Pilipinas, this one is for you — Bryan Bagunas

by Info @Sports News | September 20, 2025

Photo File: Volleyball World

Para kay Alas Pilipinas captain Bryan Bagunas, ang 2025 FIVB Men’s World Championship experience ay habambuhay niyang bibitbitin dahil aniya’y “hindi lang dahil World Championship ito, pero dahil comeback ko rin ito after my injury.”

Kasabay nito, inihayag din ni Bryan kung gaano siya ka-proud sa kanyang teammates na nakasama niya sa journey, “Ibinuhos namin lahat ng meron kami, and even if the result wasn’t what we expected, reaching this far was already beyond what we once imagined. Alam ko sa puso ko na binigay namin ang lahat.”

Pinasalamatan din ni Bryan ang mga tumulong sa kanya sa laban na ito, maging ang kababayan, aniya, “Kayo ang naging strength namin in our lowest moment. Hindi man namin nakuha ang ending na gusto namin, we carried the pride of the Philippines on that court.”

“This World Championship will always be remembered not for how it ended, but for how much we fought, how much we believed, and how much we grew together as Team Alas Pilipinas,” dagdag pa nito.

Alas Pilipinas bagong bayani ng sports, pride ng Phil volleyball

ni MC @Sports | September 20, 2025

Photo : Bumalong man ang mga luha sa players ng Alas Pilipinas sa dugout matapos ang laban sa Iran ay nailaban ng koponan ang watawat at bansa sa FIVB World Men's Volleyball Championship, nanghinayang man ay proud pa rin si PNVF president Tats Suzara sa ipinakitang laro ng koponan. (fivbpix)  

Kasunod ng 'di malilimutang husay na ipinakita ng Alas Pilipinas players at binura sa isipan ng mga nagdududa ang inaasahang laro sa FIVB Volleyball Men's World Championship, hinikayat ni Philippine National Volleyball Federation president Ramon "Tats" Suzara ang mga manlalarong Pinoy na palakasin pa ang laro, galing at tibay. 

Inaasahan pa ni Suzara na sina Bryan Bagunas, Leo Ordiales, Marck Espejo, Kim Malabunga at iba pang mga kasama sa pool na "ipagpatuloy ang malalim na paghasa ng kakayahan at positibong isipan, at yakapin ang pagiging ambassadors ng volleyball sa bansa."  

"Elevate the sport locally through mentorship...set an example for younger athletes with discipline, teamwork and resilience. Also, we hope they stay committed to development, event outside major competitions." 

Tinapos ng Alas Pilipinas ang laban sa makapigil-hiningang 5-sets game laban sa Iran, nakapanghihinayang na laro, pero tumindig na mga bayani at hinangaan ng libu-libong fans na nagpapuno sa MOA Arena ng 14,420 katao at maging sa buong mundo kabilang na ang paghanga ng Pangulo ng world governing body ng volleyball, ang FIVB at ang Chief of Italian federation.  

Ang koponan na gahibla lang ay aabanse na sana sa round-of-16 mula sa elite field ng 32.  

"This is much more than we expected. But all things considered, it's no big surprise. We put our faith in these guys to deliver, and they did. They're the new sports heroes of the country," ani Suzara, pangulo rin ng Asian Volleyball Cofederation and executive vice president ng

FIVB. 

Nanatiling matibay ang Alas Pilipinas bagamat ilan na sa malalaking teams at fan favorites ang unang nalaglag sa kontensiyon tulad ng Paris Olympics gold medalist France sa 1-2 at nabigo sa KO rounds, habang ang crowd favorite world no. 7 Japan ay 1-2 at maagang nag-empake.  

Malaking bagay ang 1-2 record ng Pilipinas dahil umabot pa sa 5 sets ang thrilling battle sa Iran, ang highest-ranked Asian team na nanatili sa torneo.  

Makasaysayan ang naging panalo ng Alas Pilipinas sa Egypt na nagpatahimik sa mga duda sa kanila. "It's a difficult job hosting the world championship. And it's very difficult to build a team for the world championship. But I think we've done a good job," ani Suzara.

Saludo ang buong bayan salamat sa Alas Pilipinas!

ni Anthony E. Servinio @Sports | September 19, 2025

Photo : Nagtulungan sa pagdepensa sina Alas Pilipinas #7 Kim Malabunga at #3 Ave Retamar upang hindi makapuntos sa atake ang katunggaling si #9 Poriya Hossen ng Iran sa mahigpit na laban sa FIVB Volleyball Men's World Championship 2025 sa MOA Arena, Pasay City kagabi. (Reymundo Nillama)

Inabot ng limang makapigil-hiningang limang set bago iniligpit ng Iran ang palabang Alas Pilipinas – 21-25, 25-21, 17-25, 25-23 at 22-20 – sa huling araw ng elimination ng FIVB Volleyball Men’s World Championship Philippines 2025 sa MOA Arena kagabi na may 14, 240 na manonood. Napalitan ang ligaya ng libu-libong tagahanga ng poot ng biglang naging bato ang sana ay ginintuang kabanata sa kasaysayan ng laro sa bansa.

Ibinigay ni kapitan Bryan Bagunas ang 19-18 lamang sa pinahabang ika-limang set. Nakapuntos ang Alas upang wakasan ang laro at pumasok sa playoffs – pero mali ang kanilang akala. 

Biglang tumahimik ang palaruan nang ihayag ng reperi na matagumpay ang inihain na challenge ng Iran bunga ng pagdaplis ng isang manlalaro ng Alas sa net.  Iginawad ang puntos sa Iran, 19-19, at hindi na nila binitawan ang pagkakataon.

Nakakahinayang ang ipinakita ng mga Pinoy na lumamang matapos kunin ang pangatlong set.  Umiral ang mas malawak na karanasan at lamang sa tangkad ng Iran na sa una ay mukhang nahanapan ng sagot ng Alas.

Ibinuhos ni Poriya Hossein ang 6 ng kanyang 22 puntos sa huling set.  Nag-ambag ng 22 din si Ali Hajipour. 

Sa gitna ng kabiguan ay natatangi pa rin ang ipinakita nina Bagunas na may 22 at Leo Ordiales na may 21.  Sumuporta sina Marck Espejo na may 15 at Kim Malabunga na may 10. 

Sa naunang laro sa Pool A, pasok ang Tunisia sa playoffs nang pauwiin ng Ehipto – 25-19, 25-18 at 25-22.  Numero uno ang Tunisia (2-1) at pangalawa ang Iran (2-1) at maghihintay ng makakalaro buhat sa Pool H na maaaring Serbia (2-1), Brazil (2-1) o Czechia (1-1). 

Ginulat ng Brazil ang Serbia – 25-22, 25-20 at 25-22 – upang tumabla.  Sa Araneta Coliseum, tagumpay ang Finland sa Timog Korea – 25-18, 25-23, 17-25 at 25-21 –SALAMAT sa laban Alas Pilipinas!