Desisyon sa minimum wage hikes, ilalabas bago ang Mayo – DOLE

ni Lolet Abania | March 19, 2022

Inaasahan ng Department of Labor and Employment (DOLE) na makapaglalabas ng desisyon hinggil sa petisyon para itaas ang minimum wages sa buong bansa bago sumapit ang Mayo.

“Kumikilos na ang mga regional wage board… Nagbigay na tayo ng gabay sa kanila at may utos na rin si Secretary [Silvestre] Bello na pabilisin ang proseso,” sabi ni DOLE Assistant Secretary Dominique Tutay sa isang interview ngayong Sabado.

“Bago ang Mayo, malalaman na ang desisyon kaugnay sa wage increase petitions,” saad pa ni Tutay.

Ang alyansa ng mga labor unions na Unity for Wage Increase Now! ay nagsagawa na ng rally sa opisina ng National Capital Region Wage Board (NCRWB) para isulong ang pag-apruba ng kanilang petisyon na P750 minimum wage.

Umapela na rin ang Trade Union Congress of the Philippines (TUCP) na P470 dagdag sa sahod sa tinataag na daily minimum wage sa National Capital Region (NCR) para maging P1,007 na ito.

Una nang sinabi ni DOLE Secretary Silvestre Bello III na inatasan na niya ang Regional Tripartite Wages and Productivity Boards (RTWPB) sa buong bansa upang i-review ang minimum wages ng mga manggagawa.

Ayon kay Bello, ang kasalukuyang P537 daily minimum wage sa NCR ay hindi na sapat sa isang empleyado at kanilang pamilya para sa mga pangunahing pangangailangan gaya ng pagkain, electricity, at water bills.

Sinuportahan naman ng Malacañang ang naging pahayag na ito ni Bello.

Pinoy health workers, nakasama sa €1-B COVID care bonus ng German gov’t — DOLE

ni Lolet Abania | March 15, 2022

Nakatakdang mabenepisyuhan ang mga Filipino healthcare workers sa Germany na nagsilbi sa gitna ng COVID-19 pandemic mula sa COVID care bonus ng German government, ayon sa Department of Labor and Employment (DOLE).

Naglaan ang gobyerno ng Germany ng €1 billion para sa COVID care bonus, kung saan hahatiin equally ito sa mga nurse na nasa care homes at mga nurse sa mga ospital, ayon kay Labor Attaché Delmer Cruz ng Philippine Overseas Labor Office (POLO) sa Berlin sa kanyang report kay DOLE Secretary Silvestre Bello III.

“The initiative of Germany to reward the frontline workers including our very own for their service during the pandemic is really commendable. This will inspire all the more our healthcare workers in providing the brand of service that the Filipinos are known for even in the midst of crisis,” pahayag ni Bello.

Sinabi ng DOLE na ang mga healthcare workers na nakatalaga sa elderly care ay makatatanggap ng insentibo na naglalaro mula 60-550 Euros o P3,400-P31,000.

Kabilang sa mabebenepisyuhan nito ay mga nursing staff na nagtatrabaho sa geriatric care ng tinatayang tatlong buwan sa pagitan ng Nobyembre 1, 2020 at Hunyo 30, 2022, at iyong nananatiling employed hanggang Hunyo 30.

Ang iba pang beneficiaries ng COVID care bonus ay mga support staff, gaya ng administrators at iyong mga nasa building services, kitchen, cleaning, reception at security services, gardening at grounds maintenance, at laundry o logistics.

Ang mga trainees naman para sa elderly care, ibang empleyado, volunteers, at nakilahok sa “voluntary social year” scheme ay eligible din para makatanggap ng naturang insentibo.

Sahod ‘di na sapat, P750 minimum wage, inihirit — DOLE

ni Lolet Abania | March 9, 2022

Posibleng hindi na maging sapat ang minimum wage para sa mga manggagawa at kanilang mga pamilya sa National Capital Region (NCR) sa gitna ng walang tigil na pagtataas ng presyo ng produktong petrolyo at iba pang pangunahing pangangailangan, ayon sa Department of Labor and Employment (DOLE) ngayong Miyerkules.

Sa isang statement ni DOLE Secretary Silvestre Bello, inatasan na nito ang Regional Tripartite Wages and Productivity Boards (RTWPBs) sa buong bansa na madaliin ang pagre-review patungkol sa minimum wages.

“The current daily minimum wage in the National Capital Region (NCR), for instance, of P537 may no longer cope with the price of basic commodities such as food, electricity and water bills,” sabi ni Bello.

Nagpahayag naman ng kumpiyansa ang opisyal na ang RTWPBs ay magsusumite ng kanilang mga rekomendasyon bago matapos ang Abril.

Ayon kay Bello, siyang chairman ng Tripartite Wages and Productivity Board, ang RTWPBs, kabilang din ang National Economic Development Authority (NEDA), ang Department of Trade and Industry (DTI), at mga representatives mula sa parehong labor at employers groups, na bilang pamamaraan aniya ay dapat na nagmo-monitor ng mga wage levels, nag-a-assess ng mga economic factors at nagbibigay ng mga rekomendasyon para sa pagsasaayos ng minimum wages sa buong bansa.

“Setting and adjusting the wage level is one of the most challenging parts of minimum wage fixing. Minimum wage cannot be very low as it will have very small effect in protecting workers and their families against poverty,” saad ng kalihim.

“If set too high, it will have an adverse employment effect. There should be a balance between two sets of considerations,” dagdag pa nito.

Ang RTWPBs sa buong bansa ay nakatanggap ng mga petisyon para sa hinihinging minimum wage increase sa kani-kanilang mga lugar.

“Every year, we have what we call an anniversary period where we make an assessment of all petitions received. One petition called for a uniform increase of P750 in the minimum wage nationwide,” pahayag pa ni Bello.