Idinispley sa socmed, Julia… YASSI, NAGKA-MANSIYON DAHIL KAY COCO

ni Julie Bonifacio - @Winner | July 29, 2021

Ipinasilip ni Yassi Pressman ang construction ng bago niyang bahay sa social media. Maraming netizens ang humanga at bumati kay Yassi sa latest achievement niya sa buhay.

Based sa picture na ipinost ni Yassi sa kanyang Instagram, mukhang pagkalaki-laki ng ipinapatayo niyang balur kaya ang feeling ng iba, mansiyon na itey!

Nakatayo si Yassi sa ikalawang baitang na tila hagdan papasok ng bahay. At sa likuran niya, nakikita ang sala-salabat na mga bakal at iba pang construction materials.

"Trust the process," caption ni Yassi sa kanyang IG post.

Pinuri ng mga netizens si Yassi sa kanilang mga comments.

"Hardworking woman deserves a bless from God! Step by step Yass."

"You deserve all the blessings the world could give. Super proud of u as a woman!"

"I'm so proud of everything that you do Ate Yass."

Dito napatunayan na marunong mag-handle ng kanyang finances si Yassi.

For sure, kung hindi man lahat, malaking bahagi ng ginastos ni Yassi sa pagpapatayo ng bahay ay galing sa ilang taong kinita niya mula sa ABS-CBN's FPJ's Ang Probinsyano bilang leading lady ni Coco Martin.

Sa true lang, ang dami talagang natulungan ni Coco sa Ang Probinsyano, lalo na 'yung mga artistang naghirap pero nakaahon muli.

Hopefully, magtuluy-tuloy ang pagpapagawa ni Yassi ng kanyang bonggang bahay kahit wala na siya sa Ang Probinsyano.

Mga ebidensiya, lumabas, buking na sinungaling… DANI, BIGLANG-KAMBIYO VS. SA MGA HIRIT SA

PADIR NA SI KIER.

ni Julie Bonifacio - @Winner | July 28, 2021

Nag-apologize si Dani Barretto sa mga na-offend dahil sa mga sinabi niya especially sa kanyang ama na si Kier Legaspi.

Tsika kasi ni Dani sa interview sa kanya ni Dra. Vicki Belo para sa vlog nito, never siyang nag-celebrate ng birthday na nandoon si Kier.

Eh, biglang may nag-post na netizens ng photos ng birthday celebration ni Dani noong two years old siya sa bahay ng mga Legaspi.

Nag-post din ng cryptic message si Kier sa kanyang Instagram tungkol sa “lies.”

Reaction ng ibang netizens, ano raw ba'ng problema ni Dani at nag-e-emote pa siya nang ganu'n? May asawa’t anak na siya, dapat daw, hindi na siya nagsasalita nang ‘di maganda sa kanyang ama.

Kahit ano’ng sama raw ng magulang, whether ang ina or ama ‘yan, dapat ibigay ang respeto para sa kanila kahit wala ka nang nararamdamang pagmamahal.

Hanash pa ng netizens, kahit daw nag-apologize na si Dani, 'di raw nila ma-feel ang sincerity ng paghingi niya ng sorry.

Ganern!

Kinumbinse ang mga Pinoy… KATHRYN AT DANIEL, FULLY VACCINATED NA VS. COVID-19

ni Julie Bonifacio - @Winner | July 26, 2021

Fully vaccinated na ang Kapamilya couple na sina Kathryn Bernardo at Daniel Padilla.

Kahapon ay ipinost ni Kathryn sa kanyang Instagram account ang video habang itinuturok ang ikalawang dose ng COVID-19 vaccine niya sa Makati City.

Matatandaang sabay nagpabakuna for their first dose ang on-and-off screen couple sa sanib-puwersang kampanya ng Actor’s Guild sa pamumuno ng aktor na si Rez Cortez at ng Metropolitan Manila Development Authority (MMDA) last June 21.

Mapapanood sa video na talagang tiningnan ni Kathryn nu’ng iturok ang karayom sa kanyang braso. Mabuti na nga naman ‘yung sigurado.

Anyway, gaya ng ibang celebrities ay inengganyo rin ni Kathryn ang ating mga kababayan na magpabakuna na laban sa COVID-19.

Caption ni Kathryn sa kanyang IG post: “2nd dose done! Pabakuna na rin po kayo.”

Pinusuan ng ilang celebrity friends niya on Instagram gaya nina Ruffa Gutierrez at Arlene Muhlach ang naturang post.

Sey naman ng mga netizens: “Yaassss!! A vaccinated queen.”

“Bravo in doing your part to help the country go vaccinate to normal!”

“Good JAB!”