Mid-year bonus ng gov't. workers, oks na

ni Mylene Alfonso @News | May 16, 2026

Photo: Department of Budget and Management (DBM)

Nagsimula nang matanggap ng government employees ang kanilang mid-year bonuses kahapon.

Ayon sa Department of Budget and Management (DBM), naglaan sila ng P73.456 bilyon para sa mid-year bonuses ng mahigit 1.9 milyong civilian, military, at uniformed personnel sa iba’t ibang national government agencies.

Ayon sa ahensya, ang bonus ay para sa mga empleyadong nakapagbigay ng hindi bababa sa kabuuang apat na buwang serbisyo mula Hulyo 1 ng nakaraang taon hanggang Mayo 15 ng kasalukuyang taon.

At nananatili sa serbisyo ng gobyerno hanggang Mayo 15 ng kasalukuyang taon at nakakuha ng hindi bababa sa satisfactory performance rating sa nakaraang rating period o naaangkop na performance appraisal period.

Sinabi ni Budget Sec. Rolando Toledo na inilabas na sa simula pa lamang ng taon ang pondo para sa bonus upang matiyak ang maagap na pagbibigay ng benepisyo.

May mid-year bonuses din ang mga empleyado ng local government units, ngunit nakadepende ang pagpapalabas ng pondo sa pag-apruba ng kani-kanilang lokal na sanggunian.

P9.02 B allowance ng mga health workers, ibibigay na

ni Lolet Abania | June 27, 2021

Pinal nang nai-release ng Department of Budget and Management (DBM) ang P9.02 bilyong pondo ng Department of Health (DOH) para sa special risk allowance (SRA) na nakalaan sa mga medical workers sa buong bansa na inaasahang maibigay nang hanggang Hunyo 30, 2021.

Ayon kay DBM Assistant Secretary Kim Robert de Leon sa interview ngayong Linggo, nai-release na ng ahensiya ang pondo para sa DOH noong Hunyo 25, kung saan matatanggap ang monthly allowance na hanggang P5,000 ng mahigit 300,000 health workers ng parehong mga pribado at pampublikong ospital na nangangalaga sa mga COVID-19 patients.

Sinabi rin ni De Leon na nakasakop ang monthly allowance ng mula Disyembre 2020 hanggang June 30, 2021. “Maaasahan ng mga health workers na maire-release ng DOH ang SRA hanggang June 30, 2021,” ani De Leon.

Sa tanong kung kakayaning matapos ito at maibigay ang mga allowance ng health workers sa natitirang tatlong araw, ani De Leon, “They (DOH staff) are starting to process na beginning Friday para masiguro na magagamit ito definitely by June 30.”

Paliwanag pa ni De Leon, ang pera para sa SRA ay nanggaling sa hindi nagamit o natirang pondo mula sa Bayanihan 2 Law o “Bayanihan to Recover as One Act,” na nakatakdang mag-expire sa Hunyo 30.