ni Mercy Lejarde @Showbiz Talkies | October 21, 2025
Photo: FB Gil Aducal Morales
Emosyonal na ibinahagi ng komedyanteng si Ate Gay ang kanyang pinagdaraanan sa laban sa Stage 4 cancer nang mag-guest siya kamakailan sa Kapuso Mo, Jessica Soho (KMJS), kung saan ikinuwento niya ang tungkol sa malaking bukol sa kanyang leeg na ngayon ay milagrosong lumiit matapos ang ilang session ng radiation.
Umpisa ng mahusay na broadcast journalist na si Jessica, “Kung noon ay matamlay s’ya at hirap gumalaw, ngayon, isang masiglang Ate Gay na ang humarap sa akin.”
Saad ni Jessica, “May himala?”
Sagot ni Ate Gay, “May himala kasi wala na s’ya. Mayroon ditong makikitang bukol, ngayon ito, lumaban s’ya at saka dahil sa mga prayers.”
Tanong ni Jessica, “Ano ‘yung dati, hindi ka makatingin nang pakanan?"
Sagot ni Ate Gay, “Hindi. Hindi ako maka-ganu’n, ‘di makatingin sa kanan, pero ngayon, puwede na, tapos wala na s’yang bleeding. Nag-start ako nang malaki s’ya hanggang nag-radiation ako nang 4 times, wala na s’ya. May isa pong anghel, dinalaw po ako doon kasi libre po lahat ng medicine and radiation at chemo. Lahat naman po ng doctor na tinanong ko, eh sabi, gagaling daw ako.”
Tanong ni Jessica, “Ano ang ginawa? Tinanggal muna ‘yung bukol?”
Sagot ni Ate Gay, “Hindi po, wala pong tinanggal. Radiation lang po. Nahimala, himala s’ya, umimpis s’ya.”
Tanong ulit ni Jessica, “Hindi inopera?”
Sagot ni Ate Gay, “Hindi inopera. Ngayon, kung ‘di s’ya matutunaw, ooperahan at ‘yung balat ko, ilalagay rito, sabi kumbaga, may plano sila. May hope na sinasabi sa akin na ‘Gagaling ka.’”
Tanong ni Jessica, “Itong mga doctor na nagpapagaling sa ‘yo ngayon, ano’ng sabi?”
Sagot ni Ate Gay, “Stage 4 pero pataas.”
Tanong ni Jessica, “Ano’ng ibig sabihin nu’n?”
Sagot ni Ate Gay, “Walang cancer sa baba, wala, ‘di kumalat, ganu’n. Kumbaga, may chance. Malaki ang porsiyento na gumaling, na mawala ‘yung cancer.”
Tanong ni Jessica, “Ano’ng sabi ng mga doctor, makakakanta ka pa?”
Ayon sa kanya, iniiwasan ng mga doktor ang kanyang vocal cords para hindi maapektuhan ang kanyang boses.
Sey ni Ate Gay, “Makakakanta. Iniiwasan nila ‘yung vocal cords ko sa radiation. Sabi ko nga, ano, manonood kayo, ha? May concert ako sa Araneta.”
Nang tanungin kung kailan ito mangyayari, sagot niya, “‘Pag gumaling na ako.”
Ibinahagi ni Ate Gay ang kanyang araw-araw na dasal habang nilalabanan ang sakit, “‘Pagalingin n’yo po ako,’ lagi, bago matulog at pagkagising.”
Inamin din niyang ramdam niya ang matinding sakit lalo na sa simula ng radiation.
“Ang sakit n’ya nu’ng una,” aniya.
Kuwento niya, tiniis niya ang proseso kahit mahirap, “‘Pag ‘di mo kaya, kakaway ka, lalabas ka ulit—another 30 minutes. Tiniis ko kasi ayokong maulit pa.”
Sagot naman ni Ate Gay sa tanong kung mawawala ba lahat ng kanyang buhok, “Dito lang po sa pinakalikod. Hindi raw ako mawawalan ng buhok.”
Saad ni Jessica, “Biro mo ‘yun, ‘di ka mawawalan ng buhok tapos ‘di ka mawawalan ng boses. Parang iniwas ka nga ng Panginoon, ‘noh, ang lakas mo kay Lord.”
Ani Ate Gay, “Oo nga, saka ang lakas ko sa mga fans, sa mga followers kasi halos ang dami nila, mga milyon na yata ang nag-message.”
Well, nothing is impossible with our Lord God Jesus Christ. Basta palagi lang magdasal at lahat ng sakit at problem ay may katapusan. Ganern!
UMAAPAW ang saya sa bakasyon-grande ng komedyanteng si Melai Cantiveros kasama ang kanyang asawa na si Jason Francisco at mga anak na sina Mela at Stela sa South Korea (SoKor).
Kuwento ni Melai sa Facebook (FB) page post niya, “Convenience store food again. Hehehe!
“Again and again and again. Basta ‘pag nasa Korea, kahit nasa hotel, convenience store food pa rin ang sakalam (malakas), lalo na ‘pag nag-aagawan.
“The best and it’s already 10PM, advance ng 1 hour dito sa ‘Pinas. Kakatapos lang namin maggagala sa Busan, SoKor. At ‘pag gutom? No worries.
“Kamsahamnida (thank you), Lord Jesus Christ for today’s video na safe and protection and happiness. Walang uminit ang ulo at walang nag-attitude.”
Dagdag pa ni Melai, “Mga Kamsamiiiii (fans ng aktres), I love to say that iba rin talaga ang Busan, South Korea. Hindi lang s’ya Zombie-Zombie thing kasi the best talaga rin s’ya. Magiging Zombie ka kasi kulang ang araw sa daming puntahan at matututunan sa lugar ng Busan.
“I want to cry na lang ba kasi totoo talaga ang slogan nila na Busan Is Good. Itong pinuntahan namin is museum ng mga kagamitan ng sinauna nilang mga kanunu-nunuan, mga ginamit pang-araw-araw, pangtanim, pangluto, panghanapbuhay, at pati gold na crown ng hari dati, na-preserve pa nila.
“Kaya pakanta na lang ako ng ‘Up, up, up in a golden, gonna gonna be golden!’ This is in Gyeongju National Museum and Cheomseongdae Observatory and in Daereungwon Ancient Tomb Complex in Busan, SoKor.
“Day 1 pa lang ‘yan, guys, ha? Hanggang Day 1000 pa tayo. Hehehe!”
Happy wife, happy life talaga si Melai Cantiveros-Francisco, kapiling ang kanyang poging mister na si Jason at ang kanyang mga anak. ‘Yun na!
NAG-SHARE ang aktor na si Matteo Guidicelli ng paalala tungkol sa simple pero pangmalakasang ‘running etiquette’.
Bukod kasi sa pagiging isang aktor, host, at negosyante, kilala rin si Matteo sa kanyang active lifestyle at hilig sa endurance sports.
Isa siya sa mga celebrities na seryosong tumututok sa physical fitness mula sa cycling, triathlon, hanggang sa long-distance running.
Kuwento niya, “While running today, I was reminded of something simple but powerful: running etiquette, or maybe just basic kindness.
“When you see someone on the road, smile and say, ‘Hi!’ (waving emoji). You never know what that person is going through.
“We all have our heavy days… but sometimes, that small gesture—a nod, a smile, a simple ‘good morning’ can lift someone’s spirit. It doesn’t cost much to be nice.”
Wow, Matteo Guidicelli, pak na pak ka d’yan!
Iwasan ang maging suplada o suplado lalo na kung hindi ka naman kasingganda ni Sarah Geronimo (wife ni Matteo), ‘di ba?
‘Yun lang, and I thank you.
