Producer ng songs ng grupo, nagsalita na… BINI, NAGBAYAD DAW SA COACHELLA PARA MAKAPAG-PERFORM

ni Evy Baldago (OJT) @Special Article | June 17, 2026

Photo: BINI PH

Nilinaw na ng award-winning music producer ng mga kanta ng BINI na si Jonathan Manalo, ang usap-usapang binayaran umano ng management ng nation’s girl group ang Coachella para makapag-perform ang grupo sa prestihiyosong music festival.

Sa halip na umiwas sa isyu, diretsahan itong sinagot ni Manalo.

“BINI ang binayaran,” aniya.

Ayon sa producer, mismong organizers ng Coachella ang unang lumapit at nagpadala ng imbitasyon sa Nation’s Girl Group. Dumaan lamang umano ito sa ilang confidential na proseso bago natuloy.

Ibinunyag din niya na sina Direk Lauren Dyogi at Roxy Liquigan ang unang nakaalam tungkol sa naturang imbitasyon.

Para naman sa BLOOMs, ang Coachella performance ay patunay na nagbunga ang pagsisikap at sakripisyo ng walong miyembro ng grupo.

Matatandaang noong Abril ay gumawa ng kasaysayan ang BINI bilang kauna-unahang Filipino girl group na nagtanghal sa Coachella.

---

Dinagsa ng matitinding komento online si Miss Earth 2016 Imelda Schweighart matapos magtanong sa Facebook tungkol sa P-pop group na SB19.

“Is SB19 LGBTQIA+ representation? I don't wanna assume. Please enlighten me,” saad niya sa kanyang post.

Dito nagsimula ang mainit na diskusyon, lalo na nang ipaliwanag ni Imelda na naisip niya ang tanong matapos makakita ng SB19 display sa isang mall. 

Ayon sa kanya, napaisip siya kung paano ipaliliwanag ng mga magulang sa kanilang mga anak ang mga ganitong bagay kapag sila ay nagtanong.

“I was at Megamall... a thought popped my mind! And I put it on a status to bring awareness to fellow moms probably? That if children ask, we know what to answer, we know how to educate,” paliwanag niya.

Hindi naman ito nagustuhan ng maraming netizens, na agad kumuwestiyon kung bakit kailangang iugnay ang sexuality ng grupo sa usapin ng “pagkalito” ng mga bata.

Bumaha tuloy ng kritisismo sa comment section, kung saan may ilan pang nagsabing hindi na dapat ginagawang isyu ang gender expression o hitsura ng mga miyembro ng SB19.

Sa kabila nito, ipinagtanggol ni Imelda ang sarili at iginiit na nagtatanong lamang siya at hindi nananakit o nanghuhusga.

Hanggang ngayon, usap-usapan pa rin online ang naging pahayag ng beauty queen, lalo na dahil sa pagiging sensitibo ng usapin tungkol sa gender at sexuality.

After daw silang laitin ng vocalist… DDS, NAGBUBUNYI NA NA-POSTPONE ANG CONCERT NG CUP OF JOE SA DAVAO

ni Ambet Nabus @Let's See | May 22, 2026

Photo: IG _cupofjoemusicph

Ngayong na-postpone na ang dapat na May 30 concert ng kilalang banda na Cup of Joe (COJ) sa Davao City, tila nagbubunyi ang mga supporters ng mga Duterte sa napakaepektibong pag-call out dito ni Wency Cornejo.

Bago pa man kasi inianunsiyo ang naturang postponement ng concert ay tahasan nang kinol-out ni Wency ang sa palagay niya ay ‘disrespect’ sa mga Davaoeños, lalo na raw sa mga supporters ng mga Duterte.

Diretso rin kasing ‘nilibak, kinantiyawan o pinrovoke’ ang mga DDS ng lead vocalist ng COJ na si Gian Bernardo sa pamamagitan ng socmed (social media) post nito sa kasagsagan ng promo ng dapat ay Davao City concert.

Sey nga nito sa kanyang post gamit ang isang online game, “Who’s most likely to survive a zombie apocalypse?”

Itinuro umano ni Gian ang kanyang sarili, sabay sabing “Duh, ‘di nila hinahabol ang mga bobo,” obviously referring daw sa mga DDS o mga diehard Duterte supporters.

Sinundan pa raw at nag-share pa si Gian ng screenshot ng naturang game with his quote at caption na: “Suwerte ng mga DDS kung sakali [green heart emoji].”  

Sinagot agad ito ni Wency na isang dating kilalang singer-concert producer artist, na tila nagbababala o nagbabanta sa kanyang tanong na, “Sino kaya (ang) producer ng show ng Cup of Joe sa Davao? Naku, mag-isip isip ka na…”

Ilang araw daw after ng naturang post ng parehong singers ay may lumabas na ngang anunsiyo na ‘postponed’ na ang concert ng COJ sa Davao City.

Sinabi sa anunsiyo na merong pupuntahang awards event ang banda on the same date kaya’t postponed na raw ito at walang binanggit kung kailan ito matutuloy.

Ang paniniwala naman ng marami ay naduwag at natakot nga ang banda sa posibleng kahantungan ng kanilang Davao leg. 

Sey pa ni Wency sa parehong post niya, “Baka langawin, multuhin o ‘di tauhin ang concert ng tila hambog na lead vocalist ng banda.”

Samantala, magkakaroon ang sikat na banda ng SANDALI: The Cup of Joe Music Fest ngayong May 23 sa Philippine Sports Stadium sa Bulacan.

---

Umay na umay na raw… 

REGINE AT OGIE, MAS GUSTO PANG MANOOD NG K-DRAMA KESA BALITA SA ‘PINAS

Marami rin ang nakakaunawa at natutuwa sa pagiging totoo ni Asia’s Songbird Regine Velasquez sa post nito hinggil sa panonood ng K-drama (South Korean Drama) vs. pagtutok sa mga TV news tungkol sa mga kaguluhan sa pulitika.

Kuwela pero napakatotoo nga raw ng post ni Regine dahil sa mga panahong ito, mas importante nga raw ‘yung magkaroon muna ng ‘stable mental health o condition’ ang mga Pinoy dahil sobra-sobra na nga raw ang mga problema ng bayan.

“Totoo namang nakakatorete na ang mga balita,” bahagi pa ng post ni Regine kaya’t sa mga free time raw nila sa bahay ng asawa niyang si Ogie Alcasid at anak na si Nate, mas pinipili nilang manood ng mga K-dramas kesa magbabad sa mga news programs.

Pero hindi naman umano nito ibig sabihin na wala na silang pakialam sa mga nangyayari sa bayan.

Sa mga ganitong panahon daw kasi ay higit na pagdarasal ang kailangan ng lahat para mabigyan ng wastong pag-iisip at mga kalmadong damdamin ang lahat ng mga lider ng bansa na may tungkulin at hangaring maglingkod sa lahat.

At dahil may adbokasiya raw silang mag-asawa hinggil sa pagkakaroon ng stable na mental health, mabuti raw na sila mismo ang makaranas ng kanilang ipini-preach o pagsulong nito batay sa kanilang mga karanasan at kung paano nga nila ito nalalabanan.

“Basta’t may Tagalog o naka-dub sa English, ha? Masakit din kasi sa bangs ‘yung may mga subtitles pa,” hirit pa ni Regine sa panonood nila ng mga K-dramas, kung saan puring-puri nito ang mahuhusay daw na mga batang Korean actors.

Samantala, dedma at tila wala naman itong isinagot sa tanong ng ilang netizens sa kanyang post tungkol sa kanyang saloobin sa nangyayari ngayon kay Sen. Robin Padilla sa Senado, na naging leading man din niya sa pelikula.

Tila sa mga naglalabasang balita sa showbiz, mabibilang lang o baka nga raw wala man lang nagtatanggol o kumakampi sa aktor-pulitiko hinggil sa mga aksiyon at ginagawa nito sa Senado.

Cup of Joe, ilalabas ang bagong ‘Sandali’ EP sa May

ni Cristine Marish Rivera @Entertainment | April 22, 2026

Photo: Cup of Jor / FB

‘Hahawakan bawat sandali’

Nakatakdang maglabas ang OPM band na Cup of Joe ng bagong Extended Play (EP) album na ‘Sandali’ sa May 1.

“Hahawakan bawat sandali,” anila sa caption ng teaser post.

Wala namang inilabas na iba pang detalye ang grupo kaugnay nito.

Samantala, mapapanood din ang grupo sa kanilang upcoming "Sandali: The Cup of Joe Fest" sa May 23 sa Philippine Sports Stadium, Bulacan.