Obiena, naka-silver ulit sa Diamond League Final

ni VA @Sports | September 19, 2023

Tumapos na pangalawa ang Filipino pole vaulter na si EJ Obiena pagkaraang matalon ang baras na itinaas sa 5.82 meters kahapon (Lunes-Manila time)sa Eugene Diamond League Final sa Hayward Field sa Eugene, Oregon.

Nakadalawang attempts ang 27-anyos na si Obiena, bago nagawang matalon ang nasabing height. Naiuwi ni Obiena ang premyong $12,000 o katumbas na P682,440.

Nagkampeon naman sa nasabing torneo ang reigning World at Olympics champion na si Armand Duplantis ng Sweden na nagawa pang burahin ang sarili niyang world record makaraang magtala ng lagpasan sa 6.23 meters.

Pumangatlo naman sa kanila ang hometown bet na si Sam Kendricks matapos ungusan sina Kurtis Marschall ng Australia at ang teammate nyang si Chris Nilsen sa pamamagitan ng countback makaraang pare-parehas silang nakatalon ng 5.72 meters. Susunod na pagtuunan ng pansin ni Obiena ang nalalapit na 19th Asian Games sa Hangzhou, China, na magsisimula sa Setyembre 29.

Walang break ang Gilas para maka-adjust sa sistema ni Cone

ni VA @Sports | September 18, 2023

Maliban sa kanilang naging pamamahinga noong nakaraang Biyernes, tuluy-tuloy na ang ginagawang pagsasanay ng Asian Games bound-Gilas Pilipinas Mula ng dumating sila sa Inspire Sports Academy sa Calamba,Laguna noong Sabado.

Mula noong Lunes-Setyembre 11, walang break sa ensayo ang Gilas upang ganap na matutunan at makapag-adjust sa sistema ng kanilang head coach na si Tim Cone.

"We're gonna be foundational and get to whatever level we can get to by doing it the right way," pahayag ni Cone.

Ibinalita rin ni Cone na bukod sa tuneup match na nakatakda kontra Korean club LG Sakers sa darating sa Biyernes sa Philsports Arena, kakalabanin din ng Gilas ang koponan ng Meralco Bolts sa Martes-Setyembre 19 sa isang scrimmage game sa Inspire Academy.

Dahil sa limitadong oras sa kanilang preparasyon dalawang tune-up games lang ang sasabakan ng Gilas bago sumalang sa Asin Games. Gayunman, naniniwala si Cone na sapat na ito bago sila umalis patungong Hangzhou, China sa susunod na Sabado Setyembre 23.

Magsisimula ang basketball competition sa Asiad sa Setyembre 26 kung saan makakatapat ng GIlas ang koponan ng Bahrain na pinangungunahan ng dating PBA import na si Wayne Chism ganap na ala- 1:30 ng hapon

Si Chism na dating naging import ng Rain or Shine ay nagwaging 2015 Commissioner's Cup Best Import. "We really don't have pretty much time to play a lot of friendly games. To me the practices are more important than the friendlies because we learn more in practices," wika ni Cone.

Bukod sa Bahrain, kasama at makakatunggali ng Gilas sa group stage ang mga bansang Bahrain, Jordan at Thailand.

Obiena finalist na sa World Athletics C'Ships

ni VA @Sports | August 25, 2023

Malaki ang tsansa ni Filipino pole vaulter EJ Obiena na makapagtala ng back-to-back podium finishes sa World Athletics Championship's pagkaraan nyang umusad sa finals ng men’s pole vault noong Miyerkules sa Budapest, Hungary.

Kasamang nag-qualify ni Obiena sa medal round sina reigning world at Olympics champion Armand Duplantis ng Sweden at Chris Nilsen ng US kaya't naitakda ang matinding labanan ng world's top 3 pole vaulters.

Ang unang Filipino na nagkamit ng medalya sa World championship na ginanap sa Eugene, Oregon, USA noong nakaraang taon, natalon ni Obiena ang baras na itinaas sa 5.75 meters upang tumabla sa top spot ng qualifying kasama nina Duplantis, Nilsen at Kurtis Marschall ng Australia.

Dalawang beses siyang tumalon, at nalampasan ang 5.55m at 5.75m sa isang subok lamang bago nakapasok ang 13 pole vaulters bilang finalists.

Kasama nilang umusad ng finals na gaganapin bukas-Sabado (Agosto 26 sina Thibaut Collet ng France, Ersu Sasma ng Turkey, Ben Broeders ng Belgium, Claudio Michel Stecchi ng Italy, Yao Jie at Huang Bokai ng China, Zach McWhorter ng US at sina Piotr Liserk at Robert Sobera ng Poland.