Sariling mamamayan pa rin ang pundasyon ng depensa ng bansa

ni Ka Ambo - @Bistado | February 28, 2022

TUTOK ang buong mundo sa pananakop ng Russia sa Ukraine.

Taliwas sa ipinangako ng US at NATO, tanging ang Ukraine soldiers lamang ang dumidipensa sa kanilang bansa.

◘◘◘

NANATILING pangako lang ang pagsaklolo bagaman kinumpirma na padadalhan ng armas at foreign soldiers ang loob ng Ukraine.

Ibig sabihin, ang pundasyon pa rin ng depensa ay ang sariling mamamayan—at hindi makakaasa sa mga dayuhan ang maliliit na bansa.

◘◘◘

SAKALING makapasok sa Ukraine ang supporta ng NATO at US, tatagal ang labanan, siyempre, mawawasak nang todo ang mga siyudad.

Higit sa krisis sa COVID-19 ang mararanasan ng mamamayan.

◘◘◘

GINIYERA ng Russia ang Ukraine dahil sa panghihimasok ng mga dayuhan.

Ganyan na ganyan ang mararanasan ng Pilipinas kung sakaling giyerahin ng China ang Pilipinas.

Magsosolong idepensa ng AFP ang Pilipinas habang inaantay ang “saklolo” ng US at kaalyadong bansa.

Tatagal din ang giyera sa Pilipinas hanggang sa muling mawasak ang bansa tulad sa World War II.

◘◘◘

WALANG mabuting kauuwian ang digmaan at pakikipag-away sa kalapit na bansa.

'Yan mismo ang iniiwasan ni P-Digong—at makikita rito ang tapang at disposisyon ni P-Duterte na wala sa mga “presidentiables”.

◘◘◘

ANUMANG araw, buwan o taon ay maaaring madamay ang Pilipinas, lalo na’t kapag sorpresang kumilos ang China.

Napakahalagang magkaroon ng may sapat na oryentasyon, training at karanasan sa “military science” sa Senado.

'Yan ay isa sa mga dahilan kung bakit “indispensable” sa senate slate si ex-PNP Chief Guillermo Eleazar.

◘◘◘

MAHALAGA ang papel na gagampanan ng PMAer awardee na si Eleazar sa paggawa ng batas, lalo na may kaugnayan sa kapayapaan at military issues.

Kamakailan ay iginawad kay Eleazar ni Pangulong Duterte ang Philippine Legion of Honor na may ranggong “commander”.

◘◘◘

ANG Philippine Legion of Honor ay ang pinakamarangyang karangalan na iginagawad ng Pangulo ng Republika sa isang sibilyan nang hindi kailangan ang pagsangguni sa Kongreso.

“Nagpapasalamat ako sa pagkilalang iginawad sa atin ni Pangulong Rodrigo Roa Duterte matapos ang pagsisilbi sa kanyang administrasyon at sa sambayanang Pilipino bilang dating hepe ng pambansang pulisya,” pagpapasalamat ni Eleazar kay P-Duterte.

◘◘◘

SUPORTADO ni El Shaddai leader Mike Velarde si Atty. Alex Padilla bilang kandidatong mayor sa Maynila.

Suportado rin ni Velarde ang vice mayoralty candidate at aktor na si Raymond Bagatsing.

◘◘◘

INILAHAD nina Lopez at Bagatsing kay Velarde ang kanilang plataporma sa Maynila sakaling magwagi.

Kasama ng dalawa na naging panauhin ng El Shaddai sa isang pagtitipon sa Paranaque ang mga senatorial candidate na sina Harry Roque, Jinggoy Estrada; Bulacan gov. Daniel Fernando at Board Member Alex Castro.

Nagsisimula na ang mga kaguluhan, dapat maghanda na ang ‘Pinas

ni Ka Ambo - @Bistado | February 26, 2022

TULAD ng inaasahan, binomba na ng Russia ang Ukraine.

Tulad sa naranasan ng Pilipinas sa pagsalakay ng Japan sa bungad ng 1940s, walang dumipensa sa Ukraine.

◘◘◘

TULAD sa Pilipinas, ilang taon munang inokupa ng Japan ang Pilipinas, bago nakabalik si Heneral Douglas MacArthur.

Nang dumipensa ang US, binomba nito ang Maynila kaya’t nawasak ang malalaking gusali.

◘◘◘

ANG Syria, Libya, Iraq at Afghanistan ay winasak at ni-ransack ang mga dayuhan.

Walang tumutulong sa ordinaryong mamamayan.

◘◘◘

HINDI dapat umaasa ang bansa sa saklolo ng ibang bansa.

Binobola lang talaga sila!

◘◘◘

ANG Pilipinas ay hindi rin dapat sumandal sa puwersa ng mga dayuhan.

Kailangang makatindig tayo sa sarili nating paa o resources.

◘◘◘

GUMIGIRE na sa air space ng Taiwan ang hindi mabilang na aircraft ng China.

Kung sakaling maging abala ang NATO at US kontra Russia, maaaring samantalahin ng China ang pananakop sa Taiwan.

D’yan na madadamay nang direkta ang Pilipinas!

◘◘◘

NILAGOT ng US at NATO ang commercial trading at financial connections sa Russia.

Magagawa ba ng NATO at US na putulin din ang ugnayang ekonomiya sa China kasabay sa Russia?

◘◘◘

KAPAG nilagot ng US at NATO ang relasyong ekonomiya sa China at Russia, aktwal na apektado ang sarili nilang ekonomiya.

Imposibleng mag-suicide ang NATO at US kasabay ng pagguho ng ekonomiya ng buong daigdig.

◘◘◘

KUNG sakaling sakupin ng China ang Taiwan kasabay ng giyera sa Europe, ‘yan na mismo ang kinatatakutang Ikatlong Digmaang Pandaigdig.

Paano na ang Pilipinas?

◘◘◘

KUNG magiging grabe ang digmaan at lalahok ang China, pwedeng ideklara ni P-Digong ang Batas Militar.

Siyempre, kanselado ang national election.

◘◘◘

ANG grabeng sitwasyon na iniwanan ng COVID-19 ay lalong gagrabe — higit sa alinmang trahedya na naranasan ng tao sa kanyang kasaysayan.

Dapat tayong magdasal nang walang patid.

Baka sakaling marinig tayo ni Lord!

Kahit nangialam na ang PNP at NBI… Isyu ng mga nawawalang sabungero, wa’ pa rin usad

ni Ka Ambo - @Bistado | February 25, 2022

PALALA nang palala ang epekto ng talamak na operasyon ng e-sabong.

Umabot na sa 30 katao ang dinukot at nawawala na pinaniniwalaang kagagawan ng mga sindikato at pusakal na sugarol sa bansa.

Iimbestigahan ng Senate Committee on Peace and Order and Illegal Drugs na pinamumunuan ni Sen. Ronald “Bato” dela Rosa ang misteryosong pagkawala ng mga cock handlers, ahente at iba pang nagtatrabaho sa sabungan!

◘◘◘

WALANG linaw ang kaso gayung pumasok na ang NBI at PNP.

Ito ang sinasabi ni Senatorial aspirant at dating Speaker Alan Peter Cayetano nang tutulan niya ang pagbibigay ng prangkisa ng Kongreso sa mga e-sabong firms!

◘◘◘

AYON kay Cayetano, pandemya ang e-sabong dahil walang malinaw na regulasyon tungkol dito at kahit menor-de-edad ay lulong na sa talpakan.

Walang kaabug-abog na inilusot ng Kamara ang pagbibigay-prangkisa sa Lucky 8 Quest Inc. na e-sabong company!

◘◘◘

KASAMA sa mga lumagda sa prangkisa ng e-sabong ay ang mga reelectionist senators pa na sina Miguel Zubiri at Sherwin Gatchalian.

Bilang kasapi ng Committee on Public Service, ano kaya ang sey nila sa krimen na nagaganap dahil sa e-sabong ko kapalit ng sinasabing P2.8-B na kikitain ng gobyerno.

◘◘◘

GUMAGRABE na ang giyera ng Russia at Ukraine.

Nagtatangkang sumaklolo ang ibang bansa pero nai-intercept ng Russian air force at naval forces.

Kinontrol na ng Russia ang air space at karagatan.

Kapag nagbombahan, diretso na ‘yan sa European War.

◘◘◘

KAPAG sumawsaw ang China, puwedeng masangkot ang Pilipinas, Japan, South Korea at Australia.

‘Yan ay posibleng maging mitsa ng kinatatakutang World War III.

◘◘◘

WALANG opisyal na pahayag ang Palasyo maliban sa paglilikas ng overseas Pinoy mula sa Ukraine.

Panibagong trahedya ito sa buhay ng mga Pinoy!

◘◘◘

TINATAMAD ang mga tao na magpa-vaccine kontra COVID-19.

Wala na kasing nahahawa.

Saan kaya dadalhin ang mga bakuna na malapit nang mag-expire?

◘◘◘

ANG dami pa kasing tsetse-buretse bago magbakuna kaya’t tinatamad ang mga tao na magpunta sa vaccination center.

Paluwagin dapat ang rekisitos upang magpabakuna ang mga tao!

◘◘◘

KUNG puwede, ibigay sa barangay health workers ang trabaho.

Payagan na rin dapat ang 4th doses o boosters at mixed vaccines!