Menor-de-edad na anak, na-bully daw… REKLAMO NINA ALFRED VS. ROB SY, IBINASURA NG KORTE

ni Vinia Vivar @Frankly Speaking | May 28, 2026

Photo: IG _alfredvargasofficial & _robsy.ph

Ibinasura ng Manila Prosecutor’s Office ang reklamo ng aktor-pulitiko na si Alfred Vargas laban sa kapwa-aktor na si Rob Sy.

Matatandaang nitong nakaraang Abril ay naghain ng criminal complaints ang aktor-konsehal at ang kanyang misis na si Yasmine Vargas laban kay Rob dahil umano sa pambu-bully ng menor-de-edad na anak nito sa kanilang anak.

Sa sinumpaang salaysay ng mag-asawang Vargas, tinukoy nila ang mga insidenteng umano’y naganap sa swimming school na pinapasukan ng kanilang mga anak.

Ayon sa 10-pahinang resolusyon ng piskalya, walang sapat na ebidensiya o prima facie case na may pananagutan si Rob at ang misis nito sa insidente.

Naglabas na ng official statement si Rob tungkol dito at nagpasalamat siya sa Office of the City Prosecutor, gayundin sa mga taong naniwala at sumuporta sa kanila.

Sa ngayon ay wala pang pahayag si Konsehal Alfred Vargas tungkol dito at kung may balak ba siyang mag-file ng appeal, pero nakarating sa amin na maglalabas siya ng official statement soon.

---

Todo-alala sa gulo sa Senado…

GARY V., NAGPASAKLOLO NA KAY LORD PARA SA MGA SENADOR

HALATANG nababahala at nag-aalala na rin si Gary Valenciano sa sunud-sunod na kontrobersiya sa Senado, gayundin sa mga hindi magagandang kaganapang nangyayari sa bansa.

Kaya naman sa kanyang X (dating Twitter) account ay idinaan na lang niya sa pagdarasal ang kanyang pagkabagabag at mga nais na mangyari.

Nakiusap si Mr. Pure Energy sa Panginoon na sana’y kausapin at gabayan ang ating mga senador upang gawin ang tama.

“Lord, please Lord, speak to every heart of those in the Senate. Speak in a way that they have never experienced before. Give them the courage and direction to simply do what is right in Your eyes,” panalangin ni Gary.

Dagdag pa niya, “We have such a broken country. Lord, have mercy on us… please.”

Noon pa man ay kilala nang madasalin si Gary at ang kanyang pamilya, at subok na ang kanyang matibay na pananampalataya sa Panginoon. Madalas din siyang magbahagi ng posts tungkol sa teachings ni Lord at iba pang mga religious matters.

---

Ibinuking ng doktor…

HEART, NAGPAGAWA NG LIPS

SUMAILALIM si Heart Evangelista sa isang lip procedure kamakailan.

Makikita sa Instagram (IG) account ng celebrity doctor na si Aivee Teo ang ‘Strawberry Lip Booster’ procedure na isinagawa niya sa fashion icon.

Ang naturang enhancement ay para umano mapanatiling strawberry-colored ang lips na tila naka-natural lipstick.

“Started the day with @iamhearte trying something new — the Strawberry Lip Booster, followed by her second session of the Aivee 2-Min MagicLift,” caption ng skin care specialist.

Sagot ni Heart, “Hahaha! It’s nice! My lips are so hydrated.”

Pinuri naman ng mga netizens ang classy at eleganteng beauty ni Heart Evangelista kahit walang make-up.

Sa harap ng mister na si EA… SHAIRA, TINITIGAN NI JIMIN NG BTS, NAGTATATALON

ni Vinia Vivar @Frankly Speaking | May 26, 2026

Photo: IG _shairadiaz

Daig pa ni Shaira Diaz ang naka-jackpot sa lotto sa sobrang saya na makita niyang muli nang personal ang iniidolong South Korean boy group na BTS.

Dumayo ng Las Vegas si Shaira at mister na si Edgar Allan ‘EA’ Guzman para sa United States (US) leg ng Arirang concert ng BTS na naganap nitong Mayo 23 sa Allegiant Stadium.

Matatandaang last February ay sinorpresa ng aktor ang kanyang misis nang bumili siya ng tiket para sa nasabing concert.

Sa Instagram (IG) ng mag-asawa ay sunud-sunod ang mga posts nila ng mga ganap sa concert at talaga namang wala nang ginawa si Shaira kundi ang magsisigaw habang nanonood, as in nakakabinging tili.

Kitang-kita rin sa aktres ang sobrang kaligayahan na animo’y nasa cloud nine.

Caption ni EA sa isa niyang post, “Happy wife, happy life,” habang makikita si Shaira na pa-dance-dance pa bago magsimula ang concert.

Pero ang pinakanakakaloka at marahil ay isa sa mga hindi malilimutang moments ng aktres ay nang mapatitig sa kanya nang ilang segundo ang member na si Jimin during the BTS sound check, isang privilege sa mga VIP ticket holders dahil makikita nila ang kanilang idolo na nagre-rehearse sa venue bago magsimula ang concert.

Malapit sa stage ang puwesto ng mag-asawa at na-capture ni EA nang lumapit si Jimin sa may gawi nila at napatitig kay Shaira.

“Jimin & Jin lang naman ang napatitig sa ‘yo @shairadiaz. Proud hubby here!” caption ni EA.

Makikita rin sa video na nagtatatalon si Shaira matapos siyang titigan ni Jimin. Hahaha!

Matatandaang nanood din sina Edgar Allan ‘EA’ Guzman at Shaira Diaz ng concert ng BTS sa Goyang Stadium noong nakaraang Abril.

---

MAS pinagtibay ng ABS-CBN ang koneksiyon sa mga Pilipino sa buong mundo sa pangunguna ng BINI sa bagong digital campaign na ‘Together Forever’, tampok ang sarili nilang bersiyon ng kantang Dahil Sa ‘Yo.

Napapanood sa music video ang recording session ng BINI members na sina Aiah, Colet, Maloi, Gwen, Stacey, Mikha, Jhoanna, at Sheena, kung saan bida ang tagos sa puso nilang mensahe ng pasasalamat sa lahat ng mga Kapamilya na patuloy na tumatangkilik sa kuwento at musikang Pilipino saanman sa mundo.

Nagsisilbi itong official anthem ng kampanya para ipagdiwang ang pagiging ‘together forever’ ng mga Pilipino dahil maaari nilang i-enjoy ang mga minamahal nilang programa at makabuluhang karanasan kahit saan mang parte sila ng mundo sa mas pinalawak na online platforms ng ABS-CBN.

Handog ng ABS-CBN ang Together Forever campaign para ipagpatuloy ang layunin ng kumpanya na maabot ang serbisyo nito sa mas maraming tao sa iba’t ibang panig ng mundo sa pamamagitan ng pagpapalawak ng online platforms nito.

Sa pamamagitan ng mga programa at artista ng ABS-CBN, nananatiling konektado ang mga Pilipino sa buong mundo dahil sa Kapamilya Online Live at iWant, kung saan hassle-free ang panonood ng mga paboritong Kapamilya programs na available online 24/7.

Nang unang makasama sa pelikula… BELA, IBINUKING ANG NARANASAN KAY MARICEL SA SHOOTING

ni Vinia Vivar @Frankly Speaking | May 25, 2026

Photo: IG bela & _officialmaricelsoriano

Ini-release na ng Viva Films ang first teaser ng pelikulang pinagsasamahan nina Maricel Soriano at Bela Padilla, ang Life After You (LAY) mula sa direksiyon ni Marla Ancheta.

Sa nasabing teaser ay mapapanood ang seryosong eksena ng dalawang aktres.

Kaagad naman itong ibinahagi ni Bela sa kanyang Instagram (IG) kasabay ng kanyang pasasalamat sa pagkakataong makasamang muli ang Diamond Star.

Ikinuwento niya na ang kauna-unahang pelikulang ginawa niya ay si Maricel din ang kanyang kasama at that time ay hindi pa siya kilala at dalawa lang daw ang kanyang linya.

“My first EVER film was with this extremely talented, beautiful, warm and absurdly funny legend.

“I was a fly on the wall with 2 lines. I played someone’s best friend… easily missed,” simula ng aktres.

Ang tinutukoy ni Bela na pelikula ay ang Bahay Kubo: A Pinoy Mano Po! (BKAPMN) noong 2007.

“But I was in awe. She came to set with dress bags following her. All her things, organized and neatly put away where she could easily reach for them. And every time they called her to set, she was ready to perform, to remind us why she’s our Diamond Star,” patuloy ni Bela.

“I’m lucky that I got to work on that project because they still used a film camera. So every time I heard the camera grind, before the AD would shout action, I would sneak a quick glance at what Miss Maricel was doing. But she was always ‘in the zone,’” sey pa niya.

Kasunod nito ay nagpasalamat siya kay Maricel gayundin sa direktor at sa Viva executive na si June Rufino.

“These are the moments in my life that feel unreal. The ones that remind me how much I love doing what I do (teary-eyed emoji). Thank you, Inay. Thank you, Direk Marla. Thank you, Tita June,” mensahe ni Bela Padilla.

---

HINDI pa rin mapigilang maging emosyonal ng aktor na si Kyle Echarri kapag napag-uusapan ang pumanaw niyang younger sister na si Bella.

Sa latest episode ng vlog ni Maricel Soriano kung saan guest ang aktor, isa nga ito sa mga napag-usapan nila at kitang-kita na masakit pa rin sa kanya ang pagpanaw ng kapatid.

Matatandaang taong 2023 nang sumakabilang-buhay si Bella at the age of 12 matapos ang pakikipaglaban sa brain cancer.

“Sobrang dami kong tanong sa buhay nu’ng nangyari po ‘yun sa akin. Sobra. Ang dami mong doubts sa world, sa ginagawa ko sa career ko,” saad ni Kyle.

Aniya pa, “In the midst of everything that was happening to my sister, paangat na ‘yung career ko. Nasa Pilipinas ako, nasa States s’ya nagpapagamot, pero for some reason, first time ko ever na magkaroon ng out-of-the-country work was the same year na nagkaroon s’ya ng sakit at du’n ako nakakapunta.”

Lahad pa niya, “It was so hard, kasi every time magba-back and forth ako, ‘Nay, iba’t iba ‘yung nawawala sa kanyang senses. Brain cancer kasi ‘yun, ‘Nay, it was controlling everything that she can ano, to the point where wala na s’yang ano. ‘Di mo na s’ya makakausap, naka-ganu’n na lang s’ya (hindi na makagalaw).”

Napaluha si Kyle habang inaalala ang paghihirap ng kapatid bago ito pumanaw.

“Sinabi ko sa Mama ko, ‘She’s just living for us at this point. What’s the point of letting her go through this pain?’ So, sinabi ko sa Mama ko, I don’t want to say we’re giving up on her but I want her to go back home, kumbaga, as an angel. Go back home. She already lived the life that she was given and I don’t want her living her life for us anymore. I want her to live her life up there,” kuwento ng aktor.

“And ever since then nawala s’ya, basta ‘yun, ipinangako ko po talaga sa sarili ko, I’m gonna do everything with the sole purpose of her being my purpose. Like she will be everything that I do.

“I make career decisions, life decisions or I have problems with certain people, I try to look at it as how I thought she would have looked at it with her innocence,” pahayag pa ni Kyle.

Bagama’t mahirap ay pinilit niyang tanggapin ang nangyari at inisip na lang niya na may dahilan ang Diyos kung bakit kinuha nang maaga ang kanyang pinakamamahal na kapatid.