Hitsurang niyaya na raw ng kasal… RICHARD, SINORPRESA SI BARBIE SA KUWARTO

ni Vinia Vivar @Frankly Speaking | May 22, 2026

Photo: IG _msbarbieimperial

Ang sweet ni Richard Gutierrez sa girlfriend na si Barbie Imperial.

Ipinost ng aktres sa kanyang Instagram (IG) Story ang ginawa ni Chard na pinuno ng napakaraming bulaklak, balloons at mga candles ang kanyang kuwarto.

“Thank you,” ang simpleng caption ni Barbie.

Sa isang thread sa social media, may mga netizens na naghinala na baka nag-propose na si Richard kay Barbie. Pero may mga kumontra rin at sinabing hindi pa annulled ang kasal ng aktor sa estranged wife na si Sarah Lahbati.

May nagsabi naman na baka anniversary ng dalawa.

Pero may okasyon man o wala, marami ang kinilig sa sweet gesture na ito ni Chard kay Barbie.

“Ang haba ng eyelashes n’ya. I find this romantic,” sey ng isang netizen.

Ang iba naman ay napa-‘sana all’ at pinuri ang pagiging thoughtful ni Richard Gutierrez.

---

Not once but twice pa…

DOMINIC AT MISIS, NA-SCAM NG HALOS P300 K

DALAWANG beses nang na-scam online si Dominic Ochoa at malaki-laki rin ang halagang nawala sa kanya na hindi na nila nabawi.

Sa mediacon ng Taskforce Firewall (TF) kamakailan, natanong ang cast kung naranasan na rin ba nilang maging biktima ng scam at iba pang panloloko online. Tumatalakay kasi ang nasabing serye sa talamak na cybercrimes sa bansa.

Sey ni Dominic, “Yes, I personally experienced it noong 2020. ‘Di ko makakalimutan ‘yun. It was January 2020, credit card fraud, it was P60,000.”

Kasunod nito, noong 2021, ang kanyang misis naman ang nabiktima ng phishing (panlilinlang online upang makuha ang personal na impormasyon).

“It was around P230,000. At the end of the day, we ended up the whole day calling people, going to the police station, we even went to Camp Crame, NBI (National Bureau of Investigation), and nothing happened,” kuwento ni Dominic.

Kaya nang malaman niyang makakasama siya sa TF, ikinatuwa niya ito dahil kahit papaano ay magiging bahagi siya ng pagtaas ng awareness ng publiko tungkol sa cybercrimes.

“When we talk about cybercrime, mas marami pang malalaking organisasyon abroad ang target ang maraming tao, ‘di lang pera, pati mga bangko.

“Gaya nga ng sinabi kanina ni Direk, mahirap, pinaghirapan natin ‘tong perang ‘to, ‘di naman natin ‘to ninanakaw,” saad ng aktor.

Simula noon ay naging maingat na sila ng kanyang asawa at hindi na basta-basta nagtitiwala sa text o tawag mula sa hindi kilalang tao.

Mensahe niya sa publiko, “‘Wag tayong magpapaloko. Ingat po tayo, ‘wag magbibigay ng OTP (one-time password) ‘pag ‘di natin pinagkakatiwalaan.”

---

Gustong makasal sa tamang tao…

RICO, UMAMING INIYAKAN SI MARIS

SA kabila ng kanyang edad, single pa rin ang singer-songwriter na si Rico Blanco at inamin niyang akala niya ay tatanda siyang mag-isa.

“There was a time when I resigned, parang I knew that being single was the best setup for me. But that was a long time ago. And then I had a relationship after that,” pahayag ng singer-actor sa panayam sa Fast Talk with Boy Abunda (FTWBA).

“Right now, I’m single, but I’m open to not being single,” deklara pa niya.

Hindi rin sarado ang kanyang pintuan sa pagpapakasal at bukas siya sa posibilidad ng pagkakaroon ng asawa.

“It’s still a possibility for me. But I suppose it has to be with the right person because I’m at the age where I don’t have to get married.

“I understand for some people they have to get married. Right now I don’t have to get married. So if I am going to get married, it has to be the right person,” aniya.

Hindi rin siya pine-pressure ng kanyang pamilya o mga kaibigan tungkol dito.

“I don’t know, they don’t say it to my face,” natatawa niyang sabi. 

Pahabol niya, “Nobody does.”

Dugtong pa niya, “Maybe because they also see I’m trying. They’ve seen me in relationships, trying each time, and being broken each time it doesn’t work.”

Nang tanungin kung umiyak na siya dahil sa pag-ibig, aniya, “Oh, all the time.”

Matatandaang ang huling kinumpirmang naging girlfriend ni Rico Blanco ay ang aktres na si Maris Racal. Naghiwalay sila noong 2024.

Songbird, last major concert na raw sa October… OGIE: REGINE, ‘DI PA TITIGIL SA PAGKANTA

ni Vinia Vivar @Frankly Speaking | May 22, 2026

Photo: IG _ogiealcasid

Nilinaw ni Ogie Alcasid na hindi pa magreretiro ang misis niyang si Regine Velasquez sa pagkanta.

Matatandaan kasing inanunsiyo ni Asia’s Songbird na magkakaroon na siya ng finale concert on October 17 and 18 bilang selebrasyon ng kanyang 40th anniversary sa showbiz. Gaganapin ito sa SM Mall of Asia (MOA) Arena.

Ayon kay Regine, ito na raw ang kanyang last solo concert. Kaya ang akala ng mga tao ay titigil na sa pag-awit si Songbird.

Sa pocket mediacon ni Ogie kahapon (May 21) para sa kanyang Father’s Day concert titled Daddyokie na gaganapin ngayong Hunyo, isa nga sa mga naitanong sa OPM icon ay kung napag-usapan ba nila ni Regine ang desisyon nitong tumigil na sa pagkanta at sey niya, “‘Di pa s’ya magre-retire, ha?”

Wika pa niya, “I don’t think she’s going to stop lalo pa ngayon. Ang galing-galing pa rin n’ya, eh.”

Ang sinabi raw ni Regine ay last major concert na niya ang upcoming show on October, pero kakanta pa rin naman ito.

“I think she’s going to do more collabs, which ‘yun naman ang lagi n’yang ginagawa, ‘di ba?” sabi ni Ogie.

Pero inamin naman niyang nag-usap sila ni Regine nang masinsinan tungkol dito. Naging emosyonal pa nga raw ang kanilang pag-uusap.

“This (singing) is her love, aside from me,” sambit ng singer-songwriter.

“Nag-usap kami nang masinsinan. Sabi ko sa kanya, ‘Hon, kung pagod ka na, and you feel like you wanna spend more time with Nate (their son) and with the family, don’t worry, we’ll all be okay,’” pagbabahagi ni Ogie.

“But ako, feeling ko, she’ll be singing forever,” dugtong niya.

Samantala, ayon kay Ogie, ang Daddyokie ay concert daw for all the daddies, young and old. Marami raw siyang inihandang songs from the old days.

“It’s very different from all the concert na ginagawa ko, kasi ‘yung mga concerts ko, laging kanta ko lang ang kinakanta ko. So, this time around, it’s a throwback sa lahat ng mga songs na kinalakihan natin,” aniya.

“Mga tatay naman ang pakakantahin ko, so it’s a chance also for the daddies to jam with me,” sey pa niya.

Daddyokie is happening on June 19 and 20, 8:00 PM sa Proscenium Theater in Rockwell. 

Makakasama ni Ogie Alcasid bilang mga guests sina Bela Padilla at Karylle.

Sanib-puwersa na… COCO AT DINGDONG, MAY GAGAWING PROJECT PARA SA MGA TAGA-SHOWBIZ

ni Vinia Vivar @Frankly Speaking | May 21, 2026

Photo: IG _cocomartin_ph

Opisyal nang inanunsiyo ng aktor na si Dingdong Dantes ang pagsapi ni Coco Martin sa AKTOR – League of Filipino Actors.

Sa kanyang Facebook (FB) at Instagram (IG) account ay nagbahagi si Dong ng mga larawan sa katatapos lang na general assembly ng naturang organisasyon ng mga aktor kung saan ay nanumpa si Coco bilang miyembro.

Makikita rin sa larawan si Charo Santos-Concio na isa rin sa mga importanteng figures sa AKTOR, ang kasalukuyang presidente na si Iza Calzado, gayundin ang iba pang miyembro tulad nina Cherry Pie Picache, Agot Isidro at iba pa.

Sa caption ay ikinuwento ni Dingdong na nagsimula ang usapan ng pagsapi ni Coco sa AKTOR nang pumunta silang dalawa sa bahay ni Ma’am Charo noong nakaraang taon.

“Last year, nagkaroon kami ng isang importanteng usapan sa bahay ni Ma’am Charo, kaming tatlo ni Coco,” simula ni Dong.

“Nauwi ang kuwentuhan sa mga hangarin namin para sa industriya, para sa sektor ng mga artista, at para sa komunidad na patuloy naming sinusubukang palakasin,” patuloy niya.

Ipinahayag din ng founding chairman ng AKTOR ang kanyang kasiyahan na makasama ang mga taong may malasakit sa industriya.

“At siguro, ‘pag may mga taong kasama kang may parehong malasakit para sa kapwa-aktor, mas lalo mong naiintindihan kung bakit mo ginagawa ang lahat ng ‘to. Mas nararamdaman mong posible pala ang mga bagay na dati’y parang ang hirap abutin basta may mga taong handang makiisa at tumulong sa atin,” aniya.

Kasunod nito ay inanunsiyo rin ni Dingdong na mayroon silang ilulunsad na ‘solid and concrete’ project na pamumunuan ni Coco.

“Nakakatuwang isipin na ang usapang ‘yun ay magiging isang solid at konkretong proyekto very soon, na ilulunsad namin kasama si Coco, na siya rin mismo ang mamumuno nito sa ilalim ng AKTOR,” aniya.

“Welcome to AKTOR, Coco Martin! At salamat po, Ma’am Charo,” ang mensahe ni Dingdong.

Ngayon pa lang ay excited na ang mga fans kung ano ang major collaboration na magaganap sa dalawang itinuturing na mga showbiz royalties ng industriya.

---

ARAL o iskandalo? Ano ba talaga ang hinahanap ng manonood sa primetime?

Sa mga TV series, alam nating pinakamabenta pa rin ngayon ang mga seryeng punumpuno ng iskandalo, krimen, pagtataksil, rebelasyon, at kung ano pang mas nagdaragdag ng thrill at hook sa istorya.

Pero may lumalakas ding ibang klase ng istorya na kinahihiligan ng mga viewers – mga kuwentong hindi lang nagpapagulat kundi nagpaparamdam. Isang example nito ang My Bespren Emman ng TV5, na kuwento ng isang taong nagkamali, nasira, pero gustong bumawi. Hindi siya perpekto. At siguro, doon siya nagiging totoo.

Kaya maraming viewers ang nakaka-relate — hindi dahil sa laki ng eksena, kundi dahil sa lalim ng emosyon. 

Sa panahon ngayon, marami ang pagod, marami ang may pinagdaraanan, at hindi lahat, gusto ng mas matinding gulo sa TV.

Minsan, gusto lang nila ng kuwentong magsasabing, “Hindi ka pa tapos.”

Hindi ibig sabihin, mawawala ang iskandalo. Nandiyan pa rin ‘yan — at may audience pa rin. Pero unti-unting lumalakas ang puwang para sa kuwentong may puso.

Dahil sa dulo, hindi lang ingay ang hinahanap ng tao kundi koneksiyon.