’s Day sa lahat. To God all the glory and honor.”

Anyway, pak na pak ka d'yan, Ai Ai delas Alas, as in wapak at tumpak!

---

Nababasa raw sa phone ng tatay ng mga anak…

AJ, IBINULGAR NA MARAMING KARIBAL KAY ALJUR

Umamin ang aktres na si AJ Raval na nabubuksan at nagagamit niya ang phone ng kanyang partner na si Aljur Abrenica, ayon sa naging panayam sa kanya ng King of Talk na si Boy Abunda sa Fast Talk with Boy Abunda (FTWBA) kung saan napag-usapan ang relasyon nila ni Aljur.

Tanong ng mahusay na TV host, “Kumusta kayo ni Aljur bilang partners?”

Saad ni AJ, “Okay po kami, Tito Boy. Iba’t ibang relationship po ‘yung meron kaming dalawa. Minsan magkapatid, magbarkada, mag-partner, minsan mag-nanay, mag-tatay.”

Tanong ni Boy, “May access ka sa phone ni Aljur?”

Diretsong sagot ni AJ, “Yes.”

Dagdag na tanong ni Boy, “AJ, guwapo si Aljur, maganda ka. Wala bang mga pagkakataon na may mga tabi-tabi pong lumalandi?”

Saad ni AJ, “Ay, Tito Boy… noong nag-start kami, siguro mga one to two years, ganu’n, sobrang dami. As in sobra-sobra, sobrang dami.”

Hirit na tanong ni Boy, “Kanino?”

Saad ni AJ, “Kay Aljur… nagme-message sa kanya, tapos minsan pinupuntahan s’ya.”

Tanong ni Boy, “Nagme-message sa phone, nababasa mo? Pinupuntahan sa bahay n’yo?”

Saad ni AJ, “‘Di pa po kami magkasama sa house nu’n. Pero si Aljur, very open s’ya. Sasabihin n’ya, ‘Ito ang nangyari.’ Tapos lumilipas ‘yung panahon, siguro nakaka-realize po s’ya kung ano ang tama at hindi tama.”

Tanong ni Boy, “Is Aljur loyal?”

Saad ni AJ, “Yes, Tito Boy. Sobrang loyal nu’n. At ‘yun ‘yung foundation ng relationship namin — loyalty.”

Well, wish lang ni yours truly na tumagal ang pagsasama nina AJ Raval at Aljur

Abrenica para sa magaganda nilang mga anak.

At sana’y makatagpo rin ng tunay na lalaking magmamahal sa magandang aktres na may pusong mapagbigay na si Kylie Padilla, ‘di ba naman, Aljur Abrenica?

‘Yun lang, and I thank you.

Dagdag-taon, dagdag-gastos, pabigat sa mga Pinoy… SEN. ROBIN: SISTEMA NG EDUKASYON, AYUSIN

ni Mercy Lejarde @Talkies | May 12, 2026

Photo: Robin Padilla / FB

Iminungkahi ni Sen. Robin Padilla na panahon nang ayusin ang sistema ng edukasyon.

Saad ni Sen. Robin, “Dagdag taon, dagdag gastos. Panahon nang ayusin ang sistema ng edukasyon.”

Sa ilalim ng SBN 1297, iminungkahi ni Sen. Robin Padilla na mabawasan ang pinansiyal na pasanin ng mga pamilyang Pilipino at magkaroon ng mas epektibo at angkop na sistemang pang-edukasyon para sa kabataan.

Sang-ayon ba kayo na ibalik ang dating curriculum?

Well, sa comment section ng post ni Sen. Robin ay marami ang nakiusap na tanggalin ang K-12.

Ano’ng sey n’yo, mga Ka-BULGAR?

---

SA panayam ng King of Talk na si Boy Abunda kay Bea Borres sa Fast Talk with Boy Abunda ay napag-usapan ang tungkol sa kagustuhan nitong mag-artista.

Tanong ng mahusay na TV host, “Gusto mo rin bang maging katulad ni Andrea Brillantes, maging leading lady, maging artista?”

Sey ni Bea, “Of course, pangarap ko po ‘yun, Tito Boy. Gusto ko talagang maging sikat na artista. I want to be a superstar. I want to be, alam mo ‘yun, gusto ko ‘yung mga kawawang roles. Gusto ko ‘yung inaapi ako, ‘yun talaga ang pangarap ko. Pero ngayon, gusto ko nang maging kontrabida.”

Dagdag na tanong ni Boy, “Ba’t ‘di mo itinuloy ang pag-aartista?”

Sey ni Bea, “Well, Tito Boy, sobrang blunt kong tao. Siguro kasi, pangit ako dati. Charot lang, hindi. Ah, walang opportunities for me. ‘Di ako gusto, ‘di ako favorite.”

Tanong ni Boy, “Paano mo nalaman?”

Sey ni Bea, “Okay, I’ll be honest, meron akong backer, eh. Pero kahit ano namang backer mo, kung ‘di ka kakagatin ng mga boss, ganu’n, wala rin.”

Hirit na tanong ni Boy, “Baka naman nagmadali ka. ‘Di naman kaya? Kasi mahabang panahon ba. Did you try for a number of years?”

Sey ni Bea, “Siguro, 3 years. Saka siguro, ‘di rin ako magaling umarte. Hahaha! Siguro, ‘yun din ‘yun, Tito Boy.”

Samantala, napag-usapan din nina Boy at Bea ang dahilan kung bakit hindi nito kinuha ang komedyanang si Herlene Budol bilang ninang ng kanyang anak.

Tanong ni Boy, “Bakit ‘di mo kinuhang ninang si Herlene ‘Hipon’ Budol?”

Sey ni Bea, “Eh, kasi Tito Boy, it was a vlog. So alam mo ‘yun, like ang tagal na naming nagkukulitan. So I thought it was a joke. Tapos akala n’ya, gets n’ya rin na joke.

“Tapos, biglang nakita ko, nag-interview s’ya here, tapos nag-viral. Tapos, pinapamukha n’ya naman ako na masamang tao. S’ya nga, ‘di n’ya pinansin ‘yung DM (direct message sa Instagram) ko before. Hahaha!”

Dagdag na tanong ni Boy, “Nagkausap na kayo?”

Sey ni Bea, “‘Di pa.”

Well, ibang klase ang chemistry at rapport nina Boy Abunda at Bea Borres. Straight to the point ang usapan!

---

Buong pagmamalaking ibinahagi ng aktor-direktor na si Xian Lim ang video clip ng kanyang graduation photoshoot, suot ang kanyang robe. 

Sa edad na 36, nakatakda siyang magtapos ng Bachelor of Arts in Music Production mula sa De La Salle-College of Saint Benilde (DLS-CSB) sa July 4, 2026, sa pamamagitan ng Expanded Tertiary Education Equivalency and Accreditation Program (ETEEAP).

Saad ni Xian sa post niya na nagbigay ng inspirasyon sa madlang people, “Dear 8-year-old self, the road gets hard sometimes... but I promise, we make it through more than you could ever imagine. 

“And one day, the things you once only dreamed about slowly become reality…”

Anyway, muli na naman nating napatunayan na ang edukasyon ay isang walang katapusang paglalakbay na hindi nalilimitahan ng edad o estado sa buhay.

Isang malaking congratulations, Direk Xian Lim.