Ibinoto, iba sa resibo... Eleksiyon, palpak

ni Mylene Alfonso @News | May 13, 2025

File Photo: Raul Lambino - FB

Nakaranas ng aberya ang senatorial aspirant sa ilalim ng PDP-Laban na si Raul Lambino matapos bumoto sa kanyang presinto kahapon ng umaga. 

Sa isang Facebook post ni Lambino, sinabi niyang bagama’t tinanggap naman umano ng machine ang kanyang balota, wala aniyang verification at scanning na lumitaw sa screen. 

Blangko rin ang natanggap niyang resibong lumabas.

"Bumoto po ako kaninang 7:00 am. Tinanggap naman ng Machine yong balota pero walang scanning at verification na nag-appear sa screen, at ang lumabas na balota ay blanko," pahayag ni Lambino.

Nang ulitin sa ikatlong pagkakataon ay parehong resulta pa rin na nagpapakita ng mga pangalan ng mga kandidato na hindi niya binoto at maging ang pangalan niya ay wala. 

"Inulit ng BEI Chairman ang pagprint ng resibo at may lumabas na mga ibang pangalan na hindi ko binoto pati sarili ko, asawa ko atbp. Inulit muli ang pagprint ng resibo, ganoon pa rin!" saad pa niya. 

“Iba ang lumabas na mga pangalan sa resibo! Ibang mga pangalan ng kandidato na hindi ko binoto ang lumabas, at WALA iyong pangalan ko, asawa ko atbp kandidato na aking binoto!”

Sa kabila nito, positibo pa rin ang kandidato at nanawagan sa mga botante na bumoto pa rin at umasang mga tamang kandidato ang manalo ngayong 2025 midterm elections.

Dagdag pa niya, "Hindi man perpekto at depektibo ang mga makina at teknolohiya na ginagamit, dapat pa rin tayong bumoto at umasa na tamang mga kandidato ang manalo sa Halalan."

Maging wais daw sa eleksiyon… “HUWAG TAYONG BOBOTO DAHIL SIKAT” — IVANA

ni Vinia Vivar @Frankly Speaking | May 9, 2025

Photo: Ivana Alawi - IG

Sa nalalapit na eleksiyon, nagpaalala si Ivana Alawi sa sambayanan na bumoto ng tamang kandidato.

Sa kanyang recent vlog ay dumalaw ang aktres/content creator sa mga palengke vendors para mamigay ng pera. At dito niya nakita kung gaano kamahal ang mga bilihin ngayon.

“Ang dami kong realizations after ng vlog na ‘to na napakamahal ng mga bilihin na talaga. ‘Yung mga manok, isda, baboy, ang tataas na ng mga presyo. Kahit sa mga palengke, minsan wala na silang mabenta,” saad ni Ivana.

“Lahat talaga, hirap na hirap. Kita naman natin ang struggle ng ating mga mangingisda. Kita rin natin ang struggle ng ating mga vendors sa palengke,” patuloy niya.

Kaya naman ipinaalala ni Ivana ang kahalagahan ng pagboto nang tama sa darating na botohan sa Lunes, May 12.

“Kaya lagi ko kayong inire-remind na sana sa darating na eleksyon, bumoto tayo nang tama. Mag-isip tayo bago tayo bumoto.

“Again, sa lahat, lagi kong nire-remind, from senators to mayors to congressman, huwag tayong boboto dahil sikat. Dapat ‘yung mayroong gagawin talaga sa bansa natin. Hindi ako tumatakbo as pulitiko, sumusuporta lang ako,” pahayag ni Ivana.

---

Kumita ng P1.6 bilyon… ALDEN AT KATHRYN, 2024 BOX OFFICE KING AND QUEEN

PINARANGALAN sina Alden Richards and Kathryn Bernardo bilang Box Office King and Queen ng 2024 ng Cinema Exhibitors Association of the Philippines (CEAP), a group of cinema owners and operators in the country.

Ang naturang parangal ay para sa blockbuster film ng KathDen na Hello, Love,

Again (HLA) na matatandaang ipinalabas last November, 2024.

Ibinalita ng Star Cinema and GMA Pictures ang magandang balita sa pamamagitan ng kanilang social media pages.

Sa mga larawang ibinahagi ng dalawang higanteng produksiyon na nag-co-produce sa pelikula, makikitang tinanggap ni Alden ang tropeo habang hindi naman nakarating si Kathryn.

“HANGGANG SA HULI, THANK YOU FOR YOUR LOVE! (yellow heart and airplane emoji).

“Kathryn Bernardo and Alden Richards were awarded 2024 Box Office King and Queen by Cinema Exhibitors Association of the Philippines (CEAP).

“Hello, Love, Again was also recognized by the CEAP for its historic success as the top-grossing Filipino movie of all time,” ang caption na nakasaad.

Sa kasalukuyan, ang HLA ang may hawak ng record na ‘highest-grossing Filipino film of all time,’ earning P1.6 billion at the box office.

---

EXCITED sina Matt Lozano at Daniela Stranner para sa bagong pelikula nilang The Last Goodbye (TLG) na showing na ngayon sa mga sinehan.

Sa direksiyon ito ni Noah Tonga at tampok din sa pelikula sina Karina Bautista, Troy Regis at Esnyr, kasama ang espesyal na pagganap ni Joe D’ Mango.

Sina Matt at Daniela ang mga bida sa pelikula bilang sina Xavier at Heart — mga high school sweethearts na “Pinaglapit ng sakit, pinaghilom ng pag-ibig, pero sinubok ng tadhana.”

Present naman sa premiere night nito noong Lunes, May 5, ang mga Sparkle stars na sina Mikee Quintos, Anton Vinzon, Aya Domingo, Aidan Veneracion, Jose Saralosa, Dom Pangilinan, at mga miyembro ng Cloud7 na sina Johann, Kairo, at Egypt para ipakita ang kanilang suporta kina Matt at Daniela.

Eleksyon, walang pasok — PBBM

ni Mylene Alfonso @News | May 7, 2025

File Photo: PBBM - Comelec

Idineklara ng Malacañang na special non-working holiday sa buong bansa sa araw ng halalan sa Mayo 12, 2025, araw ng Lunes.

Nakasaad sa Proclamation No. 878 na kailangang ideklarang walang pasok ang Mayo 12 upang makaboto ang mga tao, na kanilang karapatan.

Nilagdaan mismo ni Pangulong Ferdinand Marcos, Jr. ang naturang proklamasyon kahapon, Mayo 6.

Ginawa ang deklarasyon kasunod ng kahilingan na rin ng Commission on Elections, na bigyan ng pagkakataon ang mga Pilipino na makaboto ngayong eleksyon.