Panibagong batch ng mga ‘sundalo,’ ilalabas para mas palabuin ang isyu

ni Ka Ambo @Bistado | March 16, 2026

Nagkakainitan nang todo ang US at Iran. 

Parang ganyan din ang away nina Sen. Ping Lacson at Sen. Rodante Marcoleta. 

Kumbaga, bomba kontra bomba. 

—$$$–  

INAAKUSAHAN kasi si Lacson na itinatago at ikinukubli si ex-Speaker Martin Romualdez. 

Ayon kay Marcoleta, gamit na panggalang ang inter-parliamentary courtesy.

Paktaylo.

 —$$$–

SA diskarteng takipan, masisira ang kredibilidad ng Blue Ribbon Committee at maging ang kabuuan ng Senado. 

Ipinapatawag at inuusisa ang resource person na walang gaanong alam at nakakaiwas ang mga aktuwal na sangkot sa katiwalian.

 —$$$–   

PUMAPALAG si Marcoleta. 

"Hindi po karaniwang pagnanakaw ang nangyari sa kasaysayan ng ating bansa, mismong kaban ng bayan ang tumagilid? Pagkatapos magtatago kayo sa prinsipyo o doktrina ng inter-parliamentary courtesy?”

 —$$$– 

Lumala ang sitwasyon nang lumutang ang 18 ex-Marines.

Aktuwal silang nagbunyag ng personal nilang karanasan sa pagdeliver ng  maleta- maletang pera sa mga kilalang pulitiko.

Hindi ito isang tao, kundi kolaborasyon ng 18 testigo.

 —$$$–  

MARAMI ang nagtatanong kung ito ba ay tunay na whistleblowing o bahagi ng panglilito upang mailayo ang atensyon sa sentro ng imbestigasyon.

May mga bulung-bulungan pa na ang nasabing press conference ay pinondohan umano ng kampo ni Romualdez upang guluhin ang takbo ng mga pagdinig. 

He-he-he!

—$$$– 

Totoo kaya na may ikalawang batch daw ng mga “sundalo” na ilalabas sa mga susunod na araw?

Mula naman daw ito sa ibang grupo, pero-pareho ang layunin—ang maglabas ng panibagong kwento na magpapalabo sa isyu. 

Ha-ha-ha!

—$$$– 

KUNG may mga pangalan na paulit-ulit na lumilitaw sa mga alegasyon, hindi makaiwas dito ang pangalan ni Romualdez.

Dapat itong iprayoridad dahil nakataya ang national interest. 

----$$$--

NGAYON, may bagong pokus ang lahat—giyera sa Middle East at ang economic crisis dahil aabot sa P200 ang presyo kada litro ng petrolyo.

Matatabunan ang isyu sa flood control at pandarambong.

Hay, buhay!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Mga kondisyon sa pagsali ng dayuhan sa unyon ng mga manggagawa

ni PAO Chief Persida Rueda-Acosta @Magtanong Kay Attorney | March 16, 2026

Dear Chief Acosta,

Nalaman ko na ang mga manggagawa diumano ay may karapatan sa sariling organisasyon o sumali sa unyon para sa kapwa kapakanan at ikabubuti ng bawat kasapi nito. Kaugnay nito, nais kong malaman kung sakop ba ng nasabing karapatan sa pag-oorganisa maging ang mga dayuhang manggagawa (alien employees)? — Brent

---

Dear Brent, 

Ang sagot sa iyong katanungan ay matatagpuan sa ating Saligang Batas at sa mga kaugnay na alituntunin. Para sa iyong kaalaman, ang karapatan sa sariling organisasyon, sama-samang pakikipagkasundo (collective bargaining), at negosasyon ay ginagarantiyahan ng ating Saligang Batas sa ilalim ng Artikulo XIII, Seksyon 3, na nagsasaad ng mga sumusunod:

“Section 3. The State shall afford full protection to labor, local and overseas, organized and unorganized, and promote full employment and equality of employment opportunities for all.

It shall guarantee the rights of all workers to self-organization, collective bargaining and negotiations, and peaceful concerted activities, including the right to strike in accordance with law. They shall be entitled to security of tenure, humane conditions of work, and a living wage. They shall also participate in policy and decision-making processes affecting their rights and benefits as may be provided by law.”

Hinggil sa nabanggit, ang karapatan ng mga manggagawa sa sariling organisasyon ay nangangahulugang may karapatan silang magtatag, sumali, o tumulong sa mga samahang paggawa na kanilang malayang pinili para sa layunin ng sama-samang pakikipagkasundo (collective bargaining) sa pamamagitan ng mga kinatawan na kanilang pinili; makilahok sa sama-samang pagkilos para sa layunin ng collective bargaining; at iba pang anyo ng pagtutulungan o proteksyon para sa kanilang kapakanan.

Kaugnay sa iyong katanungan, nilinaw sa Section 2, Rule II, Book V ng Omnibus Rules Implementing the Labor Code, na inamyendahan ng Department Order No. 40-C-05, na inilabas ng Department of Labor and Employment (DOLE) noong ika-7 ng Marso, 2005, na maaaring magkaroon ng karapatan ang mga dayuhan sa sariling organisasyon, o sumali sa mga unyon ng mga manggagawa:

“SECTION 2. Who may join labor unions and workers' associations. — All persons employed in commercial, industrial and agricultural enterprises, including employees of government owned or controlled corporations without original charters established under the Corporation Code, as well as employees of religious, charitable, medical or educational institutions whether operating for profit or not, shall have the right to self-organization and to form, join or assist labor unions for purposes of collective bargaining: provided, however, that supervisory employees shall not be eligible for membership in a labor union of the rank-and-file employees but may form, join or assist separate labor unions of their own. Managerial employees shall not be eligible to form, join or assist any labor unions for purposes of collective bargaining. Alien employees with valid working permits issued by the Department may exercise the right to self-organization and join or assist labor unions for purposes of collective bargaining if they are nationals of a country which grants the same or similar rights to Filipino workers, as certified by the Department of Foreign Affairs, or which has ratified either ILO Convention No. 87 and ILO Convention No. 98.”

Alinsunod sa mga nabanggit, ang mga dayuhang manggagawa na may balidong permit sa pagtatrabaho na inisyu ng DOLE ay maaaring gamitin ang karapatan sa sariling organisasyon, at sumali o tumulong sa mga unyon ng mga manggagawa para sa layunin ng sama-samang pakikipagkasundo (collective bargaining), kung sila ay mamamayan ng isang bansa na nagbibigay ng kapareho o katulad na mga karapatan sa mga manggagawang Pilipino, na pinatutunayan ng sertipikasyon mula sa Department of Foreign Affairs (DFA), o nagratipika sa alinman sa International Labour Organization Conventions No. 87 at 98.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.

Sen. Lacson, oras na para bigyang-pansin ang hirit ni Sen. Imee na imbestigasyon sa male-maletang pera

ni Pablo Hernandez @Prangkahan | March 16, 2026

DAPAT PAGBIGYAN NI SEN. LACSON ANG HIRIT NA IMBESTIGASYON NI SEN. IMEE SA MALE-MALETANG PERA PARA MATAPOS NA ANG ISYU – Pinanindigan ng 18 ex-marines, na dating security aides ni former Cong. Zaldy Co, na sila ang nagdala ng male-maletang pera kina Pangulong Ferdinand “Bongbong” Marcos Jr. (PBBM), former Speaker Martin Romualdez, at sa iba pang pulitiko at opisyal ng gobyerno.

Dapat bigyang-pansin ni Senate President Pro Tempore Sen. Ping Lacson, chairperson ng Senate Blue Ribbon Committee, ang panukala ni Sen. Imee Marcos na imbestigahan ang isinumbong ng 18 ex-marines. Kung balewalain lamang ito, maaaring hindi matapos ang deliberasyon hinggil sa alegasyong kickback sa mga tiwaling politiko at opisyal ng gobyerno. Boom!

XXX

SA TRUST AND SATISFACTION SURVEY, TOP SI SEN. BONG GO, NAUNGUSAN NIYA SINA MAYOR LENI, SEN. RAFFY TULFO AT VP SARA – Sa pinakabagong survey ng Tangere Research Firm tungkol sa trust at satisfaction ratings ng mga pangunahing personalidad sa bansa, nanguna si Sen. Bong Go na may 64% rating. Pumangalawa si Naga City Mayor at dating Vice President Leni Robredo sa 59.2%, sinundan ni Sen. Raffy Tulfo sa 57%, at si VP Sara Duterte naman ay 55%.

Hindi nakapagtataka ang mataas na rating ni Sen. Bong Go dahil sa loob ng Senado ay marami siyang naipasa at naitaguyod na batas sa larangan ng health care at edukasyon. Sa labas naman ng Senado, kilala siya sa agarang tulong sa mga kababayang biktima ng kalamidad at sunog.

Kaya kung sakaling ma-impeach si VP Sara at mapaniwala si Sen. Bong Go ni dating Pangulong Rodrigo Roa Duterte na tumakbo bilang presidente, malaki ang posibilidad na ang magiging presidente pagkatapos ng 2028 presidential election ay manok pa rin ng dating pangulo. Period!

XXX

SA MGA SURVEY, UNBEATABLE SINA VP SARA AT SEN. BONG GO KAYA'T KAPAG NAGWAGI SILA SA 2028 ELECTIONS, MATATALA SA KASAYSAYAN NA PAREHONG TAGA-DAVAO CITY ANG NANALONG PRESIDENTE AT VICE PRESIDENT – Sa pinakahuling popularity survey ng Tangere para sa 2028 presidential at vice presidential elections, nanguna si VP Sara para sa pagka-presidente, habang si Sen. Bong Go naman ang nangunguna sa pagka-bise presidente. Kung hindi ma-impeach si VP Sara at tatakbo si Sen. Bong Go bilang bise presidente, tiyak na matatala sa kasaysayan ng Pilipinas na parehong taga-Davao City ang magiging presidente at vice president. Abangan!

XXX

TILA PABIDA LANG NG ICI ANG IBINULGAR NILA NOON TUNGKOL SA 8 CONG-TRACTOR KASI HANGGANG NGAYON, WALA PANG NABABALITAAN NA KINASUHAN SILA – Noong Nobyembre 2025, ibinulgar ng Independent Commission for Infrastructure (ICI) na may walong kongresistang kontraktor, o “cong-tractors,” na sangkot sa flood control scandal. Ngunit tila pabida lamang ang ICI, dahil hanggang Marso 2026 ay wala pang balita kung sinampahan na ng kaso sa Office of the Ombudsman ang walong nabanggit sa plunder at malversation of public funds. Tsk!