Sumikat sa X Factor UK, Pinoy pride… ALISAH, MALA-CHARICE, ANGELINE AT SARAH KUMANTA

ni Janiz Navida - @Showbiz Special | April 29, 2022

First time naming narinig na live kumanta ang Pinay na sumikat sa X Factor UK na si Alisah Bonaobra sa launching ng kanyang single na Ikaw ang Lahat sa Akin na unang kinanta at pinasikat nina Martin Nievera at Regine Velasquez at grabe, hindi namin mapigilang maging emosyonal dahil talagang bawat bitaw ng nota at lyrics ni Alisah, nanunuot sa kaloob-looban ang kanyang emosyon.

Sabi nga namin sa kanya after niyang kumanta, nakita namin sa kanya ang dating si Charice Pempengco na super-linis kumanta at super-taas ng boses.

Kapag nagsalita at kumilos naman siya, para siyang si Angeline Quinto na very confident at may kasamang pakuwela at confident ding mag-perform.

At ang bitaw niya ng kanyang mga linya, mala-Sarah Geronimo na mapuso at sa kanta pa lang niya, ramdam mo na ang pinaghuhugutan ng kanyang emosyon — ang maabot ang kanyang pangarap na maging mahusay at sikat na singer.

Halos lahat ng um-attend sa launching ng single ni Alisah na Ikaw ang Lahat sa Akin ay halos mapapanganga na lang at speechless dahil sa ganda ng kanyang rendition.

Sabi nga namin kay Ma'm Rosabella ng RJA Productions, naka-jackpot siya kay Alisah na nakikita naming magiging next Charice.

Kaya abangan n'yo ang guesting ni Alisah sa aming online show ni Ateng Julie Bonifacio sa BULGAR Facebook page sa Sabado. Makakasama namin si Alisah Bonaobra sa #CelebrityBTS Bulgaran Na, 11 AM to 12 NN, kaya tutok na, mga Ka-Bulgar!

'Wag na raw bigyan ng trabaho… KIT, IPINABOBOYKOT DAHIL SA PAMBUBUGBOG SA GF

ni Julie Bonifacio - @Winner | March 23, 2022

Nakalaya na si Kit Thompson pagkatapos madetine sa Tagaytay Component City Police Station noong Biyernes nang umaga.

Nakalabas siya ng presinto noong Lunes, kaya ilang araw ding nag-stay sa kulungan ng Tagaytay Police Station ang aktor.

Ang tanong ng showbizlandia, paglabas ni Kit ng presinto, ano na ang mangyayari sa kanyang career pagkatapos ng iskandalong pananakit sa kanyang girlfriend na si Ana Jalandoni?

Maingay na ang mga netizens sa pagka-cancel sa kanya bilang aktor.

“This guy should be cancelled hard. No but no ifs. He should never be hired and should never make an appearance ever again. In fact, no employer in their right mind should ever hire him for any kind of job. He should be embarrassed. No one should tolerate this kind of abuse.”

Kung ang mga ganitong mensahe ang pakikinggan ni Kit, mahihirapan talaga siyang bumongga pa ulit ang kanyang career.

Pero kung papakinggan niya si Maestro Honorio Ong na nagbasa ng kanyang destiny number and ruling planet, tiyak na matutuwa si Kit.

Nakausap namin si Maestro Honorio sa #CelebrityBTS Bulgaran Na! online show sa Facebook page ng BULGAR noong Sabado, 11 AM.

Ayon kay Maestro Honorio, base sa destiny number ni Kit, sadyang daranas ang aktor ng mabibigat na pagsubok sa buhay. Pero malalampasan daw ito ni Kit kapag nagpatuloy siya sa kanyang buhay.

May kapalit daw na magandang kapalaran ang gaya ni Kit pagkatapos dumaan sa unos ng buhay. Basta 'wag lang siyang bibitaw at matapang na harapin ang consequence ng kanyang kinakaharap na problema.

Tingin naman namin kay Kit ay strong ang kanyang personality at ‘di basta-basta bumibigay sa problema.

Sa pagkakasakit ng ex-BFF na si Kris… “I HOPE GUMALING NA SIYA, GOD BLESS HER” — AI AI

ni Julie Bonifacio - @Winner | March 13, 2022

Nag-react si Ai Ai delas Alas sa Instagram account niya nu’ng kunin ang reaksiyon niya tungkol sa pinagdaraanang karamdaman ni Kris Aquino.

Knows naman ng publiko na nagkaroon ng “falling-out” ang dating mag-BFF na sina Ai Ai at Kris. But up to now, walang balita na nagkaayos na ang ex-BFFs.

Tinanong ng netizen kay Ai Ai, “Makiki-Marites habang 'di busy, ano po masasabi n'yo, Ms. Ai sa pagkakasakit ni Kris na dati mong friendship?”

Reply ni Ai Ai, “I hope gumaling na siya…God bless her.”

May mga natuwa sa reply ni Ai Ai.

“It only goes to show that the Comedy Queen is a kind-hearted person. So excited to see you doing drama series on TV.”

At the same time, may ibang netizens ang nagdududa naman sa pag-reply ni Ai Ai. Pero ang ilan ay nanghihinayang sa pagkakasira ng friendship nina Ai Ai at Kris.

“Nanghinayang talaga ako sa friendship nila but for sure, genuine naman si Ai Ai for wishing her well.”

“Si Ai Ai, maka-Cory Aquino 'yan. Talagang sumama 'yan sa People Power.”

“So sad sa nangyari sa friendship nila. Nagtampo si Ai Ai bec. 'di nakadalo si Kris sa libing ng nanay ni Ai Ai, eh, that time, nasa bakasyon si Kris kasama anak niya.”

Isa si Ai Ai sa mga celebrities na binasahan ng kapalaran ni Maestro Honorio Ong sa live episode ng online show ng BULGAR sa Facebook hosted by Ateng Janiz Navida and yours truly, ang #CelebrityBTS BULGARAN NA kahapon, Saturday.

Ayon kay Maestro Honorio, Mars daw ang ruling planet ni Ai Ai based on the number ng pinagsama-samang corresponding numbers ng birth date ng komedyana.

Isa sa mga characteristics daw under the planet Mars ay tipong kapag may kaaway siya, matagal daw silang makalimot at magpatawad.

Pero sa pagkakakilala ng maraming taga-showbiz kay Ai Ai, isa siya sa most generous at pinakamalambot ang puso.

Trew!