Kanlaon sumabog, Baguio nilindol

ni Mai Ancheta @News | July 10, 2026

Photo: Phivolcs

Naitala ang moderately explosive eruption sa Bulkang Kanlaon nitong Huwebes, Hulyo 9.

Ayon sa Philippine Institute of Volcanology and Seismology (Phivolcs), nagsimula ang pagsabog alas-7:33 ng umaga at tumagal hanggang alas-7:36 ng umaga.

Nagbuga naman umano ito ng ash plume na umabot sa 2 hanggang 3 kilometro ang taas bago tinangay patungong silangan.

Naitala rin ang pyroclastic density currents (PDCs na bumaba sa timog-silangang bahagi ng bulkan at posibleng umabot sa loob ng isang kilometro mula sa bunganga.

Nananatili namang nasa Alert Level 2 ang Bulkang Kanlaon, ayon pa sa Phivolcs.

Samantala, nakaranas ng lindol ang mga residente ng Baguio City at Benguet na naitala na may magnitude na 4.5 alas-2:33 ng hapon, Huwebes.

Ayon sa Philippine Volcanology and Seismology (Phivolcs), ang sentro ng pagyanig ay naitala sa bayan ng Tuba, Benguet.

Naramdaman din sa lalawigan ng La Union at ilang bahagi ng Pangasinan ang lindol, subalit wala pang nai-report na  pinsala o casualties sa insidente.

Bulkang Kanlaon, sumabog

by BRT @News | February 19, 2026

Photo: Phivolcs

Muiling sumabog at naglabas ng mataas na abo nitong kahapon ng hapon ang Bulkang Kanlaon sa Negros Island.

Batay sa ulat ng Philippine Institute of Volcanology and Seismology (Phivolcs), naganap ang malakas na pagsabog ng bulkan alas-4:40 ng hapon.

Batay sa 24-oras na monitoring ng Phivolcs hanggang alas-12:00 ng hatinggabi nitong Huwebes, nagkaroon ng 10-volcanic earthquakes sa paligid ng bulkan.

Bago ang malakas na pagsabog, nagbuga rin ang bulkan ng makapal na usok na umabot sa 150 metro ang taas.

Sa ngayon, nananatili sa Alert Level 2 ang bulkan at mahigpit pa ring ipinagbabawal ang pagpasok at pagpapalipad ng mga sasakyang panghimpapawid sa loob o malapit sa 4-kilometer radius permanent danger zone.

Higit 39K residente, inilikas dahil sa aktibidad ng Bulkang Kanlaon

ni Eli San Miguel @News | Dec. 11, 2024

Photo: XSR Adventures

Kabuuang 39,258 katao o 9,942 pamilya ang nailikas na sa gitna ng aktibidad ng Bulkang Kanlaon, ayon sa Office of Civil Defense (OCD) ngayong Miyerkules.

Sa isang press conference, sinabi ni OCD Assistant Secretary Bernardo Rafaelito Alejandro IV na target ng mga otoridad na ilikas ang 84,549 katao o humigit-kumulang 17,000 pamilya mula sa anim na kilometrong danger zone.

Noong Lunes, sumabog ang Bulkang Kanlaon, na nagresulta sa makapal na usok na mabilis na umakyat sa taas na 4,000 metro.

Naiulat ang pag-ulan ng abo, at bumaba ang pyroclastic density currents (PDCs) sa bulkan.

Itinaas ang Alert Level 3, na nangangahulugang “intensified or magmatic unrest,” sa Bulkang Kanlaon.