Nang mawala sa EB!... JIMMY, UMAMIN KUNG BAKIT NANGALAKAL NG BOTE AT BAKAL SA CANADA

ni Mercy Lejarde @Showbiz Talkies | November 21, 2025

Photo: YT Toni Talks

Trending man ang mga vlogs niya noon tungkol sa pangangalakal at pagtitinda ng street food sa Canada, iginiit ni Jimmy Santos sa Toni Talks (TT) na hindi ito nangyari dahil naghihirap na siya, kundi bahagi lamang ng kanyang content at mga pinagdaanan noong kabataan niya.

Tanong ni Toni, “So after ninyong mag-Eat… Bulaga! (EB!), nu’ng nag-retire kayo, sa Pampanga na kayo tumuloy, tapos parang nag-start kayo ng bagong buhay du’n pero nag-Canada rin kayo. Kailan kayo nag-Canada?”

Sagot ni Jimmy, “Nu’ng ikasal ‘yung aking anak na babae.”

Tanong ni Toni, “Tapos, nag-vlog kayo du’n sa Canada na nagbobote?”

Sagot ni Jimmy, “Nangangalakal.”

Hirit na tanong ni Toni, “Bakit ninyo po na-vlog ‘yun?”

Sagot ni Jimmy, “Kasi du’n sa Canada, ‘yung pamilya du’n ay bumibili ng mga soft drinks, de-lata at de-bote. Puwede mong ibenta ‘yun. Eh, naiipon nu’ng mga anak ko ‘yung mga basyo. Sabi nga nu’ng anak ko, ‘Pa, mag-vlog ka.’ ‘Ano iba-vlog ko? May yelo?’ ‘Hindi, meron kaming basyo d’yan. Dalhin mo du’n sa bentahan ng mga bote-lata.’ Ganu’n, isang beses ko lang nasubukan.”

Tanong ni Toni, “Ah, so at least, nalinaw natin ‘yan kasi nag-trending kayo nu’ng ibina-vlog n’yo ‘yun. Inisip nila, ‘Oh, naghihirap na si Jimmy Santos, nangangalakal ng bote sa Canada.’”

Kuwento pa ni Jimmy, “Masayang gawin kasi nagbote-bakal din ako nu’ng bata. Nagulat nga ako nag-5 million (views) mahigit ‘yun.”

Tanong ni Toni, “Nag-trending ulit kayo nu’ng nagtinda kayo ng balut?”

Sagot ni Jimmy, “Hindi, nu’ng bata ako.”

Tanong ni Toni, “Ah, so ‘yung nakita nila online na nag-viral na nagtinda ng kwek-kwek, ‘yung mga street food?”

Sagot ni Jimmy, “‘Yun naman, bahagi ng ano ko ‘yun, ng vlog.”

Tanong ni Toni, “Kaya n’yo ginawa ‘yun, ‘yun ang ginagawa ninyo nu’ng bata pa kayo. Hindi dahil ito ang trabaho na ninyo ngayon?”

Sagot ni Jimmy, “Lahat ng ginagawa kong content, puro na-experience ko nu’ng kabataan ko.”

Tanong ni Toni, “Pero hindi ‘yun ang trabaho n’yo ngayon?”

Sagot ni Jimmy, “Hindi.”

Ohhh, madlang people, malinaw, ah? 

Hindi ginawa ni Jimmy Santos ang mangalakal at magtinda ng kwek-kwek dahil naghihirap na siya. 

Huwag kasing judgmental, masama ‘yan. Pak, ganern!

Samantala, isa rin sa mga napag-usapan nina Toni at Jimmy ay ang tungkol sa The King of Philippine Cinema na si Fernando Poe, Jr. (FPJ).

Tanong ni Toni Gonzaga, “Kumusta ang makatrabaho si FPJ?”

Sagot ni Jimmy, “First time ‘yun, saka ibang klase talaga ‘yun. Ang FPJ, pantay-pantay ang trato, walang maliit, walang malaki. Siguro naman, nakatrabaho mo rin si FPJ, na-experience mo rin ‘yun?”

Well, congratulations, Jimmy Santos dahil nakatrabaho mo ang nag-iisang ‘The King of Philippine Movies’ na si FPJ.

---

NAG-TRENDING ang post ng aktres na si Kaye Abad dahil nauwi sa police station ang kanilang bakasyon sa Las Vegas, USA matapos manakaw ang kanyang bag.

Kuwento ni Kaye sa post niya, “We went to Vegas para magbakasyon and isuroy (ipasyal) ang kids. Never did I think that one of the places I’d end up visiting was the police station.

“My bag was stolen inside the car, with all my IDs and 2 passports. Never leave your bags inside the car. We just had lunch for 1 hour and this happened.

“Anyways, lesson learned. I still believe that everything happens for a reason. Kung ano man ang reason Niya… Iniisip ko na lang everything can be replaced.

“Importante, my family is safe. God is good.”

Korek ka d’yan, Kaye. God is good all the time, pero ingat-ingat din!

Iba kay Derek na absent sa first b-day ng anak… ELLEN, PURING-PURI SI JOHN LLOYD NA MABUTING AMA KAHIT HIWALAY NA SILA

ni Mercy Lejarde @Showbiz Talkies | November 19, 2025

Photo: IG _maria.elena.adarna & _johnlloydcruz83

Winner talaga ang aktor na si John Lloyd Cruz pagdating sa pagiging ama.

Sa Instagram (IG) post ng aktres na si Ellen Adarna ay may netizen na nagtanong kung anong klaseng ama ito para sa kanya.

Tanong ng netizen, “Are you and John Lloyd okay?”

Sey ni Ellen, “With John Lloyd, wala talaga akong masabi. I have nothing but good things to say about him.

“We had our differences in the past but I respect him because he is a very good provider. He is honest and he is a very present father. Take note, nu’ng naghiwalay kami ni JL, that was before Elias turned one year old. Present s’ya.”

Matatandaan na kamakailan lang ay nagdiwang din ng ika-isang taon na kaarawan ang anak nina Ellen at Derek Ramsay na si Baby Lili pero absent si Derek sa birthday party ng anak.

---

BONGGA ang istorya ng pelikulang nabuo dahil sa larong jackstone.

Ang pelikulang Jackstone 5 ay nakasentro sa isang grupo ng mga queer na lalaki na nasiyahan sa paglalaro ng jackstones at iniidolo ang ‘Jackson 5’, partikular na si Michael Jackson, noong kanilang kabataan.

Tinanong ni yours truly ang mabait na aktor na si Arnell Ignacio kung ano ang masasabi niya sa pelikula.

Saad ni Arnell, “Comedy. Sobrang nakakatawa ang pelikulang Jackstone 5, at kahit drama na ang scene na kinukunan ay talagang natatawa ka pa rin.”

Kuwento pa niya, “Hirap na hirap akong gumanap ng bakla rito. ‘Yun naman kasi ang tunay kong pagkatao. Baka mas mahirapan pa ako kung sabihin mong nagtatago. Kaso hindi ko naman maitatago ‘yun dahil nag-asawa naman ako. 

“Natutuwa ako sa movie na ito kasi hindi ko na kailangan pang iarte ito dahil ito naman ang personalidad ko.”

Sa panayam sa preskon ng Jackstone 5 ay naibahagi rin ng mahusay at multi-awarded na direktor at aktor na si Direk Joel Lamangan na sa tatlong dekada niya sa pagdidirek ay ngayon lang siya gaganap na artista.

At sinabi rin ni Direk Joel na napapayag siyang gumanap bilang artista sa pelikulang Jackstone 5 dahil sa mahusay na line producer na si Dennis Evangelista.

Kuwento ni Direk Joel, “Sa tatlong dekada ko na pagdidirek, ngayon lang ako gaganap na artista. Naka-rely ako sa aking mga tao sa kabuuan ng pelikulang ito.

“Gaganap akong bakla, although gumaganap na akong bakla sa TV araw-araw bilang Rhoda (sa Batang Quiapo). Pero hindi ito si Rhoda.

“Ang mahirap sa role ko ay ‘yung nabuko na ako at malayang-malaya na akong maging bakla. Mas higit pa ‘yun kay Rhoda. ‘Yun ang challenge sa akin.”

In fairness, sa preskon pa lang ay nakakatawa na ‘pag nagkukuwento ang mga bida sa Jackstone 5 na sina Eric Quizon, Gardo Versoza, Arnell Ignacio, Jim Pebanco, Abed Green, John Mark Marcia at Direk Joel Lamangan na siya ring direktor ng pelikula.

‘Di ba naman, BFF Dennis C. Evangelista?

---

“OUR first family outing,” ito ang sinabi ng aktres na si AJ Raval sa kanyang Instagram (IG) story.

Nagbahagi siya ng video clip kung saan makikita na kasama niya ang aktor na si Aljur Abrenica at ang kanilang mga anak sa kanilang kauna-unahang family outing.

Saad ni AJ, “With all my heart and deepest respect, I give all the glory back to You, Lord. Thank You for every blessing, for every moment of grace, and for saving me in ways I can never fully express.

“Today, on our first family outing and this Thanksgiving Day, my heart overflows with gratitude for Your love that never fails.”

Anyway, kung ang pamilya nina AJ Raval at Aljur Abrenica ay nag-outing kasama ang mga anak, ang mahusay na aktres naman na may pusong mapagparaya na si Kylie Padilla ay ipinasyal ang mga anak nila ni Aljur sa children’s park sa Japan.

‘Yun lang, and I thank you.

Super close sa anak kay Mariel… SEN. ROBIN, UMIYAK NANG PUMASOK SA ISKUL SI ISABELLA

ni Mercy Lejarde @Showbiz Talkies | November 18, 2025

Photo: IG

“Ang bawat ngiti ninyo ang nagbibigay-lakas at saya sa akin,” ito ang sinabi ng aktor na si Sen. Robin Padilla sa kanyang Facebook (FB) page post para sa kanyang mga anak na sina Isabella at Gabriela, na nagdiwang ng kaarawan kamakailan lang.

Wika ni Sen. Robin, “Maligayang kaarawan, Isabella at Gabriela.

“Mga anak, ang bawat ngiti ninyo ang nagbibigay ng lakas at saya sa akin. Kahit mabilis ang inyong paglaki, sa puso ni Tatay ay kayo pa rin ang mga munting anghel na nagbibigay-inspirasyon at dahilan para ako’y magsumikap sa araw-araw.

“Patuloy lang kayong maging mabait at masayahin. Nandito lang si Tatay sa bawat hakbang ninyo sa buhay. Mahal na mahal ko kayo.”

Kuwento pa ni Sen. Robin sa post niya, “Bismillah. Sa aking pagninilay-nilay ng aking buhay, sa iba’t ibang panahon, yugto at kabanata, nagdaan ang mga mukha ng mga kaibigan, may malalapit, may pansamantala at pana-panahon.

“Ngunit noong dumating ang pandemic, naputol ang lahat ng komunikasyon at sa tindi nito ay nagkanya-kanya ang mga pamilya, naging survival mode ang lahat.

“Sa buong panahon ng pandemic, si Isabella lamang ang naging kasama ko buong araw. Sa gabi lang kami nagkakahiwalay dahil sa nanay n’ya s’ya natutulog, pero paggising pa lang n’ya, nasa kuwarto ko na ‘yan at nakababad. 

“Nag-aaral kami ng planets, dinosaur, alphabet, basic math at exercises, mga laro namin na nagpanumbalik sa akin sa aking pagkabata.

“Inalala ko tuloy ang panahon ng bata ako, mga kaibigan sa kalsada na walang kahit anong hangad kundi makasama, makapaglaro at maging masaya.

“Napakapalad ko, Alhamdulillah, purihin ang Panginoong Maylikha. Naging halos 2 taon na naging pinakamasaya ang buhay ko, literal kasi na umikot lang ang mundo ko sa bahay dahil sa pandemic. 

“At sa edad ko na ‘yun, nakabalik ako sa pagkabata. Allah hu Akbar! (ang Diyos ay pinakadakila).

“After the pandemic, when your nanay brought you to the regular school, that was my first heartbreak. I cried like a kid. Till now my heart bleeds but I am very happy for you.

“Lumalaki ka na, kambal ng nanay mo. Always remember, you are my only best friend. I love

you. Happy birthday.”

Well, kakaiba talaga si Sen. Robin Padilla, napakabait na ama. Sana all ay katulad niya.

Anyway, happy birthday sa mga kamukha ng magandang aktres na si Mariel Rodriguez Padilla na sina Isabella at Gabriela.

---

INILUNSAD na ng ABS-CBN ang star-studded 2025 Christmas ID nito na pinamagatang Love, Joy, Hope: Sabay Tayo Ngayong Pasko, na nagbibigay-pugay sa mga makabagong bayani, pagkakaisa, at bayanihan.

Hango ang 2025 Christmas ID sa mga kuwento nina Pilipinas Got Talent (PGT) Season 7 winner Ricardo ‘Cardong Trumpo’ Cadavero na gagawin ang lahat para sa kanyang pamilya; Dumagat tribal chieftain Perlita Guerrero na naghahangad ng magandang buhay para sa kanilang tribo; ‘Teacher Santa’ Melanie Figueroa na tinutupad ang mga hiling ng kanyang mga estudyante; The

Busking PH founder Martin Riggs na ginagamit ang kanyang musika para makatulong sa mga nangangailangan; Father Errol Fidel Mananquil na nag-aaruga sa mga ulila; at youth leader Richmond Seladores na nagbibigay ng tulong at suporta sa mga biktima ng kalamidad. 

Isa rin itong pasasalamat sa mga ordinaryong mamamayan na nagsisilbing inspirasyon at tagapaghatid ng pagmamahal, saya, at pag-asa sa kanilang mga komunidad.

Sa pagpapatuloy ng tradisyon nito, nagtipun-tipon ang mga pinakamaningning na Kapamilya stars at personalities upang bigyang-buhay ang 2025 Christmas ID na pinangunahan ng ABS-CBN Creative Communication Management sa pamumuno ni Robert Labayen, kasama si ABS-CBN COO Cory Vidanes, katuwang sina Jay Dustin Santiago, Love Rose De Leon, Lawrence Arvin Sibug, Revbrain Martin, Maria Lourdes Parawan, Mark Raywin Tome, Sheryl Ramos, Paolo Emmanuel Ramos, Edsel Misenas, atbp..

Ang musika ay ginawa at inareglo nina Raizo Chabeldin, Biv De Vera, Jessie Lasaten at Francis Salazar, habang ang vocal supervision ay pinangunahan ni Jonathan Manalo.

‘Yun lang, and I thank you.