Gilas Women, dinurog ng China

ni VA / MC - @Sports | September 29, 2021

Kung ihahambing sa pakikipag-away o basag-ulo, mistulang bugbog-sarado ang inabot ng Gilas Women's squad sa kamay ng nakatunggali nilang mga higanteng China nang gapiin sila ng huli sa 91-puntos,143-52 sa pagbubukas ng FIBA Women's Asia Cup sa Prince Hamza Hall sa Amman, Jordan.

Binubuo ng isang powerhouse crew na kinabibilangan ni WNBA player Han Xu, literal na dinurog ng mga Chinese ang mga Filipina dribblers. Nagtala si Han, na lumagda sa New York Liberty para sa WNBA ng 17 puntos, 6 rebounds, 3 assists at 1 block habang pito pa niyang kakampi ang tumapos na may double figures.

Naging mabigat para sa Pinay ang nagawa nilang fouls, 24 turnovers na nai-convert ng China sa 34 points.

Nanguna sa Gilas si Afril Bernardino na may 17 puntos, 7 rebounds, 2 steals at 2 blocks.Nag-iisa sIyang nakapagtala ng double digit para sa Nationals.

Tanging sa bungad lamang ng laro nakuhang sumabay ng Gilas Women kung saan 5 puntos lamang ang agwat ng China ,10-15, may 5 minuto pang natitira sa first quarter kasunod ng 3-pointers mula kina Ana Castillo at Ria Joy Nabalan.

Ngunit mula roon, lumayo ang China sa iskor na 35-17 papasok ng second period. Lumobo pa ang naturang bentahe sa 108-38 patungo sa fourth canto.

Nanguna sa nasabing panalo si Yang Liwei na may 21 puntos, 5 assists, at 5 steals. Sunod na makakalaban ng Gilas Women sa Group B ang Australia ngayong Miyerkules ng alas- 12:00 ng hatinggabi, oras dito sa Pilipinas. ISKOR: CHINA 143 — Yang L 21, Li YR 18, Han 17, Li Y 13, Zhang 13, Li YF 13, Yang H 11, Wang 10, Huang 9, Pan 9, Wu 7.

PHILIPPINES 52 — Bernardino 17, Pontejos 7, Prado 6, Fajardo 6, Nabalan 5, Castro 5, Castillo 3, Clarin 3, Cabinbin 0, Tongco 0, Pingol 0, Cayabyab 0. Quarters: 35-17, 69-29, 108-38, 143-52

Retirement sa boxing ni Pacman, hindi pa opisyal ang anunsiyo

ni MC / VA - @Sports | September 22, 2021

Kahit pa nagkomento ito na nagretiro na sa boksing, hindi pa umano opisyal na retirado sa pagboboksing si Manny Pacquiao, ayon kay Sean Gibbons, ang pangulo ng MP Promotions na pag-aari ni Pacquiao.

Nag-anunsiyo kasi si Pacquiao, sa isang television interview nitong Linggo, na tapos na ang kanyang boxing career at retirado na siya.“Tapos na dahil matagal na akong nagboboksing at sinabi ng pamilya ko na tama na,” ani Pacquiao. “Patuloy lang akong lumalaban dahil mahal ko ang sports na boksing. Magsu-support na lang ako ng boksingero para magkaroon tayo ng champion ulit,” ayon pa sa founder ng MP promotions.

Makaraang matalo siya via unanimous decision kontra kay Yordenis Ugas noong Agosto sa kanilang welterweight showdown, nagparamdam si Pacquiao na magreretiro na at tatakbo itong bilang presidente ng Pilipinas sa Mayo 2022.

Ang laban kay Ugas ay ang unang laban ni Pacquiao simula ng manalo ito kontra kay Keith Thurman noong July 2019.

Isa sa itinuturing na pinakamagaling na boksingero sa kasaysayan, si Pacquiao ang kaisa-isang boksingero na nagwagi ng walong world title sa walong iba’t ibang weight classes. “In the coming weeks, the senator will decide how he’s going to finish his professional boxing career,” ani Gibbons. “After the fight and recently, he’s discussed retiring [or] maybe one more [fight]. He’s just talking out loud about different situations.

“Until you see it officially come out on his Twitter or Instagram, he isn’t retired. Once you see it on a platform like that, it’s official. Anything else is just talk about what his thoughts are in the moment. It’s coming from him, but it’s hearsay.”

Pinaliwanag ni Gibbons na sinabi ni Pacquiao na retired na siya noong 2016 matapos talunin si Timonthy Bradley upang mangampanya sa pagka-Senador, pero matapos ang ilang buwan ay muli itong lumaban.

Nakatakda sanang sagupain ni Pacquiao si Errol Spence Jr. noong isang buwan, pero pinalitan ito ni Ugas matapos dumanas si Spence ng injury sa mata. Sa kontrata ni Pacquiao kay Spence, kasama rito ang rematch clause sakaling matalo sa laban pero sa kotrata kay Ugas ay hindi.

Sa kabuuan, nakapagtala si Pacquiao ng 62–8–2 win-loss-draw record kung saan kumita siya ng mahigit $1.2 bilyon at $20.40 milyon sa pay-per-view.

Pole vaulter Obiena, may pabuya na P1.5-M

ni MC / VA - @Sports | September 17, 2021

Nakatakdang bigyan ng pabuya ng Philippine Sports Commission (PSC) ang pole vaulter na si EJ Obiena ng reward na P1.5 milyon dahil sa ginawa nitong pagbura sa 23-taong Asian record sa pole vault noong nakaraang Sabado-Setyembre 11 Austria, araw naman ng Linggo dito sa Manila. Ayon kay PSC chairman William "Butch" Ramirez, hinihintay lamang nila ang endorsement ng Philippine Athletics Track and Field Association's (PATAFA) sa mga dokumento na galing sa nasabing international competition na sasailalim pa sa evaluation ng PSC national sports association affairs bago i-release ang reward ni Obiena. Ayon sa Section 8 ng Republic Act 10699 na mas kilala bilang National Athletes, Coaches, and Trainers Benefits and Incentives Act of 2001, “ ang mga national athletes at iba pang mga athletes na makakalagpas sa Philippine record o ranking sa anumang measurable international sports competition ay bibigyan ng cash incentives na itatakda ng PSC.” Natalon ni Obiena ang taas na 5.93 meters upang mabura ang dating Asian record na 5.92 meters na itinala ni Igor Potapovich ng Kazakhstan noong Pebrero 19, 1998 sa 2021 Golden Roof Challenge sa Innsbruck, Austria. Nagawa niya ito dalawang linggo matapos niyang burahin ang kanyang hawak na national record na 5.91 meters sa Paris Diamond League. Sa kasalukuyan, si Obiena ay no.5 na sa world ranking makaraang pumang-apat sa nakaraang Diamond League.