PAGCOR, naghatid ng tulong sa 31k pamilya na sinalanta ng bagyo sa Bulacan at Pampanga

ni Fely Ng @Bulgarific | August 10, 2022

Hello, Bulgarians! Matapos ang pananalasa ng Bagyong Egay at Falcon sa iba’t ibang bahagi ng Central at Northern Luzon, tumulong ang Philippine Amusement and Gaming Corporation (PAGCOR) sa mahigit 31,000 pamilya sa mga lugar na tinamaan ng bagyo sa Bulacan at Pampanga, mula Agosto 5 hanggang 7, 2023, ang PAGCOR ay naghatid ng mga food at non-food packs na kinabibilangan ng bigas, canned goods, bottled water, at hygiene essentials sa siyam na local government units (LGUs) sa nasabing mga lalawigan, na isinailalim sa state of calamity.

Sa lalawigan ng Bulacan, ang state-run gaming and regulatory firm ay nag-turn over ng kabuuang 12,000 food at non-food packs sa mga pamilya sa binaha na munisipalidad ng San Rafael, Calumpit, at Obando, Malolos City at 5th district ng Bulacan.

Ayon kay Reyce De Vera, Assistant District Officer ng 3rd District ng Bulacan, 7,700 pamilya mula sa 3rd district ang nalugmok sa epekto ng matinding pagbaha sa kanilang mga lugar.

Kabilang sa mga bayang nalubog sa baha, na nakatanggap ng tulong mula sa PAGCOR ay ang San Rafael, San Ildefonso, San Miguel, at Doña Remedios Trinidad. “Isang taos pusong pasasalamat po sa PAGCOR. Malaking tulong po ito sa ating mga kababayan sa ikatlong distrito ng Bulacan,” pahayag niya.

Samantala, ang PAGCOR ay nag-donate ng kabuuang 17,500 food at non-food packs sa mga apektadong komunidad sa Pampanga. Sa bilang na ito, 5,000 food packs at 1,500 non-food packs ang naibigay sa Pamahalaang Panlalawigan; 6,000 food packs sa 2nd District; 3,000 food at non-food packs sa lokal na pamahalaan ng Candaba; at 2,000 para ipamahagi sa iba pang apektadong lugar sa Central Luzon.

Ang Municipal Disaster Risk Reduction and Management Officer II ng Candaba na si Galen Gumabon ay nagpahayag ng pasasalamat sa PAGCOR sa pagbibigay ng tulong sa mga pamilyang nawalan ng tirahan dahil sa mga bagyo. “Itong tulong na ibinahagi ni PAGCOR ay malaking bagay na sa mga pamilya na naapektuhan ng Bagyong Egay, lalo na ‘yung may mga kasama sa bahay ng nawalan ng kabuhayang may kinalaman sa agrikultura – gaya ng palayan, fishpond, at gulayan. Nae-encourage po sila na ‘wag mawalan ng pag-asa dahil may mga taong handang tumulong tulad po ninyo sa PAGCOR,” paliwanag niya.

Ayon sa pinakahuling ulat mula sa National Disaster Risk Reduction and Management Council (NDRRMC), mahigit 800,000 pamilya o 3 milyong indibidwal mula sa Central at Northern Luzon ang naapektuhan ng pananalasa ng Bagyong Egay at Falcon, habang ang pinsala sa sektor ng agrikultura ay may umabot sa P2.9 bilyon.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Unli-Sarap, Unli-Saya Caravan sa 20th Anniversary ng Mang Inasal

ni Fely Ng @Bulgarific | August 9, 2022

Hello, Bulgarians! Nagdiwang ang Mang Inasal, the Philippines’ Grill Expert, ng kanilang 20th anniversary UNLI-SAYAbration sa pamamagitan ng Unli-Sarap, Unli-Saya Caravan.

Ito ay inanunsyo sa Unli-SAYAbration Grand Caravan na naganap kamakailan sa Ayala Malls Manila Bay.

Hosted by Dimples Romana, ang event na nagbigay sa mga customer ng isang masayang programa na maraming games at pa-premyo, at mga libreng produkto na kinabibilangan ng Extra Creamy Halo-Halo at Palabok.

“As part of our full-year celebration, the Mang Inasal Unli-Sarap, Unli-Saya Caravan will tour around the country to delight our customers with free Extra Creamy Halo-Halo and Palabok,”

sabi ni Mang Inasal President Mike V. Castro. “Our UNLI-SAYAbration is all about giving thanks to the Mang Inasal Nation who have shown us their strong love and support for the past 20 years.”

Ang Mang Inasal Unli-Sarap, Unli-Saya Caravan ay sasabak sa iba't ibang lokasyon sa Metro Manila, Northern Luzon, Southern Luzon, Visayas, at Mindanao mula Agosto hanggang Nobyembre. Ang mga detalye ay iaanunsyo sa mga social media platform ng Mang Inasal.

Gusto mo pa ng Mang Inasal exclusives? Bisitahin ang www.manginasal.com para sa pinakabagong balita, https://manginasaldelivery.com.ph para sa mga delivery deals, at i-follow ang Mang Inasal sa social media para sa higit pang mga Ihaw-Sarap at Unli-Saya update!

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mga employer na ‘di naghuhulog ng kontribusyon, hahabulin ng SSS

ni Fely Ng @Bulgarific | August 8, 2022

Hello, Bulgarians! Iginiit ng Social Security System (SSS) na agresibo nilang hinahabol ang mga delinquent employer sa buong bansa, at nangakong lalo pang paiigtingin ang kanilang pagsisikap na kolektahin ang kanilang mga unremitted na kontribusyon.

Ginawa ni SSS President and Chief Executive Officer Rolando Ledesma Macasaet ang pahayag upang tiyakin sa lahat ng member ang kanilang pangako, na habulin ang mga delingkwenteng employer at himukin ang lahat ng mga ito na sumunod sa kanilang mga obligasyon sa pagpapadala ng mga kontribusyon ng kanilang mga empleyado sa SSS.

“Each employer is assigned to a specific SSS Account Officer (AO) whose responsibility is to ensure employers’ compliance to Republic Act 11199 or the Social Security Act of 2018, such as registration and reporting of their employees and remittance of corresponding contributions to SSS,” paliwanag ni Macasaet.

Dagdag niya, na ang mga Statement of Account (SOA) ay regular na inihahanda, na humahantong sa pagsasagawa ng mga pag-audit sa payroll sa tuwing may natuklasang mga pagkakaiba.

Ang mga billing letter ay ipapadala sa mga employer na obligadong bayaran sa lalong madaling panahon o sa loob ng deadline ng pagbabayad. Ang mga nagkamaling employer ay makatatanggap ng demand letter mula sa SSS na maaaring humantong sa pagsasampa ng kaso, kung saan ipagpalagay ang patuloy na hindi pagsunod ng employer.

Pinaigting ng SSS ang mga campaign nito na Run After Contribution Evaders (RACE), na naglalayong obligahin ang mga delingkwenteng employer na sumunod sa batas sa pamamagitan ng pag-isyu ng Notice of Violation at pag-uutos sa kanila na mag-report sa SSS sa loob ng 15 araw o harapin ang mga legal consequences.

Ang SSS ay naglalabas ng daang libong SOA at mga liham sa pagsingil, na kailangang mauri depende sa mga aksyong ginawa ng SSS at/o ng concern employer.

Samantala, tiniyak ni Macasaet sa mga stakeholder na ang SSS ay may kakayahang pinansyal na patuloy na magbayad ng mga benepisyo at magbigay ng mga pautang sa mga miyembro at pensyonado habang nananatiling malakas ang cash flow nito, na ang mga kita ay lumalampas sa mga gastusin.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.