Diaz-Naranjo sasabak sa Asian Games China

ni VA @Sports | August 8, 2023

Bagamat hindi kabilang sa mga itinakdang Olympic qualifying event, sasabak pa rin si Hidilyn Diaz-Naranjo sa darating na Asian Games sa China sa Oktubre. Ayon kay Diaz, ang Hangzhou Games ay magbibigay sa kanya ng oportunidad na muling katawanin ang Pilipinas at makadagdag sa kanyang maibibigay na karangalan sa bansa.

“I want to represent our country again in the Asian Games (Asiad). It’s the second highest competition next to the Olympics,’’ ani Diaz.“Whether it’s the Olympics or the Asian Games, I have to be there and compete."

Subalit sa pagkakataong ito, sasabak si Diaz sa mas mabigat na weight class na 59 kilogram dahil ang dati niyang napanalunang 55 kilogram noong 2018 Asiad sa Jakarta ay inalis na at ganito rin ang kanyang gagawin sa Paris.

Nauna nang nagpahayag ang kampo ni Diaz na hindi na sila lalahok sa Asian Games upang makapag-focus sa target nitong ikalimang sunod na Olympics stint.

Ngunit nakita nilang makakatulong ang Asian Games upang manatiling nasa kondisyon si Diaz pagkatapos niyang sumabak sa World Weightlifting Championships na gaganapin sa Riyadh, Saudi Arabia sa Setyembre 2-17 na bahagi ng qualifier para sa Paris 2024 Games. “I can compete in both the world championships and the Asian Games.’’ Sa ngayon ay mayroon ng dalawa mula sa kinakailangan limang torneo si Diaz para magkamit ng ticket sa Paris Olympics at ang world championship ang ikatlong event. Para maging Olympic qualifier, kailangang pumasok sa top 10 ang isang weightlifter sa nasabing limang tournaments. Pagkatapos ng Asian Games, susunod na sasabakan ni Diaz ang 2024 Asian championships na idaraos sa Pebrero 20-27, 2024 sa Tashkent, Uzbekistan at ang 2024 IWF World Cup sa Abril 2-11 sa Phuket, Thailand para makumpleto ang kanyang Olympic qualification.

Ensayo ni Sotto sa Gilas hinihintay ni coach Chot

ni VA @Sports | July 30, 2023

Patuloy pa rin sa paghihintay ang Gilas Pilipinas kung kailan magsisimulang mag-ensayo kasama ng koponan si Kai Sotto.

Mula nang magbalik ito galing sa kanyang stint sa NBA Summer League, dalawang beses nang nagpakita si Sotto sa ensayo ng Gilas Pilipinas. Ngunit hanggang sa sandaling sinusulat ang balitang ito ay di pa rin ito aktuwal na nag-iensayo.

Sa isang panayam kay Gilas head coach Chot Reyes sa telebisyon kamakailan, nagpahiwatig na ito ng pagkainip.

Wala ng isang buwan at magsisimula na ang FIBA Basketball World Cup sa Agosto 25, ngunit hindi pa nila nakakasamang mag-ensayo si Sotto.

Sa kanyang pagpapakita sa ensayo, nagpaalam si Sotto Kay Reyes at sa kanyang mga teammates na kailangan pa niya ng konting panahon upang makapagpahinga at makarecover sa kanyang back injury na natamong matapos ang kanyang huling laro sa Summer League.

Kailangan pa umanon ng go signal Mula sa doktor para muli syang makapaglaro na siya ring sinasabi ng kanyang mga handlers.

Pero Duda umanong dsila dito ani Reyes dahil ng suriin si Sotto ng team doctor ng Gilas ay wala silang nakitang anumang problema dito.

Subalit sinasabi rin aniya ni Sotto na nagpa-MRI (magnetic resonance imaging) siya kung kaya hinihintay nila ang kopya ng resulta ng nasabing test para ma pag-aralan ng mga doktor ng Gilas.

Nag-aaalala si Reyes dahil kumpara Kay Jordan Clarkson na Isa ng estabilisadong manlalaro sa NBA, kinakailangan pa aniya ni Sotto nang mahaba-habang panahon na makapag-ensayo kasama ng team.

Naniniwala si Reyes na kailangang maglaro ni Sotto sa pocket tournament sa China kung saan makakalaban nila ang mga koponan ng Senegal, Iran at Lebanon lalo pa ngayong nawala na rin sa team si Poy Erram dahil sa injury nito sa tuhod.

RP Blu Girls 4th place, handa ang Filipinas team vs. Norway

ni Anthony E. Servinio / VA @Sports | July 29, 2023

Krusyal ang magiging laban ng Filipinas sa "sugatang" Norway sa Linggo at alam ni Australian coach Alen Stajcic na puno ng paghihiganti ang loob ng Norway kapag nakasagupa na ng Filipinas football team ang European powerhouse ngayong Linggo para sa spot ng knockout round sa climax ng Group A action sa FIFA Women’s World Cup sa Eden Park sa New Zealand.

“I’m wary of the wounded animal. They (Norway) have taken a hit to their pride and I expect them to come out fighting. They are (former World Cup) champions for a reason. They have a fightback in them so we have to be ready for that,” saad ni Stajcic matapos ang team’s workout sa Olympic Park.

Unang naging group favorites, pero ang celebrated Grasshoppers ay nalagay sa last place kasunod na 0-1 setback laban sa Ferns noong nakaraang linggo at walang iskor din laban sa Switzerland sa Hamilton noong Martes.

Habang ang Filipinas na suportado ng Coca-Cola Phls ay nasa 3rd na sa sandaling magwagi ay garantiya na ang place sa knockout round-of-16.

Samantala, tumapos ang Philippine women's softball team na mas kilala sa bansag na RP Blu Girls ang kanilang kampanya sa XVII WBSC Women’s Softball World Cup bilang pang-apat makaraang yumukod sa host at world no. 8 Italy, 5-6 sa kanilang playoff match noong Huwebes ng gabi oras sa Pilipinas.

Nahinto sa kalagitnaan ang laro dahil sa sungit ng panahon sa Campo Comunale da Softball sa Castions di Strada. No. 26 sa world rankings, bigo ang mga Pinay na maulit ang kanilang naunang 6-5 na panalo kontra sa mga Italyana sa group stage na naging dahilan upang umabot sila ng playoffs. Lamang ang Italy, 5-3, nakaporma pa ang Blu Girls matapos tumuntong ng base sina Angelu Gabriel at Reyae Villamin.

Mabilis ding nakasagot ang mga Italyana sa ilalim ng 4th inning matapos maka- double ni Alessandra Rotondo.