ni Beth Gelena @Bulgary Files | June 17, 2023
Pinasalamatan ni LA Tenorio ang Kapamilya actor na si Zanjoe Marudo dahil sinamahan siya nito sa kanyang pagpapagamot sa sakit na cancer sa Singapore.
Panimula ni LA sa kanyang Instagram caption: “Halfway there... PRAY, HOPE AND DON’T WORRY.”
Dagdag pa niya, “Thank you, ‘tol @onlyzanjoemarudo and @markpatron for accompanying me and being there for me on this journey.
“Kahit alam ko na busy ang schedule n’yo, you guys still find time to be with me on this. Maraming salamat sa inyo, mga ‘tol! I am so blessed to have you guys as my friends/family. I will be forever grateful for this.”
Nagpasalamat din si LA sa kanyang mga kapwa Batangueños, “Maraming salamat sa aking mga kapwa Batangueños! #Batangueños #NSD #RoadtoRecovery #Laban.”
Isa si Gary Valenciano sa mga nag-iwan ng komento sa nasabing IG post ni LA, “Hang in there in faith and prayer, LA! God’s got you.”
Sinamahan ni Zanjoe ang kanyang idolo at kaibigan na si LA papuntang Singapore dahil doon magpapa-therapy ang basketball player para sa sakit na cancer.
Ang komento naman ng mga netizens sa pagpapagamot ni LA sa Singapore, “Mas malaki ba ang chance ng healing sa mga cancer patients ‘pag nagpagamot abroad? Siyempre, afford naman ni LA ‘yun. Father ko kasi sa ‘Pinas lang at talagang duduguin ka sa gastos.”
“Sponsored by San Miguel Corporation. Mabait ang big boss nila.”
“Chances are better kasi medical resources abroad are better/advanced compared dito sa ‘Pinas. Plus, not sure but sometimes doctors recommend/introduce to go and be part of a medical trial. Risky pero if it works, good for you.”
“Singapore has a very good medical system. I think mas malaki ang chance ng colon cancer patient na maka-recover in general.”
“Pagaling ka, LA! Fighting!”
“Mas modern abroad, mas up-to-date ang mga gamot na ‘di available rito. Mas magaling ang mga doctor. Si Kris Aquino nga, ‘di gumaling at bumagsak sa US. So, tama lang na mag-abroad si Tenorio kung may panggastos naman siya.”