MISTER NG AKTRES, NADIKIT LANG SA POWERFUL CELEB, SOBRANG ANGAS, PATI BIYENAN, SINISIGAWAN

ni Janiz Navida @Showbiz Special|November 21, 2023

BLIND ITEM:

Naloloka ang mga nakapaligid ngayon sa mag-asawang celebrity dahil sa napansin nilang napakabilis na paglaki ng ulo at pagbabago ng ugali ng mister ng aktres mula nang madikit ito sa isang powerful celeb.

Kung dati ay tahimik lang at misteryoso ang dating ng mister ng aktres, lumabas ang tunay na kulay nito at ang sobrang kaangasan nang madikit nga sa naturang powerful celeb.

Pero ang the height ng kaangasan ng mister ng aktres na hindi na kinaya ng mga nakapaligid sa kanila ay nang sigaw-sigawan ng guy ang kanyang biyenang-babae nang minsang magtalo sila.

Hindi raw nakapalag ang nanay ng aktres dahil galit na galit ang mister ng anak at dahil close nga ito sa isang powerful celeb, may takot din silang naramdaman sa puwedeng magawa ng maangas na guy.

Hay, ang tanong ngayon, kung hanggang kelan at saan mato-tolerate ng aktres ang ugali ng kanyang mister na pati ang nanay niya ay binabastos na.

SOCIAL MEDIA INFLUENCER, SOBRANG BOSSY AT DEMANDING KAYA LAGING INIIWAN NG MGA LALAKI

ni Regge Bonoan @Frankly|November 13, 2023

BLIND ITEM:

Sobrang in love ngayon ang baguhang aktres/social media influencer dahil lahat ng commitment, kayang tablahin kapag tinawagan na siya ng dyowa.

Noon pa ay problema na ang baguhang aktres/social media influencer ng mga taong nasa paligid niya dahil kahit na may pictorial shoot siya para sa product endorsement para sa vlog niya ay hindi niya sinisipot dahil magkikita sila ng dyowa niya. Naloloka tuloy ang ahensiya sa kanya.

O kaya, sisipot siya pero dalawang oras lang ang ibibigay niya para sa pictorial na alam naman ng lahat kung gaano katagal ang kailangang gugulin kapag ganitong shoot.

Magtataray ang baguhang aktres-social media influencer na abala siyang tao at maraming alibi kaya ngayon ay iniiwasan na siyang kunin.

Katwiran kasi ng baguhang aktres-social media influencer ay malaki ang kinikita niya sa vlogs niya kaya kahit wala siyang endorsement ay mabubuhay siya.

“Hanggang kailan siya aasa sa vlogs niya, eh, nagsasawa na nga ang iba kasi walang bago, puro love life ang inuuna,” sambit ng taong kasa-kasama ng baguhang aktres-social media influencer.

Marami na kaming narinig na reklamo tungkol sa taong tinutukoy namin sa blind item at ang pagiging bossy at demanding daw nito ang dahilan kung bakit hindi sila nagtagal ng mga nakarelasyon niya.

“Abangan mo kung hanggang kelan sila ni (dyowa) dahil sa ugali niya,” sambit pa sa amin ng aming kausap.

SIKAT NA TISOY NA AKTOR, TAGILID MAG-OBER DA BAKOD DAHIL SA NAKAKASILAW NA OFFER

ni Vinia Vivar @Frankly|November 8, 2023

BLIND ITEM:

Gaano kaya katotoo ang kumakalat na tsika na kung hindi mapipigilan, malamang na lumipat ang isang super-sikat na aktor sa isang malaking media company?

Ang aktor na ito ay hot property ng network at nakakasilaw daw ang malaking offer sa kanya ng isang malaking media company.

Bagama’t mayaman na ang super-sikat na aktor, posible raw na masilaw siya lalo pa nga’t maganda ang iniaalok na proyekto sa kanya.

Tiyak na pag-uusapan daw at tatatak sa kanya ang serye at role na gagawin.

Kung utang na loob ang paiiralin niya, hindi niya iiwanan ang network na kinabibilangan niya. Ito kasi ang nagpasikat sa kanya.

Balita pang matatapos na ang kontrata ng aktor sa network at talent agency na nagpasikat sa kanya.

Dapat daw sigurong bigyan ng mas bongga at malalim na serye ang tisoy na aktor para hindi na siya magdalawang-isip na mag-ober-da-bakod.

Ang mga pelikula raw kasing ginagawa nito ay talagang magaganda at kumikita, na kabaligtaran naman sa mga TV series niya na so-so lang ang dating.

Hindi umano umaangkop sa estado ng career niya ang role na ginagawa niya sa mga seryeng ibinibigay sa kanya. Mabait daw kasi ang aktor at puro yes na lang siya sa management.

Sana raw ay bigyan siya ng tamang project. Pagalawin ng network ang creative team nila para makaisip ng swak na project at challenging para sa sikat na aktor.

Sana raw ay magkaroon din siya ng serye na trending at pag-uusapan gaya ng huling serye ni Dingdong Dantes na Royal Blood at Unbreak My Heart ni Joshua Garcia or Linlang at iba pa.

Sayang daw ang kasikatan at talent ng aktor kung hindi mabibigyan ng tamang project. Mahal naman siya ng masa dahil kumikita ang mga pelikula niya. May box office appeal.

Bonggang materyales lang siguro ang kulang sa mga serye niya. Baka kung maipapangako ‘yan sa aktor ay mananatili ang loyalty niya sa giant network.

Sino ang aktor? Well…