'Di kailangang ma-confine — UP-PGH... Romualdez, ikinulong na

by Jeff Tumbado @News | September 15, 2026

Photo: Dumating si DILG Sec. Jonvic Remulla sa New Quezon City Jail Male Dormitory sa Payatas upang inspeksiyunin ang magiging kulungan ni dating House Speaker Martin Romualdez na nakatakdang ilipat mula sa Philippine General Hospital sa Maynila. (Jeff Tumbado)

Iniutos ng Sandiganbayan Third Division ang paglipat kay dating House Speaker Martin Romualdez mula sa UP-Philippine General Hospital (UP-PGH) patungo sa Quezon City Jail-Male Dormitory sa Payatas, matapos suriin ang kanyang kondisyon.

Batay sa independent medical evaluation ng UP-PGH, stable na ang kondisyon ni Romualdez at hindi na niya kinakailangang manatili sa acute-care hospital.

• 

  Photo: DILG

Gayunman, kailangan pa rin niya ng tuluy-tuloy na medical care, kabilang ang blood pressure monitoring, mga gamot, paggamit ng CPAP machine at psychiatric treatment, at follow-up.

Inatasan din ang jail authorities na tiyaking maa-access niya ang kanyang mga gamot, CPAP machine at mga doktor kung kinakailangan.

Nakatakda naman ang arraignment at pre-trial ni Romualdez sa kasong plunder sa Miyerkules, Setyembre 16, alas-8:30 ng umaga.

BJMP personnel, dumalaw sa presong GF, shabu at bala, buking

by Levi Gonzales @News | September 8, 2026

Photo: Batangas Provincial Jail - FB

Arestado ang 31-anyos na tauhan ng Bureau of Jail Management and Penology (BJMP) matapos makumpiskahan ng hinihinalang shabu at bala sa Batangas Provincial Jail sa Brgy. Cuta, Batangas City,

Kinilala ang suspek na si alyas John, isang high-value individual (HVI) at residente ng Brgy. Mamatid, Cabuyao, Laguna.

Ayon sa imbestigasyon, nagtungo ang suspek sa naturang piitan upang dalawin ang kanyang kasintahang isang person deprived of liberty (PDL). 

Nadiskubre sa kanyang belt bag ang siyam na heat-sealed sachet na naglalaman ng hinihinalang shabu na may tinatayang timbang na 7.5 gramo at street value na P51,000, isang sachet na may aluminum foil strips, at magazine na may 11 bala ng kalibre 9mm.

Nakumpiska rin ang isang CZ-P10C caliber 9mm pistol na sinasabing issued service firearm ng suspek at isinuko nito bago ang pagbisita.

Gamot para sa mga preso, ready na — BJMP

ni Gina Pleñago | April 23, 2023

Naghahanda na ang Bureau of Jail Management and Penology (BJMP) sa posibleng sakit sa tag-init

Sinabi ni BJMP spokeperson jail Chief Inspector Jay Rex Bustinera na iniutos ni BJMP acting chief Jail Supt. Ruel Rivera sa mga jail warden na maghanda ng mga gamot laban sa mga sakit na nakukuha tuwing tag-init.

Kabilang sa mga binabantayang sakit ang hypertension, pigsa, bungang araw at mga rashes.

Inatasan na rin ang mga namumuno sa mga jail facilities na makipag-ugnayan sa Bureau of Fire Protection (BFP) para sa paghahanda sakaling magkaroon ng water interruption sa loob ng kulungan.