Pinadalhan ng flowers, COD pala… MIKA, NA-SCAM NU'NG V-DAY

ni Lucille Galon @Special Article | February 16, 2026

Photo: IG _mikslmnc

Na-scam, but in a funny way, nitong Valentine’s Day ang Pinoy Big Brother Celebrity Collab Edition (PBBCCE) Big Winner na si Mika Salamanca matapos siyang makatanggap ng mga flowers na siya rin pala ang magbabayad.

Well, for sure ay may pambayad naman ang aktres-singer pero super-naloka talaga siya.

Noong February 14, may nagpadala sa condo ng aktres ng isang balot ng petals at isang bouquet. 

Tsika niya sa kanyang Instagram (IG) post, “Ang funny kasi may nagpadala sa condo ko ng mga petals ng flowers. Tapos may nagpadala rin ng isang bouquet na flower tapos cash-on-delivery, be!”

Dagdag pa niya, “So, ano ‘to? Ako magsu-surprise… cash-on-delivery… bayad ko ‘yung flowers. Ako pa magsu-surprise sa sarili ko?”

At dahil curious nga ang mga netizens kung sino ang may pakana nito, sa sumunod niyang IG Story ay ibinuking ni Mika na ang kaibigang content creator na si Von Razo pala ang nasa likod ng bonggang Valentine surprise.

Inakala ng mga fans noong una na baka galing ito kay Will Ashley o kaya ay kay Brent Manalo pero walang nagwagi.

Sey nga sa kanta ni Miley Cyrus, “I can buy myself flowers…” Hahaha!   

---

‘Yun daw ang nasa Bible…

ALVIN, AMINADONG ‘DI TANGGAP ANG BADING NA ANAK NI IZZY

BINATIKOS talaga nang malala ang mister ng Sexbomb member na si Izzy Trazona na si Alvin Aragon dahil sa hindi nila pagtanggap sa anak na si Sofia Trazona na isang transgender. 

Kaya sa isang DZAR radio interview ay sinagot ito ni Alvin, pati na ang hindi niya pagpayag sa pagsasayaw ni Izzy sa concert ng Sexbomb.

“Ang daming bash ni Izzy. Du’n pa lang sa anak n’ya na pinili ang direksiyong maging bading, ang dami nang bash, eh, kasi ‘di raw tinanggap kasi bading… Totoo naman, eh. Ano bang sabi sa Bible? God judged homosexuality. Read Genesis 17, 18, and 19… God will throw you to hell if you continue to do homosexuality and you don’t want to believe in Jesus,” sey niya.

So, pati rin pala si Alvin ay hindi tanggap si Sofia at mukhang siya pa ang pasimuno sa hindi pagtanggap sa anak ni Izzy.

Ayon naman kay Sofia, fully supportive sa kanyang journey bilang transwoman ang kanyang biological father na si Michael Navarro.

Samantala, nilinaw din ni Alvin na wala siyang kinalaman sa pag-alis ng misis sa Sexbomb Girls. Aniya, ang desisyon nito ay bunga ng tawag ng Diyos.

“Sinasabi nila, ‘Kaya pala wala sa Sexbomb si Izzy dahil sa lalaking ‘yan.’ Teka lang, ha! Matagal nang wala si Izzy sa Sexbomb, 2009 pa lang. ‘Di pa nga ako ‘yung asawa, eh… Pinag-resign ng Lord. Sabi ni Lord kay Izzy, ‘Come, follow me. I will make you fishers of men.’ Nag-obey s’ya ru’n,” sabi ni Alvin.

Ito naman ang sey ng mga netizens:

“Alam mo, may logical reason talaga kung bakit ikaw ‘yung pinakaunang natanggal sa 1st Season ng StarStruck.”

“Bakit ganu’n? Bakit parang nakakatakot s’ya?”

“Sobrang maka-Diyos naman na ‘yan. Nakakatakot pala ‘pag sobrang lapit sa Diyos, eh.”

“Too much understanding without love & respect is nothing. Binigyan tayo ng sariling pag-iisip para timbangin ang mga bagay sa buhay natin.”

“Dahil d’yan, puwede ka nang mauna at makasama si Jesus (stars emoji).”

“Eh, di lumabas din ang totoo, LOL (laugh out loud). Agree naman ako na ang husband dapat ang mag-lead sa family pero dapat hinahayaan mo rin ang wife to have autonomy. Let her enjoy what she really loves to do, her first love which is dancing and Sexbomb.”

“‘If someone is gay and seeks the Lord, who am I to judge?’ sabi ni Pope Francis.”

‘Kaloka!  

After magpakilig sa ipinost na piktyur… MARIS, INAMIN NA KUNG ANO’NG MERON SA KANILA NI GIAN NG CUP OF JOE

ni Vinia Vivar @Frankly Speaking | February 15, 2026

Photo: Maris Racal / Instagram

Prank lang pala ang mga sweet photos na ipinost ni Maris Racal noong February 12 sa Instagram (IG) kung saan spotted siyang super close kay Gian Bernardino ng bandang Cup of Joe (COJ).

Sa viral photos, makikitang may hawak na bouquet of flowers si Maris habang naka-lean si Gian sa balikat niya — very kilig vibes talaga! 

Ang simple pero intriguing na caption ng actress-singer, “Plot twist.”

Dahil dito, agad nag-trending ang post at maraming netizens ang napaisip kung may something romantic na ba sa dalawa. 

May ilan pang nag-speculate na baka soft launch na ito ng relasyon, habang ang iba naman ay naghinalang baka may upcoming collab sila.

And yes, collab nga!

Sa bagong IG post ni Maris, ibinunyag niya ang behind-the-scenes (BTS) ng naturang larawan. Turns out, prank lang ang lahat at parte ito ng promo para sa music video ng bago niyang single na Sino Ang Tanga.

Sa BTS reel, kitang-kita ang planning nila para i-prank ang madlang people. Sey ni Maris habang nagpo-pose sila, “Oh, my God! Mukha tayong magdyowa, tingnan mo.”

Dagdag pa niya, “So, ang goal is gumawa tayo ng…” sabay singit ni Gian ng “Prank.”

Natawa pa si Maris at nagbiro, “What if mag-flop ‘to?” sabay amin na siya mismo ang bumili ng bulaklak. 

Sabi naman ni Gian, nagulat daw siya pagdating ni Maris dahil may dala itong malaking bouquet.

Very game rin ang dalawa sa pag-iisip ng caption. May suggestion pa si Gian na, “One year with you,” na ikinatawa nang todo ni Maris bago sila tuluyang nag-decide sa “Plot twist”.

Aliw na aliw ang mga netizens at aminadong kinilig sila bago malaman ang totoo. 

Good job sa prank, Maris and Gian!

---

SAMANTALA, bonggang-bongga ang Valentine’s Day ni Shaira Diaz matapos siyang sorpresahin ng asawang si Edgar Allan ‘EA’ Guzman ng ultimate fangirl gift — ticket sa concert ng BTS sa Las Vegas!

Sa Instagram (IG) video na ipinost ni EA, makikitang halos maiyak sa tuwa si Shaira nang makita ang e-ticket sa kanyang phone. 

Sey ni EA, “Happy Valentine’s Day, Asawa,” na sinagot naman ni Shaira ng “Happy Valentine’s Day. Thank you, Papa,” habang excited na ipinapakita ang ticket.

“BTS, I’m going to see you in Vegas!” sigaw ng actress na super-kilig.

Sa caption, ibinahagi ni EA na alam niya kung gaano ka-fan ng BTS ang kanyang misis, especially si JungKook. Kaya naman todo-effort siya para mapasaya ito.

“Alam ko how much you love BTS and JungKook, so this one’s for you. Happy Valentine’s Day, asawa. I just want to see you smile, your biggest smile. P.S.: Makikita mo na nang malapitan si JungKook. Ayos lang kahit sumigaw ka ng ‘I love you, JungKook!’ Hahaha!” sweet na mensahe ni EA.

Reply naman ni Shaira sa comments, “Ilysm (I love you so much)!!! Thank you! Spoiled wifey.”

Ang much-awaited comeback at reunion concert ng BTS ay gaganapin sa Allegiant Stadium sa Mayo, matapos ang apat na taong hiatus ng global superstars.

Talagang love is in the air — mapa-prank man o purple concert surprise!

Valentine’s made easy: Tips para sa mas masayang Araw ng mga Puso

by John Jonathan Talastas (OJT) @News | February 11, 2026

Photo: File

Napapalapit na naman ang Araw ng mga Puso, kayo ba’y may ka-date na at naka-set na kung saan kayo pupunta, pati na rin ang mga gagawin ninyo? O baka mauwi na naman sa pag-aaway at hindi matuloy ang mga planong isang buwan nang nakatenga? 

Huwag mong hayaang masira ang isa sa pinakamahalagang buwan taun-taon, dahil lang sa hindi pagkakaintindihan. Oki?

Ka-BULGAR, ikaw ba ‘yung tipo ng tao na kahit sa simpleng pagbati lang sa’yo ng partner mo ay masaya ka na, o gusto mo engrande palagi ang paghahanda at gusto mo palaging sinu-surprise? Anuman sa mga ‘yan, narito ang ilang tips upang mapaghandaan nang maayos at matapos ng masaya ang Pebrero mo. Kaya halina’t basahin mo na ito! 

1. FIRST IMPRESSION LAST. Kahit gaano na kayo katagal, kahit sa simpleng pagngiti lang ay may posibilidad na magtatakda ng buong araw n’yo. Kaya ‘wag kang papatalo, besh, ngitian mo rin!

2. IMPORTANTE BA ANG VALENTINE’S? Besh, ang pagse-celebrate ng Valentine’s Day ay hindi required, kaya dapat mag-celebrate kayo dahil gusto ninyo at bukal sa inyong mga puso. 

3. PAG-USAPANG MABUTI ANG MGA PLANO. Mabuti nang klaro sa inyong dalawa ang mga gusto ninyong gawin sa Araw ng mga Puso, papaano na lang kung nag-e-expect ka pala na kakain kayo sa magandang restaurant, nakasuot ng maayos na damit at kakain ng steak, pero ang isa naman ay gusto lang mag-stay sa bahay at sulitin ang mga oras na magkasama kayong dalawa? Tiyak na merong makakaramdam ng pagkadismaya. Hindi ba?

4. ‘WAG MAG-EXPECT. Kung kayo man ay magde-date sa restaurant o kahit simpleng pag-date lang sa mall, i-push mo ang sarili mo na matapos ang buong gabi na walang ine-expect sa iyong partner dahil magdudulot ito ng walang katapusang pagtatalo at masasayang lang ang araw na pinaghandaan ninyo.

5. DETAIL IS A MUST! Huwag na huwag ninyong kakalimutan ang mga ayaw at gusto ng inyong mga kabiyak, gaya nga ng sabi ng iba, “Small things matter”.

6. MALIIT MAN O MALAKING REGALO, REGALO PA RIN. Subukan ninyong magbigay ng kahit maliit na gift o kahit anong surprise na makakatulong sa pag-set ng mood n’yo.

7. BE THANKFUL. Kung nagpakita ng effort maliit man o malaki, simpleng pagpapakita lang ng tuwa o saya sa iyong mukha ay makakatulong para maibalik ang effort na ginawa niya.

Matapos man nang maayos o hindi ang inyong Valentine’s, piliin n’yo pa ring intindihin ang isa’t isa. Hindi porke hindi sumunod sa plano n’yo ang lahat, hindi ka na niya agad mahal. 

Tandaan mo, ang Valentine’s Day ay ginaganap lang tuwing Pebrero, at hindi naman puwedeng dapat doon mo lang siya mahal o magpapakita ng pagmamahal, piliin mo pa rin sanang mahalin ang partner mo araw-araw. Gets?