Naku po, kaya siguro sarado na ang heart ng girl… GUWAPONG AKTOR, NALASING SA PARTY, SINAKAL ANG MISIS NA AKTRES-MODEL, MGA NAKASAKSI SHOCKED!

ni Julie Bonifacio - @Winner | January 25, 2024

Blind item:

Sa pagpapatuloy ng ating “blind item series” ukol sa mga sikat na celebrities na sangkot sa kontrobersiya, ibinuking ng aming source kung ano ang dahilan ng kaguluhan sa party hosted by the female star (FS) na ginanap sa bahay at ikina-shocked ng sosyalerang pamilya ng male star boyfriend (MSB) niya.

Kabilang sa mga naimbitahan ni FS sa kanyang party ang mga sikat na celebrity friends niya tulad ng young actress (YA) na nahiwalay sa kanyang BF na young actor, ang controversial couple na guwapong aktor (GA) at aktres-model (AM) at ang magaling na dramatic actor (DA).

Nalasing daw sa party si GA at ang siste, nag-away sila ni AM sa ‘di malinaw na dahilan. 

At sa pag-aaway ng controversial couple sa party, sinakal daw ni GA si AM sa kainitan ng kanilang pagtatalo na ikinagulat ng mga bisita at pamilya ni MSB.

Shocked si YA nu’ng makitang sinasakal ni GA si AM. Nanginginig daw sa takot si YA at ‘di malaman kung saan lalapit para maibsan ang kanyang nararamdaman.

Wala kasi doon ang ex-BF ni YA na itinuturing niya na kanyang ‘knight in shining armor.’ 

Sad to say, naghiwalay din si YA at ang kanyang BF ilang panahon pagkatapos mangyari ang sakalan ng controversial couple sa party. 

And aside kay YA, pati si DA ay ‘di rin makapaniwala sa pisikalang awayan ng controversial couple during the party ng common friend nila na si FS.

'Di lang ito chismis… BIGTIME BUSINESSWOMAN, 'DI MA-TAKE NA TODO-DISPLEY PA ANG MISTER SA KABIT NA SEKSING SOCIALITE, IDINEMANDA NG CONCUBINAGE

ni Janiz Navida @Showbiz Special | January 24, 2024

BLIND ITEM:

Mala-teleserye pala ang love story ng mag-asawang big-time businessmen na pinag-uusapan at bulung-bulungan ngayon sa showbiz world dahil sa kasong concubinage at VAWC na isinampa ni misis sa kanyang mister.

Actually, may dekada na yatang hiwalay ang mag-asawa. Pero dahil quiet lang sila at nag-iingat dahil may mga negosyo nga silang maaaring maapektuhan sa kanilang hiwalayan, naitago nila ang kanilang sitwasyon.

Pero nitong mga huling buwan, nasagad na nga ang pasensiya ng misis dahil kahit 'di pa sila annulled ng kanyang mister, todo-displey na ito sa ipinalit sa kanyang mas bata at seksing socialite na diumano'y hindi rin naman loyal sa guy dahil balitang may mga kulukadidang ding mga mas batang lalaki.

Na-hurt lang siguro ang misis na negosyante dahil inisip niya ang kahihiyan ng mga anak nila na tanggap naman na sana ang nangyari sa kanilang parents, kaso nga, may mga 'conjugal properties' na involved sa usaping ito kaya umabot na sa korte.

Abangan na lang natin kung ano'ng magiging ending ng usaping ito since nai-file na nga ng misis ang concubinage at VAWC laban sa kanyang mister na negosyante rin.

Mabibisto rin sa tamang panahon... GUWAPONG MATINEE IDOL, KALAT NA ADIK, PARENTS, WALANG KAALAM-ALAM

ni Janiz Navida @Showbiz Special | January 18, 2024

BLIND ITEM:

Nakakalungkot naman ang umiikot na chika ngayon among showbiz reporters na mukhang naliligaw daw ng landas ang isang sumisikat pa naman nang matinee idol na contract star ng isang giant network.

Wholesome ang image ng guwapong batang aktor at kung titingnan siya, walang bakas na may bisyo ito.

Pero isa raw pala sa mga dahilan kaya naghiwalay sila ng GF na young actress ay dahil sa paggamit ng ilegal na droga ng aktor.

Mukhang wala pa raw kaalam-alam ang parents ng guwapong aktor na napapasama siya sa maling barkada kaya naiimpluwensiyahang gumamit ng droga. 

Pero kasabihan nga, walang lihim na maitatago nang habambuhay kaya for sure, mabibisto rin siya ng parents niya one of these days.