PBBM at FL Liza, biyaheng Japan

ni Mylene Alfonso @News | April 25, 2026

Photo: File / Liza Marcos FB

Naktakdang magsagawa ng state visit si Ferdinand Marcos, Jr. sa Japan mula Mayo 26 hanggang 29, 2026, kasama si First Lady Liza Araneta-Marcos. 

Batay sa anunsyong inilabas ng Presidential Communications Office, isasagawa ang nasabing pagbisita bilang tugon sa imbitasyon ng pamahalaan ng Japan. 

Makikipagpulong ang Pangulo kay Prime Minister Takaichi Sanae, upang talakayin ang ugnayan ng Pilipinas at Japan, pati na ang isyu sa enerhiya, pagkain, at maritime security.

Utos ng SC... PBBM, pinasasagot sa petisyong drug test

ni Mylene Alfonso @News | April 23, 2026

Photo: File / Bongbong Marcos - FB

Inatasan ng Korte Suprema si Pangulong Ferdinand Marcos, Jr. na magsumite ng kanyang komento sa loob ng 10 araw kaugnay ng petisyon na humihiling na sumailalim siya sa physical at mental examination kabilang ang hair follicle drug test.

Kumilos ang Korte Suprema kaugnay ng petisyong inihain nina Pantaleon Alvarez, Virgilio Garcia, Juan Raña, at Raymundo Junia laban kay Pangulong Marcos at Executive Secretary Ralph Recto bilang mga respondent.

“The SC, without necessarily giving due course to the petition, directed respondents to comment within a non-extendible period of 10 days from receipt of notice,” ayon sa SC Public Information Office.

Binanggit ng mga petitioner ang mga naging pahayag ni Senador Imee Marcos, kapatid ng Pangulo, hinggil sa sinasabing matagal nang pagkagumon nito sa ilegal na droga.

Ipinunto nila na batay sa 1987 Constitution, dapat ipaalam sa taumbayan ang kalagayan ng kalusugan ng pangulo sakaling magkaroon siya ng malubhang karamdaman.

Matatandaang naghain ang kampo ni Alvarez ng isang petisyon para sa writ of mandamus na nag-uutos kay Pangulong Marcos na sumailalim sa physical at mental examination partikular ang hair follicle drug test.

Hiniling din sa petisyon na atasan si PBBM na isiwalat at ilathala ang medical report na naglalaman ng resulta ng pagsusuri, kabilang ang physical at medical fitness niya para gampanan ang mga tungkulin bilang Pangulo.

Performance rating ni PBBM, tumaas; VP Sara, bumaba noong Q1 2026 — OCTA Research

ni Lester Bautista @News | April 20, 2026

Photo: Pangulong Bongbong Marcos at VP Inday Sara Duterte / PCO / OVP

Performance rating nina PBBM at VP Sara

Tumaas ang performance rating ni Pangulong Ferdinand “Bongbong” Marcos Jr. habang bumaba naman ang kay Vice President Sara Duterte batay sa non-commissioned survey ng OCTA Research.

Nasa 55% ng mga nasa hustong gulang na Pilipino ang nagpahayag ng satisfaction sa performance ng Pangulo mula sa 51% noong Q4 ng 2025, habang 50% naman ang kay VP Sara mula sa 54% nito.

Samantala, pareho namang tumaas ang trust rating ng Pangulo at Bise Presidente, na 54% ang kay PBBM at 55% kay VP Sara.