Marami na raw natutunan sa mga ex-BF… KC, LALAKING-LALAKI ANG GUSTONG MAPANGASAWA

ni Vinia Vivar @Frankly Speaking | October 31, 2025

Photo: KC Concepcion

Aa the age of 40, tahasang sinabi ni KC Concepcion na sobrang ready na siya na mag-asawa.

Ang aktres ang guest ni King of Talk Boy Abunda sa kanyang programang Fast Talk with Boy Abunda (FTWBA) sa mismong araw ng kaarawan niya last October 29.

Isa sa mga napag-usapan nila ay ang paglagay sa tahimik, at aminado naman si KC na gusto na niyang i-share ang kanyang buhay sa taong kanyang mamahalin.

“I am ready to share my life with someone. I think I’ve enjoyed my life so much that gusto kong i-share to someone na deserving,” aniya.

“And I think, natuto rin akong magmahal through the years. With every relationship na dumating sa buhay ko, natuto talaga akong mag-trust at magmahal.

“Natuto ako kung ano ‘yung weaknesses ko, kung saan ako nagkukulang, kung saan ako puwedeng mag-improve, kung ano ‘yung mga takot ko dati,” dagdag niya.

When it comes to pagmamahal, ani KC, sabi raw ng kanyang inang si Sharon Cuneta ay matiyaga raw siya. Matagal daw bago siya kumalas sa isang relasyon at talagang pinag-iisipan niya nang husto. Pero kapag umayaw daw siya, talagang ayaw na niya at nagmu-move on na agad.

Nahilingan din siya na i-describe ang kanyang Mr. Right o ang hinahanap niyang katangian sa kanyang mapapangasawa, at inisa-isa ng dalaga ang kanyang mga requirements.

“Preferably po, someone na kilala ko na po, preferably someone po na maalaga and provider po, na mararamdaman ko po na lalaking-lalaki s’ya at babaeng-babae po ako,” aniya.

Nilinaw naman agad ni KC na wala pa naman daw siyang nahahanap, at kung meron na raw ay iaanunsiyo niya at hindi naman daw niya itatago.

“I think he’s just there. I think the love that I will end up with and that I will marry is just waiting there for me,” aniya.

---

UMANI ng papuri sina Sparkle artists Martin Del Rosario at Migs Almendras sa katatapos na Cinesilip Film Festival awards night.

Wagi si Martin bilang Best Actor para sa pelikulang Haplos sa Hangin (HSH). Ang pelikulang ito rin ang nakakuha ng 3rd Best Film, Best Screenplay, at Best Musical Score.

Nanalo naman bilang Best Supporting Actor si Migs na gumanap bilang si Maki para sa pelikulang Dreamboi.

Komento ni Migs sa kanyang Facebook (FB) post nang may magtanong kung umaasa siyang makakuha muli ng isa pang award sa upcoming film, “I’m at this stage in my life where I’m just enjoying and having a great time. Bonus na lang ‘yung ganu’n for me, I guess.”

Magkasama rin ang dalawang aktor sa pelikulang Multwoh (Patay na Patay Sa ‘Yo), isa sa mga official entries para sa Puregold CinePanalo Film Festival 2026.

Nu’ng binata pa, wala raw ipon… DENNIS, PROUD NA MAY PERA NA DAHIL KAY JENNYLYN

ni Vinia Vivar @Frankly Speaking | October 30, 2025

Photo: FB Dennis Trillo

Sobrang thankful ni Dennis Trillo sa misis na si Jennylyn Mercado dahil napakagaling daw nitong humawak ng pera.

Sa interview niya sa Fast Talk with Boy Abunda (FTWBA) nitong nakaraang Monday, inamin ng aktor na noong binata siya ay hindi siya marunong humawak ng kanyang pera.

“Noon pong wala pa po akong asawa, masasabi ko na hindi talaga ako magaling humawak sa mga finances ko dahil mahilig akong mag-share. Minsan, wala nang natitira talaga sa ‘kin,” sey ni Dennis.

Kaya naman napakasuwerte raw niya na naging asawa niya si Jen.

“Nu’ng nagkaasawa naman ako, ang suwerte ko na si Jennylyn, napakagaling talagang humawak sa pera kaya ‘yun, sobrang thankful ako sa kanya at malaking pagbabago ‘yun sa buhay ko at sa buhay naming pamilya,” aniya.

Ibinahagi rin ni Dennis na bukod sa may joint savings account sila ni Jen, may kani-kanya rin silang individual savings account sa bangko. Ang lahat daw ng bills nila ay nakabukod din at ang misis niya ang nag-aasikaso nito.

Nang tanungin kung ano ang pinakamahalagang leksiyong natutunan niya sa pagmamahal, ayon sa aktor, ito raw ay ang pagbibigay ng oras sa iyong partner.

“‘Yung pagbibigay ng oras talaga sa bawat isa. Hindi ka man makapagbigay ng oras na mahaba kung minsan dahil sa trabaho, kailangan mo lang i-make sure na ‘yung quality ‘yung importante. ‘Yung quality ng oras na pinagsasamahan ninyo,” pahayag ng aktor.

---

BUONG-NINGNING na ifinlex ni Lovi Poe ang kanyang postpartum body matapos ang dalawang linggo mula nang makapanganak siya sa first baby nila ng mister na si Monty Blencowe.

Sa reel na ipinost ng aktres sa kanyang Instagram account ay makikita ang kanyang figure noong kabuwanan niya at noong makapanganak siya.

“Last week of pregnancy vs 2 weeks postpartum,” ani Lovi.

Halos lahat ng netizens ay na-shock dahil parang hindi nanganak ang aktres dahil super slim pa rin siya. Maging ang mister niya ay nag-reply ng fire emoji bilang paghanga sa kanya.

Sey ng mga netizens…

“‘Kakaloka… Parang walang nangyari! Waaaaaaa!!! How to be you my dear @lovipoe (heart emojis). More beautiful than ever,” papuri ng isang netizen.

“Na para bang wala namang nangyari at isang Halloween costume lang ang pagbubuntis ng babaeng ito!” reaksiyon naman ng isa pang follower.

“2 weeks postpartum?? Grabe! (fire emoji) While here am I, 2 years postpartum pero ang laki pa rin ng tiyan…”

“Ewan ko sa ‘yo, @lovipoe, nakakainis. Huhuhu! Ba’t ganyan ka?” 

Kamakailan lamang ipinakita ni Lovi Poe sa publiko ang kanyang newborn baby. Ibinahagi niya ang video na karga-karga niya at inihehele ito.

“The moment I met you, instinct took over. Welcome to the world, my love,” caption ng aktres.

---

NAGPAKITA ng panibagong buwis-buhay na action stunts si Coco Martin sa Kapamilya teleseryeng FPJ’s Batang Quiapo (BQ) para iligtas ang karakter ni Christopher de Leon na nasa bingit ng kamatayan.

Isa sa mga itinampok sa maaksiyong eksena ang paglambitin nina Coco at Christopher sa isang mataas na gusali habang nakatali sa kadena at nakikipagbarilan.

“‘Yung challenge namin dito is how to come up with a new setup na magiging exciting para sa audience. Ang challenging dito, more than the action scenes mismo, is the execution ng stunts,” kuwento ng isa sa mga direktor ng serye na si Richard Somes sa behind-the-scenes video na inilabas ng CCM Film Productions.

Sa kasalukuyang takbo ng kuwento, nagtagumpay si Tanggol (Coco) sa pagligtas sa ama niyang si Ramon (Christopher) matapos itong dukutin ng grupong Red Phoenix. Sa kabila ng patibong ng kalaban, mag-isang napatumba ni Tanggol ang sangkatutak na armadong lalaki bago dumating ang tropa upang tulungan sila sa pagtakas.

Matapos ang matinding balakid sa kanilang buhay, pinaplano na nina Tanggol at Ramon ang pagkamit ng hustisya. 

Sa ngayon, uunahin nila ang paghihiganti laban sa mortal nilang kaaway na si Divina (Rosanna Roces) at ang makapangyarihang Pamilya Guerrero.

Samantala, maniningil na rin ng katarungan si Ponggay (Maris Racal) sa nagbabadyang paghaharap nila ni Rockyboy (Baron Geisler), ang tao sa likod ng karumal-dumal na pang-aabuso kay Dimples (Criza Taa) na ngayon ay nag-aagaw-buhay sa ospital.

Buking na hiwalay na talaga… ELLEN: DEREK, PINADALHAN NG IMBITASYON, NO SHOW SA 1ST B-DAY NG ANAK

ni Vinia Vivar @Frankly Speaking | October 27, 2025

Photo: IG _ramseyderek07 & _maria.elena.adarna

May sagot na si Ellen Adarna kung bakit wala ang mister niyang si Derek Ramsay sa first birthday party ng anak nilang si Liana o Baby Lily.

Sa Instagram (IG) post ni Ellen ng mga larawan sa ginanap na birthday party ng anak, may nag-tag kay Derek at nagkomento ng “Absent ang amahan.”

Sumagot si Ellen sa wikang Bisaya. Aniya, “Gisendan man cya’g invite, Dai. Ambut nanu wa sya mu tunga,”

na ang ibig sabihin ay “Pinadalhan naman s’ya ng invitation, ewan kung bakit ‘di s’ya pumunta.”

Tila kumpirmasyon na rin ito na hiwalay na talaga sila ni Derek, although hanggang ngayon ay wala pa silang direktang pahayag para i-address ang issue.

Narito naman ang ilan sa mga komento ng mga netizens:

“This is sad. Father should be part of the celebration. No need ng invitation.”

“Bakit send-an pa, tatay ‘yun. It means ‘di na sila nagsasama sa iisang bubong.”

“Walang pagtatanggol so alam na ‘yan. Talagang not on good terms.”

“Oo, kawawa mga bata. I really hope maayos pa nila. And sana bumaba na mga pride nila.”

“Confirmed!”

Bukas ang BULGAR para sa magiging pahayag ni Derek Ramsay.

---

AMINADO ang festival director na si Chris Cahilig na hindi naging madaling proseso ang pagpili ng pitong official entries para sa Puregold CinePanalo Film Festival 2026.

Inanunsiyo na nga noong Sabado, Oktubre 26, ang lucky seven official entries at ito ay ang mga sumusunod: Wantawsan by Joseph Abello, Mono No Aware by BC

Amparado, Apol of My AI by Thop Nazareno, Patay Gutom (Dead Hungry) by Carl Papa and Ian Pangilinan, Beast by Lawrence Fajardo, Stuck on You by Mikko Baldoza, at Multwoh by Rodina Singh.

Ayon kay Chris, 203 scripts ang lahat ng naisumite at ilang linggo siyang walang tulog para isa-isahin ang mga ito.

“So, ang nangyayari is I screen them based on s’yempre, ‘yung plot nila and everything. From 203, 70 passed the initial screening.

“So, ‘yung 70, ‘yun ‘yung binasa ng ating selection committee. And then, du’n kami pumili ng 33, 15 at ngayon, 7,” kuwento ni Chris sa proseso ng selection.

Grabe rin daw ang naging debate at diskusyon nila during the selection of seven entries since nagkaroon ng 4 na elimination process.

“When you have like 33 really great line-up, cut to 15, lalo pang mas elite talaga. So, parang paano ka mamimili sa napakagagandang pelikula na ito?” saad ng festival director.

Inaasahan na mas malaki at mas maganda ang third edition ng CinePanalo Film Festival dahil mas malaki na rin ang production grant sa mga napiling pelikula.

Bawat 1 sa 7 entries ay tumanggap ng production grant of P5,000,000 and a chance to compete for the festival’s awards. The selected feature films will be shown on screen alongside 24 films made exclusively by student filmmakers.

“The upcoming 2026 CinePanalo is going to be the festival’s biggest installment yet,” pagkumpirma ni Senior Marketing Manager Ivy Hayagan-Piedad.

“Puregold CinePanalo is giving its biggest grants to date, largesse that all seven participants truly deserve by showing us the passion, creativity, and ‘panalo sa husay’ spirit that only Filipino filmmakers can bring,” pahayag ni Chris.

Hindi pa nakukumpleto ang casting ng bawat pelikula, pero ayon kay Chris ay umaasa sila na makakakuha ng A-list stars, na isa rin sa dahilan kung bakit tinaasan nila ang production grant.

Dahil mas pinalaki at pinaganda ang festival ngayon, inaasahang mahihigitan nito ang success ng mga nakaraang edisyon.

Gaganapin ang ikatlong edisyon ng CinePanalo Filmfest sa Gateway Cineplex 18 at Ayala Malls sa susunod na taon.