Dagdag-presyo sa LPG sa Oktubre

ni BRT @News | September 23, 2026

Photo: DepEd / File

Asahan na ang dagdag-presyo sa Liquefied Petroleum Gas (LPG) sa Oktubre.

Ayon kay Atty. Rino Abad, director ng Oil Industry Management Bureau ng Department of Energy, mahal na ang presyo ng inangkat na supply ng mga LPG manufacturer ngayong Setyembre.

Ito’y matapos umanong tumaas ang presyo ng Dubai crude oil mula 90 US dollars kada bariles noong September 1, patungong 128 US dollars kada bariles noong September 16.

Kaya kahit bumaba aniya ang presyo ng Dubai crude oil kamakalawa sa 113 US dollars kada bariles, mahal na ang presyo ng supply na nabili ng mga manufacturer, na ipapasa sa mga konsyumer. (BRT)

P1 dagdag-pasahe sa jeep, start sa Oct. 8

ni Jeff Tumbado / Mai Ancheta @News | October 4, 2023

Dagdag na piso sa pasahe sa mga pampasaherong jeep o Public Utility Jeepney (PUJ) ang inaprubahan ng Land Transportation Franchising and Regulatory Board (LTFRB).

Kasunod ito ng isinagawang pagdinig sa kahilingan ng ilang malalaking grupo sa transportasyon kahapon sa central office ng ahensya sa Quezon City.

Sa ibinabang resolusyon, pinagtibay ng LTFRB ang dagdag na P1 provisional increase sa minimum fare sa parehong traditional at modern jeepneys.

Nangangahulugan na sa mga traditional public utility jeepney (TPUJ) ay magiging P13 na ang minimum na pasahe habang sa modern public utility jeepneys (MPUJ) ay nasa P15.

Ang epektibo sa P1.00 dagdag singil ay sa darating na Linggo, Oktubre 8, ganap na ala-1 ng madaling-araw.

"Effective ng October 8 at 1 in the morning, effective ang increase na provisional remedy. Piso lang po. Ibig sabihin ng provisional, temporary lang ito hanggang hindi pa nag-i-improve and price ng gasolina,” pahayag ni LTFRB Chairperson Teofilo Guadiz III.

Kabilang sa mga transport groups na humiling sa dagdag-pasahe ang Alliance of Concerned Transport Organization (ACTO), Alliance of Transport Operators and Drivers' Association of the Philippines (ALTODAP) at Pasang Masda.

Ang kahilingan ng tatlong grupo na dagdag-pasahe ay base sa sunud-sunod na pagsirit ng taas-singil sa pangunahing krudo.

Nabigo naman ang grupo sa kanilang kahilingan na dagdag-piso pa sa kada kilometro mula sa unang apat na kilometrong biyahe. Sa November 7 ang susunod na pagdinig para sa P5 fare increase petition.

Oil price hike, non-stop.. Dagdag-pasahe, oks sa LTFRB

ni Mai Ancheta @News | September 14, 2023

May nasisinag na pag-asa ang mga tsuper ng pampasaherong jeep sa kanilang hirit na taas-singil sa pasahe.

Ito ay matapos ipahiwatig ni Land Transportation Franchising and Regulatory Board (LTFRB) Chairman Teofilo Guadiz III na posibleng pagbigyan ang kahilingan ng transport sector na dagdag-pasahe bago matapos ang taon.

Ayon sa opisyal, naging sunud-sunod ang oil hike sa loob ng 10 linggo na aniya ay hindi na ordinaryong kaganapan.

Batid aniya nito ang importansya para sa fare increase kaya binabalanse ng kanyang ahensya ang pangangailangan ng bansa upang hindi makompromiso ang ekonomiya at magtaasan ang lahat ng presyo ng mga bilihin.

Sinabi ni Guadiz na ikukonsidera nila ang taas-singil sa pamasahe kasabay ang paghingi ng sapat na panahon upang madetermina kung kailan dapat na ipatupad ang dagdag-singil sa pamasahe sa mga jeep.

Nakatakdang dinggin sa September 26 ng LTFRB Board ang petisyon para sa pisong provisional fare hike, gayundin ang hiwalay na petisyon ng iba pang transport group para sa P2 base fare.

"We will consider the fare hike. However, give us a little time to determine how much and when will be the appropriate time to impose the fare hike," ani Guadiz.