‘Padulas’ sa puslit na yosi, talupan

ni Ka Ambo @Bistado | August 10, 2026

Lubog na naman ang Metro Manila at iba pang lugar dahil sa “Habagat.”

Iyan ay dahil sa palpak na flood control budget modus ng mga buwaya.

----$$$--

Nauubos ang panahon at resources dahil sa kadadakdak at pagtutok sa imbestigasyon sa nilustay na halos isang trilyong piso mula sa kaban ng bayan.

Pero, malinaw na sangkot ang lahat ng panig.

Dahil sa lawak, ang mga anti at pro ay sabit din!

----$$$--

Pero, bukod sa paglustay ng budget, nasasapawan at nakakalusot ang tradisyonal na graft and corruption sa Aduana.

Kakambal ng Republika ng Pilipinas ang smuggling—sa panahon ng pagkakabuo ng burukrasya.

Hindi ito nareresolba!

----$$$--

May nagsasabi, “Kung may usok, may apoy.”

Ito ay kaugnay ng walang patumanggang pagpasok ng epektos sa Aduana.

Sa totoo lang, matagal na ang garapalang smuggling sa Customs.

Hindi kailanman naresolba ‘yan.

-----$$$--

Sa ngayon, isinasabit ang dalawang mataas na opisyal ng Bureau of Customs sa kabila ng iniyayabang na one-strike policy sa smuggling sa ilalim ng pamumuno ni “Kume.”

Maugong ang tsismis na halos P10 milyon diumano ang naging bigayan para sa tinatawag nilang “Direk See.”

Tsk!!

----$$$--

MAY nagsasabi na kinokolekta mismo ni Agent “Peepee” ang padulas.

Kinainggitan siya kasi dikit umano ito kay Kume.

----$$$--

Ayon sa ilang “marites”, may malaking halaga diumano ang tinanggap ng dalawang kumag sa Aduana. 

Nagsilbi daw na “padulas” bilang kapalit sa pagpapalabas ng kalahati sa mga ilegal na sigarilyo na nasabat ng BOC.

Huh? Maselan ‘yan. Totoo ba ‘yan?

-----$$$--

Ang padulas ay kompromiso kuno upang hindi makasuhan ng “agricultural economic sabotage.” 

Pero sumabit dahil kahit na “nagpadulas,” natuloy pa rin silang nakasuhan kaya nakulong na walang piyansa.

He-he-he!

-----$$$--- 

Dumaing na ang mga kolokoy kasi laging nangangako ang dalawa na matutulungan ang pobre pero, umabot na ng pitong buwan wala pa ring nangyayari.

Ano kayang “sey” dito ni Kume?

----$$$--

MAY kutob kasi ang ilang marites na wala talagang alam si Kume sa kabulastugan ni Direk See at Agent Peepee.

Sa bagay, puwede rin naman na simpleng kinukunsinti niya na ang dalawang ito. 

Mas mainam ay paimbestigahan niya ito upang malinis ang kanilang  pangalan at siyempre, malaman natin kung may katotohanan ang ikinakalat ng mga marites!

Abangan!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Pagpapabaya sa kalusugan ng anak, may pananagutang kriminal

ni PAO Chief Persida Rueda-Acosta @Magtanong Kay Attorney | August 10, 2026

Dear Chief Acosta,

May pamangkin akong menor-de-edad na madalas naming nakikita na bigla na lamang dagliang nanginginig at tumitirik ang mga mata. Sa kasamaang palad, ang mga magulang nito ay pinagwawalang-bahala lamang ito. Sinasabi nila na wala lamang ito at saka na lamang ipapatingin sa doktor ang bata. May pananagutan ba ang aking tito at tita dahil sa kanilang pagsasawalang-bahala sa kalagayan ng kanilang menor-de-edad na anak? — Jay

---

Dear Jay,

Sa ating Saligang batas, malinaw na itinatakda ang pananagutan ng Estado na protektahan at ipagtanggol ang mga bata sa anumang uri ng pang-aabuso at itaguyod ang mga karapatan nito. Isa sa mga pangunahing batas na tumutugon dito ay ang Republic Act (R.A.) No. 7610 o ang "Special Protection of Children Against Abuse, Exploitation and Discrimination Act." Sa Section 10 (a) ng nasabing batas, nakasaad na:  

Section 10. Other Acts of Neglect, Abuse, Cruelty or Exploitation and Other Conditions Prejudicial to the Child's Development. –

1.  Any person who shall commit any other acts of child abuse, cruelty or exploitation or to be responsible for other conditions prejudicial to the child's development including those covered by Article 59 of Presidential Decree No. 603, as amended, but not covered by the Revised Penal Code, as amended, shall suffer the penalty of prision mayor in its minimum period. 

Sa kaso na Gonzalo A. Araneta vs. People of the Philippines (G.R. No. 174205, June 27, 2008, Ponente: Honorable Associate Justice Minita Chico-Nazario), ipinaliwanag ng Kataas-taasang Hukuman ang nasabing probisyon: 

“Hence, the use of "or" in Section 10(a) of Republic Act No. 7610 before the phrase "be responsible for other conditions prejudicial to the child's development" supposes that there are four punishable acts therein. First, the act of child abuse; second, child cruelty; third, child exploitation; and fourth, being responsible for conditions prejudicial to the child's development. The fourth penalized act cannot be interpreted, as petitioner suggests, as a qualifying condition for the three other acts, because an analysis of the entire context of the questioned provision does not warrant such construal.”

Maliwanag sa nabanggit na anumang aksyon o di pag-aksyon na makasasama sa paglaki ng isang bata ay may kaakibat din na pananagutang kriminal na may karampatang kaparusahan. Sa kalagayan ng iyong pamangkin, ang pagsasawalang-bahala ng kanyang mga magulang ay maaaring magdulot ng masamang epekto sa kanyang paglaki. Ang agarang atensyong medikal ay kinakailangan upang matiyak na ang kanyang nararanasan na panginginig at pagtirik ng mga mata ay hindi mapanganib sa kanyang buhay. Sa gayon, habang maaga ay maagapan at magawa ang nararapat na gamutan. Kung patuloy na ito ay ipagsasawalang-bahala lamang ng kanyang mga magulang, maaari silang managot sa ilalim ng ating mga batas.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.

P12 ayuda sa petrolyo, pampalubag-loob sa naghihikahos na driver

ni Pablo Hernandez @Prangkahan | August 10, 2026

TANGGAPIN KAYA NI DEFENSE SEC. TEODORO ANG HAMON NI VP SARA NA PANGALANAN ANG MGA OPISYAL NA PRO-CHINA? – Matapos ianunsyo ni Defense Sec. Gibo Teodoro na dapat mag-resign ang mga government officials na pro-China, hinamon ni Vice President Sara Duterte ang defense secretary na pangalanan ang mga tinutukoy nitong pro-China.

Tanggapin kaya ni Sec. Teodoro ang hamon ni VP Sara? Pangalanan kaya niya ang mga Philippine government officials na pro-China? Abangan!

XXX

DAPAT RUMESBAK SA 2028 ELECTION ANG MGA BIKTIMA NG BAHA, IBASURA ANG MGA PULITIKONG SANGKOT SA FLOOD CONTROL SCANDAL – Muling nilubog sa baha ang iba't ibang lugar sa bansa dulot ng malakas na buhos ng ulan na dala ng Habagat. Ang mga binahang lugar na ito ay kabilang sa mga natuklasang sangkot sa flood control projects scam.

Sa 2028 elections, dapat resbakan ng mga mamamayan sa mga lugar na binaha ang mga senador at kongresistang sangkot sa flood control scandal. Kung muli nilang ihahalal ang mga ito, tiyak na ibubulsa na naman ng mga politikong ito ang pondo para sa flood control projects. Period!

XXX

BANGAYANG SEN. LACSON AT SEN. CAYETANO, TULOY PA RIN – Nabigo ang mga kapwa nila senador na pagkasunduin ang nagbabangayang sina Sen. Ping Lacson at Sen. Alan Cayetano.

Dahil d’yan, asahan nang magpapatuloy ang bangayan nina Sen. Lacson at Sen. Cayetano. Boom!

XXX

SA HALIP NA P12 FUEL SUBSIDY, DAPAT TANGGALIN ANG VAT SA LANGIS AT OIL EXCISE TAX – Sa Agosto 15, 2026, sisimulan na ng pamahalaan ang P12 kada litro na fuel subsidy para sa mga pampublikong sasakyan.

Napakaliit ng P12 na iyan kung ikukumpara sa halos P100 na itinaas sa presyo ng krudo kada litro.

Kung nais talaga ng Marcos administration na makatulong sa mga tsuper ng public transport, dapat nang tanggalin ang value-added tax (VAT) sa langis, pati ang fuel excise tax. Period!