ni Nitz Miralles @Bida | August 3, 2026
Photo: DB Circulated
Muling nakasama ni Sarah Geronimo ang kanyang parents. Mas malinaw ang photos at makikita ang masayang mukha ni Sarah at ng parents niyang sina Delfin at Divine Geronimo.
Ikinatuwa na naman ito ng mga supporters ni Sarah na matagal nang hinihintay na magkaayos sila.
Ramdam din ang saya sa post ng dad ni Sarah na, “Magandang umaga na bumabati kami sa ‘yo ng isang napakaligayang kaarawan ngayong birthday mo na ‘tong araw na ‘to. Nandito kami, magulang mo, tunay na pamilya mo, mga kapatid mo, nagmamahal sa ‘yo nang walang sawa kahit ano’ng mangyari. ‘Di ka namin makakalimutan, anak.
Mahal na mahal ka namin. Love you, Sarah. Happy Birthday! God bless! Daddy Delfin.”
Hindi lang maiwasang hanapin ng mga fans ang husband ni Sarah na si Matteo Guidicelli dahil wala ito nang mga oras na kasama ni Sarah ang parents niya. May nag-comment na mas masaya sana kung kasama nila si Matteo.
May nag-comment pa na, “Sana, matanggap na ng parents ni Sarah si Matteo,” na sinundan ng “Not complete without Matteo,” “Mas masaya sana kung kasama si Matteo,” at “Sana, kasama na si Matteo sa family ni Sarah para lubos ang kaligayahan ni Sarah.”
Umaasa ang mga fans ni Sarah na darating din ang araw na makakasama nina Sarah at ng kanyang parents si Matteo. Ipinagdarasal daw nila ito. Kasama nga sa wish at prayers nila na makasama ng mga ito sa isang family event ang parents ng dalawa.
Nag-iingay lang daw bilang host…
MOND, PROUD NA CLEAN MONEY GIRLS ANG FRIENDS
May mga na-trigger sa Instagram (IG) Story post ni Mond Gutierrez na, “What a joy to have REAL friends. #CleanMoneyGirls.”
Sa hashtag nag-react ang mga netizens. Shading daw ‘yun na kinontra ng ibang mga netizens.
Wala naman daw masamang ibig sabihin si Mond, nag-enjoy lang siya kasama ang mga kaibigan. Ang photos sa kanyang post ay glass ng drinks ng friends niya na hindi na ipinakita. Gusto silang makita ng mga nag-react at na-trigger para malaman kung galing nga sa malinis na paraan ang kanilang pera.
Nagulat siguro si Mond sa naging reaction sa kanyang post, pero marami ang kumampi sa kanya. Wala raw masama sa post niya, binigyan lang ng double meaning ng mga netizens.
May nag-akusa pa kay Mond na nagpapa-relevant mula nang kunin ng Bilyonaryo News Channel (BNC).
Ayaw paniwalaan ng netizens…
CIANNE, TODO-TANGGOL NA ‘DI BUNTIS SI KIM
May mga naniniwala pa rin na preggy si Kim Chiu kahit naglabas na ito ng workout video na nagpapatunay na fake news ang balita. Nakipagsagutan na rin ang co-host ng It’s Showtime (IS) na si Cianne Dominguez sa makukulit na naniwalang buntis si Kim.
Sa nag-comment ng “Not a mom but I’m a nurse. I can tell that’s a baby bump. If I’m wrong, isasauli ko license ko,” sagot ni Cianne, “Isauli mo na po, ako na ang nagsasabi.”
Sa nag-comment na, “Te, ‘di ka na-inform ni Kim,” sagot ni Cianne, “Sabi n’ya sa ‘yo, te.”
Sa nag-comment na, “‘Di naman kayo close ni Kim,” sagot ni Cianne, “Ay, nakakasama ka namin lagi?”
Pinasalamatan ng mga fans ni Kim si Cianne dahil sa pagtatanggol kay Kim at pagpapatunay na hindi buntis ang aktres.
Tanong tuloy ng mga fans, ano ba ang dapat nitong gawin para maniwala ang tao na hindi siya buntis?
Ang sagot ng ibang fans ni Kim, wala itong dapat gawin at hayaang mamatay ang isyu. Malalaman din naman kung buntis siya kapag lumaki ang kanyang tiyan, na dahil mali ang tsismis, hindi aabot na lalaki pa ang kanyang tiyan.
BIRTHDAY ni Dingdong Dantes kahapon at noong isang araw, in-announce ng GMA na nagbabalik siyang host ng The Voice Kids (TVK). Ikinatuwa ito ng mga viewers ng TVK dahil swak daw na host si Dingdong bilang ama at nakaka-relate siya sa mga batang contestants.
Pero may iilang mga netizens na nagreklamo. Bakit daw laging si Dingdong ang napipiling host ng GMA-7? May iba pa raw talent ang network na puwedeng maging host ng TVK, at binanggit si Drew Arellano. Bakit daw hindi nila subukan si Michael Sager at iba pang talents na into hosting din?
Well, isang sagot dito ay madaling ibenta sa sponsors si Dingdong dahil alam nilang magaling siyang host. Kung susubok daw sa iba, baka hindi kagatin ng sponsors at advertisers.
Anyway, si Gabbi Garcia ang Journey host ng TVK at sina Julie Anne San Jose, Yeng Constantino, at Gloc-9 ang coaches ng new season.