Minority report, tinawag na “basura” nina Sotto at Lacson, na-bash tuloy ng netizens!

ni Pablo Hernandez @Prangkahan | January 23, 2026

PINUTAKTE NG PAMBA-BASH SINA TITO SEN AT SEN. PING KASI TILA SILA ANG WALANG RESPETO SA MGA KAPWA NILA SENADOR, AT HINDI SINA SEN. IMEE AT SEN. MARCOLETA – Tinawag nina Senate President Tito Sotto at Senate Pro Tempore Ping Lacson na kawalan ng respeto sa Senado at sa Senate Blue Ribbon Committee ang minority report na isinapubliko nina Sen. Imee Marcos at Sen. Rodante Marcoleta, na nagsasangkot kina Leyte Rep. at dating Speaker Martin Romualdez, dating Ako Bicol party-list Rep. Zaldy Co, at isang hindi pinangalanang itinuturing na mastermind sa flood control scandal.

Ngunit sa mata ng publiko, sina Sotto at Lacson ang lumalabas na walang galang sa kanilang kapwa senador, partikular sa mga miyembro ng minority bloc. Ang nararapat sana nilang ginawa ay tanggapin ang minority report, pag-aralan nang mabuti ang nilalaman nito, at isabay ang pagtalakay nito sa plenaryo kasabay ng paglalabas ng opisyal na committee report ng Senate Blue Ribbon Committee.

Dahil tinawag pa nilang “basura” ang minority report ng grupo nina Sen. Imee at Sen. Marcoleta, inulan tuloy sina Sotto at Lacson ng batikos mula sa mga netizen sa social media. Period!

XXX

SINUWERTE MAN SI SEN. VILLANUEVA SA AQUINO AT DUTERTE ADMIN, TILA MAMALASIN NAMAN SIYA SA MARCOS ADMIN – Kung sinuwerte si Sen. Joel Villanueva sa administrasyong Aquino—dahil bagama’t kabilang siya sa mga nakasuhan ng graft kaugnay ng pork barrel scam ay hindi siya nakulong—at kung sinuwerte rin siya sa administrasyong Duterte nang tuluyan siyang mapawalang-sala ng noo’y Ombudsman Samuel Martires, tila kabaligtaran naman ang kapalaran niya sa ilalim ng administrasyong Marcos.

Tatlong magkakahiwalay na kaso ng malversation of public funds at falsification of public documents ang isinampa laban sa kanya at sa mga kasabwat na opisyal ng DPWH, at pawang no bail ang mga kasong ito. Saklap!

XXX

MALI ANG AKALA NG MAG-ASAWANG DISCAYA NA HINDI MABABAWI NG GOBYERNO ANG IN-SCAM NILA SA KABAN NG BAYAN, MAY POWER ANG PAMAHALAAN NA BAWIIN LAHAT NG MGA KINULIMBAT NILA – Mas pinili ng mag-asawang Curlee at Sarah Discaya ang makulong kaysa maging state witness sa pamamagitan ng pagsasauli sa pamahalaan ng perang in-scam nila mula sa kaban ng bayan.

Kung inaakala ng mag-asawa na kahit mabulok sila sa kulungan ay hindi na mababawi ang bilyun-bilyong pisong kanilang kinulimbat, nagkakamali sila. May kapangyarihan ang gobyerno na kumpiskahin ang lahat ng ari-ariang nakuha mula sa pera ng bayan. Boom!

XXX

KAILAN KAYA MAGKAKAROON NG POLITICAL WILL SI GOV. ARAGONES AT KAMAY NA BAKAL SI PD COL. YUPIO PARA MAPA-STOP ANG MGA RAKET SA LAGUNA? – Kung dati ay sina alyas “Mang Mon,” “Toce,” at “Alvarez” lamang ang nag-o-operate ng mga raket na STL-bookies, lotteng, at Ez-2 sa Laguna, ngayon ay nadagdagan pa raw ang mga ilegalistang sangkot sa parehong gawain—sina alyas “Venir,” “Aris,” “Lade,” “Tita,” “Anton,” “Onad,” at “Jolem.”

Nakapagtataka na imbes na magsagawa ng mahigpit na aksyon sina Laguna Gov. Sol Aragones at Police Provincial Director Col. Jonar Yupio upang mapatigil ang mga raket na ito sa kanilang nasasakupan, ay lalo pa raw dumami ang mga ilegalista sa lalawigan.

Kailan kaya magkakaroon ng political will si Gov. Aragones at ng kamay na bakal na pagpapatupad ng batas mula kay Col. Yupio upang tuluyan nang mapahinto ang STL-bookies, lotteng, at Ez-2 sa kanilang hurisdiksiyon? Abangan!

Sen. Villanueva, kakasuhan na rin ng DOJ, kaya malamang siya na ang next na makukulong kasama si ex-Sen. Revilla

ni Pablo Hernandez @Prangkahan | January 22, 2026

CURLEE DISCAYA, UBOD NG KAPAL ANG MUKHA, HINDI ‘MEDYO’ MAKAPAL ANG MUKHA – Sinabi ni DPWH Sec. Vince Dizon na medyo makapal ang mukha ni contractor Curlee Discaya kaugnay sa pahayag nito sa Senate Blue Ribbon Committee, na para bang gusto raw silang nakawan sa isyu ng "restitution" o pagsasauli ng pera na hinihingi ng DOJ para mapasok siya at ang asawa niyang si Sarah Discaya sa Witness Protection Program (WPP).

Mali ang pahayag ni Sec. Dizon na "medyo makapal ang mukha," dahil sa totoo lang, ubod nang kapal ng mukha ni Curlee pati ng misis niyang si Sarah Discaya, dahil itinuturing nilang sarili nilang pera ang bilyon-bilyong pisong in-scam sa kaban ng bayan. Period!

XXX

KAPAG GUILTY SA LAHAT NG KANYANG KASO, MALAMANG MABUBULOK DIN SA KULUNGAN SI CONG. BARZAGA – Matapos sampahan ni billionaire Enrique Razon si Cavite 4th District Rep. Kiko Barzaga ng kasong cyber libel sa Makati City Prosecutor's Office dahil sa alegasyong sinuhulan niya ang ilang NUP lawmakers para iboto bilang House Speaker si Leyte 1st Dist. Rep. Martin Romualdez, magkasunod din na kinasuhan si Cong. Kiko ng cyber libel nina NUP President at Antipolo City 1st Dist. Rep. Ronnie Puno sa Antipolo City Prosecutor's Office at NUP member, Manila 2nd Dist. Rep. Rolan Valeriano sa Manila City Prosecutor's Office.

Bukod sa mga kasong cyber libel, nauna na ring kinasuhan si Cong. Barzaga ng PNP-CIDG ng inciting to sedition at rebellion. Mayroon ding isinampang kaso laban sa kanya ang Dasmariñas Village Homeowners dahil sa panggugulo sa protesta sa harap ng Dasma Village, na nagdulot ng takot sa mga residente.

Kung mapatunayang guilty sa lahat ng kasong ito si Cong. Kiko, malamang ay hahantong siya sa pagkakakulong. Abangan!

XXX

DAHIL KAKASUHAN NA RIN SI SEN. VILLANUEVA, PARANG SINABI NA RIN NG DOJ NA SIYA NA ANG NEXT MAKUKULONG SA CITY JAIL KASAMA SI EX-SEN. REVILLA – Tatlong no bail na kaso ng malversation of public funds na may kaugnayan sa flood control scandal ang nakatakdang isampa ng DOJ laban kay Sen. Joel Villanueva.

Kumbaga, parang ipinahihiwatig ng DOJ na si Sen. Villanueva na ang susunod na makukulong sa city jail, kasunod ni former Sen. Bong Revilla. Abangan!

XXX

GOV. VILMA SANTOS-RECTO, 'NGANGA'  RAW SA MGA ILEGALISTA SA BATANGAS – Patuloy pa rin daw ang operasyon ng mga color games at drop balls nina "Aling Tessie" at "Baby P." sa iba't ibang lugar sa Batangas.

Hay naku, 2026 na pero hanggang ngayon ay tila hindi kumikilos si Gov. Vilma Santos-Recto laban sa raket ng mga ilegal sa kanilang probinsya. Tsk!

Bong, nasampulan sa flood scam, Jinggoy, Joel at Chiz, tiyak kabado na

ni Pablo Hernandez @Prangkahan | January 21, 2026

NO BAIL ANG KASO NI EX-SEN. BONG REVILLA NA POSIBLENG MABULOK SIYA SA KULUNGAN TAPOS INOKRAY PA SIYA NI USEC. CASTRO – Maituturing na pang-ookray kay dating Sen. Bong Revilla ang pahayag ni Presidential Communications Office (PCO) spokesperson Usec. Claire Castro na sinasabing magandang gesture ang pagsunod ng senador sa batas nang sumuko siya sa Philippine National Police (PNP) sa Camp Crame kaugnay ng mga kasong no bail na malversation of public funds at falsification of public documents na may kinalaman sa flood control projects scam.

Hindi dapat inilabas ang ganitong pahayag ni Usec. Castro, na tila nagpupuri kay ex-Sen. Revilla sa kabila ng seryosong mga kaso laban sa kanya. Ang mga kasong ito ay hindi biro—ito ay mga nakakahiyang kaso na may kinalaman sa pandaraya sa kaban ng bayan. Sa kabila ng nangyayari sa dating senador, nagawa pa rin siyang “okrayin” ng spokesperson ni Pangulong Ferdinand “Bongbong” Marcos Jr. Boom!

XXX

MATAPOS MAKULONG SI EX-SEN. REVILLA, HINDI MAN AMININ, TIYAK NA KINAKABAHAN NA SINA SENATORS JINGGOY, JOEL AT CHIZ – Hindi man aminin, tiyak kakaba-kaba sina Senators Jinggoy Estrada, Joel Villanueva, at dating Senate President Chiz Escudero. Kabilang sila sa mga politiko na iniuugnay sa flood control scandal.

Dahil nasampolan na si ex-Sen. Bong Revilla at naaresto sa kasong malversation of public funds at falsification of public documents, kapag sinampahan na rin sila ng Ombudsman at Department of Justice (DOJ) ng parehong uri ng kaso sa Sandiganbayan, susunod ang warrant of arrest at posibleng makulong din sila. Abangan!

XXX

BASH ANG INABOT SA SOCIAL MEDIA NI CONG. KIKO BARZAGA KASI NAGTAPANG-TAPANGAN SA PAG-ATAKE KAY BILLIONAIRE ENRIQUE RAZON AT NANG PATULAN, TUMIKLOP – Pinuputakti ngayon ng netizens sa social media si suspended Cavite 4th District Rep. Kiko Barzaga. Matapos siyang magtapang sa kanyang atake kay billionaire Enrique Razon, na tinawag niyang corrupt at evil, sinampahan siya ni Razon ng kasong cyber libel na may danyos na P100 milyon. Tumiklop ang kongresista, nag-public apology, at sinabi pa rin niyang gusto niyang makaharap si Razon para personal na humingi ng paumanhin.

Maba-bash si Cong. Kiko dahil nag-aastang matapang, pero kapag tinutulan, agad na tumiklop. Boom!

XXX

MAYOR BIAZON, 'NGANGA' LANG DAW SA MGA RAKET SA MUNTINLUPA CITY, KAYA ‘PAG NAPAHULI NI VICE MAYOR PANIE TEVES ANG MGA ILEGALISTA AT MAPA-STOP ANG MGA PASUGALAN, BAKA SIYA NA ANG MAGING NEXT MAYOR SA 2028 – Dahil tila wala raw aksyon si Mayor Ruffy Biazon at city chief of police Col. Robert Domingo sa raket ng Small-Town Lottery (STL)-con jueteng, bookies, at lotteng nina "Touche" at "Jojo," pati na rin sa mga saklaan ni "Walter" sa Muntinlupa City, marahil si City Vice Mayor Panie Teves na raw ang dapat kumilos.

Isa umano sa puwedeng gawin ni VM Teves ay hilingin kay Brig. Gen. Randy Arceo, director ng Southern Police District (SPD), na hulihin ang mga ilegalista at ipatigil ang mga raket ng STL-con jueteng, bookies, lotteng, at sakla sa lungsod. Kapag nagawa niya ito, mas lalo siyang makikilala at mapapamahal sa constituents, at malaki ang tsansa niya na maging susunod na mayor ng Muntinlupa City sa 2028 election. Period!