ni Mylene Alfonso @News | March 26, 2026
Photo: PCO
Pirmado na ni Pangulong Ferdinand Marcos, Jr. ang Republic Act (RA) No. 12316 na nagbibigay sa Pangulo ng emergency powers.
Batay sa Republic Act No. 12316, maaaring suspendehin o bawasan ng Pangulo ang excise tax sa langis kapag lumagpas ang average na presyo ng Dubai crude oil sa higit $80 kada bariles, sa pamamagitan ng rekomendasyon ng Development Budget Coordination Committee (DBCC) at koordinasyon ng Secretary of Energy.
ni Mylene Alfonso @News | March 26, 2026
Photo: PCO
Tiniyak ni Pangulong Ferdinand Marcos, Jr. na may sapat na suplay ng mga produktong petrolyo ang bansa kahit lumampas pa sa 45 araw, dahil inaasahan ng pamahalaan ang pagdating ng mga fuel deliveries.
"And although we cannot be assured right now of the supply, we can be sure that at least for 45 days we will be all right. I think that we can be fairly confident–we can be confident that after the 45 days, we still have... [deliveries would have] already arrived here in the Philippines," pahayag ni Marcos.
"We will have already a flow of oil, not just one delivery, not just two deliveries but a flow of petroleum and petroleum-related products," saad ng Pangulo.
Pinasalamatan ni Marcos ang magandang relasyon na mayroon tayo sa ating mga partner na bansa sa buong mundo kaugnay sa pagtiyak ng sapat na suplay ng langis.
"And we have not only gone to the oil suppliers, the traditional oil suppliers, we have tried to explore other sources that are not affected by the war that is ongoing in the Middle East," diin ng Chief Executive.
"And right now, I'm very confident in saying that we have sufficient supply. We will continue to source those supplies.”
"And I do not think that there is a problem. Sa aming analysis, wala tayong problema para sa supply ng petrolyo at saka ng mga petroleum products,” hirit ng Pangulo.
Matatandaang, idineklara ni Marcos ang state of national energy emergency at iniutos ang pagpapatupad ng Unified Package for Livelihoods, Industry, Food, and Transport (UPLIFT) para sa mga apektadong sektor.
ni Mylene Alfonso @News | March 23, 2026
Photo: Pangulong Bongbong Marcos - FB
Nanawagan ng pagkakaisa si Pangulong Ferdinand Marcos, Jr. at hinihikayat ang mga Pilipino na pairalin ang diwa ng bayanihan habang ipinatutupad ng pamahalaan ang mga hakbang upang maibsan ang pasanin ng mga komyuter at iba pang apektadong sektor sa gitna ng tensyon sa Gitnang Silangan.
“Ngayon ang panahon para maipakita natin sa buong mundo ang katangian ng bayanihan na nasa puso ng bawat Pilipino,” pahayag ng Pangulo sa BBMVLOG 278, habang binibigyang-diin ang kahalagahan ng sama-samang pagkilos sa harap ng patuloy na pagtaas ng presyo ng langis sa pandaigdigang merkado.
Hinimok din ng Pangulo ang publiko na maging responsable, lalo na sa pagbabahagi ng impormasyon.
“Bawat isa sa atin ay may magagawa namang paraan para makatulong, pagtitipid man, pagtulong sa kapwa, o kahit sa pamamahagi ng tamang impormasyon at hindi pagkakalat ng fake news. Huwag naman sana tayong magdagdag pa sa problema,” diin ni Marcos.
Nakikipag-usap din umano ang pamahalaan sa iba’t ibang bansa tulad ng India, Japan, at South Korea upang matiyak ang suplay ng langis sa gitna ng global tightening.
Kasabay nito, tiniyak din ng Pangulo ang patuloy na pagtulong sa mga overseas Filipino workers (OFWs) na apektado ng kaguluhan. Mahigit 1,400 OFWs at higit 300 dependents na ang nakauwi sa bansa mula noong unang bahagi ng Marso, at inaasahan pa ang karagdagang repatriation flights sa mga susunod na araw.
