Natuto raw maging mabuting tao dahil sa GF… CARLOS, ‘ANGHEL’ ANG TAWAG KAY CHLOE

ni Mercy Lejarde @Showbiz Talkies | July 4, 2025

Photo: Carlos Yulo at Chloe San Jose - IG

Sa Instagram (IG) post naman ng two-time Olympic gold medalist na si Carlos Yulo ay nagbahagi siya ng larawan kasama ang girlfriend na si Chloe San Jose habang ipinagdiriwang ang kanilang 5th anniversary bilang magdyowa noong July 3, at may caption na: “Happy 5th anniversary, mahal ko!

“Mula sa palitan ng mga matatamis na salita papunta sa mga matatamis mong labi, sa mga yakap mong hinahanap ko palagi. Sa presensya mong nakakahawa ng saya at pagmamahal mong walang katumbas. 

“Dati sa cellphone lang kita nakakausap at nakikita, ngayon araw-araw na tayong magkasama (teary-eyed emoji). Thank you, G!

“Lord God, marami pong salamat sa regalo N’yong anghel na nagsilbing gabay para matuto, maging mabuti, magmahal, at higit sa lahat mas mapalapit SA ‘YO. Aalagaan, mamahalin at poprotektahan ko po ang lahat ng ito. Grateful and thankful po ako sa mga challenges and blessings na ibinibigay N’yo po para mas patatagin at mas mahalin pa namin ng husto ang isa’t isa.

“Muli, maligayang anibersaryo sa atin mahal ko. Mahal na mahal kita. – DADA.”

---

Piktyur nila kasama si Vic, ipinost sa socmed… 

CONEY, PROUD NA PROUD SA PAGIGING MAYOR NI VICO

Sa social media post ng veteran actress na si Coney Reyes ay nagbahagi siya ng larawan niya kasama ang anak na mayor ng Pasig na si Vico Sotto at ang ama nito na si Vic Sotto. 

Aniya, “Full support for our son @vicosotto always. Now on his third and last term as Mayor of the City of Pasig.

“God bless you, son, and grant you everything you would need to accomplish that which He has called you to do in the City of Pasig! #ThankYouLord #GlorytoGod #Grateful #GodblessPasigCity #GodblessThePhilippines.”

Samantala, makikita sa mukha ng aktres habang nakatitig sa anak na si Mayor Vico ang pagmamahal at buong suporta at saya sa oath-taking ceremony ng anak bilang re-electionist.

Ginanap ang event sa tent area ng temporary Pasig City Hall sa Bridgetown sa Rosario, Pasig City noong Lunes ng umaga, June 30, 2025.

Congratulations, Coney and Bossing Vic dahil sobra kayong pinagpala na magkaroon ng anak na tulad ni Yorme Vico.

---

HINARAP ng ‘Big 4’ Duos ng Pinoy Big Brother (PBB) Celebrity Collab Edition ang isa sa pinakamalalaking personalidad sa showbiz — ang Asia’s King of Talk, Boy Abunda.

Sinimulan nila ang usapan sa Fast Talk Duo Edition (FTDE), kung saan diretsahang sinagot ng bawat housemate ang mga maaanghang na tanong ni Tito Boy. 

Kasunod nito ay ang Duo Duelos, kung saan bawat duo ay humarap sa mga tanong tungkol sa isa’t isa — mas personal, mas matapang, at mas totoo.

Sa pagpapatuloy ng Duo Duelos, inilahad ng ‘Big 4’ Duos ang kanilang mga opinyon, pero sa pagkakataong ito, sila naman ang makakarinig ng opinyon ng taumbayan tungkol sa kanila.

‘Yun lang and I thank you.

Piktyur ng mag-ina, ipinost sa socmed… TOM, MAY SUOT NANG WEDDING RING

ni Nitz Miralles @Bida | Mar. 21, 2025

Tom Rodriguez - Instagram

Unti-unti nang inire-reveal ni Tom Rodriguez ang kanyang baby boy. 

Maaalalang una siyang nag-post sa kanyang baby, pero ang chubby arms lang nito ang kanyang ipinakita. Kasunod na post ni Tom ng photo nito, buo nga ang larawan, pero malayo naman. Kahit i-zoom pa nang todo ang picture, hindi pa rin maaaninag ang mukha ng baby. Bale ba, karga ang baby ng mom nito na hindi rin nakita ang mukha dahil malayo nga ang kuha at naging blurred ang larawan.

Itong latest na post ni Tom ng picture ng anak, whole body na sana, kaya lang, nakatalikod ang baby habang karga niya. Ang left ear lang nito ang buo na makikita. Ang mukha ni Tom ang nakaharap sa camera at kitang-kita ang saya nito habang karga ang baby.

Ang isang napansin ng mga netizens ay ang suot na ring ni Tom. Para raw wedding band ang suot nito at makikita ngang hindi lang basta singsing. 

Nag-overthink ang mga netizens at feeling nila, kasal na si Tom sa mommy ng kanyang baby boy at kung totoo ang kanilang hinala, masaya sila for Tom at sa pamilyang binubuo nila ng kanyang partner.

Heto pa, tama kaya ang paniniwala ng mga netizens at fans na rin ni Tom na American o ‘di kaya’y Fil-Am ang kanyang partner? Dahil walang makasagot sa tanong na ito, nagre-request ang mga fans na magkaroon na ng face at name reveal ang dyowa ni Tom at ang kanilang baby.

Nakasulat pala sa caption ng post ni Tom ang: “Still in a thanksgiving mood...” at “Happy to be home #grateful.”

---

Aktor, matagal nang friend… 

ALDEN, MAGPAPA-BLOCK SCREENING NG MOVIE NINA KIM AT PAULO

NAGKAPIRMAHAN pa lang ng kontrata sina Alden Richards at Mr. Gerry Santos ng Mr. Freeze Tube Ice Inc., gusto nang malaman ng mga fans ng aktor kung saan magpapatayo ng ice plant si Alden, para raw dito na sila mag-o-order ng ice.

Hindi pa man, suportado na ng mga fans ni Alden ang bagong negosyong pinasok nito na tamang-tama dahil summer ngayon. 

Ipinost ni Mr. Santos ang photos ng pagkikita nila ni Alden at sa caption ng kanyang post, tinawag niyang “partner” ang Kapuso actor.

“I would like to welcome our new partner @aldenrichards02 to Mrfreeze Group of Companies. We have the same mission & vision in life. A mission of giving back & a vision of providing livelihood & job opportunities to the community.” 

Totoo ito dahil kapag may planta ng yelo si Alden, marami siyang mabibigyan ng trabaho. Kaya, ngayon pa lang, gusto nang malaman ng mga fans kung saan magpapatayo ng ice plant si Alden.

Samantala, nagpasalamat si Kim Chiu kay Alden dahil magpapa-block screening ang aktor sa movie nina Kim at Paulo Avelino na My Love Will Make You Disappear (MLWMYD). In-announce ito ni Kim sa It’s Showtime (IS) kahapon, kaya pati KimPau fans (‘yung iba na hindi siya bina-bash), nagpasalamat din. 

Matagal nang friends sina Alden at Paulo, noon pang nasa GMA si Paulo. Naging friend na rin ni Alden si Kim. Nakikita niya ito kapag nagdyi-gym dahil nahila ni Paulo na sa gym na pina-patronize nila ni Alden na rin mag-gym si Kim.                                                                         

---

PRESENT pareho si Barbie Forteza at ang ex niyang si Jak Roberto sa Trade Launch ng GMA-7 at 75th anniversary na rin ng network na ginawa sa Makati Shang-ri La. Kaya lang, malamang, hindi nagkita ang ex-couple. Bukod sa malaki ang ballroom, kung saan ginawa ang event, marami pang tao.

Pero, sabi ng mga fans, bakit si Barbie, nakita at binati ng Korean actor at Sparkle GMA Artist talent na si Kim Ji Soo? Nagkakuwentuhan pa nga sila with matching hug.

Si Barbie, maraming photos na lumabas, pero si Jak, nalaman lang naming nasa event din dahil sa post ni Ai Ai delas Alas na kasama siya at iba pang Kapuso stars. 

First time sana nilang magkita after ng kanilang breakup, hindi nga lang nangyari. Hindi naman siguro sila nag-iwasan, ‘no?

Si Barbie pala ang tumanggap ng Kapuso Heartthrob Award kasama si Alden. May iba pang award sa ibang Kapuso stars.          

Ilang oras ikinulong, nagbayad ng P500… BARON, SOBRANG LASING, NAGBALIBAG SA HARAP NG IN-LAWS, INARESTO

ni Ador V. Saluta @Adore Me! | Feb. 25, 2025

Baron Geisler sa Incognito - IG

Ikinagulat ng aktor na si Baron Geisler ang kanyang kumalat na mugshot na kuha umano sa isang police station sa Mandaue City, Cebu nitong Linggo, February 23, 2025.

Inaresto at ikinulong pansamantala ang actor dahil sa pagwawala nang malasing.  

Sa kanyang Facebook (FB) ngayong Lunes, February 24, nagpaliwanag si Baron tungkol sa kanyang pagkaaresto.

Inalmahan ni Baron ang mga ulat mula sa ilang news outlets na wala umanong beripikasyon.  

“Irresponsible journalism” daw ang pagpapakalat ng “misinformation” tungkol sa nangyari sa kanya.

Pahayag ng actor, “Breaking my silence. There’s a lot of misinformation circulating, especially from news outlets that failed to verify the facts before reporting.

“Irresponsible journalism has blown things out of proportion, creating unnecessary confusion.

“I want to make it clear—I’m okay, and I’m seeking legal advice to address this properly.

“To those who continue to stand by me, thank you. Your support means everything. #TruthMatters #Grateful.”

Ayon pa kay Baron, nang kumalat ang mugshot niya sa FB nitong nagdaang araw, ilang netizens ang nag-akalang fake news ito.  

Ayon sa post ng isang netizen, flooded na umano ang kanyang Facebook feed ng shared photos ni Baron na naaresto. Akala ng netizen, fake news ito dahil may post pa raw ang aktor sa Instagram (IG) Story kasama ang misis nito.

Hanggang sa ilang news outlets na sa Cebu ang naglabas ng balita tungkol sa pag-aresto kay Baron.

Ayon sa ulat ng Cebu Daily News, naaresto raw si Baron bandang alas-3:50 ng madaling-araw noong Sabado, February 22, dahil sa “drunkenness”.

Ilang oras daw nanatili sa Canduman Police station ang actor na isa sa mga bida ng seryeng Incognito. 

Ayon naman sa ulat ng iFM 93.9 Cebu, sinabi ni Police Col. Mercy Villaro, ang Public Information officer ng Mandaue City Police Station, kasama raw ni Baron ang kanyang in-laws na nag-iinuman sa kanilang tahanan.

Habang nag-iinuman ay bigla na lamang daw may ibinalibag si Baron, kaya nagpatawag ng pulis ang kanyang in-laws. Bagama’t wala raw nadamay o nasaktan sa nasabing kaguluhan, inaresto pa rin si Baron dahil sa gulo at ilang oras ding na-detain sa Mandaue Police headquarters.

Nakalabas naman daw si Baron matapos magbayad ng penalty, na nagkakahalaga ng P500, dahil sa paglabag sa City Ordinance 11-2008-434 (drunkenness).

---

Noong February 21, kinumpirma ng ABS-CBN na handang-handa na ang network sa pagbabalik ng Pilipinas Got Talent (PGT) Season 7. Sa pagbabalik ng reality-search contest, kasama sina Robi Domingo at Melai Cantiveros bilang mga hosts.  

Bilang mga judges ng programa, magsasama for the first time sina Kathryn Bernardo at Donny Pangilinan, at ang bubuo ng apat na judges ay sina Eugene Domingo at Freddie “FMG” Garcia, na dating president ng ABS-CBN mula 1997 hanggang 2003.

Sa Instagram (IG) nitong Sabado, February 22, 2025, excited na nag-post si Robi ng mga larawan at video na kuha sa photo shoot at taping ng PGT Season 7.  

Proud si Robi sa pagsasama nina Kathryn at Donny at masaya niyang ibinahagi ang behind-the-scene photos at video.  

Isang karangalan para sa kanya na maging bahagi ng PGT, na dati ay pinapanood lang niya.

Ang excitement ni Robi ang dahilan para i-bash siya ng mga fans ni Belle Mariano, kalabtim ni Donny. Sa comments section ng post ni Robi, isang netizen ang nagkomento na may tonong pagbabanta sa TV host.

Kung saka-sakali man daw na pagtambalin sina Kathryn at Donny sa show, sisiguraduhin daw ng netizen na maba-bash nang husto si Robi ng mga tagahanga ng DonBelle—ang bansag sa love team nina Donny at Belle Mariano.

Kaya naman, usap-usapan agad sa online ang posibleng pagpapareha kina Kathryn at Donny sa mga paparating na shows ng Kapamilya matapos silang ipakilala bilang mga bagong judges ng PGT.  

Matatandaang umugong ang tsismis noon sa napabalitang panliligaw diumano ng aktor kay Kathryn matapos maghiwalay ang aktres at ang long-time boyfriend nitong si Daniel Padilla. Matatandaang sinabi rin ni Donny sa panayam na si Kathryn ang gusto niyang makasama, kaya’t ikinabahala ito ng mga fans ni Belle.  

Kaya naman naaalarma ang DonBelle supporters na kung saka-sakaling ipareha si Donny kay Kathryn, paano na ang ka-love team nitong si Belle?

Pero ayon naman sa bulung-bulungan, baka ipareha raw si Belle kay Robbie Jaworski, na bagong winelkam na talent sa Star Magic late last year.  

Tahimik ang kampo ng Star Magic tungkol sa espekulasyong magkakaroon ng mga pagbabago sa mga Kapamilya love teams this 2025, gaya ng Kathryn-Donny o Belle-Robbie.