Pabor sa BSKE postponement... P16B budget, gamitin kontra-krisis — Imee

ni Mylene Alfonso @News | April 20, 2026

Photo: FB / Senator Imee Marcos

Pabor si Senadora Imee Marcos sa planong pagpapaliban ng 2026 Barangay at Sangguniang Kabataan Elections (BSKE), sa gitna ng tumitinding krisis sa ekonomiya.

Ayon kay Marcos, mas makabubuting ilaan muna ang tinatayang P16 bilyong budget para sa halalan sa mas agarang pangangailangan ng publiko, gaya ng mataas na presyo ng langis, pagkain, at iba pang pangunahing serbisyo.

“At a time when the country is confronted with serious economic challenges brought about by the oil crisis, prudence demands that we prioritize the allocation of limited public resources,” diin ng Senadora.

Makatutulong aniya ang postponement upang manatiling nakatutok ang mga opisyal ng barangay sa kanilang tungkulin, imbes na maabala ng pulitika.

Dagdag pa ni Marcos, mahalaga ang tuloy-tuloy na pamumuno sa grassroots level upang masigurong maayos ang serbisyo at manatiling matatag ang mga komunidad sa gitna ng mga hamon.

“In times such as these, continuity of leadership at the grassroots level can help ensure stability and more efficient delivery of public services,” pagtatapos ng Senadora.

Buong ICI report, huwag itago — Sen. Imee... Buwayang mastermind sa flood scam, ilantad!

ni Mylene Alfonso @News | April 2, 2026

Photo: Imee Marcos / FB

HIniling ni Senador Imee Marcos ang pagsisiwalat ng buong ulat ng Independent Commission for Infrastructure (ICI), na nag-imbestiga sa maanomalyang flood control.

“Full transparency is the only way for the ICI and maybe, this administration, to redeem themselves in their dismal handling of the flood control mess,” wika ni Marcos sa isang pahayag.

“Para saan pang itinatag ‘yung ICI kung itatago lang naman ang report, walang ilalantad na buwayang mastermind, at tuluy-tuloy lang ang pangungurakot, habang nalulunod sa baha at paghihirap ang sambayanan?” tanong ng senadora.

Ipinunto ni Marcos ang Section 8 ng Executive Order 94 na lumikha sa ICI noong nakaraang taon na dapat maglabas ng naging accomplishments nito at iba pang kaugnay na ulat. “What could be a more relevant report than the final report itself? Furthermore, to give context to the final report, the ICI should also release the transcripts of its proceedings and the documents filed by the resource persons,” diin ni Marcos.

Matatandaang naipasa na ng ICI ang mga rekomendasyon nito kaugnay ng mga kaso sa Office of the Ombudsman at sa Department of Justice (DOJ).

Nauna nang sinabi ng Malacañang na tila “nabibigatan” ang Office of the Ombudsman at ang Department of Justice (DOJ) sa dami ng mga rekomendasyong nagmula sa ICI, nang tanungin tungkol sa kakulangan ng mga hatol laban sa malalaking kontratista at matataas na opisyal na umano’y sangkot sa maanomalyang flood control projects.

Sobrang guilty, nagsori... Sara, ipinahamak ko — Imee

ni Mylene Alfonso @News | April 1, 2026

Photo: Sen. Imee Marcos at Inday Sara Duterte - FB

Sa part 2 ng kanyang "Pagsisisi at Pagpapatawad" video, sunod na humingi ng tawad si Senator Imee Marcos sa mga Duterte, partikular na kina Vice President Sara Duterte at dating Pangulong Rodrigo Duterte.

Ito ay matapos umano niyang ipahamak ang Bise Presidente nang itambal niya ito sa kanyang kapatid na si President Bongbong Marcos, noong 2022 elections.

“Higit sa lahat sa VP natin, kay Inday Sara. Ipinahamak ko siya, eh. Talagang naiisip ko na gilting-guilty ako,” ani Marcos.

“Sana nananahimik sa Davao ‘yun, mayor siya, walang kalaban-laban, walang hassle, walang gulo. Si presidente, si Tatay Digong nandito sana sa piling natin. Ang dami kong pagsisisi,” dagdag pa nito.