May intimate scene pa naman sila… ANNE, BAHUNG-BAHO NANG DUMIGHAY SI JOSHUA

ni Rohn Romulo @Run Wild | July 11, 2025

Photo: Carlo Joshua at Anne Curtis - IG

Inamin ni Joshua Garcia na nakaramdam siya ng iba’t ibang emosyon sa intimate scenes nila ni Anne Curtis sa Philippine adaptation ng ABS-CBN ng It’s Okay To Not Be Okay (IOTNBO) na magpi-premiere sa July 18 sa Netflix.

“Nandu’n ang kaba, nandu’n ang excitement, s’yempre, Anne Curtis ‘yun, sino ba naman ako?” pahayag ng mahusay na aktor.

Aniya pa, “So, in-enjoy ko lang every moment na nasa set ako ni Direk Mae (Cruz-Alviar) at tuwing kaeksena ko si Ate Anne. Ay, si Anne, dahil magagalit s’ya ‘pag in-ate ko s’ya.

“Pati si Kuya Carlo (Aquino), lahat ng moments ko with other actors like Tita Rio (Locsin), ang saya!”

Ayon pa kay Direk Mae, kinunan ang intimate scenes noong comfortable na sa isa’t isa sina Anne at Joshua.

Pagbubulgar naman ni Joshua, meron daw siyang embarrassing experience.

“Nasa dagat kasi kami, kaya mga fish-fish ang kinakain namin, nag-lunch kami. Noong kinagabihan, may intimate scene kami ni Anne, ‘yung naghahabulan kami sa bed.

“Napa-dighay ako, tapos naamoy ni Anne, sabi niya, ‘Dumighay ka ba?’ Sabi ko, ‘Oo.’ Sabi niya, ‘Ang baho!’

“Sobrang nakakahiya, pero at least, sobrang komportable na namin sa isa’t isa. Pero, oh my God, sobrang nakakahiya nu’n, pero share ko lang, ‘pag marinig na ‘yun, matatawa rin s’ya at ise-share rin n’ya ‘yun,” natatawang kuwento pa ni Joshua na napaka-humble pa rin.

Ayon kay Direk Mae, part ng story ang mga intimate scenes, kaya hindi puwedeng ma-delete ang iconic scenes.

Pag-amin pa ng direktor, “Sanay kasi ako na ang katrabaho ko ay love team na bawal mag-kiss. Now, I’m working with actors na hindi na sila ‘yung may love team. Nakatutuwa ‘yung proseso in doing intimate scenes o romantic na hindi magka-love team.

“Kasi nakikita mo ‘yung skill, how do you bring it out. Paano ‘yung tingin mo sa kanya, kasi ‘pag mag-boyfriend, madali lang, dahil meron kayong connection talaga romantically.

“Pero ‘pag wala, doon lumalabas ang galing nila as actors, mapapalabas mo ‘yung tingin na may attraction, and that’s acting.

“Kasi nga, mahusay silang mga artista, kaya nakakatuwa kasi parang, this is different din for me.

“Ang galing lang how the actors like Josh and Anne, kaya abangan n’yo ‘yung kissing scenes nila. At kahit alam mong it was choreograph, pinag-usapan ang mga eksena, binlock, pero alam mo the eyes are there emotionally, because they are excellent actors.”

Ang IOTNBO ay magiging available sa iWantTFC starting July 19. Mapapanood naman ito sa Kapamilya Channel, Kapamilya Online Live, Jeepney TV, A2Z, at TV5 mula sa July 21. 

---

MAS magiging makabuluhan ang pagtatanghal ng ika-8 edisyon ng The EDDYS (The Entertainment Editors’ Choice Awards) sa July 20, 2025.

Inanunsiyo ng Society of Philippine Entertainment Editors (SPEEd) na magiging beneficiary ng 8th EDDYS ang Little Ark Foundation. 

Ngayong taon, ibabahagi ng SPEEd ang pagtulong at pagsuporta sa mga batang patuloy na nakikipaglaban sa iba't ibang medical condition. 

Ang Little Ark Foundation ay isang non-governmental organization na nagbibigay ng komprehensibong suporta sa mga batang may cancer, thalassemia at iba pang malubhang sakit. 

Bukod dito, nag-aalok din sila ng iba pang tulong tulad ng pansamantalang pabahay, transportasyon, pang-araw-araw na pagkain at emosyonal at logistic na suporta para sa mga pamilya.

Ang misyon nito ay bigyan ang mga bata hindi lamang ng pangangalaga na kailangan nila, kundi pati na rin ng isang ligtas na lugar upang gumaling at mangarap.

“This year, The EDDYS goes beyond recognizing cinematic excellence by standing with children who are bravely fighting for their lives,” pahayag ni Salve Asis, pangulo ng SPEEd.

“Through our support of the Little Ark Foundation, we hope to help ease their journey and bring attention to the crucial work being done for these young patients and their families,” dagdag ni Asis.

Para sa karagdagang impormasyon tungkol sa kung paano suportahan ang Little Ark Foundation, bisitahin ang kanilang official website, littlearkfoundation.org.

Ang 8th EDDYS ay magaganap sa July 20 sa Ceremonial Hall ng Marriott Ballroom sa Newport World Resorts sa Pasay City.

Magkakaroon ito ng delayed telecast sa Kapamilya Channel, Jeepney TV at may worldwide streaming sa iWantTFC sa July 27, Linggo.

Major presenter ang Playtime PH sa pakikipagtulungan ng Globe at Unilab.

Co-presenter ng 8th EDDYS ang Newport World Resorts at ABS-CBN sa ilalim ng production ng Brightlight Entertainment na pinangungunahan ni Pat-P Daza at ididirek muli ni Eric Quizon.

Mister ni Jennylyn, ang lakas daw ng trip… DENNIS, GINAYA SI PACQUIAO, FANS ALIW NA ALIW

ni Rohn Romulo @Run Wild | July 5, 2025

Photo: Dennis Trillo as Manny Pacquiao - FB

Tawang-tawa kami nang mapanood namin ang latest viral video ni Dennis Trillo na in-upload niya sa kanyang TikTok account, na ang title ay Mario Barrios, this one is for you!

Gamit ang effect na ‘Manny Good Looking’, nagmukha talagang si Manny Pacquiao si Dennis, na kuhang-kuha rin ang tono ng pagsasalita at nagpa-sample ng kanta na Sometimes When We Touch (SWWT) ni Dan Hill, na sa bandang huli ay ginaya rin ang pagsuntuk-suntok ni Manny.

Halos makabaliw din ang mga komento ng mga netizens na sobrang naaliw sa kanyang post.

“Paiyak-iyak pa ako sa Green Bones, ‘teh.”

“GMA, utang na loob, bigyan n’yo pa po ‘to ng sunud-sunod na projects para maging busy.”

“Nagkulong ka na naman sa CR. Huhuhu!”

“May special course ba para aralin takbo ng utak mo?”

“Doc, gising na po s’ya.”

“Lakas ng trip mo, Pareng Dennis!”

Pati ang asawa ni Dennis na si Jennylyn Mercado ay binulabog din ng mga netizens at sabi nila, “Jennylyn, please lang, ‘wag mo na ibigay ‘yung charger nito, lagi tuloy fully charged, eh.”

“Jen, nakahawak na naman s’ya ng phoneeeee!”

“At this point, baka puwedeng i-lock na lang ni Jen ‘yung pinto sa CR.”

Dagdag pa ng mga netizens, “Jusko, Dennis, dapat kinanta mo Para Sa ‘Yo Ang Laban Na ‘To.”

“Lupit mo, Dennis, pati si Pambansang Kamao, ‘di nakaligtas sa ‘yo.”

“Napa-double check tuloy ako, baka page nga ni Pacman ang na-follow ko.”

“Pambansang Green Bones.”

And speaking of Green Bones (GB), palaban si Dennis bilang Best Actor sa 8th EDDYS ng SPEEd na ang awards night ay sa July 20 at gaganapin sa Ceremonial Hall ng Marriott Grand Ballroom sa Pasay City.

Nominated din ang GB sa walo pang categories kasama rito ang Best Picture, Best Director, Best Screenplay, Best Supporting Actor, Best Cinematography, Best Production Design, Best Editing, at Best Musical Score.

Good luck and see you all at the EDDYS!

---

Nagluluksa na naman ang showbiz industry dahil sa pagpanaw ng kilalang columnist, talent manager, at TV host na si Manay Lolit Solis sa edad na 78 nitong July 3, 2025, na ilang taon ding nilabanan ang kanyang karamdaman.

Isa nga sa pinakamalapit kay Manay Lolit at anak-anakan na si Sen. Bong Revilla, Jr. sa mga unang nagparamdam ng labis na kalungkutan sa kanyang Facebook (FB) post ng isang praying hand emoji, na labis na ikinabahala ng kanyang mga followers.

Kinaumagahan ng July 4, nag-post na ng mapusong pamamaalam si Sen. Bong sa itinuring na ikalawang ina. Kasama ang series of photos, mababasa ang “Paalam, Nanay Lolit.

Pahinga ka na. Wala nang sakit; wala nang hirap. Sobra kitang mami-miss.

“Maraming salamat sa pagmamahal at pagkalinga. You have been a solid rock for me, a staunch defender, and most importantly – a mother who took care of me and my family up to your last days with us.

“Para akong nawalan ulit ng nanay. Napakalaki mong kawalan sa napakaraming taong nahaplos ng iyong pagmamahal, gayundin sa industriya to which you dedicated your entire life.

“Ang aming taos-pusong pakikiramay sa lahat ng iyong naiwan. Lahat kami ay nagluluksa. Mahal na mahal ka namin.”

Huli naming nakita at nakausap si Manay Lolit sa Alex III Tomas Morato nu’ng May 28, ilang araw after ng 78th birthday niya.

Mainit-init pang pinag-uusapan noon ang malungkot na sinapit ng kanyang alaga at pinakamamahal na senador noong nakaraang halalan.

Kaya nang kunan namin siya ng pahayag, maluwag naman niya itong natanggap, dahil ang opinyon niya, “‘Pag loser ka, loser ka talaga. Ang natutuwa lang ako, hindi naman ganu’n kalayo si Bong, number 14 s’ya. Ibig sabihin, marami pa rin s’yang followers.

“At kung titignan mo naman ang line-up ng mga nanalong senador, lahat okay naman. Tapos hindi naman ganu’n kalayo ang agwat ng boto ni Bong kay Lito.

“Pero sabi ko nga, sa buhay talaga, makakaranas ka ng pagkatalo. Mas mag-e-enjoy ka pa nga sa winning kung nakatikim ka ng talo. Kaya okey lang.”

Dagdag pang kuwento ni Manay Lolit na kitang-kita talaga ang pagmamahal kay Sen. Bong, “Sabi ko, baka sabi ni God, mag-alalay ka muna kay Lani. Ikaw muna ang magdala ng bag at mga dokumento ni Lani.

“Gustung-gusto ko ang ugali ni Bong, dahil very gentleman s’ya. Ang sabi pa n’ya, parang nominated ka lang sa Best Actor, may mananalo at may matatalo. Dahil talo ka, tanggapin mo.”

Bumuhos nga ang pakikiramay lalo na ang mga artista at taga-showbiz na naging malapit kay Manay Lolit, na ibinahagi ang kanilang ‘di malilimutang kuwento.

May she rest in paradise!

First Pinoy na ka-level ng Air Supply at ni Josh Groban… LEA, PASOK SA 35 CELEBRITIES SA HOLLYWOOD WALK OF FAME

ni Rohn Romulo @Run Wild | July 4, 2025

Photo: Lea Salonga - IG

Nakatakdang gumawa ng history ang Tony Award-winning Filipino singer-actress na si Lea Salonga.

Kasama si Lea sa Class 2026 ng Hollywood Walk of Fame at siya ang first Filipino celebrity na tatanggap ng naturang parangal sa kategoryang Live Theater and Live Performance, na wala pang date kung kailan.

Pasok nga si Lea sa 35 sikat na personalidad mula sa larangan ng musika, pelikula, telebisyon, at sports entertainment at magkakaroon na ng sariling star sa sikat na landmark sa Los Angeles, California.

After ng successful stint niya sa Miss Saigon (MS), mas nakilala rin si Lea sa pagkanta niya ng mga popular Disney movie theme songs na A Whole New World (Aladdin, 1992) at Reflections (Mulan, 1998).

Mula sa daan-daang nominasyon ay napili nga si Lea.

“Those nominations are gathered and given to an independent committee which consists of former Walk of Famers in all six categories that are honored on the Hollywood Walk of Fame,” pahayag ni Hollywood Chamber of Commerce President and CEO Steve Nissen.

In-announce rin sa social media post ng MIFF na nag-nominate sa ‘International Broadway Diva’, “We’re incredibly proud to share that the Manila International Film Festival had the honour of nominating the one and only Lea Salonga for a star on the Hollywood Walk of Fame — and she’s officially been selected!”

Ibinahagi naman ni Lea ang screenshot ng balitang kasama siya sa 2025–2026 recipients of the Walk of Fame star at binilugan ang kanyang pangalan.

“Just now woke up to this bit of amazing news!!! To the Manila International Filmfest, many thanks for nominating me to be part of the class of 2025–26!” sey pa ni Lea.

Ilan pa sa mga kasama sa listahan ng Hollywood Walk of Fame Class 2026 ay sina Sarah Michelle Gellar, Gordon Ramsay, Demi Moore, Emily Blunt, Timothée Chalamet, Chris Columbus, Marion Cotillard, Rami Malek, Rachel McAdams, Stanley Tucci, Air Supply, Josh Groban, at Shaquille O’Neal.

---

TULOY na tuloy ang shooting ng newest movie ng Nathan Studios na Im/Perfect na posibleng i-submit nila bilang entry sa 51st Metro Manila Film Festival (MMFF) sa December.

Ayon sa Facebook (FB) post ng premyadong aktres at producer na si Sylvia Sanchez,

“I’ll be producing a film — and this time, we’re bringing the entire production home.

“There were so many other possible locations. But my heart knew where it wanted to go. Nasipit, Agusan del Norte (white heart).

“Yes, marami ang nagtatanong: ‘Where is this Nasipit?’ And every time I’m asked, I smile. Because now, I get the chance to show them.”

Pagmamalaki pa ni Ibyang sa bayang sinilangan at kinalakihan, “This town shaped me. I grew up in its quiet streets, surrounded by the warmth of its people — my favorite Nasipitnons. It’s where I first learned the power of storytelling, even before I had the words.

“So this is my way of giving back. Of saying thank you. Of introducing the world to a place that gave me so much.

“See you soon, Nasipit. We’re coming home (clapperboard emoji). Another dream came true — and my heart is full.

“Thank you LORD (praying hands & red heart emoji). Happy morning!”

Samantala, ang Nathan Studios ang pararangalan bilang Rising Producer of the Year sa 8th EDDYS ng SPEEd. 

Ang Nathan Studios ang nag-produce ng 50th MMFF entry na Topakk na pinagbidahan ni Cong. Arjo Atayde na nominado naman sa Best Actor category ng EDDYS.

Bukod kay Arjo, nominated din ang movie para sa Best Visual Effects, Best Sound, at Best Original Theme Song.

Ang awards night ng 8th EDDYS ay sa July 20 sa Ceremonial Hall ng Marriott Grand Ballroom sa Pasay City.

Ang delayed telecast ay sa Kapamilya Channel at Jeepney TV, at para naman sa global viewers, can catch the show via iWantTFC simula July 27.

This year, marami pang kaabang-abang na projects ang Nathan Studios. Bukod sa local films, may mga nabili rin silang international films.

Inaabangan din namin ang Moonglow kung saan bida rin si Arjo at ang US-based Filipino filmmaker na si Isabel Sandoval, na siya ring nagsulat, nag-edit, at nagdirek ng naturang pelikula, na hopefully maipalabas na rito bago matapos ang taon.