Kontrobersyal na Pax Silica, pinalagan ni Sen. Imee

ni Mylene Alfonso @News | August 3, 2026

Photo: File / Sen. Imee Marcos

Kinuwestiyon ni Senador Imee R. Marcos ang pagpapatuloy ng kontrobersyal na Pax Silica Project sa Capas, Tarlac matapos lumabas na nagsimula na ang pagtukoy sa mga maaapektuhang lugar nito.

Ayon kay Marcos, hindi dapat isakripisyo ang kabuhayan ng mga magsasaka at mga katutubo kapalit ng mga ipinapangakong pamumuhunan. Dapat aniya munang magsagawa ng malinaw at sapat na konsultasyon ang Bases Conversion and Development Authority (BCDA) sa mga residente bago ang anumang pagsukat ng lupa o land acquisition.

Lumabas sa mga ulat na tinatayang 1,600 ektarya ng lupa ang maaapektuhan ng proyekto, kabilang ang mga lupang sinasaka ng 92 magsasaka at mga komunidad ng Aeta, kahit wala pa umanong isinagawang pampublikong konsultasyon.

Binigyang-diin din niya na dapat sumunod ang proyekto sa itinakda ng Department of Agrarian Reform Administrative Order No. 1, Series of 2002 kaugnay ng land use conversion.

SONA ni BBM, budol — Imee

ni Mylene Alfonso @News | July 28, 2026

Photo: SONA / Imee Marcos - FB

Tinawag na ‘pambubudol’ ni Sen. Imee Marcos ang naging pahayag ng kanyang kapatid na si Pangulong Bongbong Marcos, na malapit nang sampahan ng kaso ng Ombudsman si ex-Speaker Martin Romualdez kaugnay ng flood control scandal.

“Hindi siya ang simula at hindi siya ang dulo, at kung siya ang ipipilit, ibig bang sabihin, pinatakbo niyang mag-isa ang gobyernong ito?” saad ni Marcos.

“Anyare na sa "MAHIYA NAMAN KAYO"-eh ligtas pa rin naman ang mga walang hiya,” dagdag pa niya.

Pabor sa BSKE postponement... P16B budget, gamitin kontra-krisis — Imee

ni Mylene Alfonso @News | April 20, 2026

Photo: FB / Senator Imee Marcos

Pabor si Senadora Imee Marcos sa planong pagpapaliban ng 2026 Barangay at Sangguniang Kabataan Elections (BSKE), sa gitna ng tumitinding krisis sa ekonomiya.

Ayon kay Marcos, mas makabubuting ilaan muna ang tinatayang P16 bilyong budget para sa halalan sa mas agarang pangangailangan ng publiko, gaya ng mataas na presyo ng langis, pagkain, at iba pang pangunahing serbisyo.

“At a time when the country is confronted with serious economic challenges brought about by the oil crisis, prudence demands that we prioritize the allocation of limited public resources,” diin ng Senadora.

Makatutulong aniya ang postponement upang manatiling nakatutok ang mga opisyal ng barangay sa kanilang tungkulin, imbes na maabala ng pulitika.

Dagdag pa ni Marcos, mahalaga ang tuloy-tuloy na pamumuno sa grassroots level upang masigurong maayos ang serbisyo at manatiling matatag ang mga komunidad sa gitna ng mga hamon.

“In times such as these, continuity of leadership at the grassroots level can help ensure stability and more efficient delivery of public services,” pagtatapos ng Senadora.