Ayuda dahil 12 yrs. na sa showbiz… MARIS, NAMIGAY NG 1 KILONG BIGAS SA MGA DRAYBER, BINASH

ni Mercy Lejarde @Talkies | May 20, 2026

Photo: IG _mariesteller

Nagdiwang ng ika-12 anibersaryo sa showbiz industry ang aktres na si Maris Racal.

Sa social media post ni Maris ay nagbahagi siya ng larawan kung saan makikita na namahagi siya ng libreng bigas sa mga jeepney drivers bilang bahagi ng kanyang selebrasyon.

Saad ni Maris sa post niya, “12 years na ako sa industry. Happy anniversary to us, Mariestellers (fans niya). Love you all so much!”

In fairness, maraming netizens ang natuwa sa ibinigay na biyaya ni Maris para sa mga drivers na naapektuhan ng pagtaas ng presyo ng gasolina.

Komento ng netizen, “Ang ganda naman ng namimigay ng bigas. Du’n pa lang, panalo na.”

Komento naman ng isa pang netizen, “Makita ko lang nang personal si Maris, okay na kahit walang bigas.”

Samantala, may ilan ding nang-bash sa aktres dahil 1 kg. lang umano ang ipinamigay na bigas bawat driver knowing na matagal na siya sa industriya.

Haha! May ganern?!

---

Birthday wish daw niya… 

KRIS, MARAMING-MARAMING ANAK ANG GUSTO 

NATUWA ang King of Talk na si Boy Abunda sa aktres na si Kris Bernal nang sabihin nito na pinag-ipunan niya ang regalo sa sarili na isang kumikinang na kuwintas.

Kamakailan lang ay nag-guest si Kris sa programang Fast Talk with Boy Abunda (FTWBA) ng GMA Network.

Saad ng mahusay na TV host na si Boy Abunda, “Natutuwa ako sa sinabi mo na ‘Pinag-ipunan ko ‘to, Tito Boy.’”

Sey naman ni Kris, “Pinag-ipunan ko ‘to, Tito Boy,” habang hinahawakan ang kuwintas niya. 

Aniya, “Birthday gift ko sa self ko.”

Saad ni Boy, “Totoo. You really have to reward yourself, ‘di ba?”

Sa panayam ay napag-usapan ang tungkol sa birthday wish ni Kris na nagdiwang ng kaarawan noong May 17.

Tanong ni Boy, “Ano naman ang birthday wish ng isang Kris Bernal?”

Sey ni Kris, “Another baby. Sana, ma-bless pa ng another baby. Gusto ko pa ng maraming-maraming baby. Ang saya, eh, sobrang saya.”

Dagdag na tanong ni Boy, “And that’s coming from where? You come from a big family o gusto mo lang talaga ng maraming baby?”

Sey ni Kris, “‘Di naman. Kasi parang ‘pag isa lang, ‘pag nakikita kong walang kalaro ‘yung anak ko, parang ang sarap siguro ‘pag maraming kalaro, maraming kausap, marami s’yang napagshe-share-an ng gamit n’ya.”

Well, why not, coconut? 

Anyway, happy birthday, Kris Bernal!

---

MAAARI nang mabili ang advance tickets para sa Tayo Sa Wakas (TSW) na pinagbibidahan nina Donny Pangilinan at Belle Mariano sa pamamagitan ng official website nito, kasabay ng mainit na pagtanggap ng mga fans sa kanilang The Road to Wakas mall tour na iikot sa iba’t ibang panig ng bansa.

Kamakailan ay dinagsa ng mga fans sina Donny at Belle sa kanilang pagbisita sa Zamboanga City, Antipolo, at Bulacan bilang paghahanda sa nalalapit na pagpapalabas ng kanilang pelikula.

Bukod sa pagbili ng tickets, makikita rin sa website ang updates tungkol sa participating cinemas, film content, milestones, at iba pang activities tungkol sa TSW.

Magpapatuloy ang nationwide mall tour sa KCC Mall Cotabato sa Mayo 22, Ayala Malls Marquee sa Mayo 23, SM City Bacoor at SM City Dasmariñas sa Mayo 24, Robinsons Galleria Cebu sa Mayo 30, SM City Iloilo sa Hunyo 6, at SM City Bacolod sa Hunyo 7. 

Bibisita rin sila sa ilang block screenings sa Cebu, Iloilo, Davao, at Bacolod.

Mapapanood ang Tayo Sa Wakas mula sa direksiyon ni Cathy Garcia-Sampana sa mga sinehan nationwide simula Mayo 27 at sa iba’t ibang bansa simula Hunyo.

‘Yun lang, and I thank you.

Never daw iiwan ang GF… RAYVER KAY JULIE ANNE: YOU ARE MY GREATEST BLESSING

ni Mercy Lejarde @Talkies | May 19, 2026

Photo: IG _rayver

“Happy birthday to the woman I love the most and the one who owns my heart,” ang mensaheng punumpuno ng pagmamahal ng aktor na si Rayver Cruz para sa kanyang girlfriend na si Julie Anne San Jose, na nagdiwang ng kaarawan noong May 17, 2026.

Saad ni Rayver sa post niya, “5/17 is a very special day because today we are celebrating the life of a person who makes ordinary days feel magical.

“Happy, happy birthday to the woman I love the most and the one who owns my heart, Ms. Julie Anne San Jose.

“My love, thank you for being the heart of my life and the joy in every day. I think I'm the luckiest man in the world because God allowed me to be loved by you too. I pray that all your dreams and wishes come true because you deserve every beautiful thing in this world. You have such a kind heart, and you are truly an amazing person.

“As for me, my greatest dream has already come true, hehe!

“You are my greatest blessing, my love. No words will ever fully explain how much you mean to me. You are my peace, my happiness, and the love I prayed for. Mahal na mahal kita, and I’ll always be here for you for the rest of my life.”

Wow, super lucky naman ng singer-actress na si Julie Anne San Jose sa pagkakaroon ng napaka-sweet at loving boyfriend.

Well, sana all ay may Rayver Cruz.

---

SA isang eksklusibong panayam ng GMA Lifestyle ay nagpahayag ng interes ang two-time Olympic gold medalist na si Carlos Yulo na maging host ng isang programa ng GMA News and Public Affairs.

Sey ni Carlos, “‘Pag acting po, ‘di ko po talaga ‘yun kaya. May mga ipinanganak po talaga para ru’n. Sa Family Feud, nakasali ako dalawang beses, it was really fun. Siguro, ‘yung mga tungkol sa sports, puwede po ako.

“Open din ako ma-experience ang News and Public Affairs program. ‘Pag tatlo lang ‘yung choices — game show, acting, at ‘yan — mas du’n pupunta ang gusto kong gawin.

“Puwede rin po ang hosting para ma-practice rin po ‘yung speaking skills ko. I think that’s a good opportunity and experience para sa akin outside of gymnastics.

“Marami talagang magaling mag-host. I think it’s a really good skill and a good talent, and wala ako nu’n.

“If ever na tahakin ko ‘yung ganu’ng path, I really need to practice pa, and I’m really open po na gawin s’ya.”

Well, why not coconut? Yakang-yaka mo ‘yan. As in, kayang-kaya mong mag-host. ‘Di ba naman, mother dearest Angelica Poquiz Yulo?

‘Yun na!

---

NAGBIGAY ng tulong ang Kapamilya actor na si Daniel Padilla sa caretaker ng isang animal shelter.

Sa social media post ng shelter caretaker na si Gemma Omongos ay nagbahagi siya ng larawan ng kubo na ibinigay ni Daniel at nagpasalamat sa boyfriend ni Kaila Estrada.

Saad ni Gemma, “Maraming salamat, Daniel Padilla. Na-surprise ako sa kubo. Masaya ako kasi meron na akong matutulugan.”

In fairness kay Daniel Padilla, kahit busy siya ay nagawa niya pa ring tumulong sa Dog & Cats Arayat Shelter sa Pampanga. Tumulong ang aktor sa pamamagitan ng pagbibigay ng pagkain at iba pang tulong para sa mga nailigtas na pusa at aso, pati na rin ang suporta para sa mga boluntaryong nag-aalaga sa kanila.

Mag-uutol, nagkatawanan na lang… 2 ANAK NI TSONG JOEY SA MAGKAIBANG BABAE, HALOS PAREHO ANG BIRTHDAY

ni Mercy Lejarde @Talkies | May 18, 2026

Photo: IG _teressitassen

Masayang kuwentuhang pampamilya ang naging ganap sa Fast Talk with Boy Abunda (FTWBA) nang mag-guest ang mag-amang sina Joey Marquez at Winwyn Marquez.

Sa panayam ng King of Talk na si Boy Abunda ay napag-usapan ang tungkol sa dasal ng mahusay na aktor na si Joey Marquez para sa kanyang 16 na anak.

Tanong ni Boy kay Winwyn, “Ano’ng mga namana mo sa dad?”

Sey ni Winwyn, “He’s very caring, eh. And like what he said, I think si Daddy is very intentional to begin with. Before pa naman kahit bata pa kami, he knows kung ano ‘yung dapat n’yang sabihin, bakit n’ya sinasabi ‘yun. And I think, ‘yun ang namana ko sa kanya. Lalo na nu’ng nag-aaral kami, he’s very intentional with what he tells us. Siguro, ‘di ako magiging ganito kung ‘di dahil sa kanya.”

Tanong ni Boy kay Tsong Joey, “Ano naman ang ipinagpapasalamat mo sa Diyos na ‘di namana ni Winwyn?”

Saad ni Joey, “Alam mo na ‘yun. Hahaha!”

Tinanong ni Boy si Winwyn kung minsan ba sa buhay nito ay kinuwestiyon ang kanyang ina at ama kung bakit ang dami nilang magkakapatid. 

Sey ni Winwyn, “No, we had fun sa house namin together. Kasi even kay Kuya Vandolph (Vandolph Quizon), kasama ko rin s’yang lumaki. Kuya Mark (Mark Anthony Fernandez), kasama kong lumaki. We really had a fun household and kasi si Daddy, lagi niyang sinasabi, ‘wag kayong magagalit sa kapatid n’yo, ‘wag n’yo silang tawaging half-brother, half-sister, kapatid n’yo sila. And hanggang ngayon, even my sister in the States, we still connect with each other.”

Tanong ni Boy kay Joey, “Paano mo ipinaunawa sa ‘yong mga anak ang lahat ng ‘to?”

Saad ni Joey, “Inamin ko sa kanila na nagkamali ako. Because in my darker years, I was young. Sabi ko sa kanila, ‘Siguro, sa pagkakamali kong ‘to, tulungan n’yo naman ako na mabawi ko ang pagkakamali ko by accepting your brothers and sisters.’ At saka, pantay-pantay ang tingin ko sa kanila.”

Hirit na tanong ni Boy, “Joey, walang pumalag? Walang nagalit? Walang nagsabi ng, ‘Dad, bakit ganu’n?’”

Saad ni Joey, “Wala. I’m a very lucky father. Minsan nga, lumabas pa sa joke, eh. Kuwento mo, Winwyn.”

Sey naman ni Winwyn, “So, nag-uusap-usap kaming magkakapatid. Kumpleto kami. Me and my sister, same kami ng birth month. ‘Yun na lang po. Same kami ng birth month. Ang tanong namin sa kanya, ‘Daddy, bakit malapit ang birthday namin? Bakit magkasunod kami?’”

Dagdag na tanong ni Boy, “Parehong year?”

Sey ni Winwyn, “Parehong year. Sabi lang ni Daddy, ‘It’s a miracle.’”

Saad naman ni Joey, “Nagtawanan lang.”

Sey pa ni Winwyn, “I think we were eating dinner with everyone. We just laughed about it.”

Tanong ni Boy kay Joey, “Paano mo sinisiguro na pantay-pantay sila at walang nakakaramdam na mas malapit kay Dad?”

Saad ni Joey, “Siguro, unang-una, palagi ko silang tinatawagan as much as possible. Merong sumasagot, merong ‘di kasi busy. Pangalawa, ‘pag meron silang affair, I’ll make sure na pinupuntahan ko. Pangatlo, every Christmas, gusto ko, sama-sama kami. At kung may kailangan, kahit paano, in my own little way, gagawin ko ‘yun, gagampanan ko.”

Well, in fairness talaga kay Joey Marquez, pagdating sa pagiging ama ay napakahusay niya. ‘Di ba naman, friendship, Alma Moreno?

---

NAIUWI ng hit family drama film ng Star Cinema na Meet, Greet & Bye (MGB) ang Box Office Ensemble at Top Grosser awards mula sa Cine Expo 2026 na ginanap noong Mayo 12.

Sa pangunguna ng Cinema Exhibitors Association of the Philippines (CEAP), kinilala ng Cine Expo 2026 sina Piolo Pascual, Joshua Garcia, Belle Mariano, Juan Karlos, at Maricel Soriano para sa kanilang husay at tagumpay sa takilya ng pelikula na mula sa direksiyon ni Cathy Garcia-Sampana. 

Dumalo si Belle sa nasabing event at tinanggap ang pagkilala para sa cast at production team.

Dito rin inanunsiyo nina Belle Mariano at Donny Pangilinan ang sorpresang special ticket prices para sa upcoming film nila na Tayo Sa Wakas, na pinangungunahan din ni Direk Cathy bilang pagdiriwang ng ika-33 anibersaryo ng Star Cinema.

Magkakaroon ng discounted ticket rates sa ilang SM Cinemas, Ayala Malls Cinemas, Vista Cinemas, Gateway Cineplex 18, Robinsons Movieworld, Megaworld Cinemas, Shangri-La Plaza, Fisher Mall, NCCC Mall, at Sta. Lucia Mall branches sa pagbubukas ng pelikula sa mga sinehan sa Mayo 27 (Miyerkules).

Mapapanood ang Tayo Sa Wakas eksklusibo sa mga sinehan sa bansa simula Mayo 27 at mapapanood din sa mga sinehan sa iba’t ibang bansa simula Hunyo.

‘Yun lang, and I thank you.