Cebu economy, lumago pa rin noong 2025 kahit bumagal

by BRT @News | October 3, 2026

Photo: File

Patuloy na lumago noong 2025 ang ekonomiya ng Cebu Province at mga lungsod ng Cebu, Lapu-Lapu at Mandaue, kahit mas mabagal ang kanilang paglago kumpara noong 2024, ayon sa Philippine Statistics Authority (PSA) 7.

Pinakamabilis ang paglago ng Cebu City sa 5.8 porsiyento, mula sa 7 porsiyento noong 2024. Umakyat naman sa P353.81 bilyon ang GDP nito mula P334.35 bilyon.

Lumago ng 3.3 porsiyento ang Lapu-Lapu City, 2.1 porsiyento ang Mandaue City at 2.7 porsiyento ang Cebu Province.

Samantala, umabot sa P1.32 trilyon ang ekonomiya ng Central Visayas matapos lumago ng 3.7 porsiyento. Nanatili rin itong pinakamalaking ekonomiya sa labas ng Metro Manila.

Pinakamabilis namang lumago ang health sector sa apat na ekonomiya, na nagtala ng double-digit growth.

Cebu, hinahabol pa ang P19.28-B recovery sa lindol

by BRO @News | October 1, 2026

Photo: Courtesy Archdiocesan Shrine of Sta. Rosa de Lima

Isang taon matapos ang magnitude 6.9 na lindol sa hilagang Cebu, nagpapatuloy pa rin ang pagbangon ng mga apektadong lugar.

Ayon sa Provincial Disaster Risk Reduction and Management Office, may P19.28 bilyong pangangailangan para sa recovery ng 10 bayan at isang lungsod na tinamaan ng lindol noong Setyembre 30, 2025.

Nakapaglaan na ang Provincial Government ng P750 milyon bilang bahagi nito sa recovery program, habang inaasahang tutulong ang mga ahensiya ng national government sa kanilang mga proyekto.

Kabilang sa pinakamalaking pangangailangan ang P10.13 bilyon para sa social services, P2.83 bilyon para sa imprastraktura at P1.98 bilyon para sa mga sektor tulad ng turismo at negosyo.

Ayon sa provincial officials, halos 20% pa lamang ng pondo mula sa national government ang naibibigay.

5.1 lindol, yumanig sa Cebu

ni Jeff Tumbado | April 7, 2026

Niyanig ng magnitude 5.1 na lindol ang malaking bahagi ng Cebu at Leyte, kahapon.

Batay sa ulat ng Phivolcs, alas-3:22 ng hapon nang magsimula ang pagyanig kung saan natukoy ang epicenter sa layong 17 kilometro timog-silangan ng City of Bogo, Cebu at may lalim na 10 kilometro.

Batay sa instrumental intensities, naramdaman ang lindol sa iba’t ibang lugar:

Intensity IV: San Francisco, Cebu; Hilongos at Villaba, Leyte

Intensity III: Liloan, Talisay, Cebu City, Lapu-Lapu City, Cebu; Isabel, Baybay, Carigara, Ormoc City, Abuyog, Leyte; Esperanza, Masbate; Hinundayan, Southern Leyte

Intensity II: Kawayan at Naval, Biliran; Roxas City, Capiz; Carcar, San Fernando, Argao, Asturias, Cebu; Iloilo City; Dulag, Alangalang, Palo, Leyte; La Carlota City, Negros Occidental; Silago at Sogod, Southern Leyte

Intensity I: Tapaz, Capiz; Borongan City, Eastern Samar; Jordan, Guimaras; Passi City, Iloilo; Aroroy at Cataingan, Masbate; Bacolod City, Negros Occidental; Gandara, Samar.

Wala namang iniulat na pinsala o nasawi ngunit pinapayuhan ang publiko na maging mapagmatyag at handa sa posibleng aftershocks.