P14B sobrang singil ng Meralco, ibalik agad sa kostumer — ERC

ni BRT @News | April 23, 2026

Photo: File / Meralco

Inutusan ng Energy Regulatory Commission (ERC) ang Meralco na ibalik ang natitirang P14.17 bilyon sa kanilang mga kostumer. 

Ang refund na ito ay mula sa "true-up" process o pagtatama ng distribution charges na ipinatupad mula Hulyo 2022 hnggang Disyembre 2024.

Sa halip na ang orihinal na 36 na buwan, iniutos ng ERC na tapusin ang refund sa loob lamang ng 12 buwan upang makapagbigay ng agarang ginhawa sa gitna ng tumataas na presyo ng kuryente.

Dahil pinaikli ang panahon ng pagbabayad, tataas ang refund rate tungo sa P0.2511/kWh mula sa dating P0.1189/kWh.

SPNEC, itinangging may pananagutan sa DOE kaugnay ng P24B penalty sa Solar Philippines

by Info @BUSINESS NEWS | January 19, 2026

Photo: File / Leandro Legarda Leviste - FB

Nilinaw ng Meralco PowerGen Corp. (MGEN) na hindi ang Solar Philippines New Energy Corp. (SPNEC) na binili nila kay Batangas 1st District Rep. Leandro Leviste ang pinagmumulta ng Department of Energy (DOE).

Iginiit nila na hindi liable ang SPNEC sa P24 billion penalty na ipinataw sa Solar Philippines, na pagmamay-ari ni Leviste.

“Of the 12,000 MW worth of contracts that have been terminated, only one for the 280 MW Sta. Rosa project is under SPNEC. The former management of the Sta. Rosa project offered and was awarded 280 MW in the first round of the Green Energy Auction Program of the DOE,” nakasaad sa pahayag ng MGEN.

Idinagdag nito na ang Sta. Rosa project ay naghain na ng notice of force majeure sa DOE noong nakaraang taon, dahil wala sa kanilang kontrol na pumigil sa pagkumpleto ng proyekto bago ang target nito noong December 2025.

Mga coop, mas mura ang singil — NEA... Meralco, pinagro-rollback

ni Mylene Alfonso @News | August 6, 2025

• 

File Photo

Nasa 90 electric cooperatives ang nakapagbibigay ng mas murang singil sa kuryente kumpara umano sa Manila Electric Company (Meralco), ayon kay National Electrification Administration (NEA) Administrator Antonio Mariano Almeda. 

Sa panayam ng isang lokal na himpilan ng radyo kay Almeda, sinabi nito na batay sa kanilang nakalap na datos, sa kabuuang 121 electric cooperatives sa bansa ay 90 rito o nasa 74% ang nakapagbibigay ng mas murang singil sa kuryente kaysa sa power rates ng Meralco. 

Batay sa comparative analysis data na nakuha ng NEA, lumilitaw na mula Enero 2024 hanggang Hunyo 2025 ay napanatili ng mga electric cooperatives ang mababang presyo ng kanilang kuryente, nasa P1.00 hanggang P4.00 kada kwh. Ang mga electric cooperatives ang nagsu-supply ng kuryente sa BARMM, CARAGA, Cordillera Autonomous Region (CAR), Region 3, 5, 7, 9, 11 at 12.  

Sa kasalukuyan, nasa P12.6435 per kWh ang singil ng Meralco, na pinakamataas umano sa buong Southeast Asia. 

Noong 2023, una nang inireklamo ni Philreca Rep. Presley de Jesus, kung bakit hindi kayang pababain ng Meralco ang singil sa kuryente na kayang gawin ng mga electric cooperatives. 

“If we compare to Meralco, these cooperatives are so small. Meralco holds essentially a mega franchise with the largest captive market,” nauna na nitong pahayag. 

Aniya, sa lawak ng customer base ng Meralco at may modernong pasilidad ay dapat pababa ang singil nito.