Warrant ng ICC, stupid — Sen. Robin

ni BRT @News | May 13, 2026

Photo: Robin Padilla - Senate PH

Mariing inihayag ni Senator Robin Padilla na walang halaga para sa kanila ang inihaing warrant of arrest ng International Criminal Court (ICC) laban kay Sen. Ronald “Bato” dela Rosa.

Sa panayam kay Sen. Robin, sinabi nitong hindi nila napag-uusapan ang naturang warrant at para sa kanila, ito ay hindi valid.Aniya, mababahala lamang sila kung ang warrant of arrest ay inisyu mula sa bansa.

“Kung warrant ‘yun galing sa Pilipinas, ‘yun mababahala kami. Pero kung warrant sa ibang bansa, stupid,” anang senador.

Sa kasalukuyan, mahigpit na binabantayan ang opisina ni Sen. Bato sa Senado.

Sen. Dela Rosa, 'di isusuko sa ICC

ni Mylene Alfonso @News | May 12, 2026

Photo: Ronald Bato Dela Rosa - FB

Isinailalim sa Senate protective custody si Senator Bato Dela Rosa matapos ang mosyon ni Sen. Rodante Marcoleta sa gitna ng umano'y arrest warrant niya mula sa International Criminal Court (ICC) kahapon.

Ayon kay Marcoleta, layunin ng hakbang na maprotektahan si Dela Rosa habang inaayos at tinatapos nito ang legal na hakbang para sa kanyang depensa.

Samantala, ipinag-utos na i-cite in contempt ng Senado ang mga agent ng National Bureau of Investigation (NBI) na sangkot sa panghahabol at pagharang kay Dela Rosa.

Ayon sa Senado, iimbestigahan nila ang mga nasabing agent kung sino ang nag-utos na pigilan si Dela Rosa na gawin ang trabaho nito bilang senador at hulihin ito kahit na mayroon itong parliamentary immunity.

"The John Doe's and Jane Doe's as identified individuals held in contempt. I am directing the Senate Sargent-at-Arms to put in Senate custody to the said individuals and to detain them in the Senate premises," ani SP Alan Peter Cayetano.

"If they need assistance, you're authorized to coordinate with the Pasay City PNP until such time that those held in contempt can purge themselves of contempt," dagdag pa niya.

ICC, may “secret warrant”

ni Mylene Alfonso @News | May 11, 2026

Photo: File / International Criminal Court

Nilinaw ng International Criminal Court (ICC) na walang inilabas na public arrest warrant kasunod ng napaulat na naglabas umano ng arrest warrant ang korte laban kay Sen. Ronald “Bato” Dela Rosa.

“No public arrest warrants have been issued,” ayon kay ICC spokesperson Oriane Maillet.

Tumangging magkomento si Maillet nang tanungin para kumpirmahin kung naghain ng aplikasyon ang ICC prosecution para sa isang warrant laban kay Dela Rosa, at kung ang kanyang pahayag ay nangangahulugan ng isang warrant ngunit hindi pa nabubunyag sa publiko.

“We cannot speculate on these matters or on any confidential information,” diin ni Maillet.

Ito ay kasunod ng napaulat kahapon na papunta umano ang mga otoridad para magsilbi ng warrant of arrest laban kay Dela Rosa.

Sinabi rin ng Department of Justice na wala pang impormasyon hinggil sa naiulat na pag-aresto sa senador.

Nauna nang pinangalanan ng ICC Office of the Prosecutor si Dela Rosa, kasama ang pitong iba pa, bilang mga umano’y co-perpetrators sa kasong crimes against humanity ni dating Pangulong Rodrigo Duterte.

Ayon naman kay ICC Assistant to Counsel Atty. Kristina Conti, nag-iisyu ng secret warrant ang ICC depende sa pagsasaalang-alang sa mga sitwasyon ng mga akusado.

Ani Atty. Conti, hindi nangangahulugang walang warrant of arrest kahit sinabi ng ICC na walang public warrant. May dalawang uri aniya ng warrant: public at secret. Ang public warrant ay inilalabas sa publiko, habang ang secret warrant ay hindi isinasapubliko.

Aniya, secret warrant ang inisyu ng ICC laban kay dating Pangulong Duterte.

Ang paglalabas ng ganitong uri ng warrant ay nakadepende sa pagsusuri ng mga sitwasyon sa bansang kinaroroonan ng akusado.