Impeachment ni VP Sara, ‘suntok sa buwan’ dahil malabo itong ma-impeach

ni Pablo Hernandez @Prangkahan | May 20, 2026

LABAN NI VP SARA SA 2028 PRESIDENTIAL ELECTION, TULOY KASI MALABO SIYANG MAPA-IMPEACH – Kahit na na-convene na ang Senado bilang impeachment court, nananatiling malabo ang posibilidad na ma-impeach si Vice President Sara Duterte.

Sa ilalim ng proseso, kapag umusad na ang impeachment trial at dumating na sa botohan kung guilty o not guilty, kinakailangan ang 16 na boto ng mga senador para mahatulan ng guilty ang bise presidente at tuluyang ma-impeach.

Gayunman, batay sa kasalukuyang bilang ng mga senador sa minority at majority bloc, tila magiging mahirap itong makamit. May 11 senador sa minority na maaaring bumoto ng guilty, ngunit malayo pa rin ito sa 16 na kinakailangan. Sa kabilang banda, ang 13 senador na nasa majority ay inaasahang hindi boboto pabor sa impeachment, kaya’t nagiging “suntok sa buwan” ang posibilidad na makakuha ng karagdagang boto mula sa kanila.

Dahil dito, lumilitaw na mababa ang tsansang umusad hanggang sa conviction ang impeachment case, kaya’t nananatiling bukas ang landas ni VP Sara Duterte patungo sa 2028 presidential election. Period!

XXX

KAPAG ANG BARAKONG SI SEN. MARCOLETA ANG NAMUNO SA SENATE BLUE RIBBON COMMITTEE, TIYAK MAY MGA TAGA-MALACANAÑG ANG TATAMAAN SA FLOOD CONTROL SCANDAL – Pinagpipilian pa raw ni Senate President Alan Peter Cayetano kung sino kina Sen. Pia Cayetano at Sen. Rodante Marcoleta ang posibleng mamuno bilang chairperson ng Senate Blue Ribbon Committee.

Ayon sa ilang social media post, mas maraming netizens ang sumusuporta kay Sen. Rodante Marcoleta bilang nais nilang maging hepe ng komite, dahil sa pananaw ng iba ay magiging mahigpit ito sa mga imbestigasyon. May mga nagsasabi rin na kung muli itong manguna sa pag-iimbestiga sa umano’y flood control scandal, posibleng may mga matamaan kahit pa ito ay mula sa Malacañang. Boom!

XXX

DAMI NA NGANG SABLAY NI DILG SEC. JONVIC REMULLA, PINAGKAKATIWALAAN PA RIN NI PBBM – Sa kabila ng ilang naiuulat na kapalpakan ni Jonvic Remulla bilang kalihim ng Department of the Interior and Local Government (DILG), sinabi ni Presidential Communications Office (PCO) spokesperson na si Claire Castro na nananatiling malaki ang tiwala ni Pangulong Ferdinand “Bongbong” Marcos Jr. sa DILG secretary.

Ipinapakita lamang nito ang patuloy na kumpiyansa ng administrasyon sa ilang miyembro ng Gabinete kahit na may mga isyung ibinabato sa kanilang performance. Buset!

XXX

NANG MAGING PRESIDENTE SI PRRD, PUSAKAL NA 'TONGPATS' COLLECTOR SA CAMANAVA AREA TUMIKLOP, PERO NGAYON BALIK NA NAMAN ITO SA BAD NIYANG GAWAIN – Isa sa sinasabing dating aktibong “tongpats” collector sa CAMANAVA ay isang nagngangalang “Roy Pulis.” Ayon sa ilang ulat, nang maupo si dating Pangulong Rodrigo Roa Duterte, umano’y tumigil ito sa kanyang mga ilegal na gawain dahil sa takot sa “tokhang.”

Ngunit sa kasalukuyan, may mga ulat na muli umano itong bumalik sa kanyang dating aktibidad sa CAMANAVA area. Kaugnay nito, pinaiimbestigahan ng ilan kung bakit tila walang malinaw na aksyon mula sa Northern Police District (NPD) sa ilalim ni Brig. Gen. Benliner Capili.

Nanawagan ang publiko ng agarang pag-aksyon upang matigil ang anumang uri ng ilegal na gawain sa lugar. Tsk!

DOE, magaling lang sa pag-aanunsyo ng oil price hike pero ‘pag solusyon sa problemang brownout, nganga!

ni Pablo Hernandez @Prangkahan | May 19, 2026

TINANGGAP NA NG SENADO ANG SULAT NG SUSPENSION ORDER KAY APLASCA AT SUBPOENA SA MGA CCTV – Kahapon, tinanggap ng Senate of the Philippines ang sulat-kautusan mula sa Office of the Ombudsman kaugnay ng suspension order laban kay Senate-OSAA (Office of the Sergeant-at-Arms) Chief Mao Aplasca, pati na rin ang subpoena para sa CCTV footage ng Senado.

Kasama sa hinihinging ebidensya ang mga kuha sa insidente ng umano’y barilan sa pagitan ng OSAA at National Bureau of Investigation, gayundin ang mga CCTV sa mga dinaanan palabas ng gusali nina Ronald Dela Rosa at Robin Padilla.

Ang tanong ngayon: susundin kaya ng Senado ang mga kautusang ito ng Office of the Ombudsman? Abangan!

XXX

DAPAT BAWASAN NI OMBUDSMAN REMULLA ANG PAGIGING MADALDAL SA MEDIA PARA HINDI SIYA LAGING SUMASABLAY – Naputakte na naman ng batikos si Ombudsman Boying Remulla matapos ang kanyang pahayag na sa Setyembre 2026 pa isasampa ang kasong plunder laban sa mga senador at kongresistang umano’y sangkot sa flood control scandal.

Umani ng kritisismo ang naturang pahayag dahil ilang ulit na rin umanong nagbigay ng petsa ang opisyal sa mga nakaraang buwan ngunit hindi ito natutuloy. Noong Nobyembre 2025, sinabi niyang may mga incumbent senators na umano’y sangkot sa anomalya ang magpapasko sa kulungan, subalit hindi ito nangyari. Noong Marso 2026 naman, inihayag niyang isasampa ang mga kasong plunder laban kina Sen. Chiz Escudero at Leyte 1st District Rep. Martin Romualdez sa Abril 2026, ngunit hanggang Mayo 2026 ay wala pa ring naisasampang kaso.

Sa gitna ng mga naunang pahayag na hindi natupad, muling nabuhay ang diskusyon matapos ang bagong petsang ibinigay para sa paghahain ng kaso.

Giit ng ilang kritiko, mas mainam umanong mag-ingat sa mga pahayag sa publiko upang maiwasan ang kalituhan at mawalan ng tiwala ang taumbayan sa proseso. Period!

XXX

NAGING BAD IMAGE SI PBBM SA MUNDO,  KUNG MAY UTOS LANG SIYA NA DAKPIN NA SI SEN. DELA ROSA, WALA NA SANANG KAWALA ITO – Isa si Pangulong Ferdinand “Bongbong” Marcos Jr. (PBBM) sa itinuturong responsable sa pagtakas sa Senado ni Sen. Ronald Dela Rosa, na umano’y wanted sa International Criminal Court (ICC) sa kasong crimes against humanity.

Matapos ang kaguluhan sa Senado, naglabas ng pahayag ang Pangulo sa pamamagitan ng live video na wala siyang ipinag-utos na pag-aresto kay Sen. Dela Rosa. Bilang commander-in-chief, ito umano ang naging batayan ng senador upang makalabas ng Senado at maiwasan ang posibleng pag-aresto.

Dahil dito, sinasabi ng ilan na naapektuhan ang imahe ng administrasyon sa international community, dahil maaari na sanang maaresto ang senador ngunit hindi ito natuloy matapos ang naturang pahayag ng Pangulo. Boom!

XXX

MAGALING LANG ANG DOE SA PAG-AANUNSYO NG OIL PRICE HIKE PERO PAG SOLUSYON SA PROBLEMANG BROWNOUT, NGANGA! – Nakaranas ng rotating brownout ang ilang lugar sa Metro Manila at ilang probinsya, na ayon sa National Grid Corporation of the Philippines (NGCP) ay dulot ng pagnipis ng reserbang kuryente dahil sa matinding init ng panahon, na nakaapekto sa mga transmission line at power generation facilities.

Sa kabila ng ganitong sitwasyon, maraming mamamayan ang nagsasabing tila walang malinaw na paliwanag o alternatibong solusyon na inilalabas ang Department of Energy (DOE) hinggil sa lumalalang problema ng brownout.

May mga nagsasabi pa na mas mabilis pa ang DOE sa pag-aanunsyo ng oil price hike kaysa sa pagbibigay ng konkretong hakbang sa krisis sa suplay ng kuryente, kaya’t umuugong ang pagkadismaya ng publiko sa mabagal na aksyon nito sa usapin ng brownout. Pwe!

Tito Sotto at Alan Cayetano, nagbabanggaan ng puwersa sa Senado laban sa kapangyarihan

ni Pablo Hernandez @Prangkahan | May 18, 2026

KAPAG NABIGO ANG GRUPO NI TITO SEN NA MAPATALSIK SI SP CAYETANO, AT MAS DUMAMI PA ANG PRO-DUTERTE SENATORS, HUWAG NANG UMASA ANG 257 CONG NA MAI-IMPEACH SI VP SARA – Usap-usapan ngayon na hindi lamang ang grupo ng minority senators sa pamumuno ni Sen. Tito Sotto ang umano’y nagre-recruit ng mga kasapi ng majority, kundi pati ang kampo ni Senate President Alan Cayetano ay sinasabing gumagawa rin ng hakbang upang makahikayat ng ilang miyembro ng minority na sumanib sa majority.

Sa ganitong sitwasyon, lumalabas na dalawang panig ang naglalaban para sa mas malakas na puwersa sa Senado. Kapag nagtagumpay ang grupo ni Tito Sotto, posibleng matanggal sa puwesto ang kasalukuyang Senate President. Ngunit kung ang kampo naman ni Cayetano ang mananaig, lalo pang lalakas ang majority at madaragdagan ang kanilang bilang.

Sa ganitong takbo ng pulitika, pinaniniwalaang maaaring maapektuhan ang magiging resulta ng mga mahahalagang usapin sa Senado, kabilang ang posibleng impeachment proceedings laban sa mga matataas na opisyal. Period!

XXX

SA LABANANG SENATE PRESIDENT AT OMBUDSMAN, SINO ANG MANANAIG? – Tinanggihan ni Senate President Alan Peter Cayetano ang inihaing utos ng suspensyon ng Office of the Ombudsman laban sa Senate Office of the Sergeant-at-Arms (OSAA) kaugnay ng insidente ng pamamaril sa mga National Bureau of Investigation (NBI) agents sa GSIS building.

Bukod dito, binasura rin ng lider ng Senado ang subpoena ng Ombudsman para sa pagkuha ng CCTV footage sa loob ng Senado.

Nagkakainitan ngayon sa pagitan ng Senado at ng Office of the Ombudsman dahil sa magkakasunod na hakbang na ito, na inaabangan kung paano hahantong ang sigalot sa pagitan ng dalawang institusyon. Abangan!

XXX

DOJ, MAY LEAD NA RAW SA KINAROROONAN NI SEN. DELA ROSA, GANYAN DIN ANG DILG NOON, MAY LEAD SILA SA PINAGTATAGUAN NI ATONG ANG, PERO HINDI NAMAN NAHULI – Ayon sa Department of Justice (DOJ), may sinasabi silang lead umano sa kinaroroonan ni Sen. Ronald dela Rosa kaugnay ng mga kasong iniuugnay sa International Criminal Court (ICC) na crimes against humanity.

Gayunman, wala pang opisyal na kumpirmasyon tungkol dito, kaya’t inaabangan pa rin ang karagdagang detalye mula sa mga awtoridad.

Nauna rito, may mga pahayag din mula sa Department of the Interior and Local Government (DILG) na may lead umano sa kinaroroonan ni Charlie “Atong” Ang kaugnay naman ng mga kasong iniuugnay sa multiple murder at kidnapping. Subalit nang magsagawa ng beripikasyon sa naturang lokasyon, wala roon ang sinasabing indibidwal.

Dahil dito, naging paksa ng kritisismo sa social media ang mga naunang pahayag ng ilang opisyal, kaya’t pinaiigting ang panawagan ng publiko na tiyakin muna ang beripikasyon bago maglabas ng ganitong impormasyon. Boom!

XXX

PROTECTION RACKET SYNDICATE NAMAMAYAGPAG SA CALABARZON – Iniulat na may mga nagngangalang “Rico” at “Adlawan” na umano’y nasa likod ng sinasabing protection racket syndicate sa CALABARZON.

Ang CALABARZON ay nasa hurisdiksyon ng PNP-Region 4A sa pamumuno ni Brig. Gen. Hansel Marantan.

Patuloy na iniimbestigahan ang naturang ulat, at inaasahang kikilos ang mga otoridad upang matukoy ang buong lawak ng operasyon at mapanagot ang sinumang mapapatunayang sangkot.