JODI, TANGGAP MAGKAROON NG KABIT ANG DYOWA, ‘WAG LANG PAULIT-ULIT

ni Ador V. Saluta - @Adore Me! | January 17, 2022

Sa ginanap na solo presscon for Jodi Santamaria para sa seryeng The Broken Marriage Vow, isa sa mga naitanong sa aktres ay kung ano ang kanyang gagawin kapag nangaliwa ang kanyang karelasyon?

Ang pangangaliwa ay tema ng napapanahong teleserye tungkol sa pagkawasak ng isang pamilya o relasyon dahil sa panloloko o infidelity.

Handa ba si Jodi na patawarin ang asawa kapag natuklasang may kabit ito?

Malawak naman ang pang-unawa ni Jodi sa mga bagay na ganito. Aniya'y kung hindi sinasadya (maakit ang asawa sa iba), maaari niya itong mapatawad.

Subali't kung patuloy at paulit-ulit pa ring gagawin ang panloloko, ibang usapan na raw ‘yun.

Katwiran ni Jodi, "If the infidelity was a result of bad decision or sabihin mong 'honest mistake,' puwede kong mabigyan ng another chance 'yung asawa ko.

"But if I see that this is a continuing toxic pattern at hindi na lang siya pagkakamali, talagang deliberately ginagawa niya, I have to think of myself. I have to think of my child, and walk away from the relationship."

More or less, ganito ang kabuuan ng The Broken Marriage Vow kung saa'y gagampanan ni Jodi ang karakter bilang si Dr. Jill Ilustre na niloko ng asawang si David Ilustre (played by Zanjoe Marudo) at ipinagpalit ang maganda nilang samahan kay Lexy Lucero (played by Sue Ramirez).

Para kay Jodi, masakit maloko kapag alam mong mula ito sa mga taong malalapit sa 'yo na hindi mo iisiping magagawa ka nilang saktan.

"Hindi talaga madali ang betrayal, 'coz betrayal is relational, eh. It (betrayal) comes from those people na close to you. 'Yung mga taong 'di mo inakala na sasaktan ka at paniniwalaan mo.

After nu'n, you'll just have to give ourselves time to heal also."

Ayon pa sa aktres, sakaling maloko siya (ulit?), mas pipiliin niyang magpatawad kaysa sa maghiganti lalo na't may iba pang taong nadadamay like mayroon na silang mga anak?

"Para maibsan 'yung pain, you really have to forgive. I am not saying that forgiveness is easy, it's a choice you have to make every single day even if you don't want to forgive," katwiran ng aktres.

Samantala, mas kaaadikan at aabangan ng lahat ang agawan nila ni Lexy (Sue) over David (Zanjoe) sa pagsisimula ng The Broken Marriage Vow sa Lunes, January 24.

Lumayas ng 'Pinas para magpagamot… KRIS, 'DI LANG ISA, 5 ANG SAKIT

ni Ador V. Saluta - @Adore Me! | January 16, 2022

Isang matinding panalangin at hindi pamba-bash galing sa ilang netizens ang kailangan ngayon ng Queen of All Media na si Kris Aquino para sa kanyang pinagdaraanan.

Sa ngayo'y sumasailalim sa matinding gamutan si Kris dahil sa kanyang autoimmune disease o kondisyon kung saan ang ating immune system ay inaatake mismo ang ating katawan imbes na pinoprotektahan ito.

May chronic spontaneous urticaria si Kris na tinatawag ding hives o 'yung matinding pamumula ng balat at pagpapantal, isang allergic reaction mula sa kinain at nainom na gamot.

Kinakailangan ni Kris ng tamang dosage of antihistamines para hindi lumala at magkaroon pa ng mas matinding allergic reactions sa katawan.

Sa kasalukuyan, may limang disorders ang aktres bukod sa chronic spontaneous urticaria.

Mayroon din itong severe migraine, hypertension, fibromyalgia at overproduction ng thyroid antibodies.

Gaya ng naunang naiulat, lumipad sa isang 'di pinangalanang ospital sa Singapore si Kris para ikonsulta ang kanyang lumalalang karamdaman. Wala pa ring updates kung nakabalik na sa bansa ang TV host.

Kung may ilang namba-bash sa kanya, mas maraming nagmamalasakit kay Kris at humihingi ng pang-unawa at dasal para sa kanyang agarang recovery.

Sabi pa ng isang masugid na supporter ni Kris, "Let's all pray for Miss Aquino. After all, isa rin tayo sa napangiti at napahanga sa kanyang husay bilang aktres at celebrity talk show host."

Pakiusap pa niya sa lahat, "'Wag samahan ng pulitika ang post na ito dahil hindi siya politician (o tumatakbo sa isang puwesto). Isantabi ang pulitika, kailangan ni Kris ngayon ang inyong mga dasal. Mahina na ang kanyang pangangatawan."

Matagal nang nali-link sa kanya… MARKKI, UMAMIN NA TUNGKOL KINA MARVIN AT PIOLO

ni Ador V. Saluta - @Adore Me! | January 15, 2022

Matagal nang usap-usapan sa mundo ng showbiz ang diumano'y relasyon ng indie-BBL actor na si Markki Stroem at ng actor-entrepreneur na si Marvin Agustin.

Bagama't idinadaan sa BI (blind item) ang delikadong isyu, may ilang showbiz personalities umano ang saksi sa Markki-Marvin 'special friendship'.

Lumutang ang mga isyu o tsismis sa pagitan nila lalo na nu'ng umaming bisexual ang dating singer at ngayo'y isang indie actor na.

At bukod kay Marvin, naging bulung-bulungan din ang closeness ni Markki sa isa pang aktor na pinagdududahan din ang gender, si Piolo Pascual.

May umiikot na kuwento sa showbiz na habang close friends sina Markki at Marvin, naging close rin ang una kay Papa P. dahil kumakanta siya dati sa Kapamilya Sunday program kung saan sila nagkakilala.

Matagal nang wala si Markki sa show habang si Papa P. nama'y nagbalik nitong last Sunday lang.

Ang mga isyu ni Markki sa dalawang aktor ay kanyang binigyang-linaw sa programa ng Nanay ng Bayan na si 'Nay Cristy Fermin sa kanyang Cristy Per Minute program nitong nakaraang araw.

Unang sinagot ni Markki ang tanong ni 'Nay Cristy sa kanya tungkol sa ugnayan niya with Marvin.

Aniya, "Si Marvin, friend ko 'yun, hanggang ngayon, friends pa rin kami. And in my opinion, it is our world, we can be friends with whoever we want to be and minsan, we're good friends (at) minsan, hindi masyadong good friends. Minsan, hindi na kami okay."

Sabay pahabol ng, "Minsan, okay pa kami in terms of relationship.

"With different people," dagdag pa ni Markki.

Sa kanyang patuloy na depensa, "And in my opinion, I don't really like to talk about my relationships with people in general, even 'yung girlfriends, whatever. Hindi ko binabanggit ang mga pangalan ng mga naging relationships ko because it's not my story to tell," sey niya.

After ng sinasabing isyu kay Marvin, sunod namang itinanong ni 'Nay Cristy sa kanya ang tungkol sa 'di rin mamatay-matay na isyu niya with Piolo, na minsan daw ay naispatan silang dalawa na sabay nagdya-jogging sa Bonifacio Global City (BGC), Taguig.

Sabi ni 'Nay Cristy, "Ang daming nagte-text sa akin na (sabi'y) nakikita kayo ni Piolo Pascual sa BGC (Bonifacio Global City) na nagdya-jogging, lagi-lagi, tuwing umaga 'yan. Tinanong kita tungkol kay Marvin Agustin, linawin na rin natin 'yung tungkol kay PJ (palayaw ni Piolo).

Magandang malinawan 'yan," sey ng Cristy Per Minute host.

Paglilinaw naman ni Markki, magkaibigan lang sila ni Piolo.

"Friends kami ngayon, (at) friends din kami ni Marvin, friends din kami ng maraming mga actors. But at the end of the day, let's just say nowadays 'yang mga friends ko are outside of the industry."

Dagdag pa ni Markki, "Hindi ako nakikipagkaibigan.... minsan, toxic for me. Actually, may mga friends din ako sa showbiz, pero hi and hello lang....

"I mean, nakikita ko si Moira dela Torre sa Cornerstone Christmas party, hina-hug ko siya, hina-hug ko si Catriona (Gray). Friends ko sila, pero hindi kami masyadong close like katulad dati na lahat ng buhay ko, is in the industry lang," ani Markki na nasa pangangalaga ng Cornerstone (talent agency).