FEMALE CELEB, ANAK LANG ANG HABOL SA DYOWANG FOREIGNER, HINIWALAYAN DIN

ni Erlinda Rapadas - @Teka Nga! | July 13, 2022

Blind item:

Hindi na ipinagtataka ng marami kung bakit sa paghihiwalay din humantong ang relasyon ng female celebrity at ng kanyang papa na isang foreigner.

Noong una pa lang ay pangarap na ng female celeb na magkaanak ng maganda at tisay.

Morena kasi siya, ganu'n din ang una niyang anak sa isang Pinoy.

Kaya nang makilala niya ang isang guwapong foreigner ay hindi na siya nagpakipot pa.

Hindi na niya ito pinakawalan pa.

At natupad ang kanyang pangarap na magkaanak ng magandang tisay! Ilang taon ding tumagal ang kanilang relasyon ng tisoy niyang boyfriend.

Pero, simula pa lang ay sinasabi na ng ilang tao sa kanilang paligid na hindi magtatagal ang kanilang relasyon. Magkaiba kasi ang kanilang kultura at maraming bagay silang hindi napagkakasunduan.

At nangyari na nga ang hiwalayan. Hindi gaanong dinamdam ng female celebrity ang paghihiwalay nila ng kanyang dyowa. May mga anak naman siyang nakakasama.

Kahit single parent ay kaya niyang itaguyod ang dalawang anak. Besides, napaghandaan na rin ng female celeb ang future ng kanyang mga anak. Marami na siyang naipundar na kabuhayan, Hindi na niya kailangang umasa sa suporta ng kanyang tisoy na ex-jowa!

AKTOR, WA' NANG BALAK MAKIPAGBATI SA EX NA AKTRES, BAGONG DYOWA, CO-STAR NA MAY SABIT NAMAN

ni Reggee Bonoan - @Sheet Matters! | May 31, 2022

BLIND ITEM:

MUKHANG walang balak makipag-ayos ang aktor sa dyowa niyang aktres dahil may iba na siyang nilalanding babae ngayon.

Kaswal na naitsika ito ng aming source, “Si ______ (aktor), mukhang kinikiyeme si ______ (may sabit na aktres) at mukhang type rin siya kasi hindi nila napapansin na sweet sila sa set at maraming nakatingin.

“Eh, ano ba ang estado nina ______ at ______ (aktor at dyowang aktres)? Wala naman kasi silang inaming hiwalay na sila o anuman, nakita na lang sa social media na they’re not living together na pala. Kani-kanyang uwi na sa bahay.

“Tapos, itong si ______ (nilalanding babae), 'di ba, may asawa siya? Hiwalay na ba sila? Kung hiwalay na at si ______ (aktor), ganu’n din, eh, di G (go) sila. Pero kung si babae, eh, may sabit, parang teka lang.”

Parehong tahimik sina aktor at aktres sa kasalukuyang estado ng relasyon nila. Siguro, dahil may anak sila at ayaw nilang pagdating ng araw ay mabasa ng bagets sa internet ang nangyari sa mga magulang niya.

Sabagay, mas magandang huwag nang magsalita sina aktor at aktres para hindi na ito pag-usapan pa.

Base sa tsika naman ng isa pang source namin ay hindi nagustuhan ng aktres na laging umiinom ang aktor dahil nababago ang ugali nito.

RICH POLITICIAN, HINIWALAYAN NA NG HUNK ACTOR DAHIL TALUNAN SA ELEKSIYON, WA' NANG PANSUSTENTO

ni Ador V. Saluta - @Adore Me! | May 27, 2022

BLIND ITEM:

CHIKA sa amin ng isang respetadong kolumnista, hiwalay na raw ang hunk aktor sa mayamang pulitiko after ng resulta sa nakaraang halalan nitong May 9. Natalo raw kasi ang madatung na pulitiko na sumusuporta sa aktor financially.

Tsika sa amin, buwan din ang inabot ng relasyon ng aktor sa pulitiko dahil sustentado ng huli ang hunk actor sa lahat ng bagay, salapi at maging pakotse?

Kung nanalo si pulitiko sa isang mataas na posisyon nitong nakaraang halalan, tiyak na sila pa rin sana ang magdyowa at tiyak na tuloy din ang kanilang 'secret affair'?.

Malakas daw kasi ang kita ng pulitiko na kasapi sa administrasyon dahil kayang-kaya nitong magpaluwal ng 6 figures kapalit ng isang gabing loving-loving sa pinagpapantasyahang aktor.

Tsika sa amin ng aming source, "Eh, kaso, Luz Valdez, Lotlot de Leon (lost) sa eleksiyon at milyones ang ginastos sa political campaign, kaya naubos ang kadatungan. 'Yun, nag-a-isolate ngayon, pati love life, inetsapuwera."

Ang nasabing politician ay may pagkakataon pa namang mag-try sa next election.

Clue pa niya sa amin, "He's not in a hurry pa naman dahil wala pa siyang 50. Pero si aktor, malaking kawalan dahil wala pa siyang offer sa ngayon."

Clue: Hiwalay ang aktor sa kinakasamang aktres. May bagong dyowa ang aktor na sumisikat ngayon bilang sexy star.

Zinetz Miralles?