Pingris, lalaro sa MPBL; dasal para kay Cabrera

ni Gerard Arce / VA - @Sports | November 26, 2021

Pitong buwan maķaraang ianunsiyo ang kanyang pagreretiro, babalik sa aktibong paglalaro ang tinaguriang Pinoy Sakuragi ng PBA fans na si Jean Marc Pingris.

Ito ang ibinalita ni Nueva Ecija Rice Vanguards coach Charles Tiu sa panayam dito ng Tiebreaker Times. Ayon kay Tiu, pumirma ang dating Gilas Pilipinas standòut para sa Vanguards sa pagsabak nila sa Maharlika Pilipinas Basketball League Invitational Cup.

Nakatakdang magsimula ang MPBL sa darating na Disyembre 11, pitong buwan matapos ianunsiyo ni Pingris ang pagreretiro nya sa kompetisyon bilang miyembro ng Magnolia Hotshots sa PBA kung saan sya naging 9-time PBA champion at 2-time PBA Finals MVP.

Bilang national team member, si Pingris ay isa sa nakapaghatid ng silver medal finish para sa Gilas Pilipinas noong 2013 FIBA Asia Championship upang magkaroon ng tsansa ang 'Pinas sa World Cup sa kauna-unahang pagkakataon mula noong 1978.

Samantala, humiling ng taimtim na dasal ang management ng Terrafirma Dyip para sa mabilis na paggaling ni PBA 3X3 forward Roider Cabrera matapos itong mag-collapse nitong Miyerkules ng gabi pagkatapos ng laro sa PBA 3X3 qualifying match sa Ynares Sports Center sa Pasig City.

Biglang nawalan ng malay ang 30-anyos na 6-foot-4 forward sa team’s dugout matapos ang panalo kontra Brgy. Ginebra sa 19-17, kung saan siya pa ang naging dahilan ng pagkapanalo ng Terrafirma.

“We are requesting everyone to pray for the quick recovery of Roider. May his family stay strong under this trying condition,” wika ni PBA Commissioner Willie Marcial. “Nalulungkot ang PBA sa mga hindi inaasahang pangyayari. Subalit naniniwala tayo na muling makakapaglaro si Roider sa tulong ng inyong mga dalangin, Nagpapasalamat din po ang PBA sa mga emergency responders at sa lahat ng tumulong sa oras ng pangangailangan,” niya.

Umaasa naman ang Terrafirma management sa mabilis na paggaling ni Cabrera na inaasikaso na sa ospital, habang binibigyan nila ng respeto ang pamilya patungkol sa ilang mga detalye na nais munang isapribado.

Cargo, hindi matibag sa PNVF; may recall sa sports budget

ni VA - @Sports | November 24, 2021

Patuloy ang ipinakikitang lakas ng F2 Logistics sa Philippine National Volleyball Federation (PNVF) Champions League nang iligpit ang PetroGazz sa straight sets.

Winalis ng Cargo Movers ang isa ring undefeated team sa Aquamarine Recreational Center sa Lipa City, Batangas, 25-16, 25-23, 25-14. Nagtarak na ang F2 3-0 sa Champions League at wala pang talo kahit isang set sa kompetisyon.

Samantala, ipina-recall ng Senado ang budget ng Philippine Sports Commission (PSC) noong Lunes matapos madismaya sa pagdistansiya ng sports agency sa kontrobersiyal na alitan nina Olympian pole vaulter EJ Obiena at ng Philippine Athletics Track and Field Association (Patafa). Wala ni isa mang tumutol nang maghain ng motion to recall si Senadora Pia Cayetano para sa budget ng PSC na inisyal ng naaprubahan sa subcommittee level.

“The budget of the Philippine Sports Commission is hereby reconsidered, there being no objections to a motion by Senator Cayetano," deklarasyon ni Senador Sherwin Gatchalian na siyang namuno sa budget hearing. Hindi aniya mailarawan ang nararamdaman ni Obiena matapos itong paratangan ng kanyang NSA nang umano'y hindi pagbabayad ng kaukulang coaching fee ng kanyang Ukrainian coach na nagkakahalaga ng mahigit P4-M habang nagsasanay para sa international competitions.

Kasama ang kanyang coach na si Vitaly Petrov, pinabulaanan ng dalawa ang paratang sa isang virtual press conference noong Linggo. Ayon kay Petrov, malaki ang epekto ng paratang sa kanyang trainee. Kaugnay nito, hiniling ni Obiena na bawiin ng Patafa ang bintang at maglabas ng public apology.

Thirdy, sinuspinde ng San-En sa B. League

ni VA / MC - @Sports | Novem,ber 19, 2021

Pinatawan ng dalawang larong suspensiyon at multang 100,000 yen si Thirdy Ravena matapos niyang masira ang sponsor signboard ng Toyama Grouses matapos ang kanilang laro sa Japan B. League noong nakaraang Linggo.

Ito ang inihayag ng koponan ni Ravena na San-En Neo-Phoenix noong Miyerkules kung saan pinagdiskitahan umano ni Ravena ang signboard ng kanilang sponsor noong Nobyembre 14 matapos ang laban kontra Toyama Grouses.

Natalo ang NeoPhoenix sa kamay ng Toyama ,89-90,matapos magmintis ni Ravena ang dapat sana'y game-tying free throw gayundin ang ginawa nyang putback attempt.

Nawalan ng saysay ang naitalang best game ni Ravena sa ongoing 2021-22 B.League season sa naitala 26 puntos, 9 rebounds, 5 assists, at 3 steals. "There's an act of beating and damaging the sponsor signboard of the court end after the game was over," ayon sa pamunuan ng San-En. Luhaan si Ravena pagkatapos ng laro at inalo pa ng kanyang teammates at coaches gayundin nina Toyama imports Joshua Smith at Dwight Ramos. "We deeply apologize for the inconvenience caused to Toyama Grouses, Toyama Grouses partner companies, and all concerned," ayon pa sa San-En. "We also apologize for making the visitors feel uncomfortable." Dahil sa suspensiyon hindi makakalaro si Ravena sa laban ng San-En kontra Seahorses Mikawa sa Disyembre 4 at 5. Sa kanya namang statement, humingi ng paumanhin si Ravena sa kanyang nagawa. "To the Neophoenix Boosters, sponsors, management, my teammates and coaches, especially the Toyama Grouses organization, sponsors, everyone involved, I deeply apologize that something like this happened," ani Ravena. "With the series of losses and personal bad games, I let my emotions get the best of me," pag-amin nito."The chance of actually winning a game, but losing it because of me was just too much at that point. "Again, I apologize to everyone."

Ang talo sa Toyama ang ika-6 na sunod ng San-En ngayong season. Kasalukuyan silang may rekord na 3-11 sa West Division ng B.League.