Trillanes, baka sa kulungan mauna kaysa sa pagpapabagsak kay VP Sara

ni Pablo Hernandez @Prangkahan | May 23, 2026

CRYING LADY SENATOR, HINDI BAGAY MAMUNO SA SENATE BLUE RIBBON COMMITTEE, KAYA DAPAT NA ITONG IPASA KAY SEN. MARCOLETA – Ang pag-iyak ni Sen. Pia Cayetano sa Senado ay ikinokonsidera ng ilan bilang senyales ng pagiging emosyonal sa gitna ng matitinding usapin sa politika. Dahil dito, may mga nagsasabing hindi umano siya nararapat mamuno sa Senate Blue Ribbon Committee.

May mga naniniwala rin na mas bagay umano kay Sen. Rodante Marcoleta ang pamumuno sa naturang komite dahil sa kanyang matapang at agresibong estilo sa pagdinig at pag-iimbestiga.

Gayunman, hindi rin dapat gawing batayan lamang ang pagiging emosyonal ng isang opisyal upang husgahan ang kakayahan nitong mamuno. Ang mahalaga pa rin ay kung paano niya ginagampanan ang kanyang tungkulin at pinamumunuan ang komite sa patas at maayos na paraan. Boom!

XXX

BARA-BARANG PAG-ARESTO NG NOO'Y POLICE GEN. NICOLAS TORRE KAY FPRRD, ‘DI TUTULARAN NI PNP CHIEF. NARTATEZ – Marami ang nagalit noon kay dating Police Gen. Nicolas Torre dahil sa umano’y bara-barang pag-aresto kay former President Rodrigo Roa Duterte (FPRRD), na nahaharap sa kasong crimes against humanity sa International Criminal Court. Matindi rin ang naging pambabatikos sa kanya matapos kumalat ang video kung saan sinabi niyang “kakaladkarin” niya ang dating pangulo.

Ayon naman kay Jose Melencio Nartatez, sisikapin ng Philippine National Police na maipatupad nang maayos ang anumang proseso kaugnay kay Sen. Ronald Dela Rosa, na nahaharap din sa kasong crimes against humanity sa ICC. Bagama't hindi siya ituturing na VIP, tiniyak na ang anumang operasyon ay isasagawa nang may due process at paggalang sa karapatang pantao.

Maganda ang ganitong pananaw ni Gen. Nartatez dahil sa totoo lang, sa naging kontrobersyal na aksyon noon ni Torre, hindi lamang siya ang nabatikos ng publiko kundi maging ang buong PNP. Period!

XXX

TRILLANES, KINASUHAN NG PERJURY NI ATTY. MANS KAYA BAKA MAKULONG ANG DATING SENADOR TAPOS HINDI MA-IMPEACH SI VP SARA – Nagsampa ng kasong perjury si Atty. Mans Carpio, mister ni Sara Duterte, sa Pasig City Regional Trial Court laban kay Antonio Trillanes dahil umano sa mga maling pahayag at paratang nito laban sa kanya at sa pamilya Duterte sa pagdinig ng House Justice Committee kaugnay ng impeachment complaint.

Kabilang umano sa mga ibinintang ni Trillanes ang pagkakaroon daw ng hidden wealth ng mag-asawa at ang pagkakadawit ng pamilya Duterte sa ilegal na droga sa bansa.

Kaya naman, kapag napatunayang guilty si Trillanes sa kaso, posibleng mas mauna pa siyang makulong kaysa matupad ang hangarin nila ng ilang anti-Duterte congressmen na ma-impeach si VP Sara. At kung sakaling hindi pa ma-impeach ang bise presidente, maaari pa rin itong tumuloy sa pagtakbo sa 2028 presidential election. Saklap naman niyan para sa mga kalaban niya. Boom!

XXX

CALOOCAN CITY 3RD DIST. REP. DEAN ASISTIO, NAKALUSOT MAN SA ICI PERO HINDI KAY FORMER MAYOR REY MALONZO – Nagsampa si dating Caloocan City Mayor Rey Malonzo ng kasong malversation of public funds through falsification of public documents at graft laban kay Caloocan City 3rd District Rep. Dean Asistio kaugnay ng umano’y maanomalyang P79 milyong flood control projects sa lungsod.

Marahil ay inakala ni Cong. Asistio na ligtas na siya sa isyu ng flood control scandal dahil hindi siya kabilang sa mga inirekomendahan noon ng Independent Commission for Infrastructure (ICI) na sampahan ng kaso sa Ombudsman. Ngunit tila hindi pa rito nagtatapos ang usapin dahil mismong dating alkalde ng lungsod ang naghain ng reklamo laban sa kanya sa Ombudsman. Period!

Sen. Marcoleta, inetsapuwera sa Blue Ribbon Chair, Malacañang nabunutan ng tinik

ni Pablo Hernandez @Prangkahan | May 22, 2026

MAS MAINAM SUMUKO NA LANG SI SEN. DELA ROSA PARA HINDI SIYA MAPOSASAN – Ngayong dinenay ng Korte Suprema ang hirit na temporary restraining order (TRO) at sanib-puwersa na ang Philippine National Police at National Bureau of Investigation sa paghahanap upang isilbi ang warrant of arrest kaugnay ng kasong crimes against humanity, mas mainam na boluntaryo na lamang sumuko si Sen. Ronald Dela Rosa kaysa hintaying maaresto.

Sa ganitong paraan, maiiwasan ang sapilitang pag-aresto at ang posibleng paggamit ng posas, na karaniwang isinasagawa sa mga inaatasang arestuhin. Kung siya ay kusang susuko, mas magiging maayos at mapayapa ang proseso kumpara sa aktwal na pagdakip ng mga otoridad. Period!

XXX

PARANG NABUNUTAN NG TINIK SA LALAMUNAN ANG MALACAÑANG NANG HINDI IBIGAY NI SP CAYETANO KAY SEN. MARCOLETA ANG SENATE BLUE RIBBON COMMITTEE – Hindi nagustuhan ng ilang Duterte Diehard Supporters (DDS) ang naging desisyon ni Senate President Alan Cayetano na ang pamumuno sa Senate Blue Ribbon Committee ay mapunta sa kanyang kapatid na si Pia Cayetano, sa halip na kay Rodante Marcoleta.

Dahil hindi naibigay kay Sen. Marcoleta ang chairmanship ng komite, sinasabi ng ilang obserbador na tila naging mas magaan ang sitwasyon para sa administrasyon ni Pangulong Ferdinand "Bongbong" Marcos Jr. (PBBM). Ayon sa kanila, kung kay Sen. Marcoleta napunta ang pamumuno ng Blue Ribbon Committee, posibleng mas masusing imbestigasyon ang kaharapin ng ilang isyu, kabilang ang mga alegasyon kaugnay ng flood control projects.

Gayunman, nananatiling usapin ito ng liderato sa Senado at kung paano hahawakan ang mga imbestigasyon sa mga susunod na pagdinig. Boom!

XXX

KAPAG NAIPAKULONG NG MARCOS ADMIN SINA JINGGOY, CHIZ AT JOEL SIGURADONG IBIBIDA ITO NI PBBM SA KANYANG SONA – Ang pagrekomenda ng Department of Justice (DOJ) sa Office of the Ombudsman na sampahan ng kasong plunder, indirect bribery, at graft si Sen. Jinggoy Estrada ay agad na ikinokonekta ng ilan sa mas malawak na usaping pulitikal, lalo na sa nalalapit na ikaapat na State of the

Nation Address (SONA) ni Pangulong Ferdinand “Bongbong” Marcos Jr. sa Hulyo 2026.

Kung may direktang kaugnayan man ito sa timing ng SONA, may mga espekulasyon na maaari pang lumawak ang imbestigasyon sa iba pang personalidad na dati nang nadadawit sa isyu ng flood control anomaly at iba pang katiwalian. Gayunman, sa ngayon ay wala pang kumpirmasyon na may mga panibagong kasong isasampa laban sa ibang mambabatas.

Samantala, kung tuluyang mauuwi sa pagkakaaresto at pagkakaso ang mga kasalukuyan at dating opisyal na sangkot, inaasahan ng ilan na posibleng gamitin ito bilang patunay ng kampanya ng administrasyon laban sa korapsyon sa mga susunod na ulat ng pamahalaan, kabilang na ang SONA. Abangan!

XXX

SANA MAIPASA AGAD ANG ANTI-POLITICAL DYNASTY PARA ISA LANG SA KADA ANGKAN ANG PAPAYAGANG KUMANDIDATO SA 2028 ELECTION – Pasado na sa second reading sa Kamara ang panukalang batas laban sa political dynasty.

Sana, bago matapos ang termino ni Pangulong Ferdinand “Bongbong” Marcos Jr. (PBBM), tuluyan na itong maipasa upang isa na lamang sa bawat angkan ang payagang kumandidato ng Comelec sa 2028 elections. Period!

PBBM, dapat magpa-hair follicle drug test kung walang itinatago

ni Pablo Hernandez @Prangkahan | May 21, 2026

DAPAT 'FORTHWITH' O AGAD-AGAD MAGPA-HAIR FOLLICLE DRUG TEST NA SI PBBM – Hiniling ng Office of the Solicitor General (OSG) sa Supreme Court (SC) na ibasura ang petisyon ng grupo ni Davao del Norte 1st District Rep. at dating Speaker Pantaleon Alvarez na isailalim sa health examination at hair follicle drug test si Pangulong Ferdinand “Bongbong” Marcos Jr. (PBBM). Ayon kay Solicitor General Darlene Berberabe, wala umanong legal na batayan para obligahin ang Pangulo na sumailalim sa ganitong mga pagsusuri, dahil may immunity ito habang nasa panunungkulan.

Samantala, iginiit naman ng kampo ni Alvarez na dapat pa ring magkaroon ng hair follicle drug test ang Pangulo, at isagawa ito sa harap ng publiko. Binanggit din nila ang naunang pahayag umano ni Sen. Imee Marcos hinggil sa alegasyon ng paggamit ng ipinagbabawal na gamot ng Pangulo.

Ayon sa kanila, kung walang itinatago at walang dapat ikatakot sa resulta, dapat agad na sumailalim si PBBM sa hair follicle drug test. Period!

XXX

VP SARA, PALABAN NA HAHARAPIN ANG KAMARA SA IMPEACHMENT COURT – Kinumpirma ng Office of the Vice President (OVP) na natanggap na nila ang summons mula sa Senado na nag-uutos na magsumite ng komento si Vice President Sara Duterte kaugnay ng impeachment case na isinampa laban sa kanya sa Senate impeachment court.

Sa pagtanggap ng summons, inaasahang maghahain ang kampo ni VP Sara ng kanilang tugon sa mga alegasyong inihain ng House Justice Committee. Abangan!

XXX

MAY PUNTONG MAGALIT SI CONG. PULONG KASI SA DAMI NG MGA LUGAR SA ‘PINAS NA MAY FLOOD CONTROL PROJECTS SCAM, DAVAO CITY LANG ANG PINAIIMBESTIGAHAN NI CONG. TINIO SA OMBUDSMAN – May punto si Davao City 1st District Rep. Paolo Duterte sa kanyang pagkontra sa hiling ni ACT Teachers Party-list Rep. Antonio Tinio na imbestigahan ang flood control projects sa Davao City.

Ayon sa kanya, tila hindi makatwiran na Davao City lamang ang nais isailalim sa imbestigasyon ng Ombudsman, gayong maraming lugar sa bansa ang may mga isyung may kaugnayan sa flood control projects.

Para sa kampo ni Rep. Duterte, masyadong nakatuon ang naturang panawagan sa kanilang lungsod kumpara sa iba pang lugar na nakapagtala rin ng kahalintulad na proyekto at isyu. Boom!

XXX

SEN. RISA, SIBAK SA SENATE COMMITTEE ON HEALTH, KOMITENG ITO IBINALIK NA NI SP CAYETANO KAY SEN. BONG GO – Isa sa mainam na nangyari sa pagpapatalsik kay Tito Sotto bilang Senate President ay ang pagkakatanggal kay Risa Hontiveros bilang chairperson ng Senate Committee on Health.

Ibinalik ni Senate President Alan Cayetano kay Bong Go ang pamumuno sa naturang komite. Dahil dito, inaasahan na mas marami pa itong maipapasang mga panukalang batas na may kinalaman sa serbisyong pangkalusugan, lalo na para sa mga maralitang Pilipino. Period!