SSS, tatanggap na ng online application ng maternity benefit claims

ni Fely Ng - @Bulgarific | June 6, 2021

Hello, Bulgarians! Mula noong Mayo 31, 2021 ay tumatanggap na ang Social Security System ng online Maternity Benefit Applications (MBA) at Maternity Benefit Reimbursement Applications (MBRA) sa pamamagitan ng My.SSS portal na makikita sa website ng SSS.

Ayon kay SSS President and Chief Executive Officer Aurora C. Ignacio, maaari nang magpasa ng online application para sa MBA at MBRA ngunit pinapayagan pa rin na magsumite ang mga miyembro ng kanilang aplikasyon sa pamamagitan ng drop box system o over-the-counter sa mga tanggapan ng SSS/ Foreign Representative Office (FRO)/ Medical Evaluation Center (MEC) hanggang Agosto 31, 2021 at ang mandatory implementation naman nito ay nakatakda sa ika-1 ng Setyembre 2021.

“Bilang bahagi ng mga hakbang sa digitalization, tatanggap na rin ang SSS ng mga aplikasyon ng maternity benefit na ipapasa online, tulad ng mga sickness benefit reimbursement, unemployment, retirement, at funeral applications. Pinahahalagahan namin ang kasalukuyang sitwasyon ng kababaihang miyembro na kabilang sa high-risk individuals sa sakit na dala ng COVID-19. Palagi naming prayoridad ang kanilang kalusugan at kaligtasan,” sabi ni Ignacio.

Sakop ng maternity benefit ang lahat ng babaeng miyembro na self-employed, voluntary, overseas Filipino worker (OFW), non-working spouse, at maging ang mga umalis sa trabaho at hindi pa nakatatanggap ng anumang paunang bayad na maternity benefit mula sa kanilang dating employers. Samantala, ang maternity benefit reimbursement naman ay sakop ang lahat ng employers, kabilang ang household employers.

Kabilang ang initial o bagong claims sa online application sa pamamagitan ng My.SSS account ng member o employer, kasama ang case adjustments, maging ang mga sumusunod:

• kuwalipikado ang miyembro bilang solo parent;

• may koreksiyon sa uri ng panganganak mula sa normal na naging caesarian o mula sa pag-agas na naging ectopic pregnancy at sumailalim sa operasyon;

• mas mataas ang pagkalkula ng SSS sa pagkalkula ng ng employer;

• may dagdag-kontribusyon na makaaapekto sa pagtaas ng makukuhang benepisyo;

• pagtatama ng aprubadong bilang ng araw mula sa 60 (normal delivery) o 78 (caesarian section delivery) na magiging 105 araw; at

• alokasyon ng leave credits na hindi nagamit dahil sa pag-alis sa trabaho ng ama ng bata o ng kuwalipikadong tagapag-alaga nito.

Samantala, kinakailangang i-scan at i-upload ang mga kailangang dokumento upang masuri ito ng SSS.

Para sa MBRA, ang paunang bayad ng employer ay kinakailangan na makumpirma o masertipikahan ng babaeng miyembro sa loob ng pitong araw mula sa araw ng e-mail notification na ipinadala ng SSS. Maaaring ma-aaccess ng miyembro kumpirmasyon o sertipikasyon sa pamamagitan ng link sa e-mail ng SSS o sa kanyang account sa My.SSS. Mare-reject ang claim kung hindi ito makumpirma o masertipikahan sa loob ng pitong araw at kakailanganin ng employer na muling magsumite ng MBRA bilang bagong transaksiyon. Para sa mga sitwasyon kung saan ang miyembro ay wala na sa dating employer, absence without leave (AWOL) o namatay bago maisumite ang claim, hindi na kakailanganin na ito ay makumpirma o masertipikahan.

“Hinihikayat namin ang mga miyembro at employers na mag-rehistro sa My.SSS at i-enroll ang kanilang bank accounts sa Disbursement Account Enrollment Module (DAEM) upang matanggap nila ang kanilang mga benepisyo sa lalong madaling panahon. Ang mga online services na ito ay bahagi ng aming kampanya sa pamamagitan ng ExpreSSS para sa mas pinabilis, pinadali at pinasimpleng paraan na pakikipagtransaksiyon sa SSS. Ang pangunahing layunin nito ay mabigyan ang mga miyembro at ang publiko ng ligtas at madaling paraan upang mag-apply para sa kanilang benepisyo at loans ng hindi kinakailangan pang personal na magpunta sa aming mga tanggapan,” pagtatapos ni Ignacio.

Ang maternity benefit ay cash allowance na ibinibigay ng SSS sa kuwalipikadong babaeng miyembro. Upang makuwalipika, kinakailangang mayroong hindi bababa sa tatlong buwan kontribusyon sa loob ng 12-buwan bago ang semestre ng panganganak, pag-agas o emergency termination of pregnancy (ETP). Para sa mga employed members, kinakailangang ipaalam nila sa kanilang employers ang kanilang pagbubuntis. Para sa mga self-employed, voluntary, at OFW members, kinakailangan na sila ay magpasa ng maternity notification sa pamamagitan ng My.SSS portal sa SSS website o sa SSS Mobile App. Ipinapaalala rin sa mga miyembro na ang mga kontribusyon bago ang semestre ng panganganak, pag-agas o emergency termination of pregnancy (ETP) ang pagbabasehan ng kwalipikasyon sa nasabing benepisyo.

Ipinatupad ang 105-Day Expanded Maternity Leave Law noong ika-11 ng Marso 2019 kung saan tinaasan ang bilang ng araw ng maternity leave, mula sa 60-araw para sa normal delivery, o 78 araw para sa caesarian section delivery, na naging 105-araw anuman ang uri ng panganganak. Mayroon din dagdag na 15-araw kung ang nanganak ay kuwalipikado bilang solo parent.

Sa sitwasyon naman nang pag-agas o ETP, binibigyan ang babaeng miyembro ng 60-araw na maternity leave. Pinapayagan din ng batas na magkaroon ng maternity leave ang kababaihan sa tuwing sila ay nanganganak, naagasan o ETP, maging ilang beses pa ito kumpara sa nakaraang limitasyon na apat na beses na panganganak lamang o pag-agas.

Makikita ang iba pang mga anunsiyo at impormasyon sa mga sumusunod na opisyal na social media channels ng SSS: “Philippine Social Security System” sa Facebook at YouTube, “mysssph” sa Instagram, “PHLSSS” sa Twitter, at ang SSS Viber Community na “MYSSSPH Updates.”

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Pagsasanay sa TESDA ng mga manggagawa sa Marawi, may ayuda ng Holcim Philippines

ni Fely Ng - @Bulgarific | May 23, 2021

Hello, Bulgarians! Halos 500 kabahayan para sa mga pamilya na naapektuhan ng kaguluhan sa Marawi City ang naipatayo bilang bahagi ng programa para sa rehabilitasyon ng lungsod sa pakikipagtambalan ng nangungunang building solutions provider Holcim Philippines, Inc., United Nations Human Settlement Programme (UN-Habitat) at Technical Education and Skills Development Authority (TESDA).

Sa pagtatapos ng Abril sa kasalukuyan, 491 sa kabuuang 1,057 pabahay na bahagi ng unang yugto ng programa ang isinasaayos at naipatayo na. Halos 72,000 supot ng Holcim Excel cement mula sa planta ng Holcim Philippines sa Lugait, Misamis Oriental ang nagamit sa proyekto. Nakahanda na rin ang karagdagang 85,000 supot ng Holcim Excel para magamit sa nasabing programa.

Kasama sa mga manggagawa ang mga mismong residente ng Marawi, kabilang ang 116 na sinamay ng TESDA, sa pamamagitan ng Holcim Philippines ‘Galing Mason’ program. Ang ipinagkaloob na sertipiko sa ‘masonry skills’ ng TESDA ay magagamit din ng mga residente sa kanilang hanap-buhay maging sa abroad.

“We are pleased that this partnership project with the UN-Habitat is progressing well and helping the City of Marawi rise again. This wonderful update is a welcome development as we join the nation for the celebration of Eid al-Fitr. The continued recovery of Marawi is a testament to the resilience of Filipinos, and shows how our products are making a difference in the lives of our countrymen and the progress of the nation,” pahayag ni Holcim Philippines Vice President for Communications Cara Ramirez.

“Eid Mubarak to our Muslim brothers and sisters! The Rebuilding Marawi Project, funded by the People of Japan, is steadily moving forward towards its goal of providing permanent houses to 1,057 families affected by the 2017 Marawi Siege. The ongoing permanent shelter construction in four resettlement sites and the turnover of Hadiya Village to 109 families are project milestones made possible by various partnerships forged along the course of project implementation. UN-Habitat is grateful for the strong partnership it has built with Holcim Philippines – access to cement is one major aspect of the partnership that kept the construction of houses unhampered amidst the mobility restrictions posed by Covid-19 pandemic,” tugon ni UN-Habitat Country Programme Manager Christopher Rollo.

Ang proyekto ay bahagi ng sama-samang pagtutulungan at pagkakaisa ng iba’t ibang sektor para maibangon ang Marawi na lubhang nasalanta sa naganap na kaguluhan na nakaapekto sa halos 80,000 pamilya. Bukod sa UN-Habitat at TESDA, nahagi rin ng projekto ang Government of Japan, Task Force Bangon Marawi, at ang Department of Human Settlements and Urban Development.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Go Negosyo, 2 million followers na sa Facebook

ni Fely Ng - @Bulgarific | May 16, 2021

Hello, Bulgarians! Opisyal nang naging #1 NGO page at fastest-growing NGO page sa bansa ang Go Negosyo. Kamakailan ay nakamit ng Go Negosyo Facebook page ang two million followers, isang malaking milestone sa hangarin nitong ibsan ang kahirapan sa bansa sa pamamagitan ng pagnenegosyo.

Ang Go Negosyo ang mayroong pinakamalaking audience sa lahat ng Philippine NGO pages sa bansa lamang ng kumulang isang milyon sa sumusunod dito, #2 Philippine Red Cross (1,167,673) at #3 World Health Organization Philippines (1,001,266).

Nakabilang din ito sa Top 100 sa buong mundo, ang natatanging NGO na nakapasok galing sa bansa — nagpapatunay sa dedikasyon nitong maabot ang bawat Pilipino at tulungan silang makamit ang kanilang entrepreneurial dreams.

“As we reach this milestone, I want to show my utmost appreciation to our partners for their untiring support. Without them, none of this would be possible. More importantly, I would like to thank our two million followers for believing in our vision of an enterprising Philippines. We have been doing this for 15 years already. And we saw the opportunity to scale up,” saad ni Presidential Adviser for Entrepreneurship and Go Negosyo founder Joey Concepcion.

“Go Negosyo will continue to provide Filipinos access to mentorship, money, and market through its programs,” ani Concepcion.

Bilang selebrasyon at way of giving back sa mga followers nito, nagsimulang magbigay ang Go Negosyo ng Php5,000 dagdag-puhunan sa sampung masusuwerteng negosyante noong May 10 at magpapatuloy hanggang July 10, araw-araw — Php2 milyong pandagdag-puhunan sumatotal. Parte ito ng kanilang programang “Manalo at Mag-Negosyo” kung saan ini-engganyo ang mga negosyante na kumuha ng selfie kasama ang kanilang negosyo. Ang mga mananalo ay pipiliin sa Mentor Me Online (MMO) show nito, live tuwing Lunes hanggang Biyernes, 6PM.

Ang MMO ay mahalagang online pivot para sa Go Negosyo. Itinuloy nito ang events-based Mentor Me program at ginawang posible na patuloy na makapagbigay-kaalaman ang Go Negosyo sa ating mga negosyante sa kabila ng pandemya at mga limitasyong ipinataw nito. Nais ni Concepcion na ipagpatuloy ang hangarin ng Go Negosyo na ibsan ang kahirapan sa bansa sa pagnenegosyo at ipagpapatuloy ito sa pamamagitan ng mga online programs at limitadong on-the-ground presence.

Kabilang din sa ibang programa nito ang Kapatid Mentor Micro Entrepreneurs Program (KMME) at Kapatid Agri Mentor Me Program (KAMMP). Sa pag-pivot na ito ng Go Negosyo at sa patuloy na mentorship nito online, lalo pang lumalago ang mga audience nito at maging ang partner entrepreneurs nitong nagkakaroon pa ng mas malawak na access sa iba’t ibang platform.

Ang MMO ay nakapag-produce na ng 600 episodes at nakapagtanghal ng 2,000 guests/entrepreneurs. Php12 milyong dagdag-puhunan na ang naibigay nito sa higit 1,500 winners at higit 300 online sellers na ang nabigyan nito ng libreng marketing platform para sa kanilang mga negosyo. Sa KMME, nakapag-produce na ito ng 8,823 mentee graduates, at dagdag pang 1,400 mentees sa pagtatapos ng taon. Sa mga programa naman ng KAMMP, higit 1,600 graduate mentees mula sa higit 1,200 associations at cooperatives na may higit 130,000 members sa buong bansa na ang nakinabang.

Higit pa sa pagnenegosyo, ang Go Negosyo rin ay aktibo sa pagsusulong ng mga inisyatibo sa testing at kahalagahan ng pagpapabakuna laban sa COVID-19, kumikilos ito gamit ang framework of access, education, and execution at makikita ito sa kanilang programa tulad ng “A Dose of Hope” na sinigurado ang ating access sa mga bakuna, ang “Let’s GO Bakuna” campaign kung saan tinataguyod nito ang kahalagahan ng pagbabakuna, at ang nakaraang kasunduan nito kasama ang Zuellig Pharma Corp. na sinigurado ang facilitation at execution ng pagbabakuna.

“We know that our unemployment rate today is alarming. That’s why we have doubled our efforts in addressing the health issue so we can further open our economy and generate jobs in the process. With this, at this crucial stage, I call on the labor sector to join us in making our employees realize that we need everybody to be able to get through this pandemic. We need to convince our employees that we must take the vaccine so we would be able to save lives and livelihoods,” saad ni Concepcion.

Dagdag pa ni Concepcion, “Go Negosyo will continue to use its Facebook platform and the community that it has created to continuously empower and enable Filipino entrepreneurs.”

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.