First Best Child Actor award… JIRO, PURDOY NA, IBINEBENTA NG P500 K KAY BOSS TOYO ANG TROPHY, BINARAT NG P75 K

ni Vinia Vivar @Frankly Speaking | February 12, 2026

Photo: YT Boss Toyo Production

Nagbentang muli ng acting trophy ang dating child star na si Jiro Manio sa memorabilia collector na si Boss Toyo. 

Matatandaang dalawang taon na ang nakalipas nang unang ibenta ni Jiro kay Boss Toyo ang kanyang Gawad Urian Best Actor trophy sa halagang P75,000.

Napanalunan ng aktor ang naturang award noong 2004 sa edad na 12 para sa natatanging performance niya sa pelikulang Magnifico, na ipinalabas noong 2003.

Sa episode ng Boss Toyo Production sa YouTube (YT) channel ni Boss Toyo na may titulong PP Stars Inc. S2 Ep. 60 – Ang Follow-up ni Jiro Manio, muling nagtungo ang former child actor para ibenta naman ang kauna-unahang Best Child Actor trophy niya para sa pelikulang Bagong Buwan (BB).

Aniya, napakahalaga ng first-ever Best Child Actor award dahil bukod sa pagkapanalo niya sa Metro Manila Film Festival (MMFF), nakasama rin siya sa movie nina Cesar Montano at Carlo Aquino.

“Trademark ito ng movie namin noong 2002, ng pelikulang Bagong Buwan. Tungkol sa Muslim at sa Kristiyano. Naggiyera noong 2002. Bata pa ako nito, 8 years old. Kasi ‘yung sa Magnifico, nasa history ‘yan na nanalo ako ng Best Actor, pinakabata. Pero ito ‘yung pinakatumatak sa mga tao kasi pinakaunang award ko,” sabi niya kay Boss Toyo.

Unang presyo na ibinigay ni Jiro para sa naturang trophy ay P500,000.

“Kasi Boss, sa totoo lang, ‘di naman lingid sa kaalaman ng iba, ang tagal kong nawala sa showbiz, ‘di ba? Aminin ko na, naghirap din ako. Nawalan ako ng income, nawalan ako ng business, nawalan ako ng mga contact. 

“So hanggang ngayon, bumabawi ako sa recovery ko. Hirap na hirap ako. Guesting tinatanggap ko kahit magkano, basta magka-project lang ako,” lahad ni Jiro Manio.

Kasunod nito, nagkatawaran at nagkasundo sila sa halagang P75,000.

---

PASABOG at talaga namang marami ang nagulat sa mga ganap sa mundo ng Encantadia. 

Matapos ang matapang na pagtanggi ni Terra (Bianca Umali) sa tukso ni Gargan (Tom Rodriguez), tuluyan nang binawian ng buhay si Terra. 

Ayon sa mga netizens, “The best fighting scene and death scene Encantadia Chronicles has ever made.”

Dagdag pa ng isang tutok din sa serye, “Gaya ni Sang’gre Amihan, bago s’ya mamatay, inialay n’ya ang kanyang buhay para sa buong Encantadia. Naaawa nga ako kay Terra, ihh, kasi mamamatay s’ya, pero she is the best fighter girl.”

Pahulaan din kung tuluyan na nga bang sasanib si Gaiea (Cassandra Lavarias) habang hawak naman ni Gargan ang kaluluwa ni Terra. Hindi naman matanggap nina Adamus, Flamarra, Deia, at mga Kambal Diwa ang sinapit ni Terra sa kamay ni Gargan.

Samantala, lumalalim ang mga intriga sa Sapiro at Hathoria. Totoo nga bang may mas malaking digmaan na paparating? 

‘Yan at marami pang iba ang dapat abangan sa Encantadia Chronicles: Sang’gre (ECS) sa GMA Prime.

---

NO date, no problem this Valentine’s weekend dahil hatid ng GMA stars ang pagpapakilig at paghahatid-saya sa mga Kapuso sa iba’t ibang regions sa bansa, courtesy of GMA Regional TV.

Bago ang mismong araw ng Valentine’s Day (February 13), maghahandog ng love-filled surprises ang House of Lies (HOL) cast na sina Kris Bernal, Mike Tan, Martin Del Rosario, at Kokoy de Santos sa Kapuso Fiesta para sa HaMaKa Festival 2026 na gaganapin sa Don Hilario Cruz Avenue, Taytay, Rizal at 7 PM. Makakasama pa sa paghahatid ng hindi matatawarang entertainment sina Kapuso Ultimate Heartthrob Miguel Tanfelix, Pinoy Big Brother Celebrity Collab Edition 2.0 (PBBCCE2.0) ex-housemates Lee Victor at Waynona Collings, pati na rin si Kapuso host Pepita Curtis.

Sa Araw ng mga Puso (February 14) naman, sagot na ng GMA ang ultimate kasiyahan ng mga Kapuso dahil paliliparin nila sa Sarangani sina Sparkle stars Katrina Halili, Jeric Gonzales at Teejay Marquez para maki-join sa selebrasyon ng 22nd Timpuyog Festival.

Abangan sila sa Municipal Kiosk, Municipality of Kiamba, Sarangani Province at 8:30 PM.

Hindi pa nagtatapos d’yan ang pa-Valentine’s gift sa mga Kapuso sa regions dahil sa Linggo (February 15), makikipagkulitan sa Kapuso Float Parade sina Sparkle actress Arra San Agustin, Hating Kapatid (HK) star Vince Maristela, at Kapuso actor Bryce Eusebio. Abangan sila sa Grand Float Parade sa Victoria, Tarlac at 2 PM.

Sa Round 4 ng Sexbomb reunion concert… AIRA, INIHAGIS SA STAGE, NABITAWAN NG DANCERS, SUMADSAD SA SAHIG

ni Vinia Vivar @Frankly Speaking | February 9, 2026

Photo: FB Aira Bermudez-Inovero

Nag-alala ang mga fans ni Aira Bermudez ng Sexbomb Girls nang maaksidente ito sa katatapos lamang na Round 4 ng Get, Get, Aww! reunion concert nila last February 7 sa SM Mall of Asia (MOA) Arena.

Sa mga videos na lumabas ay makikita si Aira sa isang solo performance doing aerial dance with her back-up dancers. Ilang beses siyang binuhat sa ere at binaligtad ng kanyang mga back-up dancers. Pero sa isang bahagi ay nabitawan siya ng mga dancers at sumadsad sa sahig.

Na-shocked at nagsigawan ang audience habang si Aira naman ay parang walang nangyari at nagpatuloy pa rin sa pagsasayaw. Nag-viral agad sa social media ang video at nagpahayag ng pag-aalala ang kanyang mga fans.

“Get well soon, Sexbomb Aira. Sobrang galing ninyong lahat. Walang tapon ang concert. Sobrang sulit, pero sana ayos ka lang,” caption ng fan sa nag-post ng video.

Marami rin ang nagpayo sa kanya na magpagaling muna at i-prioritize ang kanyang health.

Kahapon ay nag-post si Aira sa kanyang Facebook (FB) at siniguro sa mga fans na okay lang siya.

“Keep moving forward,” simula niya.

Kasunod nito ay ini-assure rin niya ang mga fans na babangon siya at lalaban sa Round 5 ng concert.

“Bumagsak man ako kagabi at naaksidente, babangon at lalaban tayo ngayon.

“I’m okay, nothing serious happened and I’m ready. The show must go on. See you later,” saad ng dancer.

Diin pa niya, “‘Di ako pinalaki ng Sexbomb para bumawi, pinalaki ako para lumaban.”

Nagbahagi rin siya ng mga larawan ng kanyang intense performance kung saan ay nakatanggap siya ng maraming suporta at papuri.

“Grabe ang hiyaw namin kagabi nu’ng bumagsak ka. Salamat naman at walang serious injury. Dancing warrior ka talaga, Aira,” saad ng isang supporter.

“Thank God kahit ‘wag ka na lang magpahagis mamaya kasi delikado, nakakakaba. Okey na ‘yung hataw na hataw ka sumayaw,” komento naman ng isa pa.

“‘Yan ang tunay na pinalaki ng Sexbomb, palaban at tunay na mandirigma,” hirit ng isa pang fan.

Ang leader ng Sexbomb na si Rochelle Pangilinan ay nag-post din tungkol sa nangyaring aksidente at siniguro ring tuloy ang Round 5 ng concert.

“‘Di maiiwasan ang aksidente. Oo, may flaws. Oo, may bumagsak. Pero Sexbomb kami. Babangon at babangon kami. Walang atrasan. Hinding-hindi babawi, kahit mano-mano. Round 5, Fight!” pahayag ni Rochelle.

Kagabi, February 8 ay ginanap ang Round 5 ng Sexbomb reunion concert.

---

Todo-asang gugulatin mo, Khalil…

GABBI, FAIRYTALE PROPOSAL ANG GUSTO

INAMIN ni Gabbi Garcia na napakarami niyang calls and messages na natanggap na nagtatanong kung kasal na ba sila ng long-time boyfriend na si Khalil Ramos.

Ito ay matapos ma-release last January ang music video ng Ben&Ben na Duyan kung saan makikita ang wedding scene nina Gabbi at Khalil. Akala ng marami ay totoong kasal na ang naganap sa magdyowa.

Sa guesting ni Gabbi sa Fast Talk with Boy Abunda (FTWBA), kasama ang mga co-stars sa 2016 Encantadia na sina Kylie Padilla, Sanya Lopez at Glaiza de Castro, sinabi ng aktres na may default reply na raw siya para sa lahat ng nagtatanong.

“Copy-paste na ‘yung reply ko kasi sobrang daming nag-message sa amin ni Khalil na parang, ‘No guys, it’s for our music video, it’s for our friends, Ben&Ben.’ I know, we’re sorry if you guys were surprised, but it’s really for a music video,’” sey ni Gabbi.

Natanong ang aktres kung napag-uusapan na ba nila ni Khalil ang kasal at aniya, “Oo naman, Tito Boy, lagi naman, kasi nine years na rin kami, so I think du’n naman din talaga papunta.”

Hindi naman daw siya napapagod sa kasasagot kapag may nagtatanong kung kailan ang kasal.

“I’m happy that they’re asking because it gives off na parang, ‘Ay, itong dalawang ‘to, du’n talaga papunta,’” saad ng dalaga.

Pagdating naman sa proposal, ayon kay Gabbi, siyempre ay gusto niyang ma-surprise tulad din ng ibang girls.

“I wanna have my fairytale proposal,” masayang sambit niya.

Well, abangan natin.

After 29 yrs., together again… ONEMIG: SI AIKO NA ANG ENDGAME KO

ni Vinia Vivar @Frankly Speaking | February 7, 2026

Photo: IG _uno_111

Ang daming kinilig sa Instagram (IG) post ni Aiko Melendez na sweet photo nila ni Onemig Bondoc.

Makikita sa larawang in-upload ng aktres-politician na nakaakbay sa kanya si Uno (nickname ni Onemig), at nakahilig naman siya sa balikat nito habang pinagmamasdan nila ang sunset sa tabing-dagat.

Bagama’t nakatalikod sila sa camera, sa caption ni Aiko ay obvious na sila ni Onemig ang nasa larawan.

“Napapanahon na ba? Is 29 years long enough?” ang caption ng aktres.

Ilang beses nang binabanggit ni Onemig sa kanyang mga videos at vlogs na 29 years niyang hinintay si Aiko. Niligawan niya raw ito during their younger years pero binasted siya.

At ngayong pareho na silang single, hindi na pinalampas pa ni Uno ang pagkakataong suyuin muli si Aiko.

Sa ngayon ay wala pang pormal na pag-amin ang dalawa na sila na at kung hindi pa, obvious naman na ‘getting there’ na sila.

Sa comment section ay nagkagulo sa kilig ang kanilang mga fans na pabor na pabor sa kanilang relasyon.

Narito ang ilan sa mga nabasa naming comments…

“Congratulations, grabe ang 29 years na ‘yan.”

“Panahon na nga… the road to forever (heart emoji).”

“OMG! My ‘90s heart is sooo kilig and happy for you two. Maybe this time may be forever for both of you (smile emoji). Love without question and hesitation.”

“Grabe, Ms. Aiko, akala ko sa pag-ihi na lang ako kinikilig (in love emoji).”

“Mukhang greatest love ka ni Onemig, Aiko. Bet ko s’ya for you! Naks, Onemig, ‘She’s my life, my endgame, my safe place.’ Saan ka pa? Kung kayo sana nagkatuluyan noon, baka naka-4 na kayo. Anak is life, charot!”

---

TULUY-TULOY ang saya ngayong Linggo (Pebrero 8) sa isang engrandeng musical celebration para sa mga solid Kapamilya, hatid ng Kapamilya stars at rock bands sa ASAP Presents: ALL2GETHER KAPAMILYA: A Grand Pasasalamat Part 2.

Engrandeng grand opening number ang bubungad sa mga fans ngayong Linggo sa pangunguna nina Donny Pangilinan, Belle Mariano, Darren, Kyle Echarri, Alexa Ilacad, AC Bonifacio, Gela Atayde, Jameson Blake, Jeremy Glinoga, at Michelle Garcia, kasama ang housemates ng Pinoy Big Brother (PBB) Gen 11 na sina Fyang Smith, Kai Montinola, JM Ibarra, Jarren Garcia, Kolette Madelo, Rain Celmar, Jas Dudley-Scales, at Binsoy Namoca, pati ang mga housemates ng PBB Celebrity Collab Edition 1 na sina Brent Manalo, Ralph de Leon, River Joseph, Klarisse De Guzman, Esnyr Ranollo at Bianca de Vera.

Hindi dapat palampasin ng Blooms ang pasabog na number mula sa BINI tampok ang kanilang hits na Salamin, Shagidi at Bikini.

Humanda na rin sa pangmalakasang performance nina Regine Velasquez-Alcasid, Belle at Anne Curtis kasama ang Imago.

Bonggang collabs din ang handog nina Gary Valenciano at Ogie Alcasid kasama ang Soapdish, at nina Jolina Magdangal at Jona kasama ang 6Cyclemind. 

Samantala, maki-jamming sa hit songs ng Mayonnaise.

Abangan ang madamdaming performance mula kina Moira, Klarisse, at Darren, na susundan ng pasabog na number mula kina Martin Nievera, Erik Santos, Kyle, at Neocolours.

Magpapatuloy ang libreng concert experience sa performance nina Zsa Zsa Padilla, Angeline Quinto, Yeng Constantino, at Jason Dy kasama ang Freestyle.

Samahan ang BGYO sa pagkanta nila ng latest song na Divine, habang huwag ding palampasin ang bersiyon nina Marko Rudio, Darren, at Kyle ng Gento at Dam.

Magsisilbing hosts ngayong Linggo sina Robi Domingo, Belle, Alexa, Kyle, at Darren.

Huwag palampasin ang ikalawang bahagi ng ASAP Presents: ALL2GETHER KAPAMILYA: A Grand Pasasalamat ngayong Linggo sa Kapamilya Channel sa ALLTV2, A2Z, Kapamilya Online Live, at iWant.